الصقر ما ادري وش جاهـ

[طير جنون]

السلام عليكم

يا اخواني يا أهل الخبرة الطير اللي عندي شاهين بكرهـ

ويحاول ينتف ريشه وايضا يحاول ان يفك الحبل اللي عليه

ويرفع رجله كثيراااا واذا شلت البرقع عنه يحاول ان يطير


ما ادري وش فيه هل اذا جاع الصقر يسوي هالحركات

وكيف ادري انه جوعان ؟؟


وشكراا

[وَسَام!]

من كلامك اظنك صقار مبتدىء!
الطير ماهو يحاول ينتف ريشه هذا ينسل ريشه يعني يزينه ويدهنه!
اما يحاول يقطع سبوقه (الحبل ) فهذا طبيعي
واذا اخذت برقعه يحاول يطير يمكن انك مادهلته واخذ عليك زين ! خله على يدك وامسح عليه
باستمرار ولافيه الا العافيه ان شاء الله
اما بالنسبه للجوع انت ابخص اعط الطير وجبه واليوم الثاني نفس الوجبه في وقتها
وياليت تعلمنا وش طيرك من شان نفيدك اكثر

[طير جنون]

الله يجزك خير على هالمعلومات

انا توي صقار مبتدا

والطير اللي عندي شاهينه جبلية بكرهـ

بس انا مستغرب من شي اشوف الطير يحاول يمسك بمنقارهـ الريشه من الاخير ثم يمسح عليها بمنقارهـ شي غريب

اما بالنسبة للجوع انا ودي الوحله ويجي اليوم طلعت فيه البر الفجر وألوح ما يجي يوم قربت عندهـ مسافت مترين وأشوفه ينط عليها ثم أسحبه عنه ثم ياقف شوي ثم ينط عليها ولا مسكها ولا أهتوا
وإذا ابعدت الملواح مسافة عشر امتار ما يجي وماسك بيدي سمان مذبوج ولا يجي
والله اني مستغرب ما ادري وش اسوي

الله لا يهينك عطن وش رايك

[وَسَام!]

حط العلف في الملواح واذا جاك خله ياكل منه شي بسيط وبعدها ابعد عنه بالتدريج لين يقوم يجيك من مسافة كيلو!
لكن لاتكثر له !

[طير جنون]

اهااا تسلم

نبي نجررررررب ونردلك

[ملاعب الطير]

من كلامك اظنك صقار مبتدىء!

الطير ماهو يحاول ينتف ريشه هذا ينسل ريشه يعني يزينه ويدهنه!
اما يحاول يقطع سبوقه (الحبل ) فهذا طبيعي
واذا اخذت برقعه يحاول يطير يمكن انك مادهلته واخذ عليك زين ! خله على يدك وامسح عليه
باستمرار ولافيه الا العافيه ان شاء الله
اما بالنسبه للجوع انت ابخص اعط الطير وجبه واليوم الثاني نفس الوجبه في وقتها

وياليت تعلمنا وش طيرك من شان نفيدك اكثر


:good:
:good:
:good:
ماقصرت كلام جميل

[عقل وكري]

طيرك مافيه الى العافيه مثل طيري بس هالنوعيه من الطيور يبغالها صبروطولة بال خصوصا الشياهين وانصحك بالوكري اريح لائنه حار على العلف والله يعينك عليه وعلى قيضه

[لعّاب المنايا]

ما ازود على كلام الرياجيل الله يبيض وجيههم

بس شف لك احد صقار او مجموعة صقاقير بمنطقتك وحاول تتعلم منهم ...

[محمد الشامان]

ما ازود على كلام الرياجيل الله يبيض وجيههم

بس شف لك احد صقار او مجموعة صقاقير بمنطقتك وحاول تتعلم منهم ...
:good: :good: :good: :good: :good: :good:

[يوسف ابالخيل]

تبي تعرف انه جوعان؟
المس صدره اذا كان منتفخ فهو شبعان

واذا كان نازل فهو جوعان
تقبل مروري:

[عبدالله22]

يا الذيب ما تلوح للطير قبل ما تدهله

والضاهر أنك ما تلوح له الضاهر أنك تدعيه

الملواح هو انك تفك سبوقه وتخليه يلاعبه

ويا جعل فاك الخرب

[النااايف]

لاااااااااااااااااااااااا تهده قبل ماتدهله