لغز سهل

[برق القصيم]

السلام عليكم جميعا
هذا لغز اسهل من اللي قبله






ويش اللي يجي لزومه مع الترحال*****لجل يخفف عن المسيكينه عناها
باليد والقدم يحدد مجاله كل رجّال ***** وبحداهن ترجع الامور لمبتداها

[ذيب هرشا]

وعليكم السلام ورحمة الله وبركاته

وش رايك بالحبال // الحبل للشدعلى الابل

ومن القيد او الركس للجمل

[برق القصيم]

وعليكم السلام ورحمة الله وبركاته

وش رايك بالحبال // الحبل للشدعلى الابل

ومن القيد او الركس للجمل

هلا بك اخوي ذيبان
والرمعه مالك لوا

[ذيب هرشا]

وش رايك بحذوة الخيل

[فهد الهلالي]

برق القصيم الله يمسيك بالخير وصح السانك رمعه ويش رايك بالقلص او السله على السياره او يكون دعسه الرجل على الحصان اتشوف الخياله مايجلس على ظهر الخيل عند السباق تحياتي لك

[برق القصيم]

وش رايك بحذوة الخيل

مالك لوا طال عمرك

[برق القصيم]

برق القصيم الله يمسيك بالخير وصح السانك رمعه ويش رايك بالقلص او السله على السياره او يكون دعسه الرجل على الحصان اتشوف الخياله مايجلس على ظهر الخيل عند السباق تحياتي لك


هلا والله بشيخنا الغالي والله فاقدينك طال عمرك عساك بخير
وكذلك مديرنا الغالي الخيال مبطين عنه عسى المانع خير
والرمعات مالك لوا

[فهد الهلالي]

عساك اخوي ماتفقد غاي والله يعزك في الدنياء والاخرهياخوي برق القصيم ويشرك اني بخير وعافيه ماغير اشغيلات بسيطه وانت طيب والعيال والاخوان عساهم بخير
رمعه السيارة البنت والكلتش والقير من اىول حتى الخامس ترتاح تحياتي

[برق القصيم]

عساك اخوي ماتفقد غاي والله يعزك في الدنياء والاخرهياخوي برق القصيم ويشرك اني بخير وعافيه ماغير اشغيلات بسيطه وانت طيب والعيال والاخوان عساهم بخير
رمعه السيارة البنت والكلتش والقير من اىول حتى الخامس ترتاح تحياتي

الله يبشرك بالخير وانا بنعمه يا الله لك الحمد
ورمعتك خطيررررره واتجاهك صحيح خلك حول الدعوى

[فهد الهلالي]

طايب ياخوي برق الجنالط نوع بالقدم ونوه باليد تحياتي

[برق القصيم]

طايب ياخوي برق الجنالط نوع بالقدم ونوه باليد تحياتي

مالك لوا طال عمرك
من اول ابقربلك الحل مع انك مانتب بعيد بس يوم ذبحت لغز الدنانه هونت
بانتظار مرماعك القادم

[ابن الراوي]

حياك ربي يابرق وش رايك بمثبت السرعة بالسيارة تحياتي

[فهد الهلالي]

مايكون ياخوي برق الفاضي من القير تحياتي لك

[برق القصيم]

حياك ربي يابرق وش رايك بمثبت السرعة بالسيارة تحياتي

ماشاء الله عليك اخوي ابن الراوي
صح لسانك نعم الحل مثبت السرعه بالسياره
وللتوضيح قصدي انه يريح القدم(اعزكم الله) وعند تشغيله تحتاج للقدم واليد معا وعند ايقافه اما باليد او بالدعس على الفرامل وطبعا ماتحتاجه الا للسفر او المسافات الطويله

[برق القصيم]

مايكون ياخوي برق الفاضي من القير تحياتي لك

الحل عند اخونا ابن الراوي
وانت كنت تدور حوله وقريب منه بيض الله وجيهكم جميعا