المساعد الشخصي الرقمي

مشاهدة النسخة كاملة : استفسار عن الخفيسات؟


وراد البدائع
03/02/2009, 09:37 AM
السلام عليكم اعضاء المنتدى الغالين
ناوي ان شاء الله اطلع للخفيسات نهاية الاسبوع وابي فزعتكم في اقرب واسهل طريق ومسافته تقريبا ومن طلع لها قريب يخبرنا عن ربيعها وهل جاها مطر من الامطار الاخيره لاهنتم .
ضفنان
03/02/2009, 10:34 AM
اخوي اي الخفيسات تقصد اللي شرق المجمعه والا غيرها ؟
وراد البدائع
03/02/2009, 11:24 AM
نعم ياصفنان اللي عند المجمعة وجزاك الله خير على الرد من بين خمسين قاري
ضفنان
03/02/2009, 11:46 AM
ماعليش ياأخوي نسيت اسألك انت من القصيم والا لا علشان بس اعرف اوصف لك من اي طريق وابشر بالوصف الدقيق ان شاء الله تستاهل
وراد البدائع
03/02/2009, 11:51 AM
تسلم ياصفنان انا من الرياض
AL-Hadbani
03/02/2009, 11:56 AM
طريق الارطاوية قبل ام سدرة يمين
وراد البدائع
03/02/2009, 11:59 AM
مافهمت ياهواوي وين ام سدرة وين الارطاويه ماهيب لم بعض؟؟؟؟؟؟؟
المجمعه
03/02/2009, 12:05 PM
الظاهر انى دخلت عليكم عرض

شف يالحبيب .. وانت جاى من الرياض افرق مع مفرق تمير ..واذا وصلت تمير تعده لمبايض .. واذا وصلت مبايض يجيك حرف تى لف معه يمين وامش لك شوى يجيك مفرق الشحمه على يدك اليسار .. لف معه وابتل للشحمه

واذا وصلت الشحمه انت مخير بين اثنين:
1- انك تنزل وتبارى العرمه لين الخفيسات .. وهذا طريق سهل
2- او انك تبتل مع الردميه اللى تروح للقاعيه واذا وازيت الخفيسات تلف لمهن


هذا وصفى .. والاخ ضفنان مهوب مقصر معك
وراد البدائع
03/02/2009, 12:13 PM
تسلم يالمجمعة وجزاك الله خير بس لو تكرمت كم المسافات بالتقريب ولاعليك امر وانا بانتظار صفنان وفق الله الجميع
المجمعه
03/02/2009, 12:36 PM
من مفرق تمير (من السريع) الى الشحمه طريق مسفلت فى حدووووود 60 كيلو


ومن الشحمه الى اول خفس حدوود 15كيلو
وراد البدائع
03/02/2009, 12:50 PM
جزاك الله خير يالمجمعة ماتدري عن ربيعها زين يستاهل العنوه والا لا؟ لوثقلت عليك
ابو عبدالكريم
03/02/2009, 01:02 PM
جزاك الله خير يالمجمعة ماتدري عن ربيعها زين يستاهل العنوه والا لا؟ لوثقلت عليك


ربيع طيب ، وتستاهل التجوال ، والمنطقة صغيرة نوعاً ما ومتنوعة ، وقليل الناس فيها .
وراد البدائع
03/02/2009, 01:07 PM
ياهلا بابو عبد الكريم جزاك الله خير على الرد والافادة
مضارب100
03/02/2009, 01:08 PM
بالله يا اهل المجمعة وين افضل ربيع عندكم ؟ وصفه الله لا يهينكم و اللي جاي من الرياض هل الربيع يستاهل العنوة! و شكرا مقدما
ابو عبدالكريم
03/02/2009, 01:19 PM
بالله يا اهل المجمعة وين افضل ربيع عندكم ؟ وصفه الله لا يهينكم و اللي جاي من الرياض هل الربيع يستاهل العنوة! و شكرا مقدما

هناك جنوب شرق المجمعة ب 10 كم فيضة اسمها سدحا (رائقة) حولها شعبان يحبها قلبك ....
سفير الشمال
03/02/2009, 01:23 PM
السلام عليكم ورحمة الله وبركاته
حياك الله أخوي وراد البدائع
بالنسبه للربيع في الخفيسات دون المستوى المطلوب ولكن يوجد فيضه أسمها (الزلعاء) تقع شمال الخفيسات بمسافة قصيره ربيعها طيب وبالقرب منهما فيضة (النظيم) ربيعها لك عليه شوي ولكنها تشتهر بكثرة أشجار السدروالطلح .
يوجد فيضه أسمها (أم عواقيل ) تقع على طريق مبايض - الشحمه وتفرق لها يمين موجها شرق وستجد طرقا وعلامات تدل عليها وذلك فبل الوصول للشحمه بمسافة 3كيلو تقريبا وليست بعيده عن الطريق بمسافة 5كيلو تقريبا وربيعها طيب وهي فيضه كبيره ولايوجد بها أشجار ويكثر فيها النفل والحرف والبابونج .
الشكر موصول للأخوان ضفنان والمجمعه على جهودهم ومساعدتهم كثر الله من أمثالهم
تحياتي وتقديري
سفير الشمال
03/02/2009, 01:31 PM
تفضل أخوي وراد وتابع هذا التقرير على هذا الرابط لأخونا العضو إبراهيم عن فيضة أم عواقيل
http://www.mekshat.com/vb/showthread.php?t=186636 (http://www.mekshat.com/vb/showthread.php?t=186636)
وراد البدائع
03/02/2009, 01:38 PM
تسلم يامشرفنا العزيز على المعلومات القيمة ولاكن اخوك طماع يبي ان كان عندك احداثيات للاماكن اللي ذكرتها اذا هي متوفرة عندك وجزاك الله خير
ضفنان
03/02/2009, 02:07 PM
الاخ وراد البدائع
راجع الخاص
باترول99
03/02/2009, 02:34 PM
عندك المزيرعه وانت طالع من المجمعة على طريق شقراء قرابة 25 كيلو تجي يمينك ويسارك اليسار مشبوكة ويمين غير مشبوكة ممتازة بس تمتلي خميس وجمعه
والزلعاء طريق المجمعه الارطاويه تطلع من المجمعه تتعدى ام سدره الين يجيك برج الجوال على يمينك بعد ام سدرة تقريبا 10 كيلو قبل البرج رادميه تدخل معها توقفك على زلعا زبده او فيضة زبده وجيده ,,