وين احسن روضة قريبة من الرياض؟

[BlackKnight]

السلام عليكم ورحمة الله وبركاته


ناوين نكشت الخميس ولكن ماندري نكشت في اي روضة

قلت ما لها إلا ذيابة مكشات هم اللي بيعطوني الرأي؟

بس اهم شي ماتكون بعيدة مرة.

قال لي واحد وصف روضة قريبة من العاذرية بس ما ادري عن ربيعها.

يقول امسك ردمية العاذرية وانت جاي من الثمامة وامش تقريباً 30 كيلو او اكثر بتجي الروضة في وجهك.

وهي عليها شبك وفيها حرس

[مخاوي الليل..]

بسم الله والصلاة والسلام على رسول الله وعلى صحابته الكرام


اهلا فيك اخوي ,, اتمنى ان اخدمك ...


فيه طال عمرك روضة الشقوق التي تقع في رغبه


وانت ذاهب باتجاه رغبه مرورا بحريملاء سيأتيك تقاطع ( ثادق _ رغبه )


وهو نقطة تفتيش , تأخذ يسار باتجاه الغرب , تمشي لك 1 كيلو تقريبا


ستجد الروضه على يمينك وهي التي بموازات النفود..


هذه بعض الصور لها والتي بأمانه منقوله من احد المنتديات



http://www.la3younk.com/files/ze6ts3gog0tqnhca1a5h.jpg



http://www.la3younk.com/files/5q021pa8ycllb37fbviv.jpg




قد تكون بالفعل هي اقرب مكان لمدينة الرياض وهي بالفعل تستاهل ان تذهب لها ..



اتمنى انني قد افدك اخي الكريم وان تكون رحله ممتعه باذن الله تعالى ..

[BlackKnight]

مشكور وماقصرت اخوي مخاوي الليل

لكن الروضة كم كيلو من الرياض

[ياليل خبرني]

انت تقصد اخوي روضة الخفس
امسك طريق الثمامة وخل النفود على يسارك بيجيك تفتيش تعدا التفتيش
امش لما يجيك مفرق الطوقي والتنهات والصمان امش بعدة بشوي بتشوف الردمية على يمينك هذي روضة الخفس

تقبل تحياتي وتقديري...

[طير بر20]

السلام عليكم ورحمة الله وبركاته


ناوين نكشت الخميس ولكن ماندري نكشت في اي روضة

قلت ما لها إلا ذيابة مكشات هم اللي بيعطوني الرأي؟

بس اهم شي ماتكون بعيدة مرة.

قال لي واحد وصف روضة قريبة من العاذرية بس ما ادري عن ربيعها.

يقول امسك ردمية العاذرية وانت جاي من الثمامة وامش تقريباً 30 كيلو او اكثر بتجي الروضة في وجهك.

وهي عليها شبك وفيها حرس

وعليكم السلام ورحمة الله
هلا اخوي
بالنسبة للروضة اللي تتكلم عنها انا رحتها قبل تقريبا 3 اسابيع الصباح ويوم جاء الظهر جو الاخوياء وطلعونا
منها قالو عندنا اوامر وبالمناسبة سميناها روضة أوامر وهي روضة خاصة اعتقد انها
لـ عبدالعزيز بن فهد والدليل الطريق الممهد من العاذرية الى الروضة
وللمعلومية فيها رشاشات بحيث اتهم يرشونها في حالة عدم وجود امطار

الخلاصة مانصح انك تروحها عشان مايجي احد يطلعكم منها
بالاضافة الى الطريق الممهد طويل
ارجو اني افدتك
والله يوفق

[مخاوي الليل..]

مشكور وماقصرت اخوي مخاوي الليل

لكن الروضة كم كيلو من الرياض


حوالي 120 كيلو

والله يكتب لك الخير

[BlackKnight]

الله يجزاكم الف خير

[كشات سديراوي]

رحله موفقه..

[خريت 44]

إضافة على موقع روضة أم الشقوق :

إذا جاك تفتيش الرغبة وأنت جاي من الرياض اتجه يسار (غرب) وامش 6 كيلو بالتمام ، تجي الروضة على يمينك وهي ترى جزء منها مشبك ..
إلى اللقاء

[ليث العاصمة]

رٍوضـــة خـــرٍيــم