عاجل مشوره ياهل البل

[سكوادا]

يقول من شاور الناس شاركهم عقولهم

مشوره ونصيحه للي يبي يشري نياق لاول مره وش تنصحونه فيه

وهل هو بينبسط لاشراهن والا لا

لاني ودي اشري ناقتين والا ثلاث بالكثير كبدايه وافضل الالوان غير المجاهيم وهل تيدوني والا لا

ياليت اهل الخبره يفيدوني ومشكورين مقدما

[ناصر فلاح]

الوضح ولا غيرها

عون ولون وراحة بال والله يوفقك

[ناصر فلاح]

وهنا مختصين في المجال

http://www.najran999.com/vb/forumdisplay.php?f=52

[سكوادا]

هلا اخوي ناصر ماقصرت وعلومك غانمه
ومنوتي بالوضح ودي يكونن لقحات ولو منهن خلفه اشرب حليبها ويكون سعرهن معقول ومقدور عليه وهديات ومن ابل طيبه

[السيف البتار]

اخوي الابل كلها تبسط وتطرب و يستانس عندها راعيها بس بشرط تكون الابل هديه وطبعها زين والله تنبسط وودك ماترجع للديره وانت عندها انا عندي مجهم وعندي مغتر وعندي صفراء وكلهن مطبعهن والحمدالله طبعهن زين ومن اول مايشوفوني نزلت من السياره يتسابق علي وحده يمين وحده يسار يتحاودوني وين ماروح يمشن جنبي الله لايغير علينا
وللمعلوميه الناقه الصفراء والمغترمكان طبعها كذا اول ماشريتها لاكن مع المقارد (تحكيك نحر الناقه )وتلقيمها زان طبعها بفضل الله والابل ماراح تنبسط عندها الى اذا حبيتها صدق عشان الابل تعرف الي يحبها وهذا من واقع تجربه
خلاصة الكلام الون الي تحبه اشتره وطبعها على المقارد وافضل شي اشتر خلفه عشان تشوف هي هديه عند الحلب اذا مهيب هديه اتركها وش الفايده من الناقه اذا جيت جنبها ارمحتك
وبتوفيق

[سكوادا]

اخوي الابل كلها تبسط وتطرب و يستانس عندها راعيها بس بشرط تكون الابل هديه وطبعها زين والله تنبسط وودك ماترجع للديره وانت عندها انا عندي مجهم وعندي مغتر وعندي صفراء وكلهن مطبعهن والحمدالله طبعهن زين ومن اول مايشوفوني نزلت من السياره يتسابق علي وحده يمين وحده يسار يتحاودوني وين ماروح يمشن جنبي الله لايغير علينا
وللمعلوميه الناقه الصفراء والمغترمكان طبعها كذا اول ماشريتها لاكن مع المقارد (تحكيك نحر الناقه )وتلقيمها زان طبعها بفضل الله والابل ماراح تنبسط عندها الى اذا حبيتها صدق عشان الابل تعرف الي يحبها وهذا من واقع تجربه
خلاصة الكلام الون الي تحبه اشتره وطبعها على المقارد وافضل شي اشتر خلفه عشان تشوف هي هديه عند الحلب اذا مهيب هديه اتركها وش الفايده من الناقه اذا جيت جنبها ارمحتك
وبتوفيق



هلا وغلا اخوي السيف البتار وسلمت يالغالي وعلومك غانمه كلها ومشكور على هالشور والنصيحه الطيبه والطيب مايجيب الا طيب


اي صحيح ودي بخلفه احتلبها واشوف طبايعها والقحات والخلفه ودي هديات مثل ماكتبت ردي على اخوي ناصر بن فلاح الله يكبر حظه فالدنيا والاخره وحظك وحظنا وكل مسلم وهذا اهم شي غير الهديه ماتنبغى


وعندي ولد لاشاف نياق مفليات وحنا طالعين يروحلهن ويباريهن ويجلس حولهن ويناظرهن وتوه صغير ماخلص الابتدائي الله يحفظ لنا ولكم ويبارك فيهم ويصلحهم ومايصلحله الا الهديات

[السيف البتار]

الله يجزاك خير
الله يحفظ ولدك ويصلحه ويبارك فيه
والله يرزقني الزوجه الصالحه المصلحه التي تعينني على الطاعه أمين
أخوي اذا انت في الرياض نصيحه لاتروح سوق الجنادريه رح دور عند هل الابل الي حول الرياض سوق الجنادريه صار يخوف يقولون ان بعضهم يعطون الخلفه ابر مهديه تخلي الناقه النحوس هديه وكثر الغش في السوق
وانا لو عندي شي للبيع والله منب ذاخر لاكن والله ماعندي شي للبيع والبل توني مضربها الله يبارك فيها ويتمم لقاحها

[سكوادا]

الله يجزاك خير
الله يحفظ ولدك ويصلحه ويبارك فيه
والله يرزقني الزوجه الصالحه المصلحه التي تعينني على الطاعه أمين
أخوي اذا انت في الرياض نصيحه لاتروح سوق الجنادريه رح دور عند هل الابل الي حول الرياض سوق الجنادريه صار يخوف يقولون ان بعضهم يعطون الخلفه ابر مهديه تخلي الناقه النحوس هديه وكثر الغش في السوق
وانا لو عندي شي للبيع والله منب ذاخر لاكن والله ماعندي شي للبيع والبل توني مضربها الله يبارك فيها ويتمم لقاحها



