القــــــــــــــبوط مـــن أخــت مبارك

[أخت مبارك]

http://www.mekshat.com/pix/upload02/images63/mk41473_b257d44b24.gif

سبحان الله وبحمده سبحان الله العظيم
اليوم طبختنا هي القبوط وهي اكلتي المفضله وووووايد احبها
وهي اكله مشهوره في البحرين ودولة الكويت اكثر وتستوي بالدجاج او اللحم فقط
واليوم سويت القبوط بالدجاج
والقبوط هو عباره عن عجينة من دقيق البر تعجن بالماء والملح
وتحشى بالبصل ويصير بعد نسويها بدون حشو البصل بس عجينه خاليه
وتطبخ في مرق الدجاج
بس هي طبخه شوي يبيلها صبر وواسعة صدر وبال طويل
والحين بقول لكم المقادير بعدين اذكر لكم الطريقه مع الصور
دجاجة وحده مقطعه 8 قطع منزوعة الجلد
حبتين طماطم مقطعه
بصله مفرومه
ثلاث فصوص ثوم
البهارات
بزار وفلفل اسود وملح وكركم كمون وكزبره ناشفين مطحونين
....
مقادير الحشوه
2 بصل مفرومين
كزبره مفرومه
البهارات المطلوبه للحشو
بزار نص ملعقة صغيره
نص ملعقة صغيره فلفل اسود
شوي كركم
ملعقتين صغار ليمون اسود اللي طحناه
.....
مقادير العجينه
4 كوب دقيق بر منخول
شوي ماء
نص ملعقة صغيره ملح
نص فنيال زيت
ماشاء الله تبارك الرحمن
هذي صورة ل لب الليمون الاسود ناخذ الليمون الاسود نكسره ونشيل الحب منه
ونرميه
ونطلع اللب اللي فيه هذا مثل ماتشوفونه وبعدين نطحنه ادري بتقولون لي
سالفه طويله عريضه بس ماكو مشكله اللي ماله خلق ينتف الليمون
يروح لحرمته ويقولها كم كلمه حلوه ويعطيها الليمون تنتفه له وتطحنه
وهي جالسه قدام التلفزيون تطالع مسلسلها
المووووهم
انا افضل اعمل هالشكل يكون احلى وانظف
بس انتوا بكيفكم اذا تحبون تستعملون ليمون مطحون جاهز
وانا هنا استعملت الليمون الابيض اللي يجي شوي فاتح مو اسود

http://www.mekshat.com/pix/upload02/images96/mk106353_3206608351_e501946e9e.jpg

بعدين نعجن العجينه بالماء والملح واخر شي بعد مانخلص نحط عليها الزيت ونتبدي نعجن مره اخرى وخلاص نغطيها ترتاح لين يحين موعد حشيها

http://www.mekshat.com/pix/upload02/images96/mk106353_alim3291.jpg

احين نحمس البصل في الزيت مع الثوم والبهارات
بزا وفلفل اسود وملح وكركم كمون وكزبره ناشفين مطحونين

http://www.mekshat.com/pix/upload02/images96/mk106353_3206608365_27b6ca113e.jpg

بعدين نحط صلصة الطماطم علبة كامله ونحرك ثلاث دقايق لين تصير شكلها كذا وبعدين نضيف الطماطم

http://www.mekshat.com/pix/upload02/images96/mk106353_3206608371_70df8b6c3b.jpg

ونضيف الدجاج ونقلب وكذا شكله يصير ونخليه شوي عالنار على مايصخن الماء للمرق

http://www.mekshat.com/pix/upload02/images96/mk106353_3206608377_25671bf75c.jpg

نضيف الماء ونحرك شوي

http://www.mekshat.com/pix/upload02/images96/mk106353_3206608387_2f8c77ed24.jpg



نسكر القدر هالشكل ونخليه على نار وسط لين نص ساعه فقط او اربعين دقيقه بكفيكم

http://www.mekshat.com/pix/upload02/images96/mk106353_alim3297.jpg

والحين نسوي حشوة البصل نحط البصل وفصين ثوم مطحونين والبهارات المذكوره للحشوه

http://www.mekshat.com/pix/upload02/images96/mk106353_3206608357_50f43f5156.jpg

نضيف الكزبره ونحرك

http://www.mekshat.com/pix/upload02/images96/mk106353_3207560326_f1951a7275.jpg


يتبع .... يتبع

[أخت مبارك]

