وش ازين دربيل للخرازة

[ذيب الغدرا]

اخوتي الكرام
السلام عليكم ورحمة الله وبركاته
لقد ذهبت الى محل الرماية لشراء دربيل للخرازة البرنو ولكن تفاجئت انهم يقولون ان الدربيل ب 700 ريال يعني نص قيمة الخرازة ( والله اللي هونت عن هالسالفة ) .
ارجو الافادة لمن عنده خبر عن افضل نوع وبكم سعره واين يوجد
وشكرا

[الخبير]

السلام عليكم
الدرابيل انواع كثيرة مثل ما تعرف، وطبعاً مع إختلافها تبي تلقى ان أسعار الدرابيل تختلف.
طبعاً من الأنواع المشهورة زايس وشزاروفسكي وشمت أند بندر هذولا تبدأ أسعارهن ب 1500 ريال لذلك ابي استبعدهن. مع إن عندي دربيل نوع شمدت أند بندر شاريه ب 2200 ريال.
من أحياناً الشخص يستغلي الخرازة ويقول ما ودي اشتري دربيل سعره مثل سعر الخرازة أو نص سعرها، لذلك يلجئ إلى الأنواع المخيسة يمكن تعجبك أول ما تاخذها لكن بعدين والله إن تعافها.

عموماً الدربيل ما من وراه خسارة لأنك تقدر تركبه على أي بندق، لكن إذا كنت ملزم على الأنواع هذي ابي انصحك بأنواع وانت وإختيارك:
وبلي هذا إنجليزي: يمدحه الكثير من الشباب. حول 450
ابو طير: ممتاز من تجربه وميزته في حجمه تقريبه 1.5-4 سعره بحول 850 هذا إن لقيته.
نوركونيا: انا جربته وما جاز لي لكن أعرف شباب واجد جاز لهم تلقاه بحول 450 ريال، تقريبه 3-9

لاتنسى يا ذيب أن أيضاً ان قواعد الدربيل مهمة بعد فالقاعدة أم 35 ريال ما تجي بجودة ام 180 والأخيرة ما تجي بجودة أم 650 ريال ( فيه قواعد بهذا السعر ).

ميزة القواعد الغاليى إنها ثابته وقوية المعدن وإيضاً إذا فكيت الدربيل من البندق ورجعته ثاني مرة لنفس البندق تبي تلقى الوزنية ما تغيرت، أما الثانيات فتتغير مع الفك والتركيب.

[ذيب الغدرا]

مشكور اخوي الخبير وانا ما حطيت الموضوع الا للاستفادة من خبراتكم .
بس انت خابر ان اللي معروض عندهم يمكن القاه في مكان ثاني بسعر ارخص

[الخبير]

انت وما تراه مناسب.
إذا ما كنت مستعجل دور على راحتك لكن أحرص على الإن العدسة تكون صافية.

[alone]

السلام عليكم أخوي ذيب بالنسبة للدرابيل أنا صراحة ما أنصحك بوبلي لأنه الأنجليزي ما هو موجود بالسوق الموجود شركة أنجليزية و تم صناعتة بكوريا بس علي العموم الدرابيل واجد بس أنت تقول تبي شي زين ورخيص هو موجود بس مهوب بنفس الجودة ولا يصلح إلا للخرازة وإذا جربته على عيارت كبيرة بخرب بالنسبة للأنواع الي أنصحك فيه الهاكو ياباني و سعره يتراوح من 250 - 450-550 وأغلبها تجي بزوم و في أنواع صينية بس ما أنصحك فيها تلقاها عند الهدف و الرميح و السلام

[ذيب الغدرا]

مشكورين اخواني
وعساكم ذخر لنا

[محمد العبدالسلام]

اسمع يا حبيبي انا جربت كل الدرابيل ما لقيت مثل دربيل صناعته ياباني وقيمته 400 ريال وميزته الوحيده ان به مسمار عند فرارات التوزين يعني ما يصير له ارتجاج ابد حتى على الهوائية ووزنه مره وحده وانسى .

ويشهد الله اني اجاكر به على روس الضبان واقول للشباب تبيها بالعين ولا فوق شوي واذا تبي منه راسلني على الرسائل الخاصه واساعدك