امين الله يكتبلك بنت الحلال راعية الدين والمنسب الطيب اللي تعينك على دينك ودنياك بنت رجال واخت رجال وتجيب رجال


وبالنسبه للجنادريه ماقد رحتلها ونصيحتك تنشرى واول مره اسمع هالشي وكل شي جايز الغش فيه وانا اخوك فيه ناس ماتخاف الله تحسب رزقها بغشها وهم يغشون انفسهم مايدرون والله يغشهم بغشهم
ونبي الطيبين اللي مثلك وشرواك نيتهم سليمه وعلى الفطره ماتلوثت ودخلها الغش والكذب بعيد عن الوجيه الطيبه
والله يباركلك في حلالك ويرد عليك بالانتاج الطيب اللي يسعدك ويطربك

[السيف البتار]

الله يرزقك الحلال الطيب
واذا انت تبي تشتري الابل عشان الحليب فقط اصبر لين تنتج ابلي وابشر بل الحليب وماابي الى الدعاء ومحلي تراه مهوب بعيد من الرياض حول مخرج بنبان

[سكوادا]

تسلم اخوي البتار وموفق خير ياوجه الخير

[salem63200]

انا مع اخوي السيف البتار بالنسبه لشراء الخلفات علشان تعرف الناقه الهديه

واما البل لها ميزه

الابل المغاتير ابل طرب ووناسه وابل تونس راعيها بالممشى (الكلام للي يشتري ابل واجد وبيشد وينزل)
وابل ادنى شي يروعها يعني لو جاها ثعل الله يكرمكم ممكن انه يهجها

الابل المجاهيم ابل ثقيله وابل اهل صنف وحليبها واجد وابل مايحركها شي


وكل شخص له راي ولاكن هاذا رائيي وانا كان ابلي مجاهيم وحولتها مغاتير بصراحه

واسف على الاطاله وان كان هناك اي خطاء من نفسي وان اصبت من الله

[السيف البتار]

انا مع اخوي السيف البتار بالنسبه لشراء الخلفات علشان تعرف الناقه الهديه

واما البل لها ميزه

الابل المغاتير ابل طرب ووناسه وابل تونس راعيها بالممشى (الكلام للي يشتري ابل واجد وبيشد وينزل)
وابل ادنى شي يروعها يعني لو جاها ثعل الله يكرمكم ممكن انه يهجها

الابل المجاهيم ابل ثقيله وابل اهل صنف وحليبها واجد وابل مايحركها شي


وكل شخص له راي ولاكن هاذا رائيي وانا كان ابلي مجاهيم وحولتها مغاتير بصراحه

واسف على الاطاله وان كان هناك اي خطاء من نفسي وان اصبت من الله

صدقت أخوي لاكن أذا هي ثلاث نياق أو أربع ماتفرق تطبعها على كيفك
والمغاتير مثل ماسمعت من الشيبان أنها أذا هجت مايردها أحد حتى القوم مايردونها والي يجي قدامها تهشمه تهشيم والابل عمومان أذا هجت صعبه أنك تردها خصوصن أذا كانت هاجه وهي مرتاعه أو خايفه من شي
والمجاهيم على حسب علمي تقطع مسافات أطول من المغاتير لاكن في الهجيج المغاتير أفضل والله اعلم

[بندر خلف]

المجاهيم --1 ان كثرن وبغيت تحيل فيهن يمشن اكثر من العفر والشعل و و و
2- حليبهاا اكثرر
3- الى دارجه بين العرب المجاهيم
---> الشعل اغلبهن حليبها سكر
--->> العفر ماقد شريتها


وعسالله يرزقكك بالبل الطيبه ولا تاخذ الى هديه مدامك مبتدى لان مافيك بالمعافر والعقال \

وان بغيت اي شي ايميلي عندك ---->> عسالله يرززقك بالبل الطيبه

[سكوادا]

الله يجمل حالكم يالطيبين علومكم غانمه وراويه وتنومس


يامال العافيه يالسنافيه كل باسمه


وماقصرتوا



اخوي بندر تراي اضفتك عندي

[راعي النوادر]

أخوي اذا تبيها عشان الحليب خذ المجاهيم حليبها واجد ويقولون الصفر حليبها يجي أحلا من باقي الابل وانا ماجربت حليب الصفر وللمعلوميه الناقه الي بكر في ديدها (أول ولده لها ) يصير حليبها قليل

[ابو الشباب3]

اخوي البل زينه وتحب الي يحبها ويقارد لها .......الخ لاكن يبغالها تعب من ناحية التضريب والحلب اذا كانت قشراء الله يعينك عليها ولاكن اذا كانت هديه تنبسط معها لااخر حد ماودك تفارقها ابد اسل مجرب وعليك بالبل الطيبه لكي تستفيد لو ضربت من فحول طيبه تجيب شي طيب وتبيع بيع طيب والله من وراى القصد .

[بندر خلف]

الله يجمل حالكم يالطيبين علومكم غانمه وراويه وتنومس



يامال العافيه يالسنافيه كل باسمه


وماقصرتوا




اخوي بندر تراي اضفتك عندي



اشوف ماسنجري نوررر وتمت اضافتك