طيب .... هالفراش وين ألقاه ؟؟

[hgugdhk]

http://www12.0zz0.com/2009/01/18/19/719477022.jpg (http://www.0zz0.com)

[أشرس]

عزيزي هالفراش قبل سنتين شفته عن محل برق الحيا بمخرج 15 بالرياض

[(مواصل)]

8
8
انتبه ترا هالحين يجيك واحد يقول لك تسوي دعايه هههههههههههههههه ترا بعض العالم يسمع بالدعايه ولا يدري وشي
علمونا وين نلقاه وكم سعره

[سطام vip]

هذا يا اخوي شايفه عند محل نوماس للرحلات

لونه كحلي واعتقد سعره ماهوب رخيص من ال500 ريال وفوق

وان شاء الله الاخوان ما يقصرون معك ويدلونك

[ارتست]

طال عمرك فيه شبية له او هو في العليان على طريق خريص

[راعي الرحلات]

شكرا على التوضيح

[أبو أديب التميمي]

موجود وتوني واقف عليه هاليومين . بتحصلة عند محل مكشات في الدائري الجنوبي - حي شبرا- بالرياض.

[خالد بن الوليد]

^
^
ابو فارس الله يرحم والديك ممكن رقم تلفونة الله يجزاك الخير نكلمة ونشتري منه وويوصل للشرقية.

[hgugdhk]

شكرا للجميع
أبو فارس حبيبي
إذا تكرمت رقم تلفونه أو إذا تعرف سعره ؟؟؟؟

سؤال : فيه أحد جربه ممكن يفيدنا عنه ... وهل هو أدفأ من فراش الدريويش والا لا ؟؟؟

[yos999]

مقااسه كبير جدا

[فيصل الدشاش]

ولله .ياعزيزي . توقع برق الحيـا مخرج 15 بالرياض ..

كل . شي موجود . وماهيب . غريبه على المحل . تلقى زيه ..

[خالد بن الوليد]

لا زلنا بانتظار أخونا أبو فارس ...الله يجزاه الخير يارب.

[aab]

ياشباب سعرها 500 ريال والليلة بمشيئة الله رايح لهم وأعطيكم تقرير كامل عنها .

[الصقار10]

يخوي انا اتوقع شايف هالفراش عند محل الرحلات اللي في المروج من شهر تقريبا

[الصقار10]

يخوي انا اتوقع شايف هالفراش عند محل الرحلات اللي في المروج من شهر تقريبا

[aab]

ذهبت ليلة البارح لمحلات مكشات في حي شبرا ... بصراحة الفراش لك عليه كثير أولاً أعطيكم مواصفاتة
المقاس 240*140 مفروش طبعاً غير مقاوم للماء (الأرضية) مفصل من ثلات طبقات من الأسفنج كل واحد 80*140 الفراش مريح جداً في النوم .
من عيوبة حجمة الكبير وهو مصفوط 90*60*50سم ياخذ مساحة كبيرة في السيارة .
غسلة صعب أو بالأصح غير ممكن .
وأخيراً من وجهة نظري الشخصية الخامة غير عملية.
وأخيراً السعر 500 ريال وبعد المكاسر 490ريال.

[خالد بن الوليد]

الله يرحم والديك بيض الله وجهك أخوي ما قصرت.
يعطيك الف عافية على هالتقرير الطيب .

لو تكرمت عنوان المحل بالضبط ورقم تلفون اذا امكن بارك الله فيك.

[aab]

أخوي يتيم .. الله يذكرك الشهادة نسيت أحط الرقم 4243881
عنوانة وأنت جاي من سوق عتيقة من الشمال للجنوب السوق يسارك يجيك مخرج الدائري أول مخرخ اللى يودي لشارع الترمذي من عند الإشارة تلف يسار يجيك على يدك اليمين الصفرات .. لف من بعدها مباشرة (شارع ممهد يودي للإستراحات ملاصق لعمارة الصفرات .. تدخل من بين الإستراحات وتلف يمين راجع للدائري ... المحل على الدائري مباشرة فوق النفق ... بس اللفة هذي علشان ماتسوي يوتيرن من النفق الثاني مشوار بعيد .
عسى الوصف واضح إن شاء الله .

[hgugdhk]

شكرا للجميع على مداخلاتهم المفيدة

[طلالكو]

السلام عليكم
اخي الكريم الفراش الذي تتحدث عنه سيء وانشد مجرب
ان كان تبغي فراش دافي ويتحمل عليك بالدريويش
اتمنى لك التوفيق

[مستعد للتضحية]

اول مره اشوفه