والله اني احسدكم على (العزبه والخيام والبراريد وكل شي) الله يهنييكم

[بلجرشي]

السلام عليكم
صراحة كتبت الموضوع هاذا من القهر اللي فيني ياشباب لاني عايش في منطقة الباحه (بلجرشي)
انا ما اقول لايوجد يوجد محل لبيع اغراض الكشتات لاكن من ابو (طقه) يعني مو تمام للستعمال
مثل شنطة العزبه الخياطه اللي فيها تعبانه مرره شهر وترميها والاســــــعار نار نار نار :no:
ومثل الخيام مافي ابدا لازم تنزل جده او تروح ابها وهو المكان الاقرب لنا اللي ممكن نحصل فيه :rolleyes:


لاكن الله يوفقكم في دنياكم ورحلاتكم ويسعدكم جميعا

[أبو براك]

يا الغالي انا واخواني اعضاء المنتدى كلنا في خدمتك

في توصيل اي طلب او شغله تحتاج لها

وخير مثال موقف حصل لي قبل كم يوم

شريت لي دافور بريموس العنكبوت من الرياض وانا في ساكن الكويت

عن طريق اخينا العضو سرهيد وبمساعدة احد الاخوة في الكويت وهو العضو جابر

واستلمت الدافور وانا في بلدي

يعني الامور سهالات

[أبونورة777]

آمين .. ويوفقنا ويهنينا وإياك يالغالي

وبالعكس حسب علمي فيه أماكن عندكم حلوة

وخلك من العزبة .. أمرها سهل .. أهم شي الأماكن الزينة .. والجنوب مشهور فيها

وزي ما تفضل الأخ جمبازي .. كلنا تحت الخدمة إذا محتاج أي شي .. لا يردك إلا لسانك يالغالي


وحياك ربي .. والله يوفقنا واياك لكل خير

وسع صدرك :good: ;)

[طبعي شمالي]

ياخوي امر شي حنا راح نخدمك فيه ان شاء الله ..

شوف اهل القصيم والرياض مايقصروا معك ان شاء الله .. عندهم محلات معروفه جدا

[skaka1426]

الله يرزقك

[بلجرشي]

ماشاء الله عليكم توي كاتب الموضوع ورديتم والله ونعم فيكم كلكم وماتقصرون
جمبازي: يعطييك العافيه والاخوان والله مايقصرون 00
ابو نوره777:الله يحييك انت واعضاء مكشات كلهم اتمنى لكم زياره عندنا ماشاء الله امطار وشلالات ومناظر يحبها قلبك 0
طبعي شمالي : ما يمر عليك عدو تسلم وماتقصر 0
skaka1426:وياك انشاء الله 0


اتمنى يا اخوان انكم تشوفولي خيمه مستعمله ( بحاله ممتازه جدا ) او جديده نفس اللي بالصوره وكم سعرها وياليت اللي بيشوفها يكون بالرياض لاني برسله واحد يأخذها من عنده 00

http://www.mekshat.com/pix/upload/images27/mk19280_1424.jpg

[رمثان155]

الأخ العزيز بلجرشى انت فى منتدا (مكشات ) يعنى كنك تكلم أخوانك بللى تبيه محد يقصر هذا من سلوم
أعضاء
( مكشات) والفزعه لهم سلم وأتمنا لك التوفيق وأنشاء الله تلقى الخيمه اللى تبيها .....

[وبل الغمام...]

حياك الله يا راعي بلجرشي وترى الفزعه ماهي غريبه على أهل هالمنتدى

وترى لكم معزة خاصه يا أهل بلجرشي ونبي نسير عليكم انشاءالله هالصيفيه

[نعتزبخدمتكم]

اخوي بلجرشي اما عن موضوع الخيمه انا سألت لك عنها قيمتها من عند الرمايه
محل معروف لبيع لوازم الرحلات لقيتها بـ1300 بدون بطانه وبـ1450 ببطانه مع ضمان انها ماتخر اتمنى اكون افدتك وان شاء الله الشباب يلقون ارخص من كذا

[arrow]

بسم الله

اخوي بلجرشي ......

