المساعد الشخصي الرقمي

مشاهدة النسخة كاملة : مر عليكم مثل هذا الطير!!!!!!!!!!


وَسَام!
30/01/2009, 11:15 PM
هذا ماحدث فعلا معي
في احد الفروخ هذي السنه
مواصفاته الشكليه طويل الساقين وجهه اللهم لاشماته مافيه شي بتمدحه
لونه احمر صافي الثندوه ممتازه
اما مواصفات الفعليه فهو انزر طير عرفته استمريت في نقله وتدهيله
تقريبا شهر ونص هذي بس تدهيل على اليد
يكفخ من اليد اذا شاف الادمي على بعد 50 متر وهذي فيه الى الان
لكن يوجد فيه من الشجاعه بعد ماصقرته مالله به عليم
هديته على الحمام لقيته سبوق!
هديته على الكراوين لقيته يغني عن شيهانه !
هديت له خرب سلم مافيه لاصواب ولاغيره وطياره كأنه من الروض
وطلبه بدون تردد وبكل شجاعه!
وبعده على خرب من الروض بعد طير عجز فيه ولحقه لكن الغريب
هو تصرف هذا الفرخ مع الخرب كان يحاول باأي طريقه انه يعلقه براسه
وهو طيار لكن ماطاعه الخرب لين نزله في الارض غصب وقضى عليه!
والغريب ايضا في هذا الطير بعد هذه العلوم كلها ولا مره شفته يتفلى على
وكره وانا عنده او على يدي!

اعرف ان ودكم تشوفون صورته لكن ابشروا راح انزلها في الموضوع
اذا توفرت

الغرض من الموضوع ان الواحد منا احيانا يكره بعض الطيور من شكله
لكن اذا الله قدر وصقره يمكن ياخذ غلى طيوره كلها وهذا ماحصل معي

وسلامكتم
محمد الشامان
30/01/2009, 11:19 PM
ماشاء الله تبارك الرحمن
هذي المواصفات الطيبه
عسير المنال
30/01/2009, 11:26 PM
وسام

يعطيك العافية الصوره ابلغ من الكلام
ابوفيصل
30/01/2009, 11:29 PM
ليش لا الله يبارك فيك بعض الجوارح تصقر عند الغرب
المري
30/01/2009, 11:33 PM
مرحبا يا وسام

على ماقيل مخابر ماهيب مناظر

عسى الله يبارك لك فيه..

اخوك - المري
ابو الوسمي
30/01/2009, 11:39 PM
ما شاء الله
ويش تبي الفعل ماشاء الله والسبق والعزم والصمله والباقي ماعليك منه
الله يطعمك من صيدة ويبارك فيه وسلمت
المان العرب
30/01/2009, 11:44 PM
مرحبابك يابو صالح
بعض طيور ماهيب على اشكالها
لا انت خابر مشعاب مافيه من زين شي وجناحه ماشاء الله
لعّاب المنايا
30/01/2009, 11:48 PM
زانت علومك يابو صالح

وش علي من وجهه وقطعته

الفعل الفعل يابوصالح والله ياجانا حباري هالسنه تهوّل.. ومعنا طيور مزيونه ووسره ماعندك ازين منها
ولاتكلم إلا من الخمسين ألف ورى أقيامها وأهلها كلهم قشروا بصل ,
أما الطير الصامل والسبوق ولاتشوف وجهه بس شف جناحه انا أشهد إنه ماراح عليه شي يلحق سارحات امس , ,,
مطامر
30/01/2009, 11:56 PM
:j السلام عليكم اخوي وسام
والله الطير ماينحقر بالفعل والطيب مثل الرجال ولا تبخن وتعرف الا بعد التجربه
سواء طير اورجال ولذلك يقولون عنهن مثل الرجال
وطيرك ماشاء الله طيب والنزر الوحش غالبا طيب ومن خبرتنا المتواضعه اقولك
هاذا ماتزين اطباعه لازم يضعف بقوه ولا انصحك الا باخر الوقت مره تسوي به كذا وانقله الان بشكل
مستمر وخاصه اذاحولك اطفال ولا تمل وخله ينجن فتره وبعدين رشه موبه باستمرار وراح يزين انشاء الله
المسأله وقت فقط ولو حولك هدد مستمر لصيد كبير الحجم راح يطيح اللي براسه
عموما اعرف انك صقارقديم متميز وكلامي للتذكير اويستفيد منه احد الصقاره الجدد والتفلي قليل لانه نزر فقط وعفوا على الاطاله
اخوك مطامر
الفيتو
31/01/2009, 12:56 AM
بسم الله الرحمن الرحيم
السلام عليكم ورحمة الله وبركاته
مساء الخير ياخوي /وسام

