تلفزيون مدمج مع رسيفر بالصور

[صلهامه]

السلام عليكم ورحمة الله

اليوم ما ادرى وش اللى قردنى وورحت لسوق العليا للكمبيوتر

دخلت الساعه تسع وطلعت الساعه اثنعش والقعده بالسوق نص ساعه والباقى بس واقف بسيارتى من الزحمة بالسوق

قلت ما اطلع خالى الوفاض

لقيت للكشاته تلفزيون شاشه ال سي دى مثل شاشة الكمبيوتر حجمها ( 17 ) انش مدمج معه رسيفر بالإريل ومن مجاميعه يعنى بس تفتح شنطته وتوجهه للقمر الصناعى ويشتغل والكهرباء على شاحن بطارية سياره عاديه
ولا تمديد اسلاك ولا دش خارجى ولا حوسه ولا بنغالى تركيب

ما لكم بالطويله

السعر ( 3000 ) ريال وغير قابلة للتفاوض

وكيله مؤسسة سمير حقين كوداك

http://filaty.com/i/901/10149/24012009024_800x600.jpg http://filaty.com/i/901/77117/24012009022_800x600.jpg

http://filaty.com/i/901/80613/24012009023_800x600.jpg

[ابو ناصر 1212]

الله يعطيك العافية اخوي
بس لو عطيتنا تفاصيل أكثر يعني هل يشغل عربسات والنايل سات والاوروبي وهل الاعدادات باللغة العربية

وموقعهم بالضبط

[مدمن الشات]

السلام عليكم ورحمة الله



اليوم ما ادرى وش اللى قردنى وورحت لسوق العليا للكمبيوتر


دخلت الساعه تسع وطلعت الساعه اثنعش والقعده بالسوق نص ساعه والباقى بس واقف بسيارتى من الزحمة بالسوق :eek: :eek: :confused: :confused:





هلا وغلا فيك أخوي صلهامة بالنسبة لموضوعك هذا أو خلنا نقول الأقتباس الذي أقتبسته من موضوعك
أنا من سكان الرياض اذا بغيت مثلا سوق الكمبيوتر (العليا أو الديرة)
(البطحاء أو حراج بن قاسم أحيانا )
أخلي سيارتي في البيت والtaxi هو يلي يوديني ويجيبني :) :)

[نجد 1]

الله يعطيك العافيه وماقصرت

[iase2000]

يعطيك العافية اخي الكريم
انت قلت رسيفر بالإريل ؟؟
هل هذا يعني ان الاريل موصل بالشنطة و ما فية راس او اي شيء؟؟
اذا هذا الكلم سعرة ممتاز بالحيل و لا يعتبر غالي

[صلهامه]

هذا رسيفر عادى هيوماكس المعروف بس اللهم انهم حطوا معاه شاشة واختصروا اشياء كثيره وميزة الدش اللى معاه انه دش مسطح مدمج على ظهر الحقيبة اللى معاه

ويتوجه على عرب سات ويجيب عرب سات أو نايل سات يجيب لك نايل سات

وين ما توجهه يجيب لك

القائمة مانى متاكد هل معاه عربى والا لا بس من صورة الأخ اللى على الكرتون شكلة فيه قائمة عربية

مثل ما قلت وكيلة سمير كوداك وتحصلة فى سوق كمبيوتر العليا مقابل الشدادى من شمال

[صلهامه]

[/center]


هلا وغلا فيك أخوي صلهامة بالنسبة لموضوعك هذا أو خلنا نقول الأقتباس الذي أقتبسته من موضوعك
أنا من سكان الرياض اذا بغيت مثلا سوق الكمبيوتر (العليا أو الديرة)
(البطحاء أو حراج بن قاسم أحيانا )
أخلي سيارتي في البيت والtaxi هو يلي يوديني ويجيبني :) :)



والله حل زين - المره الثانية ابجربه على الاقل ما ابحل بالمواقف

[نواف المزيني]

السلام عليكم ورحمة الله وبركاته ..... صلهامه

الله يحفظك علي هذا المرور ... ولاعدمتك والله

[خآدم الوالدين]

واللي يبي يشتريه يحط النيه انه يستعمله فيما يرضي الله
ويبعده عن المراهقين وغيره
ترى ما جت هالدشوش بخير
وياليتك ما اعلنت هذا الخبر
ويعطيك العافيه

[ابوفهد 1]

السلام عليكم

يعطيك العافية أخوي صلهامة

اخترااع جديــــــــــد في عالم الفضائيات...بس ما أفكر آخذه لأني في البر أبعد عم كل شي يحسسني أني بالمدينة.

واللي يبي الوصف بالضبط بعد أذن صاحب الموضوع

((سمير كوداك)) على شارع العليا العام مقابل تمور المملكة...