كنت ابحث عن غرض ماحصلته بالسعودية !!!!

وذكره لي احد الاخوة (( بري بحري )) انه موجود عندهم بالكويت ...

ماقصر اشتراه لي ووصل لي,,, واستلمته قبل اسبوع تقريبا ....

هذا سلم منتدانا الغالي ........

وبالنسبة للخيمة اللي تبغاها من رايي انك تعرض للاخوان :

1- الغرض من استخدام الخيمة ( طلعات شتاء ,, صيف ,, ...الخ)
2- القيمة اللي ماتبغى تتعداها ...
3- المواصفات المهمة عندك..( خفيفة,,صغيرة,,سهولة فك وتركيب ... الخ )
4- مساحة الخيمة المطلوبة ...
5- ......


والشباب مايقصرون ممكن يلقون لك خيمة افضل من اللي انت تبغى ....

شكرا لك ...........

[مخاوي الذئب]

اخي الغالي بالجرشي الجميع في خدمتك وانا من ابها في خدمتك لكن انصحك الخيمة اللي انت تطلبها غير عملية في تركيبها سبق كان عندي وحده واتعبتني كثير وزهقت منها واشتريت خيمة القاضي البيرق ومنها مقاسات ومنها طبقة وطبقتين وقيمة مقاس 4× 4 حدود1500 ريال على ما اذكر وهي سهلة التركيب وخامتها متينة وعملية وعيبها الوحيد ثقيله وشوي.

[ابوناصر2]

فعلا أنا حاس بمعاناتك أخوي مع اني في الدمام ويوجد بعض المحلات لكن لاتقارن بمحلات الرياض وتنوع منتجاته والورش المتخصصه في التركيب. والشباب هنا مايقصرون مثل الاخ سرهيد ابوعبدالله بيض الله وجهه ولايهونون الاخوان اللي يحبون يخدمون أخوانهم ولايريدون غير دعوه صادقه.
وفيه طريقه بسيطه استعملتها قبل فتره تتصل على المحل اللي عنده لزومك وتتفق معهم على السعر وترسلهم قيمتها على حسابهم وبعدها يرسلون لك البضاعه عن طريق احد شركات الشحن ويوم أو يومين إلاهم يتصلون عليك

[DARK2]

اخوي بلجرشي اما عن موضوع الخيمه انا سألت لك عنها قيمتها من عند الرمايه
محل معروف لبيع لوازم الرحلات لقيتها بـ1300 بدون بطانه وبـ1450 ببطانه مع ضمان انها ماتخر اتمنى اكون افدتك وان شاء الله الشباب يلقون ارخص من كذا

والله نار ؟؟ عندنا بالكويت بسعر 675 ريال ويمكن تاخذها أرخص بعد وبنفس الله بالصورة

[مشعل العيسى]

السلام عليكم
صراحة كتبت الموضوع هاذا من القهر اللي فيني ياشباب لاني عايش في منطقة الباحه (بلجرشي)
انا ما اقول لايوجد يوجد محل لبيع اغراض الكشتات لاكن من ابو (طقه) يعني مو تمام للستعمال
مثل شنطة العزبه الخياطه اللي فيها تعبانه مرره شهر وترميها والاســــــعار نار نار نار :no:
ومثل الخيام مافي ابدا لازم تنزل جده او تروح ابها وهو المكان الاقرب لنا اللي ممكن نحصل فيه :rolleyes:


لاكن الله يوفقكم في دنياكم ورحلاتكم ويسعدكم جميعا

اخوي الفاضل ... بالجرشي ...

