المساعد الشخصي الرقمي

مشاهدة النسخة كاملة : هل هذا معقول؟؟؟140 ريال فرق بين شارع العروبة وشارع الضباب بالكفر الواحد


ابو نجود
02/02/2009, 04:38 PM
عندما اردت تركيب كفرات دنلوب اgxr جنط 17 رحت لبنشري بشارع العروبة فقال اليمني اول ما قال ب500 ريال ثم تراجع وقال ب600 ريال!!لكن لايوجد سوى حبة واحدة..فذهبت الى يمني اخر بنفس الشارع فقال ب630 ولا يوجد سوى حبتين!! فذهبت الى محل محترم بشارع الضباب فقال ب490 ريال مع التركيب والترصيص والنيتروجين!! فركبت عنده طقما كاملا...
فما رأيكم؟؟ومن هو الصادق فيهم؟؟
المحدرة
02/02/2009, 05:36 PM
يابو نجود المحل المحترم اللي بشارع الضباب وكالة دنلوب
وخير ماسويت وصدقني لولا إنهم مالقوا من يشتري لتادب أبو يمن
وخذها قاعدة :
لاتشتري أي كفر إلا عارف سعر الوكالة لكي تعرف الفرق0
ولقد وفرت على شخص لاأعرفه أكثر من 600 ريال في محل كفرات
بعد ماإتصلت على عميل لي من سنين في الغرابي 0

وقضية ماعندي إلا كفر والنصاب الثاني كفرين 00 كله تمثيل من أجل إصطيادك ,, لاأكثر


ماتشوف شر يابو نجود00 والله يخليلك نجود وأم نجود :heart:


0
قمري قيال
02/02/2009, 05:37 PM
اخوي يجوز لانه اخونا اليمانيه الله يجزاهم مايعطيك السعر الصحيح من اول مرهلكن فيه ملاحظه (عندك خبر من سوالف التاريخ قديم الكفر ولا جديد لان القديم يفرق اكثر من كذا)
tarazan2005
02/02/2009, 05:38 PM
لو رحت سئلت الوكيل يمكن تلقى ارخص وياليت تفهمني وشوا النيتروجين وشكرا
المحدرة
02/02/2009, 05:51 PM
الأخ طرزان :D

للعضو الخواجه وجدت لك هذا عند البحث في قوقل مكشات
وهناك الكثير
وإبحث في قوقل مكشات تجد الكثير عن النيتروجين

باحث قوقل لمكشات (http://www.google.com/custom?hl=ar&lr=&ie=iso-8859-6&oe=iso-8859-6&client&domains=www.mekshat.com/&sitesearch=www.mekshat.com/)


اولا: خصائص غاز النيتروجين :

1:النيتروجين آمن على الايطار بعكس الهواء العادي المظغوط داخل الايطار.
2:النيتروجين يحافظ على ضغط الايطار بنسبة 30%_40%.
3:النيتروجين غاز جاف.
4:النيتروجين يكون ابرد على الايطار بنسبة 20% بالنسبه للايطار المعبأ بالهواء العادي.




ثانيا: مميزات غاز النيتروجين :

1:توفير افضل في استهلاك الوقود.
2:النيتروجين يقلل من حوادث وتلف الايطارات.
3:النيتروجين يمنح دعسه الايطار عمر اطول.
4:عملية تعبئة الايطار بالنتروجين غير مكلفه على الاطلاق.
5:النيتروجين يعطي درجة تحكم عاليه بالمركبه.
6:الايطار المعبأ بالنتروجين لا يسبب تآكل او صدأ للجنط من الداخل بعكس الهواء العادي.


ملاحظه:1: النيتروجين هو الغاز المعبأ لايطارات الفورملا وايطارات الطائرات0


0
ensaaan
02/02/2009, 07:20 PM
كلام سليم
لازم يكون عندك إلمام في سعر الوكيل
عِشان تعرف الفروقات اللي تصير معاك
وشيء مهم لازم تعرف وتشوف تاريخ الكفر
يمكن يبيعك كفر له فتره طويله عنده وتاريخه قديم