[ensaaan]

والله فكره جديده يعطيك العافيه
أخوي الغالي

دمت بحب
الإنسان

[عبد السلام ضيف الله الشلاش]

بسم الله الرحمن الرحيم
مشكور اخوي صلهامه

كل يوم طالعين لنا بشيء جديد , واذكر قرأت بهذا المنتدى سعودي مخترع مثل هذا اللي تقول .
عكرش الثالث

[ابو وافي 444]

مشكور أخي على هالموضوع الرائع
والحقيقه الفكره جيده جدا ولكن السعر؟؟؟
اعتقد لو بحثت بأمازون راح تلقى مثله
وتشتريه وتشحنه باقل من هالسعر وبمواصفات
أقوى (العالم أصبح قريه صغيره)
ودمت بود

[دانكن]

يعطيك العافية على الخبر ..

فيه احد الاعضاء هنا بمكشات اسمه الطاحونه ..

مسوي مثل هالاختراع او قريب منه مره .. الفرق ان الصحن خارجي بس انه صغير جدا ً ..

ميزته ان الشاشات كبيرة ..

17 صغير مره .. :) ..

[راعي الرحلات]

شكرا على المشاركة

[ابو مشعل2]

بيض الله وجهك مشكور

عز الطلب بس انه غالي

[سطام vip]

الله يعطيك العافيه اخوي

وصراحه سعره غالي وبيني وبينك لو ابشتريه علشان المباريات

والا غيره ما ينفع في البر الوحد يبي يجلس مرتاااح بدون ازعاج

الف شكر لك دمت بخير

[صياد البسيتين]

هذا ابتكار الزميل خالد الصانع ( الطاحونه)
بس هو يسويه بجميع المقاسات
وله اكثر من عشر سنوات وهو ينتجه .

[ساري بريدة]

الله يعطيك العافيه اخوي

وصراحه سعره غالي وبيني وبينك لو ابشتريه علشان المباريات

والا غيره ما ينفع في البر الوحد يبي يجلس مرتاااح بدون ازعاج

الف شكر لك دمت بخير

كلامك صحيح ..............

[خن بط]

ابعد عن الشر وغني له

والله الاخوان المصاريه احيانا عليهم امثال منتازه

اللي بيروح للبر محتاج الهدوء والاستجمام مهو محتاج دش وتلفزيون . وهذا رايي الشخصي

ومشكور

[نطاح الدجال]

مشكوور اخوي



بس راائي شخصي


شغل اخوي طاحونة افضل وعملي اكثر

[شاهي ربيع]

ابتكار رائع صراحه
وللشباب اللي يفضلون ابتكار اخونا خالد(الطاحونه)
هذا ميزته انه بدون صحن يعني اريل بسسس
وسلبيته صغر الشاشه
والعكس لابتكار اخونا خالد
شاشه كبيره بصحن
والله يوفق

[sudyer]

تحياتي لك و تشكراتي

[aab]

مريت على سمير كوداك اليوم وشفت الجهاز أولاً الجهاز معاة كتالوج عربي كامل وفيه طريقة التشغيل والتوجية .
يوجد بة مدخل للكارت لكن بمقاس شريحة الجوال وليس كما في الرسيفرات الكارت في الكامل .حسب ماهو مدون على الكرتون يمكن تركيب الأرديتو وبعد تفحصي للجهاز لم أجد مدخل للأرديتو.
الجهاز في شنطة مدمج معها اللاقط (الدش) و يوجد سلك (كيبل) من الشنطة الى التلفزيون حتى يمكن توجية اللاقط بعيد عن التلفزيون.
أعتقد أن السعر مبالغ فيه جداً .ولم أستطع تجربته وأعتقد بأنة ليس عملي (حسب رأيي من تفحصي له.
أرجو من الأخوان اللى جربوه يفيدونا.
تحياتي للجميع ,,,

[RANEEM]

السلام عليكم و رحمة الله و بركاته

شكراً أخي الحبيب لطرح هذا الموضوع والذي طالما أبحث عنه منذ أمد طويل ..

بحثت في دبي وعدة مناطق من دول الخليج عن ستلايت نقال

Portable

مثل شركة

VuQube



http://www.pplmotorhomes.com/parts/tv-antennas/vuqube-bracket.jpg

http://www.pplmotorhomes.com/parts/tv-antennas/VuQube2.jpg
http://www.pplmotorhomes.com/parts/tv-antennas/VuQube.jpg
وشكراً للجميع ..

[ابراهيم2008]

شي طيب يعني وداعا" للحوسه
مشكور ما قصرت
بس 3000 ما تحس انها واجده

[saddi]

مشكور
الله يحفظك ويرعاك