الى الصقاقير المتضلعين في الصقاره,,,,

[أبو فهد العيد]

الى الصقاقير المتضلّعين في العلم,,,
السلام عليكم ورحمة الله وبركاته,,
ياجماعه انا عندي طير ,,
قرناس خامس,,بيتي,,من يوم انه فرخ والطير سبووووق سبق فاااارط..
والسنه هذي الطير تلاب ورى صيدته ,,,, يلحقها لكن مهوب جناحه اللي اعرفه..
وانا جربت وزن الطير في سواء صنعته او اضعفته,,مافاد فيه,,
افتوني في امري ,,

[..@القناص@..]

يفيدونك اهل الخبره

[سلطان 1]

ارحب يابو فهد تراحيب المطر 0
عندي علاجه وبكلمك

[أبو فهد العيد]

ارحب يابو فهد تراحيب المطر 0
عندي علاجه وبكلمك
مانستغني عنك ..ياراعي فاروق.
الله لايهينك ويرفع مقدارك

[alsarm]

حياك الله اخوي ابوفهد عنديلك حل وهو انك تجينا وتغير المدعى هههههه اخلص من الحقوق اللي عليك؟؟؟

[أبو فهد العيد]

حياك الله اخوي ابوفهد عنديلك حل وهو انك تجينا وتغير المدعى هههههه اخلص من الحقوق اللي عليك؟؟؟

اي واللله.......
وش جابك انت..
ههههههههه
ابشر بالجيه ,,لكن ماودي اجي الا ومعي طير يبيض الوجه

[راس عيطا]

السلام عليكم
والله نفس المشكله عندي بس مو من بعد الربطه
انا بنص الموسم تغير علي الطير والفرق واضح وجربت الوزن نفسك ومافرق شي
لاكن نشوووف راي الاعضاء اتمنى يفيدونا

[صقرالشعلان]

فاله السلامه والطيران الطيب ان شاالله اتوقع انه يكون فيه ديدان في الرئه والله العالم تقبل مروري

[هواي داورد]

اخوي اجرد الطير

الطير يبي له جرد

[قرناس حائل]

مساك الله بالخير اخوي

فيه امور كثيرة تغير طيار الطير

لكن اولا افحص الطير وعلمنا بالعلم

تقبل تحياتي

[رويلي وافتخر]

الحل حسب اعتقادي انك لازم تجرد الطير وتعرف وزنته اقصد اقصر عليه العلف شوي

[محمد الفهيد]

حيالله ابوفهد

وانشالله ايفيدونك الاخوان ، لاكن يمكن عنده نقص في الفيتامينات أو الأملاح

[فهد الميموني]

فيه امور كثيره تدخل في طيار الطير
1-ملع في الطير
2-ديدان الرئه
3-الجرد
4-صنعة الطير وضعفه
5-درجة الحراره(الجوا)
6-شبيكا الطير
7-صحة الطير العامه
تقبل مروري ابوراكان

[ابرق آلريش]

افحص الطير لا يكون فيه دود

[أبو فهد العيد]

حيالله ابوفهد

وانشالله ايفيدونك الاخوان ، لاكن يمكن عنده نقص في الفيتامينات أو الأملاح

اخو ابو فهيد,,, هل الفيتامينات والاملاح ,,تناثر على السبق,,

[أبو فهد العيد]

فيه امور كثيره تدخل في طيار الطير
1-ملع في الطير
2-ديدان الرئه
3-الجرد
4-صنعة الطير وضعفه
5-درجة الحراره(الجوا)
6-شبيكا الطير
7-صحة الطير العامه
تقبل مروري ابوراكان

حياك الله يابو راكان,,
1. لااتوقع ذلك,,لان الطير قبل امس مشينا وراه 15 كيلو..ولو كان فيه ملع ماقدر يطير هالمسافه.
2.الطير مفحوص وسليم,,
جربته صنيع والا ضعيف,, مافاد فيه
5. الطير اعرفه ماتاثر عليه احوال الجو
6.هذي هي اللي ماجربتها,,حتى عقب ماطلعته من الربطه,,

[ملاعب الطير]

ابوفهد مساك الله بالخير
كلام الميموني طيب
ورقم 6 خطييير

[قرناس حائل]

حياك الله اخوي

اقدر ازيد شوي على كلام اخونا ابو راكان

المدهنه لها دور بطيار الطير , ريش متكسر وغيرها

تقبل تحياتي

[قرناس الهوى]

ابو فهد اذا كنت تصيد له فريس بالخرازة فالله العالم ان الطير معه تسمم بالرصاص والسبب نوعية الرصاص اللي تستخدمه وصار لطيري هالسنه (طياره كأنه متملع او ناقض ) وبعض طيور الربع بعد وعلاجه بسيط..
وتقبل مروري ..