التانكي الواقف أو المنسحد وش أزين للموتر

[تركي الضرغام]

بسم الله الرحمن الرحيم
السلام عليكم ورحمة الله وبركاته

يا جماعه أسأل يا الربع عن للي جرب التانكي منسدح أو واقف أيهن أزين من جهة ثقله على الموتر
أنا أول متوقع أن التانكي تانكي تغير شكله ولا ما تغير ثقله واحد
وقبل فتر أسولف أنا وواحد من الشباب قالي أن التانكي المنسدح يصير أثقل على الموتر من المواقف لاأن المنسدح يكون الضغط على الياي وخلفية الموتر بس الواقف يصير الضغط على الياي نفسة؟ ؟ ؟ ؟
أبي فزعتكم يا الربع


http://alrahalat.com/vb/rehlatnew/misc/progress.gif

[هاوي البر]

انا ما سبق وان جربت لكن نظريا اتفق مع صاحبك الي قال أن التانكي المنسدح يصير أثقل على الموتر من المواقف لاأن المنسدح يكون الضغط على الياي وخلفية الموتر بس الواقف يصير الضغط على الياي نفسة؟

[دانكن]

يمدحون الواقف اذا كان فيه فصالات .. :) ..

[بواسامه]

طع شوري
التانكي اللي خلف المرتبة افضل بمراحل
اولا ضغطه جيد حتى اخر نقطه
ثانيا حمله يكون علىالدفرنس وعلى محور السياره وتتحمله اكثر
ثالثا مايحتاج تدور رفعه للموتر عشان انسياب الماء

عيوب المنسدح
يضيع من التانكي 2سم من الارتفاع عند المصب بسب لحام جلبة خروج الماء
ثانيا ضغطه ضعيف ويلزم دحديره يعني رفعه لوجه الموتر عشان ينساب بسهوله
ناهيك ان حمله على المؤخرة للسياره ككل ومع الحمل الزايد يؤثر على العرموطه وتبدا بتهريب الصوف

الله يدلك ويوفقنا واياك لكل خير

[ابوسعودد]

اخوي ابو اسامه قال الكلام الوافي اللي مابعده كلام بس احب اضيف نقطة مهمه اعتقد انها سقطت سهوا من اخوي ابو اسامه وهي ان التانكي الواقف ياخذ اقل حيز من السياره لان حاجتك للحيز الارضي اكثر حاجه من حيز الارتفاع وياليت اخوي ابو اسامه يوفقني على هالنقطه .

[ابوعراده]

الواقف ولا تشاور وسأل مجرب وكلام ابو أسامه مابعده قول ولا يهينون باقي الربع

[بواسامه]

اخوي ابو اسامه قال الكلام الوافي اللي مابعده كلام بس احب اضيف نقطة مهمه اعتقد انها سقطت سهوا من اخوي ابو اسامه وهي ان التانكي الواقف ياخذ اقل حيز من السياره لان حاجتك للحيز الارضي اكثر حاجه من حيز الارتفاع وياليت اخوي ابو اسامه يوفقني على هالنقطه .
اوافقك وبشده

[تركي الضرغام]

أبو أسامه
أبو سعودد
أبو عراده
أشكركم جميعاً على المشاركه وأبداء رأيكم
جزاكم الله خير