تحياتي
لك
الإنسان
ابوعقل
02/02/2009, 07:43 PM
والله صارت لي

وخلاص

ما اركب كفرات الا من الوكيل

لأن البناشر نصابين يرفعون الأسعار على كيفهم

وسلملي على حماية المستهلك
خن بط
02/02/2009, 09:08 PM
اهم شي تنتبه لتاريخ الصنع

لان كل ماكان تاريخ الصنع قديم شوي كل ماكان السعر ارخص والعكس صحيح

وهذا من واقع تجربه واكثر من مره
ابو نجود
02/02/2009, 09:24 PM
اشكر الاخوان اللي شاركوا بالموضوع ..والمحل اسمه اطاري وموقعه بعد اشارة الثلاثين للقادم من طريق الملك عبد العزيزمقابل المطبخ السعودي..
وتاريخ الكفر جديد.....3708
النايف999
02/02/2009, 11:06 PM
ولو رحت للغرابي لقيتها اقل بعد
دانكن
02/02/2009, 11:09 PM
قبل كنت ادور كفرات .. وارخص محل حصلته هالمحل .. :) ..

والنيتروجين مجانا ً .. :)
اسهيل
02/02/2009, 11:20 PM
طيب يوم الله جمعكم ورى ما تقلولنا وين وكالة يوكوهما وميشلان في الرياض عشى تكملون معروفكم
عريدان
05/02/2009, 04:54 PM
قلنا لكم حنا سبب كثرة الحراميه من حوالينا اكثر الشعب مستغفل ولا يدري إن اسعار الاطارات بعد مرتفعهمن سنه مل يقارب 80% وإلى أللآن ما خفضوا أسعارهم ونبي نشوف واحد منهم يكون سيء الاسعار والبضاعه ونقاطعه وانا أرشح مقاطعة هانكوك وبريدجستونلأنهم رافعين الاسعار 100%
محمد بن سعيد
05/02/2009, 05:24 PM
والله بعد النصب اللي صاير في محلات الكفرات والغش اللي صاير ولا تدري هل اماراتي وإلا سعودي وإلا اندونيسي اقول للجميع ركبوا عند الوكيل احسن لكم وعشان تطمئنوا اكثر البنشريه غالبيتهم نصابين
تناهيت
06/02/2009, 12:44 AM
طيب يوم الله جمعكم ورى ما تقلولنا وين وكالة يوكوهما وميشلان في الرياض عشى تكملون معروفكم

ميشلان لهم وكالة في الضباب ويوكهاما في طريق خريص ولا تقرب ابو يمن لأنهم نصابين مثل ما تفضل صاحب الموضوع لني رحت أسأل عن الشاهين في العروبة قالي بــ550 سويت نفسي غشيم وقلت ميب واجد قال بـــ450 قلت له لا يشيخ وشلون كذا قال هذا اصلي قلت له عارف يوم ورانيه لقيتة الاندونيسي >> موب شاهين قلت له بدعي عليك يا نصاب قال ليه >> شلت له الكفر وقلت له اقر وشو مكتوب قال ما اعرف انجليزي قلت اللة لا يوفقك لا دنيا ولا اخرة لقيت واحد صغير واقف بيركب قلت له حرك موترك ذولا نصابين وابو يمن يسمع ولا عندي فيه >>> الحذر يا اخوان منهم تأكد قبل من جميع الأسعار في السوق ومر كذا محل وفاصل وقلب وكنك ما تعرف شي>> الين تحس ان ربك الهمك بالشي الطيب لك وتوكل على اللة فهو حسبك >> تحياتي تناهيت
ابورشود 503
06/02/2009, 06:28 AM
ياحبيبي
معاد فيه اااااااامانهـ
والي يهتموووون
مو حولك بالمررررهـ
بالسعر كلن
ماخذهـا وناااااااااااااااسه
tamimy
07/02/2009, 12:29 AM
شي طبيعي انا كنت ادور كفرات شاهين للشنبر رحت لابو يمن في الغرابي والصناعيه ارخص واحد لقيته ب 530 وتاريخ 2007

رحت للوكاله وخذته ب 450 وجديد تاريخ 2008

الفرق 80 ريال في كل كفر ميب شويه
منصور ع
07/02/2009, 12:45 AM
ترا ياخوان فيه نوعين من كفرات دنلوب واحد يجي من الامارات مضروب ورخيص والثاني وكيله بن زقر تلقى عليه استكر فضي مكتوب بن زقر وفيه فرق بالسعر بينهم فانتبهو
وعسى الله يوفقكم يارب