الغاز من التراث ( لغز : 27 : )

[ابو ماجد 2]

الغاز من التراث ( لغز : 27 : )


السلام عليكم ورحمة الله وبركاته



سقت انا الغازي ابي فيهن ثلاث=ذكرى للماضي وفهـم للتـراث
وانتسلى عل ماينوبـك مغـاث=ولا تلوم الحي في ذكر القديـم
.=.
وشو اللي لو قبل حتنه اتى=له علاج من قديم ماختى
نكتمه مع ريح دهن يافتى=ولا تلوم الحي في ذكر القديـم
.=.
في ثلاث حروف نطقه بالتمام=مع نقيطه تاتي في حرف الختام
ولو قلبته يافتى يصبح حرام=ولا تلوم الحي في ذكر القديـم



تحيتي وتقديري لكافة الزملاء
للتوضيح..ريح دهن كنايه عن القله

[برق القصيم]

صح لسانك زعيمنا
نفتح الباب ونقول الرمخ

[ابو ماجد 2]

والله من شفت اسمك بالمتصفح وانا عارف ان اللغز انتهى ماشاء الله عليك
وصح لسانك ملايين
نعم هو رمخ وعكسه خمر
والرمخ هو طلع النخل يتساقط وهو صغير اخضر (حتات ) وكانوا يجمعونه ويضعونه بقدر محكم الاغلاق ويضيفون قليل من الدهن ليصبح بعد فتره لين ومستساغ الاكل في ذلك الوقت
بيض الله وجهك

[برق القصيم]

ماعليك زود يازعيمنا
وبيض الله وجهك على هالدرر ويعلم الله اني استفدت منك الكثير ماشاء الله عليك وزادك الله من فضله
ودايم اقول الغاز ابوماجد لها اهداف رائعه اما دينيه او تراثيه وهذا يدل على نبلك وبعد نظرك وتمكنك