نحشيها هالشكل

http://www.mekshat.com/pix/upload02/images96/mk106353_alim3298.jpg

بعدين نكورها كور صغيره واهم شي ندهن شوي اليد بالزيت وحنا نكور ونرش الصينيه بطحين شوي عشان لما نحط الكور ماتتلصق

http://www.mekshat.com/pix/upload02/images96/mk106353_3206625857_b20d34b05d.jpg

وبعد مايستوي الدجاج نشيل الدجاج على جنب وننزل الكور في المرق
ونغطي القدر ونخليه يستوي مدة خمسين دقيقه فقط وبعد مايستوي العجين نرجع الدجاج للقدر
وهذا شكله بعد ماستوى


http://www.mekshat.com/pix/upload02/images96/mk106353_3206625865_a0554968a7.jpg

http://www.mekshat.com/pix/upload02/images96/mk106353_3206625871_dd1573d522.jpg

http://www.mekshat.com/pix/upload02/images96/mk106353_3206625875_b6272197e4.jpg

تفضلوا بالهناء والشفاء ان شاء الله

http://www.mekshat.com/pix/upload02/images96/mk106353_3206625877_9fb3f7165f.jpg

http://www.mekshat.com/pix/upload02/images96/mk106353_3206625891_38443ac724.jpg

[ابن القريات]

ماشاء الله على الشغل المتكتك يا اخت مبارك
اجل هذا القبوط اللى ذكره حسينوه بدرب الزلق
تسلم الايادى

[الرووقي511]

اول مره اشوف القبوط ماشاءالله شكله ممتاز تسلمين يااخت مبارك

[الأمل البعيد]

مشكورة اختي على الطبخة اللذيذة وبصراحة انا متابعة لكل مواضيعك وحابة اتعلم منك ولو جزء يسير من طبخاتك

[أخت مبارك]

يسعدني جدا تواجدكم

بارك الله فيكم نورتوا صفحاتي

[أخت مبارك]

الأمل البعيد
حياج الله اختي نورتي يشرفني تواجدك الدائم تسلمين
اتمنى اني افدتك حياج الله نورتي يالطيبه

[صقار البحرين]

اخت مبارك
الله يعطيك العافيه
على التميز الحقيقي في ادائك
((فنانه ))
وتقبلي مروري

[arrow]

بسم الله

اخت مبارك,,,,اسم كبير في عالم الابداع ...............

شيء رهيــــــــــــــــــــب

[الصفر البارد]

شغل حلووووو ... مشكورة وماقصرتي على هالابداع

[بن شمروخ]

ماشاء الله وش هالزين ايه هذا القبوط الصح ... صراحة تحسين انه شغل متعوب عليه لكن انا اول ماشفته في الكويت عند خوالي وكان له طعم ثاني في ليلة باردة في الكويت...

تسلمين على الطبق الرائع وانا في انتظار الجديد ...

والصورة هذه رائعة

http://www.mekshat.com/pix/upload02/images96/mk106353_3206625877_9fb3f7165f.jpg

[أخت مبارك]

صقا رالبحرين
هلا والله بولد ديرتي الطيب
نورت ياهلابك زارتنا البركه

[أخت مبارك]

عاد كلشي ولا قبوط اهل الكويت
مايتفوت واكيد يتقنونه بشكل رهيب
اشكرك ياخوي شمـــــــــروخ
على تشجيعك الدائم لي وتواجدك نوررت
كثر الله من امثالك تسلم

[no fear 78]

تسلمين على هطبق المشهي المدفي

بس كنه القبوط شكله مثل الجباب الربيان


يعطيك العافيه و اتحفينه بعد

[ضحوي]

هذا قبوط غير قبوطنا اللي نعرف
مشكورة يابنت مبارك

[عبسي4800]

والله انك حركات يا اخت مبارك

منين طلعتي لنا كلك حركات

وهذا الشغل العدل

بس انا عندي طلب واحد ؟؟؟


ممكن طريقة البرياني بالصور برياني الدجاج ولا عليكي امر
لاني مرة جيت للبحرين وذقتة عن مطعم هندي والصراحة خيال

ولاهوب بعد

الله لايهينك

[ابو كلام]

واوووووووووووووووووووووو 100%

[BlueSky]

