وين ابعد مسافه قدرت تراسلها

[عــ999ـــادل]

السلام عليكم ورحمة الله وبركاته.


شرايكم ياشباب

كل واحد يقول ابعد مسافه قدر يراسلها على VHF

وشني العدة او الاجهزة الي كان يراسل فيها وكيف كان الجو

وكم كان رافع الاريل والرجاء تحري الصدق والدقه


وابداء انا واعوذ بالله من كلمة انا

الاريل 13B2
جهاز 8000 ايكوم طبعا
ارتفاع الاريل 10 متر تقريبا تزيد 10 سم تنقص 10 سم (الاخ يتحرى الصدق والامانه):D
وكنت داف امبي 200 وات بس هو يطلع اكثر يمكن حدود 250وات والله العالم

طبعا الجو كان ولااروع المسافه كم تتوقعون

500 كلم تقريبا تزيد 20 متر تنقص 35 متر الله العالم

والحمد لله


يالله نبي الكل يشارك حتى لو كان كل عدتة يدوي 1 وات عادي يقول ابعد مسافه

راسل فيها

وتحياتي للجميع

[هاي 2005]

السلام عليكم ورحمة الله وبركاته


بدايه بنذكر العده :

الاريل دايموند 7.8 الارتفاع من الأرض 12م الجهاز 2100 بدون أمبي .

التاريخ 3/9/1421هـ المسافه قدرت أسمع الأخوان الكاسر من الدمام وأبو سعيد من الدوحه قطر والأخ معدي المرقاب من عنيزه .

وكانوا مع الأخ الهيثم بمكتبه للمراسلات البعيده .

طبعاً ساكن بغرب الرياض 100كم أو للتوضيح أكثر غرب المزاحمية 50كم

[الخبير]

الجهاز آيكوم 8000
عدد 2 كيبل بلدن 9913
انتل لارسن أصلي وانتل دايمون الأصلي.
الموقع: الثمامة
الحالة متحرك
بدون إمبي تمت مراسلة راعي عنيزة وهو بسيارته في عنيزة واستقبله بزي ( 350 كلم ).
بإمبليفاير 200 واط تمت مراسلة راعي عنيزة ( 350 كلم ) واستقبله 5 ابراج.

[الفقيد]

العدة جهاز 2100 ايكوم
اللأريل التوجيهي القزم أربع ريش من تصميمي ..
المسافة 400كم بدون انبي كان الأرتفاع 20 متر قد تزي على الرافعة وقد تنقص ...
المنطقة أبها.وفية أيضن أريل أسرائيلي على مايقول عندي أيضن راسلت فية مناطق بعيدة ...
أبو مشاري;)

[عــ999ـــادل]

ماقصرتو ياشباب


هاي 2005 و الخبير و الفقيد

بصراحة مسافات حلوة خصوصا ان الارايل استيشن او اناتل متحركة
وانا مستانس ب 500 كلم لا وعلى دايركشن وامبي هههههههههههههه
تصدقون توقعت ادخل كتاب جينس للأرقام القياسية :D :D


وين الشباب الباقيين نبي مشاركتكم







:rolleyes:

[الطبيب]

اولا العده

ايكوم 2100
فيبر ثلاث قطع ( دايموند ) 7.8 دي بي بارتفاع 15 متر تقريبا
الوقت الصباح الباكر ( ما بين الساعه 6:30 الى 8:30 ) شهر 8 افرنجي ( يعني بعز الرطوبه عندنا )

الموقع

مدينة الجبيل الصناعيه ( المشهوره بالتشويش العالي على الارساليات )

المراسلون

ابو سعيد من قطر >> على السبعه ويستقبلني 3

الكاسر من الكويت >> اوفر ويستقبلني خمسه

وفيه واحد ما اذكر اسمه ويقول انه من ابو ظبي ( هذا ان صدق )


========

وعلى فكره حاولت اكثر من مره اني اغطي نقس المسافه مره اخرى ولكني ما قدرت


واذكر مره راسلت قطر ( في وسط الاسبوع ) ويوم قلت لهم عن موقعي ( حدودي )
طاحو فيني

اللي يقول لي كذاب
واللي يستخف فيني
واللي يحاول يلعب باعصابي

وكلهم ما هم مصدقين اني اراسل من الجبيل وخذ يا تشويت وتريقه



==============

هذا ما عندي

هذا والله اعلم

والسلام ختام

[متاخر]

استيشن دايموند سيار + امبي 200

في الصيف راسلت بالسياره فوق طعس الهاف مون بالخبر مجموعه من الشباب عندهم استيشنات في ابو ظبي و بعضهم استقبلهم اوفر وبعضهم سبعة ابراج
والمسافه تقريبا 500 كيلو

[عــ999ـــادل]

الطبيب ليش الجبيل عندكم مشهورة بالتشويش


وبعدين ماشاء الله فيبر 7.8 بدون امبي مع المسافة الي جبتها والله شي حلو


وازين شي ان الشخص اذا راسل لمسافات بعيده الافضل او من المفروض انه يقوم
بتسجيل المراسلة

لأنك صادق والله بعض الشباب قد لايصدقون انك قمت بالمراسلة الى هذه المسافه

فتوثقها بالتسجيل.


