فقع كثير لكن ممنوع

[الرصد الجوي]

بسم الله الرحمن الرحيم
مساكم الله بالخير
كثير من المواضيع اللي تابعناه عن لقط الفقع بالمنتدى عبارة عن فقعة فقعتين الى اثنين كيلو
لكن وش رايكم باللي حصل محصول كرتونين فلين بيومين
لكن مع مواجهة حرس الحدود اللي لا يسمحون بالمرة لعبور الحد
والله الان لو يسمحون لي اني لا اجيب اكثر من كرتون
لكن شيء يقهر يمنعوننا من لقطه الا ان ييبس ويخرب وما احد لقطه

[بندر خلف]

جزاك الله خير انت قلتها على الحدود والخير كله على الحدود

[الرصد الجوي]

جزاك الله خير انت قلتها على الحدود والخير كله على الحدود
بارك الله فيك
فعلا الخير كله بالحدود
للعلم الكرتون الاول تم بيعه ب 700 ريال
الثاني حوالي 450 ريال
والله يوفق

[ابراهيم2008]

يا راعي الكرتونين والفلين وين الصور

[خالد510]

في أي حدود الهنت

[الرصد الجوي]

يا راعي الكرتونين والفلين وين الصور
شوف عيني اخ ابراهيم
اذا فيه صورة للكرتونيين ابشر

[الرصد الجوي]

في أي حدود الهنت
الحدود الشمالية

[طير آلفلآء]

الصور لاهنت

[دغيم1]

السلام عليكم ورحمة الله وبركاته
حياك الله أخوي
حرس الحدود وضعوا لحمايتك وحمايتي وحماية كل مواطن
ومنعهم لك ولغيرك ذلك يندرج تحت مصلحه قد نجهل الكثير منها
وهناك الكثير من الأماكن تحتاج إلى بحث وستجد بإذن الله الرزق فيها
فقد شاهدت سيارات كثيرة بالقرب من منفذ الخفجي تبيع كميات لابأس بها
مما يتضح من ذلك بأن أماكنه قريبة من تلك الجهات
وطريق الصداوي ، والصرار
مشهورة وقد مررت بها قبل كم عام ووجدت خيرا كثيرا
آمل ألا يكون هناك دعاية للذهاب لتلك الحدود
متمنيا للجميع التوفيق والسداد
تقبل تحياتي

[شاهين تميم]

الله يرزق الجميع

[خشم العان]

السلام عليكم
اخوي لو حرس الحدود فتح الموقع لناس كان ضعاف الأنفس لاكثرهم الله
استغلو الفرصة في تهريب المخدرات وتسلل المخاليفين
والله يحفظ امننا والفقع تلقاه عند المحكمة بارياض لاتروح للحدود
وخلك بدخل المحدود0:d

[اخوخالد]

بتوفيق إنشاء الله

[راعي المعنَى]

فعلا حرس الحدود وضعوا لحمايتنا واكثرهم ناس طيبين وفي السنين الماضية لما يكون فية فقع داخل العقمين منهم من يوصلنا بالدورية لمكان الفقع ولما نخلص يرجعوننا بعد اذا صادفتهم
لكن وانا خوك ضعاف النفوس يستغلون الفرصة والزحمة ويدخلون مع الناس ويجيبون الخراب كلة
وعلى قولة واحد من سلاح الحدود المخرب ما علا راسة ريشة علشان نميزة

[كن كن]

الله يعطيك العافية

[الرصد الجوي]

فعلا حرس الحدود وضعوا لحمايتنا واكثرهم ناس طيبين وفي السنين الماضية لما يكون فية فقع داخل العقمين منهم من يوصلنا بالدورية لمكان الفقع ولما نخلص يرجعوننا بعد اذا صادفتهم
لكن وانا خوك ضعاف النفوس يستغلون الفرصة والزحمة ويدخلون مع الناس ويجيبون الخراب كلة
وعلى قولة واحد من سلاح الحدود المخرب ما علا راسة ريشة علشان نميزة
بالفعل كانو يفعلون معنا كذا قبل كم سنة
وكنا نملأ الاكياس والخياش
ونبيع بالهبل
اعرف شخص فك سيارة من بيع الفقع
الله يعيد ايام الربيع والخير
ان شاء الله يسمحون بفتح الحد
اذكر قصة كنا داخل الحد كان عددنا كثير جدا
ودخلوا عراقيين بين الناس كأنهم سعوديين
يريدون الدخول للسعودية مع الناس يحسبون ما احد ينتبه لهم
المهم الدوريات يعلمون بدخولهم ولكن اختلطوا بالناس فكيف يطلعونهم
اطلقوا نار بالسماء وهم ينبطحون بالارض بينما السعوديين واقفين مستغربين من اللي حصل
جت الدورية واخذتهم

[ياهملالى]

شكلكم تدخلون داخل الحدود

وهل هى فيضه او مناقع او حزوم او عبله

ليتك توصف لنا المكان.. وليش الفقع متوفر فى هالمكان بالذات

الله يعطيك العافيه