السلام عليكم ورحمة الله وبركاته
واخيرا شفنا القبوط
بارلك الله فيك وامدك بالصحه و العافيه

[ابو ناصر 1212]

ماشاء الله عليك
اخت مبارك
سلمت الايادي
وصحتين وعافيه

[البوابه]

بسم الله الرحمن الرحيم

ماشاء الله كان
مششششكوره على الطبخات هذا وقت القبوط في الشتاء اما الصيف فلا يذبح في العطش يبي طشت ماء

الاداره المحترمين افتحوا لها قسم خاص تستاهل

[المبتكر1]

:good: 100% تميز وابداع
ما شاء الله تبارك الله ... الله يعطيك العافية :good:

[رياض 2005]

تسلمين بنت رجال واخت رجال وام رجال بارك الله لك وبك وننتظر البرياني

[هبووب الشمال]

يعطيك العافيه شيف اخت مبارك اول مره اشوفها بس اسمع بها دايم بالمسلسلات تم حفظها تسلم هالديات..انا الششبرك هي الطريقه الوحيده للعجينه المحشوه اللي اعرفها ونطبخها بالبن او الجميد اكله شاميه بس خيال اعشقها

[ابن عاشور]

ماشاء الله ماشاء الله
بارك الله فيك ورحم الله والديك
طبخة جديدة علينا ومفيدة

[bewildered]

شكرا اختى على الطبخ الرائع والنفس الجميل بالطبخ
طيب ممكن نستبدل العجين ببطاطس مهروسه ونحشوها
لن بصراح العجين نفخ بطن على الفاضى
مجرد رائ
اتمنى التوفيق وننتظر الجديد دائما من شيفة مشكات

[احمدوعبود]

ماشاء الله عليك يعطيك العافيه
ــــــــــــــــــــــــــــــــــــــــــــــــــ ـــــــــــ
هههههههههههههههه ياساتر لا هلوقت متذكر ماشاء الله عليك ابن القريات


ماشاء الله على الشغل المتكتك يا اخت مبارك
اجل هذا القبوط اللى ذكره حسينوه بدرب الزلق
تسلم الايادى

[اخوخالد]

أخت مبارك يعطيك العافيه ,,,,,,,,,, وما قصرتي وتقبلي مروري

[الحداااق]

مشاء الله تباارك الله على هالقبوووط

[ناصر البداح]

شغل حلووووو ... مشكورة وماقصرتي على هالابداع

[المغرز]

تشكرين يااخت مبارك
على القبووووووووووط
اللي شكله حلووووووووووو
تسلمين

[دهران]

الأخت الكريمة / أخت مبارك


:good: :good: :good: :good: :good:


http://www.mekshat.com/pix/upload02/images79/mk17809_taslamalaiady.gif


وننتظر المزيد من هذه الطبخات الجميلة .


وتقبلي أعذب تحية .

[معشي الذيبّ]

حركاااات
مبدعه كالعاده يأخت مباارك

والله يبيلنا نذوق القبابيط

[الوسم]

ماشاء الله عليك
اخت مبارك
سلمت الايادي
وصحتين وعافيه

[ابوفهيدان]

مايجي من الزين الا الزين

[عتيق]

اقل شيء يقال عنك يا اخت مبارك




انك مبدعه جدا جدا

سلمت يداك

وانا كنت معتقد ان القبوط هو المرقوق بس طلع شيء مختلف

تسلمين والى الامام

[مزنه مشعلاني]

بس لو كان لحم احس احسن
لان طريقته تشبه المرقوقو والمطازيز
وعمر المرقوق والمطازيز ماصلحناه مع دجاج
والدليل اننا انطلع الدجاج خمسين دقيقه برا القدر
ولو كان لحم ماطلعنا شي وتركناهم مع بعض
شكرا احت مبارك

[أخت مبارك]

يامس مشعلاني

هذا اسمه قبوط
ماهو مرقوق
والقبوط يختلف عن المرقوق حقكم
واذا خاطرج بمرقوق تصلحينه على قولتج
روحي شوفي الوصفات الثانيه بالموقع
بتحصلينها
حنا اليوم طبختنا قبـــــوط

[( الزاهر )]

ابدااااااااااااااع في كل شيء ..... اختيار نوعية الطبخة .... التصوير ..... الشرح .......يلوموني فيك ...... تسلمين

[الغزال الشارد]

ماشاء الله تسلمين اخت مبارك كفيت وفيتي

[ابوتركي1]