الوجه الوارد
العاتق المنتوق
عرض المجس و المثناه
الفخذ اللي تملى اليد
ارض العقاب والمخاليب اللي كنها الكلاليب
وقصر الكراع
واللون الزين
مواصفات مهمه جداًجداً في الطير
لكن من15-10 الى15-2
اهم من هذي كلها الــــــــــفــــــعـــــــــــل إلا هو كل شي
وش رايك ؟ يا هنيك بهالطير
*
والسلام
الفيتو
الحجاز
4/2/1430هـ
روووح
31/01/2009, 01:54 AM
مرحبا يا وسام

على ماقيل مخابر ماهيب مناظر

عسى الله يبارك لك فيه..

اخوك - المري

صدقت يالمري
اخوي وسام لا تتاخر علينا بالصور
سكولفيد
31/01/2009, 03:29 AM
تستهل الطيب والزين الي مابه فعل مايبغى الوكاد نبي الصورة
نبع الدموع
31/01/2009, 08:16 AM
الصقر من صقارة يابو صالح لاهي بريشة ولا وسرة
و انت صقار ينشهدلة بالكفائة و ماهي غريبة عليك تطوع الطير الي ما يطيع

ننتظر صورة الطير

لا هنت
المزروعي
31/01/2009, 10:20 AM
أول شي أنا ما قط مر علي مثل هذه المواصفات في هذا الطير !! ثاني شي يا طول صبرك عليه أشهد أن بالك كان وسيع مع هذا الطير و أكيد أنك شفت شي في هذا الطير يبشر بالسبق و القطاعه و لا ما أعتقد أن أحد يصبر صبرك والحمد لله أنه ما خيب ظنك .
النااايف
31/01/2009, 11:00 AM
السلام عليكم اذاطار الطير ما تفرق الريشه
اصبر عليه ولاتترك تدهيله هذاوالله اعلم انه مطروح غلط عقبال الخرب من الروض تقبل مرووري ....
لغواص
31/01/2009, 11:25 AM
اقول مب كل الصقارين يمتازون بصبر مثلك وهذا يدل على الصقار الصامل واهنيك على الطير وعلى صبرك تقبل مروري لغواص
جاسم الخالدي
31/01/2009, 01:57 PM
السلام عليكم عاشت ايدك على هذة الصورة الحلوة ونعم منك خوية ولله زهقت او ماقدرت ارسل الصور الى المنتدى شو اعمل قلى عندك كم صورة اريد ارسلهة كيف
ابرق آلريش
31/01/2009, 03:03 PM
الله يباركلك فيه
وَسَام!
01/02/2009, 12:31 AM
ابو شقران ياهلا وشرفني مرورك
عسير المنال مرحبابك
ابو فيصل حياك ومافهمت كلامك!
المري اهلا وسهلا ومطلوب بالخفاره
ابو الوسمي كلامك صحيح بس الزين مرغوب
المان العرب حياك ومرحبابك صدقت!
مطامر كلامك صحيح والله يرفع مقدارك
الفيتو حيالله ابو صالح وكتاباتك لها وحشه ماعاد قرينا شي
روح اهلا وسهلا وعلوم الكراوين
سكولفيد مرحبا ومسهلا
نبع الدموع مرحبا يابو بدر والكفاءه اخذناها منك وشرواك
المزروعي هلا يابو محمد اجل تحسبني مثلك انا امشي على ديزل بس مشكلتك من قنيص غبر (افتك منه)
النايف ياهلا والخرب قضى عليه ماهو الى الحين!
لغواص مشكور ولاهنت على الاطراء
جاسم الخالدي حياك لو اني ماادري وش تقصد
هاوي القنص جزاك الله خير وشرفت
المارد1
02/02/2009, 04:40 PM
مواصفات طيبه الله يعطيك من خيره ويكفيك شره