تقوية البطاري

[الريح99]

اخواني الاعزا اذا انتهى كهرب يطارية السياره هوناك حل مؤقت لشحن البطارية مرة اخرى اذا كانت لا تشغل السيارة
وخصوصا لاصحاب السيارة التماتيك
1 اطفاء كافة الانوار
2 احظر ثلج في كيس بلاستك وضعه على البطارية لمدة 30 دقيقه ثم شغل السيارة
الطريقه مجربه ومفيدة جدا
ولكم تحياتي

[مـرمـر زمـانـي]

الحمدلله والصلاة والسلام على رسول الله وعلى آله وصحبه أجمعين

اخي العزيز ان تبريد البطارية يودي الى فقدها لقدرتها الكهربائية ، وهذا حقيقة علمية ثابتة .

واكثر من من يعاني من هذه المشكلة هية الطائرات عند التحليق على ارتفاعات عالية تصل درجات الحرارة الى اكثر من 50 تحت الصفر ، ولتغلب على هذه المشكلة يتم تسخين صندوف البطاريات طول مدة الرحلة.

[أيمن]

صدقت أدموس ..
بل في بعض الأيام الشتوية وعند الصباح يضطر البعض في أماكن باردة جدا من فك البطارية ووضعها في ماء حار ومن ثم تصبح جاهزة للعمل ..

تحيتي

[خشم الحصان]

الاخ الغالي
الريح 99
السلام عليكم
اخي الحبيب انت متاكد ان كانك ماكد الله يجزاك خير نبي نجرب بس احد يلقاء ثلج في الصيف ياخيي ذبنا حنا تبي الثلج يبقي وبعدين تري عندنا شمس مهيب شموسهم.
الاخ ايمن الله هداك تفك وتحط في مويه حاره والاخ ادموس يقول ان بطاريات الطيارات يحطونها في صناديق حاره
الحين اربشتونا :mad: من عنده العلم الوكاد انهجو عطوناه:confused:
اخوكم
خشم الحصان:(

[أيمن]

عزيزي الغالي خشم الحصان ..
المراد تدفئة البطارية بأي وسيلة .. فكها ولا وضعها بصناديق حارة الأمر واحد ..
يا حبيل قليبك :D ..

تحيتي

[خشم الحصان]

الاخ الغالي
ايمن
السلام عليكم
ياخيي لوك مخليها علي طمام المرحوم كان احسن تبيني ادفي بطاريه الا وش رايك ارقدها معي في الفراش مهمب احسن ثم اذا قمت الصبح ولاها مندفقه ثم حلها يامشرفنا الغالي تخيل واحد راقد مع اسيد:confused:
انتم اثرتو موضوع عطونا الزبده نلحفا ولا نحطها في الفريزار انهجو علينا
اخوكم الي اربشتوه:mad:
خشم الحصان

[القضاع]

السلام عليكم ورحمة الله وبركاته

مساكم الله بالخير.
فيه جهاز يبيعونه في محلات الزينه صغير مثل الشنطه وخفيف . هذا ممتاز جدا ومجرب وهو عباره عن شاحن للبطاريه وممكن تولع عليه اكثر من لمبه وتنقله معك كل مكان ممكن يولع اللمبه داخل الخيمه لمدة 8 ساعات متواصله واذا فضى تعبيه على كهرب البيت لمدة 4 ساعات تقريبا. وممكن تشحن بطارية السياره منه وممكن تشحنه من بطارية السياره ايضا.
فانصحكم تشترونه وتشحنونه وتخلونه بالسياره للحاجه. وبعض انواعه تجي لمبته منه وفيه.
واسف على الاطاله ودمتم سالميييين

[ساري نجد]

سلااااااااااااااااااااام

وهو صادز خشم الحصان اربشتونا

انا اخبر منووووووول اذا عندك بطاريه - او حجاااار مثل ما نسميها - في رادو او لعبه وخلصت البطاريه ..... نقوم نحطها في الفريزر ثم نرجع ونركبها وتشتغل لها شوي ثم يخلف الله..... الزبده انها تنشحن مره ثانيه مع التبريد

وش السواة نحطها في الفريزر او في الفرن؟؟؟؟

وسلااااااااااااااااااااام

[تواق]

شباب والله اني ضحكت على اخوي خشم الحصان خصوصا يوم يقول تخيل الواحد يقوم
ولهو راقد منقع بي اسيد

اسلوب جميل جدا خشم الحصان

اخوكم / تواق

[الضاري]

مساء الخير ياشباب..

الا يوم فتحتو هالموضوع أبسألكم..

هل يوجد جهاز يقوم بشحن البطارية اذا كانت البطارية داخل دائرة كهربائية..

يعني ..

بطارية مفكوكة من سيارة أو جديدة المهم .. ماهي فاضية
+
لمبة
+
أجهزة تشتغل على البطارية
+
شاحن يقوم بأعادة شحن البطارية علشان ما تفضي.. ( وهذا اللي أبحث عنة)


هل يمكن تصليح هذة الدائرة الكهربائية..