000الله يبارك فيكي موضوع جميل ومجهود طيب وياليت تستمري بهذا الشكل وان شاءالله تكون توجد خيمه خاصه للطبخ ليستفيد الجميع منها ومشكوررررررواتمنا لكي التوفيق000

[أخت مبارك]

شكرا للجميع

[مب لازم]

مشكوره اخت مبارك على القبوط بس وراه يختلف القبوط اللي انا اعرفه

اللي انا اخبره ان القبوط هو المطازيز (نفس الطرييقه بس قالو الحن بنسميه مطازيز وهم قالو بنسميه قبوط :d)
بس تختلف المسميات من مكان الى اخر :d

[أخت مبارك]

مب لازم

بالعكس

القبوط يختلف اختلاف تام عن المطازيز

لان المطازيز على قولتكم هي مجرد عجينه ولكن رقات رقيقه
اما القبوط هي عباره عن عجينه بس نسويها بشكل دائري وشوي عريضه
وفي ناس تعملها بحشو وناس بلا حشو
وانا حبيت اوضح هالشي حق الناس لان في ناس كله عبالهم
المرقوق والمطازيز والقبوط نفس الشي
بس هو يختلف من ناحية تشكيل العجين فقط
وشكرا لك

[عبسي4800]

اخت مبارك عجلي علينا


بالبرياني الدجاج

الله لايهينك مصاريني تطقطق

[أخت مبارك]

الله يهديج يالبرتقال البرياني انا مسويته من زمان وارسلت لج الرابط بالرسائل الخاصه
http://www.mekshat.com/vb/showthread.php?t=179436

وهذا الرابط شوفيه
وانتي وراك ماتفتحي الرسائل
ياريت اول ماتدخلي الموقع عطول تروحي على البريد جهة اليسار

[ع. بن عمار]

السلام عليكم ورحمة الله وبركاته
يعطيك العافية اختي (اخت مبارك) وتسلم يمناك لا عدمناك
انا عندي سؤال ومحيرني؟؟؟ وش سالفتك مع البصل
الطبخه اللي قبل هاذي اللي صايره كانها اوملت بالبصل:confused: (وهم)هذي بالبصل؟؟؟:confused:
انتي تبينا ما نطلع من بيوتنا الله يعطيك العافية:)
ومن ناحية اخت الأوملت جربي حطي عليها لحوم بارده زي البسطرما مثلا انا متاكد بتطلع زينه(بس لا تحطين ديك رومي المدعو Turkeyللي ثقافتهم اسبانيه)
وبعدين سؤال فني وين الكرك؟؟؟ ما حطيتي طريقته؟؟؟ ترا بحط طريقته ان ما استعجلتي علينا فيه:)
وبعدين ابي طريقة القهوه العربية بالطريقة البحرينية ولا تنسين تحطين صحن حلوى جنب القهوه
انا اعرف طريقة اهل البحرين بس ان جت من نفس اهلها بتطلع ازين لو انا قلت الطريقة بتصفق من الأخوان الاعزاء اعضاء منتدانى العزيز
فعجلي علينا الله لا يهينك

[ولد الشقحاء2]

معليش ماهوب هذا القبوط الي نعرف و المشتهره فيه الزلفي

[أخت مبارك]

ولاية سدير
اختي مدري اخوي المهم
الظاهر انك مانت متابع جيد للمنتدى الطبخ
لو بتروح تدور راح تشوف موضوع الكرك موجود
ومنزلته من زمان
وهذا هو
http://www.mekshat.com/vb/showthread.php?t=177579

والقهوه البحرينيه ماتفرق عن قهوتكم كلها نفس الشي
قهوه هيل ماء وزعفران ماكو شي جديد
شكرا للمرور

[أخت مبارك]

ولد الشقحاء
طبعا كل منطقه تختلف طبختها عن الثانيه
وانتوا يمكن غير
ياريت تعرفنا على القبوط اللي عندكم وتصوره لنا
عالاقل نشوف شلون شكله وتعطينا الطريقه

[ذكرني بك]

يعطيج ألف عافية الصراحه لاحيله فيج شي مرتب وعلى الكيف تسلم ايدج

[ناصر البداح]

شغل حلووووو ... مشكورة وماقصرتي على هالابداع

[مكشات com]

