سؤال للخبير ولا يهونون الربع [الأرشيف]

غيّام

04/04/2004, 06:47 AM

السلام عليكم ورحمة الله وبركاته
يالخبير مساك الله بالخير انت ومن دخل على الموضوع
انا عندي سؤال لو تكرمت
ماهي علامات الانتل الاصلي للسياره
وانا عندي انتل انتنكس ابو فلتر كبير وش رايك فيه ثم كم ديبي هو ياعزيزي
انا اسمع بعض خوياي يقول انه يراسل واحد بينه وبينه 40 كيلو وانا ما اتعدى 10 كيلوا
وش السالفه
ماهي فائدة السلك العريض للانتل السيار
بالعربي وبإختصار ابغى ارسال قوي مره في السياره باي وسيله وباي سعر ماعندي اي مشكله
معليش على الزحمه ارجوا اني ماثقلت عليك بس لاني تعقدت :(

الخبير

04/04/2004, 09:22 AM

للاسف مافيه اي علامة تبين إن الأنتل أصلي أو مقلد.
الأنتنكس ممتاز، إذا كان وصلة وحدة فهو ما يتعدى 3.5 ديبي.

ضعف الإرسال تكون من عدة أمور:
الجهاز فيه مشكلة أو السلك فيه مشكلة أو الأنتل فيه مشكلة، أو الموقع إلي أنت فيه.

طبعاً عشان تعرف لابد من إستخدام جهاز يقال له SWR وهو ممتاز لقياس قوة الإسال بالواطات وأيضاً كمية الراجع.
من المفترض إنه يكون كل واط = ا كيلو، هذا معناه إذا كان معك آيكوم 2100 ( يعطي 55 واط ) هذا معناه إنه يراسل 55 كيلو تقريباً.

الفرق بين السلك العريض والسلك الرفيع كبير، ابي اعطيك مثال: الأن أنت في الحديقة حلو؟ حلو فتحت الموية عشان تسقي الزرع بلي قطره 2/1 بوصة طبعاً تبي تملى الحوض في وقت معين، الأن امل نفس الحوض بلي قطره 1 بوصة تبي تلقاه امتلى بشكل أسرع.
يتميز الكيبل الكبير عن الرفيع بأن نسبة الفقد فيه أقل، طبعاً بعض الشباب يقول انه ما لقى فرق بين السلكين!
لكن لو تبي تدقق في كلامه يبي يقولك إنه أحسن من أجهزة غيره بشوي ( طيب الشوي هذي ما تستحق المجهود ؟).
انا كنت اراسل على مسافة 20 - 30 كيلو بالكثير ، فقمت وركبت كيبل عريض نوع بلدن وفرق معي الإرسال كثير.
اتمنى تركب انتل ثاني موازي للأنتل الأساسي عشان يصير عاكس له ( يبي يفرق برجين أو أكثر ).
للإستزادة شف هالموضوعين:
كيف تقوي أرسال جهازك اللاسلكي في السياره (http://www.mekshat.com/vb/showthread.php?s=&threadid=2347)

انت تسأل وأنا اجيب (تجميع لأسئلة عن اجهزة وارايل وامبليفايرات) (http://www.mekshat.com/vb/showthread.php?s=&threadid=1047)