افضل تتبلية [الأرشيف] - منتديات مكشات

خالد303

01/02/2009, 12:50 AM

الاخوان الخبراء ماهي افضل تتبلية للدجاج الفحم وكم مدة التتبلية

أخت مبارك

01/02/2009, 04:17 AM

انا اخر مره جربت تتبيله من(( صديقتي تجنن))
من صج رهيبه
المقادير لدجاجتين تقريبا
فنيال صوص الباربكيو يوجد بالسوبر ماركت
يجي لونه بني داكن شوي
ثوم مطحون طازج او مجفف اللي يجي بودرة
ملعقة طعام تقريبا اذا طازج
واقل منه شوي اذا مطحون
ملح وكركم وفلفل اسود وكمون وكزبره ناشفه مطحونين
عصير ليمونه ونص
بشر الليمونه بعد يودي الزفره ويخلي الطعم يجنن
واذا ماتبيه ماله لزمه تقدر تستغني عنه
وبشر اليمون اهم شي تقشره رقيق جدا
بدون ماتاخذ الجزء الابيض اللي من الداخل
لان يسوي الاكل مر

ويطلع طعمه مثل دجاج الطازج
نحط كل المقادير هذي كامله على الدجاج
نتبلها
وانا بالنسبه لي دائما الدجاج
اتبله واخليه يومين بالثلاجه
يعني 48 ساعه
ومايصير عليه شي ابد
بالعكس هو بالثلاجه ومحفوظ
يعني 42 ساعه بالثلاجه
وست ساعات برا لما تطلعه من الثلاجه
وتبتدي الشوي لما تكون درجة حرارته معتدله
لان لازم تخليه شوي برا الثلاجه قبل الشوي
يتخمر احسن ست ساعات
ولما انوديه البر نشويه عالفحم
يستوي بسرعه ويكون طرررري

جربها وان شاء الله تعجبك

((اما بالنسبه لتتبيلتي الخاصه))
اللي كلمن ينجن عليها لين اوديها البر
واسويها مرات على شيش طاووق
ومرات على دجاج مقطع انصاف

2 دجاج
علبة زبادي ندى لانها حامضه افضل ندى احسن
وملعقة طعام ليمون اسود او ابيض مطحون
ملعقتين ط معجون طماطم
ملعقة ط ثوم وزنجبيل طازج مطحون
ملح
كركم نص ملعقة شاي
فلفل اسود ملعقة شاي ونص
عصير ليمونه
تخلط جميع المقادير مع الدجاج
وتوضع بالثلاجه مثل ماقلت 48 ساعه
للحصول على دجاج ممتاز النضج والاستواء

وبصراحه جربت الدجاج اللي مخمر 24 ساعه
بس ماينضج بسرعه وينحرق ومن داخل مايستوي
وانت جرب هالوصفات
وان شاء الله تعجبك
وكتجربه
جربها على مقادير صغيره

((وفي تتبيله ثانيه))
بهاراتها خفيفه جدا

بصلة كامله صغيره مقطعه
ملح كركم فلفل اسود
اربع فصوص ثوم
عصير ليمونه
بشر ليمونه كامله
علبة زبادي

توضع كل المقادير في خلاط وتخلط
وتصب على الدجاج
ويتخمر 48 ساعه

وانا دايما اجربها على استيك الدجاج
تطلع تجنن روعه ووواووو
ومبارك يموت عليها خاصه هالوصفه
لانه مايحب البهارات

خالد303

01/02/2009, 11:07 AM

بيض الله وجهك وما قصرت

دهران

01/02/2009, 03:25 PM

http://www.mekshat.com/pix/upload02/images97/mk17809_sahamtahat.gif

الرجاء قراءة هذا الموضوع قبل كتابة أي مشاركة .

(http://www.mekshat.com/vb/showthread.php?t=139477)