لاصرت يالصاحب عن الناس متغير @@ خل العلوم الاوله لاتخربها

[طير الهقاوي]

بسم الله الرحمن الرحيم............ وبعد
اخواني الاعضاء والمشاهدين لمنتدى مكشات وبالاخص خيمة الصقور
بتكلم معكم على لهجتي وعلمي وليس كتابتي بالعربيه الفصحه بل بالعاميه
ارا ان بعض الناس يجي ويتكلم في اسم طير او شكل او لون او اي شي يتعلق بالطير ياناس يعفطون السلوم الاوله عفط سواء بالمسميات او بالاوصاف يعني شي
ربينا عليه وتعلمناه من الاباء والاجداد راح والسبب نمونه من الجهله الي يدعون المعرفه في كل شي
يعني المفهوميه الزايده وبسراحه لااجد من يعارضهم او انه يحاول انه يفهمهم في المندى يعني يجي مشترك جديد او قديم ويحط الموضوع وهو واثق بعمره وثوق الشرف مادرا انه ضايع ومضيعه الله المهم المقصد الي اقصده من كل موضوعي ان من شاف منكم غلط يحاول يعدله يعني الواحد ماولد عالم يتعلم من الناس وبيجيه من يتعلم منه

وسلامتكم اخوكم طيرالهقاوي

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / طير الهقاوي


الله يعينك اول ما نبدأ بك انت هههههههههه


تقول ((ضايع ومضيعه الله ))((من شاف منكم غلط يحاول يعدله))
اللي يضيع هوه الشيطان
اما الله سبحانه وتعالى هو الهادي الى سواء السبيل
تقبل بصدر رحب
ولا تدور علي يا خوك بتلقى واجد ههههه
استرني سترك الله

[طير الهقاوي]

الله يصلحك انشالله ونشوفك داعيه من دعاة الاسلام كل الامور بيد الله يهدي من يشاء ويضل من يشاء
وشكرك على المرور وقر موضوعي زين انا قلت بتكلم بلهجتي وهذي المقوله نسمعها من ناس اكبر مني ومنك
ولا اقول الى شكرااا على مرورك


طير الهقاوي

[روووح]

طير الهقاوي عز الله انك صادق

وبيض الله وجهك على هذا النصيحه التي اتمنى الكل يعمل بها

[محمد الشامان]

طير الهقاوي

بيض الله وجهك علىالنصيحه

[طير الهقاوي]

اشكر روووح وابو شقران على المرور وبيض الله وجيهكم
اخوكم
طير الهقاوي

[هولاكو2008]

السلام عليكم يا طير الهقاوي

كثير من الناس يسير على خطاء وان جيت تقول له هذا خطاء يقول لك انت غلطان لكن يجي يوم ويعرف انه على خطا

وثاني شي ليش توجع قلبك

خل كل واحد يتكلم على حد معرفته

يمكن نجد الصواب بين الاخطاء

ويقول المثل عليك ان تكتشف النظام من داخل الفوضى

وتقبل تحياتي

[طير الهقاوي]

<p>كلامك يا ناصح يريح شوي بس على موضوع الصقاره ماريحني لوها سياره او من الهويات الجامده خله يتخبط لين ايتعلم والصقاره نسقها واحد ولا تتغير ولن تتغير </p>
<p>اشكرك على المرور وشرفتنا</p>

[ثامر اليامي]

طيـــــــــــــر الهقـــــاوي تحيــــاتي انت ماتشووف نفسك انك متكبر علينا انت امسوي فاهم فهمهم ياخي اسمع والله ماتدري وين الله حاطك انت تغلط على بعض الناس المبتدين لاكن لاززم احد يردعك اشان تعرف كيف تغلط على البشريه انا الله لايحب المتكبرين والله يسامحك
تحياتي طير الهقاوي
sosi3000@hotmail.com
للتفاهم بل الموضوع والنقاش ياسيدي طيـــــــــــــــــــــــــر الهقاوي هههههههههههههههه قال ايش قال طير الهقاوي ابرفسوور المقناص احم احم

[روووح]

طيـــــــــــــر الهقـــــاوي تحيــــاتي انت ماتشووف نفسك انك متكبر علينا انت امسوي فاهم فهمهم ياخي اسمع والله ماتدري وين الله حاطك انت تغلط على بعض الناس المبتدين لاكن لاززم احد يردعك اشان تعرف كيف تغلط على البشريه انا الله لايحب المتكبرين والله يسامحك
تحياتي طير الهقاوي
sosi3000@hotmail.com
للتفاهم بل الموضوع والنقاش ياسيدي طيـــــــــــــــــــــــــر الهقاوي هههههههههههههههه قال ايش قال طير الهقاوي ابرفسوور المقناص احم احم

اخوي طير الهقاوي بالله اسفهه

[أبو أمين]

بني ادم مهوب معصوم والهادي الله

شاكر لموضوعك

[صف النيه]

طيـــــــــــــر الهقـــــاوي تحيــــاتي انت ماتشووف نفسك انك متكبر علينا انت امسوي فاهم فهمهم ياخي اسمع والله ماتدري وين الله حاطك انت تغلط على بعض الناس المبتدين لاكن لاززم احد يردعك اشان تعرف كيف تغلط على البشريه انا الله لايحب المتكبرين والله يسامحك
تحياتي طير الهقاوي
sosi3000@hotmail.com
للتفاهم بل الموضوع والنقاش ياسيدي طيـــــــــــــــــــــــــر الهقاوي هههههههههههههههه قال ايش قال طير الهقاوي ابرفسوور المقناص احم احم



اقول ثامر...
،،
،،
كم بيض الحمام..؟؟

[احمدالصالح]

لاتعليق على الموضوع...... صححوا الخطا اللي تشوفونه بدل ماتلومون ،ماحد انولد من بطن امه متعلم علموا الناس وشلون يكلمونكم بمصطلحاتكم الخاصة ياطويلين العمر.

[طارق الحربي]

اخي طير الهقاوي

شكرا على كلامك

وكلنا يعلم ان نيتك سليمه حفاظا على الصقاره من الدخلاء

ولكن من يخطئ يجب عليك وغيرك من كبار الصقاقير خبره ان يوجهونهم الى الصحيح

شكرا لك

[هواي داورد]

الله يستر على المسلمين

وبيض الله وجهك اخوي

وكثر الله من امثالك

[المارد1]

المقصد الي اقصده من كل موضوعي ان من شاف منكم غلط يحاول يعدله يعني الواحد ماولد عالم يتعلم من الناس وبيجيه من يتعلم منه

وسلامتكم اخوكم طيرالهقاوي[/quote]
بيض الله وجهك وهذا المطلوب من كل عضو وترى مافيها شي اذا تتعلم من راعين التجربة الطويلة في مجال الصقارة

[ثامر اليامي]

صف النيه بيض الحمام اتعرف وين اتحطه يل الدجاجه روح انت2 وطيرك الجربان

[aljubail]

يعطيك العافيه وماقصرت وبيض الله وجهك
وكلامك مضبوط ميه بالميه

وفيه نقطه عندي المنتدى فيه اعضاء من دول الخليج والمسميات تختلف

والسعوديه فيها مناطق واجد وتختلف المسميات من ديره الى ديره

مثل حنا ياهل الشرقيه نقول شرياس وانتو تقولون شبوط

>> احس اني جبت العيد





المهم ياطير الهقاوي بعض الناس لاتحط عقلك بعقله لانه صقار له عشرين سنه

يبي حر 20 في 20 صدر عريض ولونه اشقر فاتح
هههههههههههههههههههههههه