لاتشيل هم وانا اخوك ... انت تامر امر يالذيب ... اطلب اي غرض وياصلك في منزلك ومجاناً .... وشرف لنا خدمة الاخوان في هالمنتدى ... وما نبي منك الا الدعاء في ظهر الغيب ...

[بلجرشي]

يعطيكم الف عافيه كلكم والله ماقصرتم ونعم فيكم والله افرحتوني كأني انا اللي فاتح محل الله يفرحكم دنياء واخره

اما بالنسبه للخيمه فاء والله شكلها عجبني كثير لانها متوسطه لاكن ليس لدي علم عن مواصفاتها
ونا محتاجهاء للشتاء وللصيف حق ابو 4الى 6 اشخاص يقدرو يجلسو فيها لاكن انتم حيرتوني وودي بخيمه تركيبها يكون سهل وقويه وخامتها ممتازه بسعر لايتعدى الــ 1400 ريال واعذرونا شكلي اتعبتكم معي 00

[سلومي سار]

http://www.mekshat.com/vb/showthread.php?t=173326



اخوي الكريم شف الرابط ذا يمكن يفيدك


واذا عزمت فكلم الاخ ابو منصور ( كوفيا1)


وابشربه يخدمك وين ما كنت


اسعدك الله وابشر بكل ما تحتاج من اخوانك اعضاء مكشات

[بلجرشي]

سلومي سار تسلم يالغالي والشباب مابيقصرون الله يوفقهم

[بلجرشي]

وينك يا ( كوفيا 1 ) نداء عاجل لك لان الشباب يقولون انه الخيام عندك 00
ودي بخيمه تكفاء ضروري خيمه على ذوقك اهم شي تكون فيها المواصفات ذي معليش بتعبك معي لاكن استحملني والله يعطييك الف عافيه
1-تكون مناسبه للصيف واللشتاء0
2-تكون مبطنه وذات قماش ممتاز0
3- مقاسها 3*3 0
4-مقاومه للهواء وعمليه ويكون تركيبها سهل او متوسط ( لاني اعرف نفسي لازم اجلس في الشي 5ساعات واكثر)0
5- السعر وما ادراك ما السعر الا يزيد سعرها عن 1400 واذا فيه اقل ياليت 0
وسامحونا دوختلكم رؤسكم ياشباب انا داري

[راعي بيشة]

بلجرشي نفس المعاناة اللي تعانيها أنا كذلك أعانيها في بيشة بس لي زرقات وأحياناً بالتلفون وعن طريق الشباب

بس أنا ف الخدمة ولدي قي الرياض مطاليق شرواك

والخيمة اللي قلت ما أنصحك بها

خيام البيرق طيبة

وأنا عندي خيمة التيربوا من كوفيا والله ما يعلى عليها خفة وزن سهولة تركيب وفي البرد ممتازة

ولا تستعجل

وتقبل مروري

[راعي بيشة]

بلجرشي لو تتنازل عن شرط مبطنة كان يا سلام كوفيا ما يعلى عليها ولو بغيتها بالتلفون تجيك لا عندك

أنا أخدم كوفيا

السعر مش متأكد بس الظاهر 1299 أو 1199

معها حمام ورواق مجاناً والأخيرتين هذي ممتازة أقصد الهدايا

3في 3

خفيفة الوزن

ولها مواضيع هنا ف المنتدى



شف صورتها في مشاركتي هنا أول صورة وبدون المضلة الرائعة التي تأي معها للمطر تجي فوق الخيمة

http://www.mekshat.com/vb/showthread.php?t=183827

[رمثان155]

بلجرشى أنا حاس بمعاناتك لعدم وجود خاصيه الرسائل الداخليه عندك لعدم وصول مشاركاتك 50سوف أنوب عنك بذلك وأرسال رساله للأخ كوفيا 1لللأطلاع على الموضوع ....