تحياتي للجميع

[أبو يوسف]

اظن كل الحالتين صحيحة

مثلا
يقول اخوي ساري نجد انه يحطها بالفريزر وترجع بض الشيء
وحنا كنا نفوحها مع الماء والملح :)
وترجع شوي
والله اعلم

[خشم الحصان]

الاخ الغالي
ابو هديل
السلام عليكم
اقول اخيي هذي صارت مرقه بطاريه وش رايكم نشربها يالربع وركم ضهرتو عن الجاده الي عنده مربط الفرس يعلمنا اخاف باسر يجي واحد ويقول اطبخوها مع عكرة ضب احول تدرون العلم عندي اذا شفة البطاريه
بدة تخوزل طق وحدة جديده وترك عنك لحف او اسدحا في فريزر الحين مالقينا مكان بارد نقعد فيه نحط بطاريه
خوش انتم يالي نفضتو جلال الموضوع وينكم بس توهقونا تروحون
اخوكم
خشم الحصان

[أبوشهد]

أنا أقول ركب بطارية ثانية أحسن لك تحتاجها لتوليع الأنوار بالبر ولا تلعب بطاريتك
وأقول لكم مرة خربت علي البطارية الرئيسية وحطيت أشتراكي من بطاريتي الثانية يعني ما شاء الله ارضع من ديدي
تكلفة تركيب البطارية الثانية وتوابعها مثل شبك الولاعة عليها وتركيب محول كهربائ كلة ما يكلف 500 ريال بما فيها البطارية
كذا أسترح وأرح
العملية مجربة ممتازة جدا ومريحة وتعطيك أمان وأنت مشغل لمبت الكبوت مثلا أن البطارية ما عليها

[*القبطان*]

الفكرة ممتازة جداً

مشكور اخوي الريح99

[بــرق الشمال]

مناقشه جميله وموضوع جميل ولكن عندي حل لاتبرد ولاتدفى الي هو
جهاز تقوم بشحنه وله كماشات(مقابض)تضعها على اصابع البطاريه وتشحنها
وبعدين ماعليك الاان تقوم بتشغيل السياره وميزتها انه ماتاخذ منك وقت ولكن الجهاز غالي
شوي من280 الى340 ريال تقريبا واذا قال احد منكم انه غالي يعني يشري له 3بطاريات
افضل من الجهاز اقوله انت قد تكون في اي مكان في بر بحر بعيد عن القرى مثل الى يقطعون
مسافت طويله(الدهناء-الربع الخالي-النفود الكبير)او اي مكان في هاذي الحاله ماراح ينفعك
بعد الله الى هذا الجهاز...؟؟؟
وكان بودي لو اني جايب صورت الجهز ولكن احاول بأذن الله
انتظر ردودكم وتأييدي او المعارضه

[بدوي متحضري]

السلام عليكم ورحمة الله وبركاته
والله شغلة هالبطارية والبطانية لكن العلم الأكيد هو تسخين البطارية وليس تبريدها ، وممكن أن تبدأ بالتجرية الفعلية على بطاريات الراديو والمسجل إذا خلصت البطارية حطها في طاسة أو ماعون وصب عليها ماء حار وخلها خمس دقايق ثم يمكنك إستخدامها .. وهذي مجربها عند الضرورة عشان ماتقولون إني قعيطي:):)وسلامتكم....

[mmalmousa]

هههههههههههههههههههههه
انا شفت منتديات فيها منسمين..لكن ما شفت منتدى منسم مثل ها المنتدى هههههههه
واحد يبي يلحف البطاريه
والثاني يبي يحطها بفريزر
والثاني يبي يحطها بمايكرو ويف:D تنسيييييييييييييييييييييييييييييييييييييييييم

شوفوا يا بقابيق عيني<-- بقابيق عيني تعني في اللغه " يا بؤبؤ عيني":eek:

شوفو يا جماعه
اذا عندك مشكله وتبي لها حل لازم تدرس جميع الاحوال المحيطه بالمشكله
يعني مثلا
لو فضت عليك البطاريه في المدينه بتكون الاحوال المحيطه غير لما تفضى عليك بالبر
ولما تفضى عليك بالبر بتكون الاحوال المحيطه غير وانت مسافر مثلا
يعني لو فضت علي البطاريه في البر بالله عليكم من وين أجيب ثلج ولا فرن:mad:
المهم ماني مطول عليكم لأني بعض الاحيان اهذري كثير ولا اعرف أشرح
:D
الحل بما انك تخاف ان بطارية سيارتك تفضى وبما ان الشمس عندنا تصلخ صلخ
الحل بسيط جدا وهو :
يوجد شريحه "طاقة شمسية" تنشبك بالولاعه حقت السياره على طول ..يعني اشبكها في الولاعه وحطها فوق الطبلون وانسى موضوعها
وهي بدورها تشحن البطاريه بشكل مستمر حتى والسياره واقفه عند البيت
وسعر ها الشريحه 120 ريال بس فقط لاغير :eek:

[نقا هشال]

يعطيكم العافيه