وبعيدن ليش اهل قطر ماصدقو غريبه مع ان كثير شباب من الشرقيه يراسلون اهل قطر

بكثره لا وفيه مراسله سامعها شخص من الافلاج يراسل قطر والله شي حلووووووو



متأخر نفس المسافه الي جبتها 500 كيلو بس شف الفرق في العدة

:rolleyes: :rolleyes:

لا وازيدك من الشعر بيت الشخص الي راسلته اريله 26B2 اتجاهين ورافعه 21 متر تقريبا :confused:

وماكان داف عليه اي امبي


على العموم مشكورين لتفاعلكم مع الموضوع
وانشالله الى الاحسن والى الابعد


:rolleyes:

[الفضائي]

الموقع : الجوف
موقع الطرف الاخر: العويقيلة+رفحاء
الجهاز :ياسوFT-3000
الاريل فيبر 3قطع+امبي فير200وات
ارتفاع الاريل:من 25متر الى30 متر
الوقت الفجر:D :D

تحياتي

[عناز]

الموقع:الظهران
الوقت :السابعه مساءا
التاريخ:سبتمبر2001 م
الجهاز :أيكوم 2100(بدون أمبي)
الاريل :دايموند5, 6 دي بي
الارتفاع:9متر عن سطح الارض
الطقس:الرطوبه وصلت الرياض

المستقبل

النداء :خطر
الموقع:استراحه في بريده
الاريل :فيبر 3 وصلات
الجهاز: غير معلوم
امبلفير: غير معلوم

[جبل رضوى]

العده الياسو 3000 اريل سياره وصلتين ارتفاع 20 متر امبى
اراسل جده واستقبلهم دبل اوفر ويستقبلونى دبل اوفر
المسافه 400 كيلو
طبعا فى عز البرد
اما الرطوبه شكلها على الابواب ورايح اعطيكم الاخبار ان شاءالله
الطايف يستقبلونى 3 ابراج بس انا استقبلهم على البزى
تحياااااتى

[abadee]

لاااااااااااااا اله الا الله

اذكر ربك يا غافل وصلي على محمد


معي جهاز ايكوم 2100 وانت دايموند تجاري قيمته 25 ريال
وكنت على طريق القصيم شمال الرياض عند مخرج ثادق بالضبط
في شهر ذي القعده 1424 في الساعه 8 ليلا

استقبلت اخونا وعزيزنا......((شب النار)))....
وكان في حي الخليج في الرياض
ومعه جهاز ايكوم 2100 وانتل ستيشن 3 وصل


المسافه بالظبط كما ظهر لي في جهاز القارمن 90 كلم

لاحظ ان انتلي دايموند تجاري
يعني اي كلام

[عــ999ـــادل]

السلام عليكم ورحمة الله وبركاته


ماشاء الله تبارك الله

شي حلو

الفضائي
عناز
جبل رضوى
abadee

مشكورين على المشاركات الحلوه والى الأمام انشاء الله

وآسف على التأخر في الرد تعرفون الاختبارات قربت

الله يوفق الجميع

[عبد الله الفايز]

من صدقكم والا تمزحون
لعنبو بليسكم أنا إذا راسلت 40 كيلو متر تنومست وتشققت من الفرحة وانتم قاعدين تقولون لي 500 كيلو
شكلي عليمي بالحيل والا عدتي خرابيط والا ماأدري وش السالفة
واويلااااااااااااااااااااااااااااااااااااااااااااا اااااااااااااااااااااااااااااااااااااه
اضمنولي 80 كيلو مع خوياي إلى كشتنا ولا أبي زود
عند ي ايكوم 2800 وأنتلي انتنكس ارتفاعة 60 سم على السيارة ولا عندي ام بي ولا شي
افزعو لي تكفون

[الكاتب]

السلام عليكم ورحمة الله وبركاته
ابعد مسافه الرياض والموقع الحفر والجو مغلق الساعه 10 ليلا
1. ياســـــــــــو 3000
2. توجيهي 18 دبـــــــل
3. انبي ( 00 5 )
4. الارتفاع 18 متــــــر
5. الموقع استراحـــــــه


والشبك فى حمام ديره واي واحد براسه حب من اهل الحفر + القيصومه + الرقعي+ المدينه+ الهجر
انا جاهز بس بشرط تراء مافيه تنتيف نفس اول ويطلعله ريش فيه مقص