[سرهيد]

السلام عليكم

مرحبا اخي الكريم ويا هلا بك

حدد طلبك وين يكون بالضبط وابشر بسعدك جعلك تسلم

اخوك

ابو عبدالله

[راعي بيشة]

كفو والله يا بو عبد الله

ولو لم يكن في ملكه غير روحه 0 0 0 لجاد بها فليتق الله سائله
هو البحر من أي النواحي أتيته 0 0 0 فلجته المعروف والجود ساحله

[ensaaan]

كل الإخوان هنا ماراح يقصرون
وإبشر باللي تبيه

اطلب بس وشف الكل راح يلبي

تحياتي
الإنسان

[lonlywolf]

من أعالي جبل حزنه
إلى ُصدُر بني عبيد
الى وادي البحري
مروراً بدار السوق
أحييك أخي بلجرشي <<<< الله ما أجمل هذه الكلمة
وأرحب بك بين إخوانك في مكشات... رجال همهم إفادة إخوانهم
وأحسن وصف فيهم هو ما قال الشاعر


تراه إذا ما جئتـه متهلـلاً
كأنك تعطيه الذي أنت سائله


فاطلب ما شئت ونحن في خدمتك
أخوك وابن مدينتك

من جدة

[بلجرشي]

هلا والله برجال ديرتي ارحب ونعم فييك وفي باقي الشباب كلهم
والله انهم ماقصرو الشباب معي لبولي اللي ابغاااه واحسن

[شمالات نجد]

بين أخوانك وأنا أخوك واللي تامر به أطلبه والشباب ما يقصرون الله يعطيهم العافية


وإن شاء الله أنك تغبطنا ولا تحسدنا

كفانا الله وياك أن نحسد أو نُحسد

وفقك الله والجميع

سلام

[راعي البخاخ]

يامرحبا يامرحبا , اخوي بلجرشي خـطاك السوء ان شاء الله
وابشر بسعدك , بالي تبي انت تامر امر بالي تبي, الشك زايل من يوم انك
بين اخوانك الرجال الي مثلك وشرواك,رجال مكشات وابشر بالي يسرك , وان بغيت شىء من القصيم وتحديدا من بريده ابشر بسعدك,والي يطيب خاطرك .ارسلي بس على الخاص,

[menjal]

خ خرمن حخمغا 0خاخفح6حخحى66585596578ه9فننخ

[العميد ابواروى]

حياك الله

كان لي صديق من بلجرشي
قبل خمسة عشر عام
الله المستعان

[abo-lma]

السلام عليكم ورحمة الله وبركاته


صحيح ان الطيب اذا جاء من هل الطيب لايستغرب

ما قصرو الرجال المطاليق جعلهم يسلمون جميع

ولكن من الساحل الغربي من محافظة جدة خصيصآ انا في خدمتك وتامر امر

[بلجرشي]

ما يمر علييك عدو وتسلم ماتقصر انت والشباب والشباب ماقصرو الله يعطييك ويعطيهم العافيه

[omerqaz]

السلام عليكم ورحمة الله

بالنسبه للخيمه ذي الموديل هذا ما انصح فيها ابداً لانها صعبة النركيب والفك

لكن الموديلات المطوره منها ولا اروع اضن المطور 3 وقبمتها اقل من السعر المذكور من الاخوان حوالي 800 تزيد وتنقص وبامكانك تتصل على السنيدي بالقصيم وتسالهم لانهم هم اللي مسوبنها

والله اعلم

[الخثيمي 1]

مرحبا اخوي بلجرشي فية محل بمدينة الطائف ممتاز قريب منك علي طريق الجنوب امام مركز تفتيش امن الطرق فية اغراض مرة ممتازة واسعارة مناسبة جدا
ودمتم

[سيف الظفير]

حييت يالقرم على هالمرور


ومالك الا تكز للقصيم وتمر على السنيدي بجيب طيب وخصص 5000 ريال للعزبة

[sudyer]

عليك بخيمة البيرق من القاضي للخيام

[ارنون]

انشالله يفيدوك الاخوان