الاخ شقران وكل من يعرف اي جهاز وارييل وامبي اشتري ؟

[جنتلـ]

السلام عليكم ورحمة الله وبركاته

اولا اشكركم جميعا لما تقدموه من معلومات ثمينة في هذا المنتدى وخاصة الاخ شقران

انا اريد ان احصل على جواب كافي ومقتع لشراء :
جهاز لاسلكي جديد افضل نوع ؟
ارييل جديد افضل نوع ؟
امبيي جديد افضل نوع ؟
محول كهراباء افضل نوع؟
طول ارتفاع الارييل ؟
دايركشن افضل نوع ؟

اتمنى الحصول على افضل هذه الاجهزة بشرط ان تكون متناسقة وعملية مع الاسعار
فمثلا :الجهاز ايكوم2100 الاريل ستيشن 3 وصل المحول 25-27 وهكذا....

وشكرا لكم
الكشميري

[الخبير]

السلام عليكم
بالنسبة للاسلكي انا انصح بالآيكوم 8000 وبقوة لأنه أفضل الموجود.
اريل سيارة انصح بلارسن أو كومت ( إذا كنت تبي تراسل بإمبي أو إذا كنت تراسل متحرك ) أما إذا كنت تراسل ثابت فخذ دايموند 22L
الأمبيات أنواع واسعار انت وين تبي تاصل ووين تبي تركبه ( في السيارة ولا البيت ؟)
طول إرتفاع الإريل: كل ما طال إرتفاع الإرييل كلما زان الإرسال.
محول الكهرب عليك بالأمريكي.
الدايركشن: ما اعتقد إن فيه أفضل من كوش كرافت دبل 18

[جنتلـ]

تسلم والله اخوي الخبير على ردك
انا ان شاء الله ابركبه بالبيت
وانا الاان الاغراض اللي عندي
ايكوم 2100 وستيشن دايموند 3 وصلات و الارتفاع 18 متر و محول الكهرب موها 20-24

لكن ما عجبني الارسال
بس اعتقد ان كوش كرافت دبل 18 كبير حجمه اذا كان في البيت وخاصة اذا كان على ارتفاع

انا ابي شي معقول يكون والسعر ماعندي مشكلهز

[الخبير]

فعلاً دايركشن كوش كرافت حجمه مهوب سهل ولكنه ياصل لمناطق ما ياصلها غيره.
عموماً عندك ستيشن كوش كرافت هذا رائع وقوي جداً وخصوصاً إذا انظمت للمجموعة امبي قوي 350 واط فما فوق .

لكن عموماً الإرسال يعتمد على عدة أشياء:
- الأجهزة المتوفرة: فأنت تقول ان عندك آيكوم 2100 وهو جهاز قوته 55 واط ( ولكن أنصحك لو تبي تغير خذ آيكوم 8000 ) هذا جهاز أساسي وموجود.
- الأنتل أو الإستيشن أو الدايركشن: طبعاً لكل واحد منهم قوته وصلبته، فمثلاً الأستيشن أقوى من لاأنتل وأكثر منه تحمل ولكن ألأنتل أنسب على السيارات والأستيشن أفضل على البيت والدايركشن أفضلهن كلهن، الدايركشن يستقبل الإشارة المحيطة به يعني 360 درجة أما الدايركشن فهو يستقبل في مجال واحد يعني 90 درجة تقريباً. احرص على الأصلي وخذها قاعدة إذا كنت تبي توصل بعيد لابد ترخي يدك.
- المحول وموجود.
- الأسلاك: هذي النقطة مهمة فالبعض يروح يشتري كيبل من إلي موجود في السوق إلي سعر المتر فيه ب 2 ريال إلى 3 ريال، ولكن مشكلة السلك هذا معامل الفقد فيه كبير، انا أنصح بنوع ثاني موجود عندنا في السوق نوع بلدن 9913 وهذا متره ب 10 ريال ولكنه رجال وتبي تشوف الفرق خصوصاً إذا كنت تستخدمه في البيت.
- الأمبي: كل مازادت الواطات اعرف أن إرسالك يبي يقوى، أعطيك مثال: هذا واحد من الشباب شراى له امبي قوته 350 - 400 واط ( ما اذكر بالضبط ) وهو ساكن في شقراء كان إذا راسل بالمد ووجه على الرياض غطى على العامة ( تخيل ) وهذا شئ شفته بنفسي. ولكن كل ما زادت قوة الأمبي كلما احتجت محول كهرباء أفضل وأقوى.
- الراجع: كل ما ضغط الريشة كانت فيه نسبة راجع أحياناً تكون كبيرة وأحياناً لا، احرص على أنها ما تتجاوز 1.5. لأنه كلما زاد الراجع كلما نقصت الواطات يعني لو كان الراجع عالي يمكن ما تكون ترسل إلا ب 40 واط بس أو أقل.

[عــ999ـــادل]

السلام عليكم ورحمة الله وبركاته

بسم الله الرحمن الرحيم


خذلك جناح واحد 13B2

فرار تشنل ماستر الامريكي

طبعا ال 13B2 للأسف الموجود عندنا بديره تجاري


انصحك من ناحية الاستيشنات تاخذلك فيرتكل 7.5 ممتاز جدا خصوصا انه يتحمل الى 1 كيلو يعني 1000 وات

وترى الموجود بسوق ابو 400 ريال او حولها تجاااري ولا يمت للأصلي باي صله ومجرب وزي قلته


او اذا لقيت 8.3 دايموند الاصلي فممتاز ويتحمل الى 250 وات تقريبا


الامبي للأسف كلها تجاري
لكن اذا تبي امبي جيد فخذ لك 300 وات الازرق بعد التأريض الجيد والتهوية الممتازة
والمحول الي شغال علية يكون 85 - 80 امبير بس ماترخي يدك واجد على الريشه

اعتقد انه راح يوفي ويكفي خصوصا انه يطلع من 400 الى 500 وات او اكثر شوي

وبعد كذا حاول تجيب لك هندل 24 او 36 متر وكيبل نوع ممتاز مثل ماقال مشرفنا الخبير

وبعد التأريض الجيد اعتقد ان ارسالك بيفرق بكثير للمسافات البعيده



وتحياتي
http://www.mekshat.com/pix/upload/images4/mk8328_dd123.jpg

[جنتلـ]

شكرا اخوي الخبير وعــ999ـــادل
عل الرد

انا قريت عن ايكوم 8000 بس اعتقد مشكلته في قطع الغيار
وبرضه الامبي 300 واط مشكلته على طول الايسيه تحترق
وفيه اقترح وصلني هو :

ايكوم 2100
اريل استيشن دايموند
امبيي 200-او 250 واط
الارتفاع تكونالماصورة ثلاث اجزاء 9+9+9= 27 متر
وش رايكم فيه؟؟؟؟!!!!!

[الخبير]

السلام عليكم
اشوف فيه اشاعة تقول ان الآيكوم 8000 ماله قطع غيار! ياجماعة ترى ال 8000 جيد وقطعه متوفره.

الأمبي تحترق الآيسيات إذا علقت على الريشة مدة طويلة وأيضاً إذا كان تشبيكك كلام فاضي.

وإقتراحك عموماً جيد إذا كنت ناوي عليه فبالتوفيق.

[عــ999ـــادل]

تمام

خذها قاعده على قد ماتدفع على قد مايقوى ارسالك

والله الله في التأريض والتوصيل السنع

ومبروك مقدما :rolleyes: :rolleyes:

[جنتلـ]

اشكركم على التفاعل السريع

وان شاء الله اجرب المره هذي واقولكم النتيجة