ويدخل جناح الد شاشي ويكون طعامه مكثفات استيشن


:flog::looney::no::dance::flog::looney::no::dance

[الاحمدي]

الشكر الجزيل لجميع الاخوه المشاركين والزائرين
في المشاركة تكون هناك معلومات مفيدة للجميع ان شاء الله
في الكويت عندما يكون الجو فاتح (رطوبة ) تكوت المراسلت قويه ونكلم الاخوه في قطر والامارات
والبحرين والمنطقة الشرقية في المملكة وفي الغرب الحفر ويكون معدل الاشارة 5-الي الدبل
( بعض المحطات دبل اوفر قافل ) وهذه المسافه اكثر من 700 كيلو متر
الجهاز ايكم 2100
الاريل توجيهي
كلمت في الامارات - تو الفاء ليما ومجموعته
===== قطر - درع الجزيرة ====
===== المنطقه الشرقية - الغاوي ====
==== فى الحفر - بعيد المدي ====

[شَعَّـاااال]

انا ماني من هواة المراسلات

ولكن حبيت اشترك معكم


تحياتي

[الكاتب]

الاخ عـــــــــ999ـــــــال

انت لم توضح بسؤالك هل الجو فاتح او مقلق

هل من المعقول اريل سياره يراسل 80 كيلو متر

او استيشن مهما كان نوعه يراسل 100 كيلو

ولو مشقل انبي

والله ثم والله اتذكر انا واخو عمشا طالعين وراء

الصفيري منطقه حدوديه وراء حفر الباطــــــــــن
وكنت مركب استيشن وكان الجو مفتـــــــــــــوح
وكان يراسلني واحد من قطر ويقطي على اهـــل
الحفر بارساله ولم اصدق واتصلت فيه لتاكيــــد
وكانت عدته توجيهي 18 وداف انبـــــــي 300
وش رايــــــــــــــــــــك

[مداوي]

اللام عليكم ورحمة الله وبركاته
حيكمك الله جميعا دون استثناء
والله يا أخوان على ماقال ابو فايز 80 أو 90 كم اوزين اخوياي بالصمان اقل من اربعين كيلو ويالله يسمعون آيكوم 2100 اريل دايموند 3 وصلات واريل انتينكس اصلي تكفون افزعولنا نبي الثمانين وش الحل

واشكركم جميعا على تواصلكم
والله يحفظكم
:):):):):):):)

[عــ999ـــادل]

السلام عليكم ورحمة الله وبركاته

مداوي
الكاتب


اتوقع المسافات الي ذاكرينها الاخوان واقعية جدا

وبعدين شلون ب2100 وانتنكس ماقدرت ال 40 كيلو

شف الارسال يعتمد على اشياء كثيره واهمها الموقع يمكن انتو كنتو بموقع منخفض مرره

فما قدرتوا توصلون مسافة او يمكن العيب في الجهاز او الاريل او الوصلات

لكن صدقني ب 2100 واريل انتنكس اصلي وموقع ممتاز مافيه عوائق تقدر توصل مسافات
ممتازة

هذا وانت بجهاز واريل صغير

اجل لوتركب استيشن 3 وصل او اربع من النوع الممتاز وموقعك ممتاز او توجيهي وتدفه باامبي

على حسب مايتحمل الاريل ورافعه تمام ومسوي له تأريض تمام والوصلات تمام

فكم تتوقع توصل مسافه



على العموم انت تأكد بس من الاريل والجهاز والموقع


وأسف على تأخري برد عليكم واشكر كل من شارك بالموضوع واثراه برئي او تعليق

[ذيب البر]

هلاااااااااااااااااااااااا فيكم


هذه ليست ابعد مسافة راسلتها ولكن لانها حدثت قريب وعلشان نوضح للشباب الي يستغربون


المسافات البعيدة الي ذكروها الشباب .......................... الاسبوع الماضي طالعين بالطعوس

الي قبل روضة الخفس والجو كان مقفل والجهاز 8000 واريلين لارسن اصلي ودايموند

اصلي وكنت اراسل الشباب في عودة سدير والخطامة ويستقبلوني 9 ابراج

المسافة بالقارمن كانت من 100 الى 110 كيلومتر

تحيااااااااااااااااااااااااااااااااتي

[ABU-AL-3eeS]

عموما الجو يبدا يفتح العصر قبل مالغرب (الجو يبرد شوي)بالاضافة الى الرطوبة تزيد بعد العصر.
انا عدتي كنود tm 261a واريل انتنكس اصلي فقط والعصر اراسل 100 كيلو بالراحة.
وبعض الاحيان اذا الجو فاتح مرة اراسل حدود 150-180كيلو ((التوصيلات سليمة))

اخوكم/عاطل