الفزعة بكرة عندي عزيمة وابغى افضل خلطة للمندي..

[Traveller]

السلام عليكم ورحمة الله وبركاته
كيفكم ان شاء الله بخير
اتنمى الي عنده خلطة حلوة للمندي لا يبخل علي ضروري بكره عندي عزيمة لاتفشلوني:o
تراني طبيخ لكن ماقد سويت مندي قلت وش ورانا نجرب:D :D
وجزاكم الله خير تكفون لا احد يمر على الموضوع من غير رد

[االنشمي]

المندي لا تحطله الا ملح وقليل من الفلفل الاسود فقط ولون اصفر قليل وتذوق الطعم وقلي
عن خبره 20 سنه بالمندي

[ابوفهيدان]

حبيبي لابغيت طعم للمندي مضبوط
اخلط ماء وزعفران مطحون وملح وصبه علي اللحم لين يصير اصفر ومالح
وبعدين خل اللحم ينشف بالهوا وبعدها حطه بالحفرة وهاذي التتبيلة الصحيحة للمندي
واللي يقولك حط بهارات الافضل تسوي كبسة مرة وحده
المندي حلاته طعم اللحم فقط ماهو طعم بهارات محترقة

[مجازف2010]

ما ازيد عن كلام الاخوان حط ملح ولون الزعفران فقط

اما الفلسفة الزايده الي يقول حط خل وصلصة وبهارات وماني عارف ايش هذي كلها تفقد المندي نكهته الخاصة

مثل ما قالو الاخوان لك وان شا الله تضبط
وعلى فكره الرز لا تحط معه طماطم بس لا اوصيك بالتوابل الحب يعني الهيل والليمون الاسود والقرفه كلها كامله غير مطحونه وكم علب حبحر وان شا ءالله يطلع شغلك تمام

تحياتي لك

[ابوليان2009]

اخوي الكريم / حط كمون وكركم وفلفل اسود وملح وتخلط معا بعض ثم توضع على اللحم وبعدين طريقة قياس كمية المويه اللتي توضع على الرز على سبيل المثال اذا بتحط خمس كاسات رز زود كاستين مويه اي سبع كاسات مويه حاره توضع في القدر حق الرز ويكون الرز مغسول وغير منقع في مويه وبعد وضع الرز في القدر تصب المويه عليه( مغليه) ثم تحط عليه بصل وطماطم مقطع بكمية قليله اي حبه لكل نوع وقليل من الكركم اي ربع ملعقه صغيره او اقل ثم تحط ليمون اسود وفلفل حب اسود وقرفه وفلفل اخضر حار حسب الطلب كلها منكهات للرز ملاحظه لا تحط المويه الحاره على الرز اللى وقت تنزيل القدر في البرميل اذا المندي دجاج حط مكعب واحد ماجي في كاس المويه وحركه حتى يذوب وحطه على الرز . اتمنى ان اكون قد وفقت في الرد ونبي نعرف النتيجه وشكراً اخوك ابوليان

[غيث 6]

اخوي العزيز اذا انك طبيخ على كلامك ماعليك الا العافية بس انك شايل هم ممكن ضيوفك يكونون رسميين شوي فعشان كذا يكون الوحد مهموم شوي على العموم ماازيد على الشباب
بشي الا اني اقولك ممكن انك تسوي المندي بدون اي تتبيلات حتى الملح ماتحطه الا بعد الاستواء وهذي طريقة مجربة ميه ميه وبالتوفيق

[م.بندر]

ملح + زعفران

[دهران]

http://www.mekshat.com/pix/upload02/images97/mk17809_sahamtahat.gif


الرجاء قراءة هذا الموضوع قبل كتابة أي مشاركة .

(http://www.mekshat.com/vb/showthread.php?t=139477)