يرتاح بالي يوم انيشن على الطير

[راع الزلفي]

إلى هواة الصيد عامة وضحوي خاصة أقدم هذه القصيدة عسى أن تحوز على القبول:


يرتاح بالي يوم انيشن على الطير
ويزيد همِّي يوم اخلَ الترمي
أشوف أنا بالقنص فرجه وتغيير
والا اللحم واجد ولا هوب همي
حبي لقنص الطير حِزته وانا صغير
وراثةٍ من بين خالي وعمي
بالبندق اقنص لا بطيرن ولا غير
ووناستي من دونها ماتتمي
باكر الى جانا القميري على خير
ابا القط البندق وادوِّر واسمّي
واحط رجلي ياهل القنص واسير
واركض وراها لو يطيح المعَمّي
هي والشحيمي والقطا والبرابير
ياحلوها لاجت مناحر ويمي
ولا زان مرمى الطير مالي معاذير
أبا اصقعه ليما يطيح متدمي
كلمات / محمد العثمان السكران

[اميرة الظلام]

راع الزلفي

صح لسانك ، وصح إحساسك..قصيدة جميلة جداً..

تقبل مروري..

مودتي وتقديري لك،،..

[راع الزلفي]

راع الزلفي





صح لسانك ، وصح إحساسك..قصيدة جميلة جداً..


تقبل مروري..



مودتي وتقديري لك،،..

صح بدنك ومشكورة جداً..
وهذه شهادة منك أعتز بها
وتقبلي تحياتي,,,

[grdan]

رحم الله والديك على هـ القصيدة الجزلة ، صح لسانك يامحمد

[ابوسعودد]

صح لسانك والله يعطيك العافيه

[راع الزلفي]

رحم الله والديك على هـ القصيدة الجزلة ، صح لسانك يامحمد

آمين ووالديك والمسلمين..
وهذا من ذوقك..

صح لسانك والله يعطيك العافيه

صح بدنك وياهلااااااااااااااابك

[الولماني]

حبي لقنص الطير حِزته وانا صغير وراثةٍ من بين خالي وعمي
وانا اشهد
صح لسانك وارق سنود يا بو عثمان

[راع الزلفي]

حبي لقنص الطير حِزته وانا صغير وراثةٍ من بين خالي وعمي
وانا اشهد
صح لسانك وارق سنود يا بو عثمان
صح بدنك يالولماني...... يالدوسري.

[سليمان المطرودي]

نفس الهواية ، والوعد شعيب غيانا اذا جت الصيد

الله يعطيك العافية

وصح لسانك

قصيدة وافية


حفظك الله ورعاك

[راع الزلفي]

نفس الهواية ، والوعد شعيب غيانا اذا جت الصيد

الله يعطيك العافية

وصح لسانك

قصيدة وافية


حفظك الله ورعاك

صح بدنك والله يطول عمرك على طاعته..
وهذا ما أتمنى..
وعسى الله يجيب الطيور وحزَّتهن،،،، بس أخاف تقضيهن عنَّا..

[أحمد السكران]

محمد العثمان السكران (راع الزلفي)
شوقتنا للصيد وللدزماري والدخل والعلوم الزينه
وعز الله كلمات كلها ابداع وجزاله وشاعر كبير شهادتي فيك مجروحه
صح لسانك الى الابد وسلم بنانك وعسى الله لا يحرمنا من جديدك

[راع الزلفي]

أحمد السكران: أسعدني مرورك
وأنا أعتز بالشهادة (الممخوشة) من شرواك كشاعر مبدع ومشهور على الساحة..
والله يكفينا شرّك.. عويذ الله منك.

[الاجزلي]

صح لسانك وشوقتنا للصيد

[ابو ياسين]

والله هذا انت الى يرتاح بالك
اما انا في العلب يا زيني وحده ورى الثانيه:D
ولا جاك الطير وهذا بعد تعب راحت العلوم كلها:j
عموما صح لسانك

[راع الزلفي]

صح بدنك يابو ياسين..
وان كانك قريِّب الى جت الطيور نبي منك خوَّه..

[راع الزلفي]

صح لسانك وشوقتنا للصيد

ولسانك يالغالي...
وكلنا شوق عسى الله يجيبه على خير..


صح لسانك وشوقتنا للصيد

الاجزلي صح بدنك..
وأسعدني مرورك..
أااااااااااااااااالف شكر.. ويرحم الله والديك

[دغيم1]

السلام عليكم ورحمة الله وبركاته
يعطيك العافية أخوي
وصح لسانك
الصيد هواية وعشق
وذكرياته قديمة أيام ( أم صتمه )( الساكتون )
الله يذكر أيامه بالخير
سلمت يمينك
تقبل تحياتي

[راع الزلفي]

وعليكم السلام ورحمة وبركاته
اشكرك اخي دغيم على تشريفك ومرورك الجميل...

[يوسف الخليفة1]

صح لسانك وبارك الله فيك والشكر الجزيل

[راع الزلفي]

صح بدنك يابوعبدالله وبارك الله فيك..
أسعدني مرورك ...

[ضحوي]

صح لسانك وسلم بنانك يابو عثمان
انت شاعر كبير من عائلة مشهورة بالشعر الجزل :good:
ومشكور على الهدية الغالية على القلب وننتظر المزيد من قصائدك

[مـاجـد الحـمـيـد]

ولا زان مرمى الطير مالي معاذير
أبا اصقعه ليما يطيح متدمي




الله واكبر ...

راع الزلفي ...


تسلم يمينك ... وصح لسان من قال ... عزالله انه وطى على الجرح ...


عاك الله ولا هنت ...


تحياتي ..//

[راع الزلفي]

صح لسانك وسلم بنانك يابو عثمان
انت شاعر كبير من عائلة مشهورة بالشعر الجزل :good:
ومشكور على الهدية الغالية على القلب وننتظر المزيد من قصائدك

الله يحييك ياضحوي وما عليك زود...
والقصيدة نزلتها بناءً على طلبك وأبشر بسعدك يالغالي...

[راع الزلفي]

الله واكبر ...



راع الزلفي ...



تسلم يمينك ... وصح لسان من قال ... عزالله انه وطى على الجرح ...



عافاك الله ولا هنت ...




تحياتي ..//


مشكور أخوي ماجد....
وهذا من ذوقك ... الله يطول عمرك
باين عليك راعي صيد ومولَّع بالطيور...