المساعد الشخصي الرقمي

مشاهدة النسخة كاملة : الصماااااااااااااااااااااااااااااااااااااااااااااا اااااااااااان


غرة سهيل
01/02/2009, 10:01 PM
السلام عليكم ورحمته الله وبركاته

ياشباب ابي منكم الفزعه الأسبوع القادم راح اكشت بالشيبان

وودي بالفياض السنعه اذا ما عليكم امر واقرب مزفلت لهن علمن انني من بريده

يعني عن طريق ام رجوم ولا البطيحانيه

واذا الأحداثيات على الخاص اقول بيض الله وجيهكم ولا قصرتو

(تكفى تهز الرجاجيل)
غرة سهيل
01/02/2009, 11:31 PM
معقوله ما فيه فزاع 78 قارئ معقوووووول ؟؟؟؟؟؟؟؟؟؟؟؟؟؟؟؟؟؟؟؟
bader358
01/02/2009, 11:35 PM
لا تستعجل طال عمرك الا ما تلاقي رد
سطام vip
01/02/2009, 11:35 PM
والله ودي اعطيك خبر بس للاسف ما عندي معلومه

وان شاء الله الاخوان ما يقصرون معك والاغلبيه يدخلون بعد الساعه 12 في الليل

او في الصباح وقت الدوام وان شاء الله بيفزعون معك ما راح يقصرون

والعذر والسموحه منك
صدى الآهات
01/02/2009, 11:43 PM
حبيب آلبي والله لو اعرف لالالالالالالالا اعطيك المعلومات ولكن للاسف

انا مثلك ابي الفياض اللي بالصمان القريبه من الرياض

ولكن اشكوى الى الله
غرة سهيل
02/02/2009, 12:05 AM
شكرك على المرور ياشباب وما قصرتو ننتظر العلم من النشاما
لمع السحاب
02/02/2009, 12:16 AM
السلام عليكم
والله اعلم ان يوم الجمعة فييه امطار على الصمان شمال غرب حيث جرى اتصال لاخد الشباب معي واخبرني ان عليهم مطر بعد العشاء يوم الجمعة والمنطقة اللي حول فيضة ام قرين وما جاورها من شمال غرب و ايضا اتصال من احد الأقارب يفيد بان الصمان الشرقي حوالي ام المصران وشقران ديمة يوم الجمعة والارض كلها زينه لا تبعد بالشيبان اكثر لان المنطقة اللي حول الحصبيات اسئل الكشاته اكثر عنها لانها قبل العيد مررررر عليها بعض الشباب وامدحوها يعني ان شاءالله انها تستر على الوجه بس اسئل زيادة تاكيد والله يوفنا واياك
سفير الشمال
02/02/2009, 12:38 AM
وعليكم السلام ورحمة الله وبركاته
حياك الله أخوي غرة سهيل
برأيي أن أفضل طريق لكم هو طريق القصيم - الرياض السريع - يأتيك بعد المجمعه مخرج جلاجل تفرق يمين معه وانتبه ترى فيه تحويله الآن وتلف يسار وتأخذ طريق بوضاء - مبايض - الشعب - أم رجوم - وتخرج من ام رجوم بإتجاه الجنوب عبر صياهد الدهناء المتجهه الى التنهات وبيقطع عليك طريق ابراج الكهرباء ونصيحتي لكم بعدم سلكه للخطوره والوعوره وتواصل السير مع الصياهد واتنمنى عدم المخاطره بالسرعه عبر الصياهد لكثرة ارتفاعها ونزولها الخطر والتي حصل فيها قبل عشرة ايام حاث مروع وقع بين سيارتين تفابلا وجها لوجه في الصياهد وراح ضحية الحادث وفاة تسعة اشخاص نسأل الله أن يتغمدهم بواسع رحمته هذا من باب النصح والارشاد عموما نرجع للموضوع بعد أن تقطع خط الابراج تحاول ان تجعل التنهات على يمينك والأفضل بعد عرق النفود الذي يقع شمالها وتواصل المسير حتى يأتيك خط الصمان - الرفيعه وتأخذ جهة اليسار وتتجه عبر الطريق قاطعا عروق الدهناء حتى تنتهي وبعدها بإمكانك الدخول الى الصمان من جهة يسار الطريق وستأتيك الفياض والبعض منها ليس بعيد عن الطريق كخباري ام قرين وام سنينه وماجاورها
أتمنى أني قد أوفيت بالمطلوب وسامحني على التقصير
آسف على الإطاله
متمنيا للجميع رحلات موفقه ان شاء الله
تحياتي وتقديري
غرة سهيل
02/02/2009, 12:04 PM
لمع السحاب
وسفير الشمال

