ساعدو طيري قابوس تكفون

[أبو رماح]

بسم الله الرحمن الرحيم
يشباب بغيت مساعدتكم طيري اسمع فيه صوت عندما يتنفس وكانه مصاب بزكام او ما شابه والشي الثانه توجد في حفاوه برجليه تكفون ابغى علاجه تراهو طير يهبل وما اريد اخسره ارجو مساعدتي
ابو رماح

[دلوع الهوى]

دوا الحفاة هوة الرمل والفازلين اما الصوت اللة اعلم ودة عند الدكتور ولازم للحفاة انك ماتخلي الماي يقرب رجل الطير

[أبو رماح]

مشكور يالحبيب طيب ممكن تشرحلي الطريقه بالتفصيل وايش اسم الفازلين انت وله غيرك بس بأسرع وقت ممكن
أبو رماح

[قنيص غبر]

حلوه هذي طيري يهبل !!! شو الحبيب عندك كناري ولا شو بالضبط !!

[صاحب نوماس]

ابو رماح


ماعلية الا العافية ان شاء الله


الفازلين العادي اواربطة على رمل ابيض بس بشرط رمل ابيض وان شاء اللة تطيح الحفاة



اما الصوت افحصة واللة ماعلم



ومايشوف شر

[أبو رماح]

والله والنعم منك يالحبيب ماكصرت
ابو رماح

[العمراني]

يا خوي التنفس نضف قرنفلات الطير منسامه الحفاه اخلط طين بصبخه حط عليها ملح وعجنها عجن وفردها على نص بلكه او على حصاة لين تنشف وخل الطير عليها ولا تلمس كفوفه للماء مره خلها تذبح الجراثيم

[أبو الكاسر]

بعد الماء عن رجا طيرك ووقفة على تراب ناعم وقم بتنظيف رجلة بقطعة قماش جافة قبل النوم

[أبو رماح]

مشكورين بس بالنسبه للتنفس كالولي انه مصاب بزكام هل هذا صحيح ابو رماح

[بن عمير]

ما قصروا الاخواني كفوا و وفوا وعطوك العلوم الطيبة ومافي طيرك الا العافية باذن المولى وتقبل مروري

[أبو رماح]

والله والنعم من بن عمير ماكصرت انته والاخوه الباقين
ابو رماح

[أبو أمين]

افادوك الاخوان

[((السنياري))]

حلوه هذي طيري يهبل !!! شو الحبيب عندك كناري ولا شو بالضبط !!

ياشين القافه

=============================================

الربع ماقصرو معك

احب اضيف

الحفى يجيب السده والكل يعرف هشغله

عليك بمرهم ينباع بصيدليه او فازلين كل ثلاث ساعات

صوت من الطير

افحص الطير وانا اخوك اما رئة الطير فيها شي او القصبه الهوائيه

والله يشافيه لك

[أخو وضحة]

أخوي ابو رماح

الله يشافي طيرك

الصوت الذي يظهر من الطير هي احدى امرين

اما ان رمانات الطير متسخة فعليك تنظيفها واعطاء الطير ثوم ناشف وحبة البركة مطحونه مع العلف

ووضع ثوم في الماء وان شاء الله يتعافى

واما ان طيرك معه نهيته فيجب عليك التوجه به الى اقرب مشفى واعطائه العلاج المناسب

لا تتهاون في مرض الطير تراه امانه في رقبتك تسأل عنه يوم الحشر

تحياتي

أخو وضحة

************************************************** ******

أخوي قنيص غير بصراحة علومك خاست ذي الأيام الله يصلحك

من أول وعلومك زينه وطيبه وين كلامك الزين والا خلاص تفرعنة في المنتدى

والحين تتدخل في كل كبيره وصغيره وين المشرفين ما يشوفون لك حل

هذي تسمى لقافه الرجل يسأل عن علاج اما اعطيه فائده والا اسكت يأخي

( قل خيرا أو اصمت )

وما هو شغلك يهبل والا يجنن

مشكلتك انك تصنع من اللا شيء .. شيء ثاني

لا حول ولا قوة الا بالله الله يصلحك

[عقاب الحوم]

الله يفك عوقه