تسلمين بنت رجال واخت رجال وام رجال بارك الله لك وبك

:good: :good: :good: :good: :good: :good: :good: :good: :good:

[أخت مبارك]

شكرا للجميع على التواصل الدائم
يعطيكم الف عافيه

[ع. بن عمار]

تسلمين يا اختي اخت مبارك على رابط الكرك
من ناحية اسمي فانا رجال بس مليت من كثر ما ادور لي اسم ولا لقيت الا هذا الاسم. من ناحية القهوه في احدي زياراتي لحبيبتنا البحرين مريت محل حق بيع حلوى بحرينيه في شارع المعارض بعدما مريت على محل خليل اكبر على لارى.يكون محل الحلوى على اليمين وانتي رايحة يم بيت القران .سالت الأخت البحرينيه اللى كانت هناك عن القهوة قالتلي انكم تصلحون القهوه ومعها ماء ورد
الكرك كل ناس لهم طريقتهم فيه انا جربته في قطر له طعم في الجبيل له طعم بس في البحرين توني ما جربته فياليتك تدليني على محل او قهوه تصلح الكرك ويكون اهم شي طعمه في الراس
http://www.mekshat.com/pix/upload02/images97/mk109679_image003.jpg

[آمال مُنتظره]

وعليكم السلام ورحمة الله وبركاته

أخت مبـــــــارك ،

بارك الله فيكِ ووفقكِ لمايحبه ويرضـــاه

ماشاء الله لاقوة إلا بالله

كل طبــق أحلى من الثــاني:good2:


ربي يسعدكِ استفــدنا منكِ كثير وأقل شيء بحقكِ الشكـــــــــــــر

ومن لايشكر الناس لايشكر الله :heart:


دمتِ بود ، أختكِ

آمـال مُنتظـره !

[أخت مبارك]

ولاية سدير مرحبا بك اخوي
ان شاء الله راح ارد عليك


وتسلمين اختي الغاليه امال
على الكومنت العسل
نورتي ياهلابج

[أخت مبارك]

ولاية سدير
عندنا محمصة الجزيره منتشره في انحاء البحرين
تقدر تروح اي فرع تبي
وانا الفروع اللي ادلها بس في محرق
اما المنامه ماادري والا كان دليتك اي صوب تصير
يمكن بالمنامه تصير عند شارع المعارض
ماني متاكده بس كأنها شفتها هناك
وفي فرع لمحمصة الجزيره هي بمحرق
في سوق محرق جنب صيدلية الهلال
مقابل محطة البترول
ويبيعون القهوه انت تختار اي نوع
قهوه تبي تبيها غامقه والا فاتحه
ويطحنونها لك وحنا حق العيد هذا
اخذنا قهوتنا من هناك الوالده يطول
بعمرها شرتها من هناك
ودايم الوالده تشتري القهوه ويحمصونها
بالبيت ويطحنوها عندنا
في ناس طبعا تحط ماء ورد بس حنا ببيتنا
نسويها عاديه بدون ماء ورد لان الوالد يفضلها عاديه
نخلي الماء يفور ثم نحط القهوه المطحونه بالهيل
وبالدله نحط الزعفران
اليوم رحت لجدتي وعطتني بعد زعفران
مطحون في علبه صغيره
مثل غرشه وداخلها زعفران مطحون
ولون قهوتها صاير يجنن وطعمه خيال
وعلمتني قالت لي تحطين نتفه صغيره منه
بالقهوه وتصير شي
طبعا انا اروح بيت ناس
وكل بيت قهوتهم تختلف عن الثاني
ماشاء الله في بيوت يضبطونها
تطلع قهوه ملكيه صج الواحد
من كثر حلاتها وده يشيل الدله معاه البيت

[حر المجمعه]

مشكورة وماقصرتي على هالابداع

[مستعد للتضحية]

مشكوووووووووورة

[البدراني11]

ولد الشقحاء
طبعا كل منطقه تختلف طبختها عن الثانيه
وانتوا يمكن غير
ياريت تعرفنا على القبوط اللي عندكم وتصوره لنا
عالاقل نشوف شلون شكله وتعطينا الطريقه


هذا قبوطنا

http://www.mekshat.com/pix/upload02/images96/mk100606_11.jpg

[ابو صعب]

الله يعطيك العافيه

[أخت مبارك]

البدراني

عليكم بالعافيه على قبوطكم

بس انا احس قبوطنا احلى
والناس اذواق