عطوني رايكم

[صغيرون UAE]

السلام عليكم أخواني الاعضــاااء

انا نزلت موضوع بنه طيري غداا والله عقـله الحمدلله وطيــر

عند واحد من ربع الوالد الوالد كلمه عن الطيــر ونا عطيته مواصفاات طيري قال الموصفاات كلها غلط وشي شهوود

شي شهود يشهدون بأن طيري عنده قتله يرياال خل عنك قال مب طيركم قتله خلنا نجيكم ونشوفــه

قال لااء الطير انا صاايدنه ومايصير تشووفوونه وقال انا طالب فيه 10 آلااف درهم قتله هااذاا طيري

قال تباه تعال شترره قتله لو عندك ضمير رده وأذا ماعندك ترااه من صوبك ....... عطوني رايكم يصح لي اني اجوف الطير ولا مايصح لني نشرت الخبر بفقدانه

وطير انصااد قريب من منطقتناا ؟؟ عطوني رايكم

[روووح]

ما يصح انك تشوف الطير الا اذا قلت المواصفات الصحيحه

[صغيرون UAE]

تراني قلت اني عطيته وشي شهوود يشهدون بنه طيري

[aljubail]

مايحقلك تشوف الطير الا اذا قلت وصف الطير للي عقله

واذا عندك صور لطيرك ولا شي

وره اياه

[بحرة حوشان]

السلام عليكم ورحمة الله
اخوي مبين على الرجاال الي طارح الطير موتكانه شلون يقول انا طارح الطير وابي ابيعه يمكن الطير طيرك ويمكن طير رجال ثاني ماله حق يتصرف بالطير لين يدور عليه حول كامل مع هذا لازم يعلن عنه عند الصقاقير
كلموه مر ه ثانيه وعطوه مواري طيرك وانشاله اذا هو طيرك يبي يجيبه وعسى الله يرده لصوابه

[العمراني]

ياااخووي وسع صدرك رجال كبير وهاذا هرجه هاذا مع احترامي للوجود فاطس يعني فاارغ مابه ذره رجوله طيرك ويبي يبيعه والله لا اولع في سيارته ويرد الطير من فوق خشمه

[صالح الحارثي]

ترى قال لك الرجال ان المواصفات كلها غلط...

وبعد تقول طيري؟؟

[صغيرون UAE]

يخوااني أنا فمنطقـــه مافيها صقارين كثاااار ونا صغير فلعمر عمري 16 وهوه 25 ونا رمسته قتله مواصفات طيري قالت ماهي بمواصفاته قتله قتله خلني اجووفه قاال لااء تبا تشتريه حيااك وصدقوني شي شهوود جافو طيري وكانو ويااه يوم صاده وطيري فيه حجوول وواحد من ألي يعرف الرجاال سافر وهوه يعرف علوم طيري وكل شي لكنه مهب موجوود وهووه اول مره يصيد له طيـــر هووه مايعرف لطيوور وفعمره مانقل طيــر

[@قرناص@]

آخوي..

ماتقدر ننآكد من الطير بنظر آليه..

ولا الشهود يقدرون ..

وفيه طيور تشبه الثآنيه

وان كانت الآوصآف لا تطآبق الطآئر الموجود مع الاخ الي صآده

وقآلـ لك لآ ماهو هو

فمآ تستطيع اجبآره وان كان كآذب سوف يحآسب يوم القيآمه

والله يرزقك ويعينك ووييسر دربكـ،

[صغيرون UAE]

يخواااان محد ينقل طيور عندناا الا القليل وطيري فيه حجوول وشي شهوود عرفو طيري وكلمووني وقالو طيرك موجود

[الغادي4500]

تبي الشور اللي علية الكلام

قل للي طرح الطير دامة ما يعرف الطيور يودية عند اي صقار معروف في ديرتكم يشوفة ويتوكد منة وانت اذا شافة الصقار لا تشوفه ما لك اي حق انك تشوفة اوصف الطير للصقار اللي شافة اذا كانت الاوصاف مطابقة او على الاقل 80% منها فهو طيرك واذا والله انك اخطيت الوصف فالله يعقل عليك طيرك ويعقل علي طير وتصبر وانا اخوك العوض على الله ما على ما خلوق عوض.......

وسلامتك
تقبل تحياتي ومروري

[الحر 911]

اخوي كلام الاخوان صحيح وليس من حقك انك تشوف الطير .. الطيور تتشابه وانا اخوك بس الحجول موجوده ولا لا .. انت حاط رقمك .. استفسر من الشباب اللي شافوة يتاكدون من الحجل اللي حطيته وشوف هو نفسه ولا لااا ويمكن انه صايده من الفلاء اذا انه طيرك بيرجع لك انشاء الله

[أبو رماح]

شوف يخوي الى فيه خير فصدك يرجعلك وانشاءالله يرجعلك
أبو رماح

[المعبي1]

مايحق لك تشوف الطير
لكن مادام تقول ان عندك شهود يشهدون ان الطير لك وانت متأكد من كلامهم اذا يمكن تقديم شكوى وتقديم شهودك وتأكد ان الحق مايضيع اذا مااخذته بالدنيا بتأخذه بالاخره (والاخرة خيرا وأبقى )

[مساعد99]

على ماقال بعض الاخوان ما يحق لك تشوفه الا اذا قلت اوصافه كامله
واذا كان الرجال ماعنده خبره في هذه الامور . لازم يوديه الى اي واحد صاحب خبره
وتقول له الاوصاف .
ونصيحتي لك لاتأخذ برأي العضو ( العمراني ) الرد رقم 6
لكن اصبر ووسع صدرك يااخوي ..
ولك تحيتي

[سلطان 1]

ياخوي بسيطه قله خلاص انا بشري الطير ورح له ومعك ربع واذا شفت انه طيرك خذه واذا مهوب طيرك قل ما صلح لي الطير 0
وكذا خلصت منه ومن غيره 0

[صغيرون UAE]

الله يصبرني أنشالله وفالكم طيب

[مشبر البران]

لو تسوي زي ما قالك الأخ راعي فاروق ازيلك

[صغيرون UAE]

يخواااني جفت الطيــر وظهر يشابه طيري بظبط والصراحــه ستحيت من الرجااال والله انه رجال فطين والطير ماشالله عليه ألي مصيوود حـر مسكت وسبوق لااكن فيـه عله سوماار ضاربنه سلامي لكم