رحلتي الاولى مع الجارمن ( نوفي ) ... خلى بدل المشوار مشوارين ؟؟؟؟

[SanDisk]

السلام عليكم ورحمة الله وبركاته

شباب اليوم رحلتي كانت مع الجارمن نوفي رحله :p

انا ااعرف طريق من المعهد الى المنزل عن طريق الاختصارات والحواري وما الى ذلك

وطبعا في البدايه حفظت موقع المنزل وكله

ولما رحت المعهد وانا راجع البيت

وعندما شغلت الجارمن عمل لي مثل المثل اللي يقول وين اذنك ياجحا قال من هنا وجاب يده ورا راسه يمسك الاذن من الجهه الثانيه

يعني كان يعطيني المسافه مطوووووله ؟؟ مع انه في طرق من داخل الحواري كإختصارات توصل للمنزل
بشكل اسرع

الحين يا اخوان ابغى اعرف الطريق اللي مشيته للبيت عن طريق الحواري كيف اقدر احفظه لاني يوم وصلت خلاص جاني العلم ومبروك الفوز كأني العب بلاي ستيشن :D
عشان لو اعطيت الجارمن لاحد اخواني او اقاربي يدل البيت بسرعه عن طريق الاختصارات هذه

وايهما الافضل اخليه على اختيار الاقصر مسافه ام الاسرع بالوقت ؟

الشغله الثانيه بالخريطه حق الجارمن يوم رحت مشوار المدارس وانا راجع البيت السهم يعطيني لازم اطول
بينما في لفه يمين ادخل منها تختصر لي الطريق ليش ماوضحها الجارمن ولو ابغى اثبتها كيف ممكن اثبتها ؟


اتمنى افادتي ياخبراء الجارمن

وجزاكم الله خيرا

[باثفاندر 2005]

غير من أسرع وقت إلى أقصر مسافه وإن شاء الله يضبط معك

[أبو ريمآآآس]

بالنسبة أخوي للسالفة وين اذنك يا جحا حقت نوفي

الجهاز عنده عدة اختيارات

المسافة الأقصر وهذي للأختصارات والحواري
الوقت الأسرع وهذي يبحث فيها عن اسرع طريق من خلال المعلومات المدخلة في الخريطة عن سرعة الشوراع
و الثالثة فهي خارج الطريق وهذي للبر

اما اخوي بالنسبة لحفظ المسار اللي مشيت فيه عليك اذا كان جهازك فيه ميزة حفظ الأثر انك تشغل التراك اول ما تمشي من مكانك الاول الى ان تصل الى مكانك النهائي وتسوي حفظ للتراك اللي مشيت فيه
بس هذي فيها مشكلة بالمدن لانه يرجعك مع الطريق اللي مشيت فيه يعني تمشي عكس الشارع:d :d :d

وبالنسبة لأستفسارك الثالث مثل ما قلت لك تحط اختيار المسافة الاقصر علشان يطلعك مع الحواري

واذا كان الطريق مو موجود فهذي لا يمكن اضافتها لان اللي عملوا الخريطة ما حطوا الشارع.

اتمنى ان الموضوع وضح.:d :d

[SanDisk]

تسلم اخوي باثفاندر 2005 وان شاء الله بضبط الوضع وبشوف

تسلم اخوي أبو ريمآآآس لاجابتك التفصيليه والواضحه وبحطها على المسافه الاقصر واشوف

والله اخوي المشكله سويت نفس الطريقه وحفظت التراك بس على قولك يخبطك يخليك تعكس الشارع :)

والله مشكله الطريق فعلا موجود وخاصه الحين جالسين يحفروا ويكسروا يعملوا كوبري مدري نفق
والخريطه تقولي امشي مكان التحفير والتكسير ههههههههه عز الله بجيب العيد


وشكرا لكم مره ثانيه وجزاكم الله خيرا