بيض الله وجيهكم وماقصرتو
دغيم1
02/02/2009, 12:12 PM
السلام عليكم ورحمة الله وبركاته

حياك الله أخوي

لاأزيد على ماذكره اخي

سفير الشمال

فالمنطقة الواقعة مابين روضة أم قرين وروضة بربك دغيم

هي الأفضل في منطقة الصمان

وهذه إحداثية أم قرين

N - 26 57 300

E - 046 48 900

وإحدثية بربك القراين

N - 26 55 800

E - 046 47 400

وإحداثية بربك دغيم

N - 26 59 900

E - 046 41 500



تقبل تحياتي
غرة سهيل
02/02/2009, 12:18 PM
بيض الله وجهك يامشرفنا القدير دغيم1 ولا عدماك ولا يهون مشرفنا سفير
ابو عبدالله 911
02/02/2009, 12:29 PM
اضافة للاخوان لا تنسي فيضة عبدالرحمن او فيضة ام الهشيم خاصة انها قريبه من الخط طريق الرفيعه
AL-Hadbani
02/02/2009, 03:03 PM
تصدقون إن مريت اكثر من 20 فيظة كلها حول ام قرين

محبكم هواوي F150

المهم تلقاني قدامك وصورة سيارتي في التوقيع يشرفني مرور الكشاته والقهوة والعلوم السفرة
ابو عود
02/02/2009, 03:28 PM
فيضة المغاطيه لا تفوتك
تبعد عن الخط 7 كيلو

ورديفة القراين
وايضا بربك القراين

وبتدعيلي

اذا تبي احداثيه ابشر
بس لازم اخاويك
تراي احب الشيبان

ههههههههههه
قصيعاوي
02/02/2009, 04:21 PM
الصمااااااان الجنوبي الشرقي .........!!! والله أعلم ..
الصامل
02/02/2009, 04:29 PM
وانت رايح لحفر الباطن من المجمعة وقبل ام الجمام تجيك محطة ساسكو خلها لابظهرك وجهك غرب 2 كيلو تقريبا وطيحبها ومن سأل ما تهش
بن محفوظ
02/02/2009, 06:43 PM
أخوي .. اذا تقدر تكمل من طريق القصيم وتتعدى مخرج تمير ... وتمشي بعده حوالي 30 كم يجيك مخرج الحسي .. اطلع مع المخرج ورح يسار بأتجاه الشرق ... بعدها بيجيك لفه على يسار أسمها رويغب .. اطلع معها يسار وأمش لين تدخل في قرية رويغب بعدها تعداها لين توصل دوار الحفنة الي هو الدوار الاول وانت جاي من مخرج الطوقي رح مع الدوار يسار وامش لين يجيك دوار الصمان ( التنهات ) ..


عب بنزين وتوجه مع الدوار للصمان ومن المحطة الى اطلق فيضة ما تتعدى 110 كم ..( طبعاً اللي ذكروها الزملاء )

لكن للحيطة خذ معك خريطة ... وخصوص خريطة الصمان على شان تعرف الفياض اللي حولك وانت تتمشى ..

ولا تنسانا من صالح الدعاء ..

وفقكم الله ..
غرة سهيل
03/02/2009, 01:18 AM
اشكر كل الجميع على هالتفاعل الرائع وسراحه ما خيبتو ظني بكم يالرجال وبيض الله وجيهكم وجعل ما فعلتوه في موازين اعمالكم .
ع الطيار
03/02/2009, 01:23 AM
بس اخوي غرة سهيل لا تنسانا من التقرير الجميل