غيرت الكلتش للباثفيندر وواجهت هذي المشكلة

[الصفراوي]

الأخوة الأعزاء
لدي باثفيندر 2002 وتعرض الكلتش للخراب وتم عمل الإصلاح له بعد تنزيل القير لكني واجهت مشكلة صراحة طفشتني وهي عندما أمشي وأفتح النوافذ تأتيني رائحة كريهة وكأنها روائح زيوت محترقة بينما عندما أغلق النوافذ لا أواجه شيء
الحين في هالبرد ما عندي مشكلة بس اذا زان الجو مانيب مغلق النوافذ في كل وقت والمشكلة الريحة لا تطاق وتكتم فمن لديه الحل فليسارع به مشكورا
لاحرمكم الله الأجر

[ابوقاسم]

ممكن يخوك اثار زيوت متراكمة من ايدي الفني اللي نزل القير
يمكن تروح الروائح لو غسلت السيارة بستم
تحياتي

[ناوي نيه]

فيه تهريب زيت ومع الحراره تطلع الريحه او بقايا زيت زي ماقال اخوي (ابو قاسم)

[برق كميت]

السلام عليكم : انا عندي نفس المشكلة بعد ماغيرة الكلتش طلع عندي ريحة زيت مع العلم اني مغيرة قبل سنة ومازالت الريحة موجودة

[الصفراوي]

الأخوة تم غسل السيارة بستم ولم يتغير شيء
الأخ برق كميت وش تسوي في الصيف كل وقتك مسكر النوافذ
ارجوا الفزعة

[برق كميت]

كانك داري اخوي الصفراوي مسكر النوافذ والمكييف مايطفي ابد

[جيبي جايزلي]

الله العالم انه اللى حق التبخير اللى فى القير يمكن ماركبه زين
قد صارت لى بسياره جمس والريحه بدت تدخل علي من عند عصى القير ركبت عازل وخفت ما انقطعت ومن حينى كارهن الموتر بليا هالعله وبعته بس صرت اشك ان المشكله فى نوع الزيت يا المطلوب خفيف او ثقيل الله العالم

[الصفراوي]

مشكور أخي على مرورك لكن الريحة ماتجي الا اذا فتحت النوافذ ما يجي من عصى القير اي مشكلة أو ريح

[البرحه]

نفس المشكله في 2001 ... والدزق وكاله لم يفك

بس الريحه تجي احيانا بس

[ALG7REEB]

يمكن يحتاج وزن للكربون .. وهذي ما اعرف وش هي بس طلعت عندي ريحة في السفاري وقالوا الوكالة بنسويلك وزن للكربون وبعدها راحت الريحة ..

[نوض الحقوق]

تأكد من حاجتين الاولة رح لإقرب بنشر و شيك على زيت القير يمكن يكون زايد اذا فتحت الصرة حقت زيت القير اذا كان زايد يبي يصب خله يصب لين يوقف و الثانية يمكن بعد تنزيل القير ما ركبو الجلبة اللي فوق زين او لي التبخير ما ركب بس تأكد من زيت القير اول و بلغنا وش صار معك ..........

[الصفراوي]

أخي الغريب وين يسوى هذا وزن الكربون
أخي الملفاع كما لاحظت أحد الأخوة هنا له سنة ومع ذلك لم تذهب الريحة معقولة الزيت ما نقص من سنة على العموم بشوف وارد لك خبر مشكور
بالنسبة للجلبة الي فهمته انها اذا ما ضبطت الريحة تجيك من عصى القير مهوب مع الدرايش ويمكن انا غلطان مشكور أخي على تفاعلك
وش لي التبخير وما فائدته واين يوجد

[موادع الشرقيه]

السلام عليكم ورحمة الله وبركاتة
اخواني الأعزاء واجهتني نفس المشكلة التي تعانون منها
وتم حلها الحمد لله ببلاش حل مؤقت والصراحة لي الحين تقريباً اربع الى خمس شهور
والموتر ماشي زي الحلاوة

سبب المشكلة
جلبة في نهاية عصا القير
وبما انك غيرت الكلتش = الميكانيكي ما انتبه لهذي الجلبة وقطعها

طريقة الحل الحل
قريبأ إن شاء الله
بس احاول انزل صور للطريقة لتكون واضحة للجميع

تحياتي.

[موادع الشرقيه]

أخي الغريب وين يسوى هذا وزن الكربون
أخي الملفاع كما لاحظت أحد الأخوة هنا له سنة ومع ذلك لم تذهب الريحة معقولة الزيت ما نقص من سنة على العموم بشوف وارد لك خبر مشكور
بالنسبة للجلبة الي فهمته انها اذا ما ضبطت الريحة تجيك من عصى القير مهوب مع الدرايش ويمكن انا غلطان مشكور أخي على تفاعلك
وش لي التبخير وما فائدته واين يوجد

اذا فتحت الدرايش يبدا الهواء يتحرك داخل السيارة وتطلع لك الريحة
والله اعلم

[الصفراوي]

أخي العزيز موادع الشرقيه
الله يجزاك خير عطنا الحل بسرعة تعبنا من الكتمة والخياس
عجل علينا

[hisham202]

تنبيه عالطاير..الباثفندر زيته لزوجة 90 بالنسبه للقير العادي والكوارين...
لايلعب عليك احد ويقول 140 لانه على طول تطلع له ونه بالكارونه..

والله يوفقك

[موادع الشرقيه]

أخي العزيز موادع الشرقيه

الله يجزاك خير عطنا الحل بسرعة تعبنا من الكتمة والخياس

عجل علينا


ابشر
هي الطريقة مايبيلها شي
مجرد قطعة لستك (تيوب) تسكر فيها الفتحة اللي في نهاية عصا القير
بس احاول اني الصور الطريقة وأنزلها

وإذا انت من سكان الشرقية ابشر أسويها لك

تحياتي

[ولد شقرا]

هلابك يالصفراوي
ان معي مثل موترك ونفس المشكله واذا تبي تتاكد زود ان كان موترك فيه فتحة سقف افتحها وتشوف العطبه على اصول هذي رح لم الحمراني واشتر منهم جلدة عصا قير داخليه ماتكلف 15 ريال ورح ركبها وراح تدعيلي صحيح انك منت متوقعها لكن هذا الواقع
تحياتي

[shaheenshah]

هذي الجلدة اللي تحت عصا القير يا انها منشقه او انه ما ركبها
موتري نفس الطريقة والريحه ريحة زيت دفرنس اذا فتحت الدرايش تزيد واذا صكيتها تخف

[صياد المجمعه]

انا واحد من ربعي معه باثفندر 2004 وغير الكلتش وصارت الريحه تطلع من يوم ما غيرها



وانا بعد فتره خرب علي الكلتش ورحت وصلحته عند واحد ثاني انا وخويي راعي الباثفندر ال2004 وقاله ان الريحه تطلع عندي ليه قاله اكيد الميكانيكي يوم يركب القطع ما نفخ مكانهن بالهواء عشان كذا لازم الريحه تطلع المهم مالك بالطويله انا قبل يركب الكلتش نفخ المكان كله بالهواء والحمد لله ما عندي ريحه .......

[أبوعُمر]

يا جماعة كل المسألة جلبة عصا القير ، ما ركبها صح يعني لازم يكثر ( السيلكون ) و تنتهي المشكلة إن شاء الله .

انتبه اخوي تسوي غير كذا ، متأكد 100%

[الصفراوي]

أشكر للأخوة تفاعلهم
لاحرم الله الحميع الأجر
تقريباً الحميع متفق أنها جلبة عصا القير
السؤال هل تركيبها سهل ولا لازم ينزل القير مرة ثانية ؟
وبالنسبة للأخ موادع الشرقية للأسف انا من قرايا الرياض ولذلك بعيد عنك أخوي فالحقنا بطريقتك والصورة الله يجزاك خير
مرة أخرى أشكر الجميع تفاعلهم ومن عنده المزيد فليتحفنا

[ALG7REEB]

أخي الغريب وين يسوى هذا وزن الكربون



السلام عليكم ..

وزن الكربون يسوونه في الوكالة

قالوا لي وزنا الكربون .. وبعدها راحت الريحة ..


بالتوفيق .. :)

[أبوعُمر]

أشكر للأخوة تفاعلهم
لاحرم الله الحميع الأجر
تقريباً الحميع متفق أنها جلبة عصا القير
السؤال هل تركيبها سهل ولا لازم ينزل القير مرة ثانية ؟
وبالنسبة للأخ موادع الشرقية للأسف انا من قرايا الرياض ولذلك بعيد عنك أخوي فالحقنا بطريقتك والصورة الله يجزاك خير
مرة أخرى أشكر الجميع تفاعلهم ومن عنده المزيد فليتحفنا


اطمئن أخوي

فقط يفك الديكور اللي فوق القير و العازل فقط ، و المسألة سهلة .


بالتوفيق

[الصفراوي]

ممكن يابوعمر تشرح زيادة وما أسم القطعة التي تشترى

[أبوعُمر]

أخوي

أنا لا لم أفعلها بنفسي ، و إنما سبق و أن نزلت القير عند الوكالة و حصلت لي المشكلة نفسها ، فرجعت لهم و عرفت منهم أنها جلبة عصا القير تجتاج إلى زيادة تثبيت بمادة لاصقة بلاستيكية ( سيلكون ) و فعلاً انتهت المشكلة .

أتوقع لو تذهب لأي ميكانيكي جيد أصلحها بكل سهولة ، و قبل ذلك اطلب منه أن يفحصها حتى تتأكد من كونها هي السبب ,



وفقك الله

[الضويان]

نعم صحيح المشكله في جلبة عصى القير
وسبق حصلة معي في جيب قير عادي
وأذا ودك تجرب خذمشوار بالسياره بعدين حاول تحط أصبعك بين عصى القير والتلبيسه حقت عصى القير
وراح تشم ريحة الزيت في اصبع يدك
وبالتوفيق للجميع

[فيض الحنان]

بسم الله الرحمن الرحيم ردا على الأخ العزيز

المشكلة بسيطه جدا وهي جلبه القير الي فوق مع اصلاح عصى القير بس وراح تشكرني

[محب التطعيس]

نعم كلام الاخوان صحيح جلبة عصا القير قيمتها عند الوكاله 30 ريال ولايحتاج لها تنزيل قير فقط يفك الديكور اللي حوالي العصا وتركب بس انتبه عند تركيبها انهم يكبسونها بقفزان بلاستيك

ولا تخاف ولا احد يلعب عليك ينزل لك القير ويكبر المساله تراها جدا سهله وصارت مع كثير من الزملاء
سو اللي اقولك ولا ازيد على كلام الاخوان وراح تدعي لنا

الله يوفقك

[الوسيطاء]

اخوي دق علي وبخدمك ان شاء الله اذا انت با الرياض واذا برى بعلمك من وين الخراب

0505257476