المساعد الشخصي الرقمي

مشاهدة النسخة كاملة : حاضر مزعج!!


مسيرs
03/02/2009, 11:09 PM
السلام عليكم ورحمة الله وبركاته

دااءالعرب ماترغبه وتحاشاه" مايعدي ويضر اللي شراه!!
من صابه تمسك به واغلاه" مايعيب نفسه والعيب تغشاه!!
والداء له صويحب مايتعداه" مرتعه حوله ولامشى تقفاه!!
وبنت الردي ما أحد يبغاه" لكن سلمنا ياكثر من هو تعداه!!
همهم ابيض اللحم وشكلاه " النظر قصير وخاسر مرماه !!
خذ حرة ولدك يسعدك طرياه " درة بأول الوقت هي بأقصاه!!
ذيب هرشا
04/02/2009, 06:50 AM
وعليكم السلام ورحمة الله وبركاته


تكفى ترى الحبر مايغلق وصفحة النت كبيرة
الله الله بالخط الازرق رقم 7 في كتابة الالغاز
ترى خويانك شيبان


ويمكن الداء / داء الكبر والتبختر او الغرور وهو مرض العصر
او مرض السكر والضغط يبراه
الجمس
04/02/2009, 07:20 AM
صح لسانك
خذ هالرمعه على الطاير
وش رايك بالتدخين والزقاره
مسيرs
05/02/2009, 07:44 AM
وعليكم السلام ورحمة الله وبركاته



تكفى ترى الحبر مايغلق وصفحة النت كبيرة
الله الله بالخط الازرق رقم 7 في كتابة الالغاز
ترى خويانك شيبان


ويمكن الداء / داء الكبر والتبختر او الغرور وهو مرض العصر

او مرض السكر والضغط يبراه

السلام عليكم ورحمة اله وبركاته
إمبراطور الحبر مايغلق لكن الموقع مايسمح بالتغيير واصبح النص معلق!!


واعلم ترى اخوك أكبر الشيبان" لكن انتم متقدمين عليه بالقدر والشآن!!

ثم الحل ماصار ولا كان" وابحث عليه في مكان ثان!!!!
مسيرs
05/02/2009, 07:48 AM
صح لسانك
خذ هالرمعه على الطاير
وش رايك بالتدخين والزقاره
صح بدنك"
كم هو مدخن أبرك ممن يحمل الداء!! ولايعني تشيع للمدخنين فالدخان ضرره واضح"
ولكن داء لغزنا وصويحبه يهون عند التدخين وإذا تتطور ممكن تسفك الدماء من شدته؟؟
ابو برررق
05/02/2009, 05:57 PM
جنون العظمة
مسيرs
05/02/2009, 07:57 PM
جنون العظمة

السلام عليكم ورحمة الله وبركاته"

أبو بروق كل أخلاق وذوق"

الجنون نهايته بالمصحة!!
وصاحبنا الذي ينقل الداء يعيش بيننا بكامل حقوقه ولكن داخلنا نذمه وممكن نكرهه لذالك الداء المعنوي طبعا ولكن آثاره واضحة من تصرفاته؟؟
برق القصيم
05/02/2009, 09:24 PM
صح لسانك اخونا مسير
عندي رمعه حسب مافهمت : مايسمى بالمغازل او المعاكسات
مسيرs
05/02/2009, 09:30 PM
صح لسانك اخونا مسير
عندي رمعه حسب مافهمت : مايسمى بالمغازل او المعاكسات

صح بدنك!! حياك الله برق القصيم .
يقول الشاعر الجاهلي "

سفاه الشيخ لاحلم بعده والفتى بعد السفاهة يحلم!!

غالب من يعاكس يقلع بعد زواجه وكمال عقله ويندم هذا الغالب!!
لكن رفيقنا يشب مع الشايب ويصبح مركز رايب" هو معنوي ؟؟؟
ابو برررق
06/02/2009, 04:18 PM
الحل هو : القال والقيل وتدخل بها الغيبة والنميمة وتشفي الغيظ
وقولك وله صويحبا مايتعداه ولامشى تقفاه ...اعتقد انه ابليس

اما قولك : همهم ابيض اللحم وشكلاه
الجواب قال تعالى :
( أيُحبُّ أحدكم أن يأكل لحم أخيه ميتـًا ) وفي ذلك إشارة إلى أن عرض الإنسان كلحمه .


اتمنى اني ماكون شطحت حيل واذا اني شاطح
بستفسر عن الصويحب هو ابليس والا لا
مسيرs
06/02/2009, 07:20 PM
الحل هو : القال والقيل وتدخل بها الغيبة والنميمة وتشفي الغيظ
وقولك وله صويحبا مايتعداه ولامشى تقفاه ...اعتقد انه ابليس

اما قولك : همهم ابيض اللحم وشكلاه
الجواب قال تعالى :
( أيُحبُّ أحدكم أن يأكل لحم أخيه ميتـًا ) وفي ذلك إشارة إلى أن عرض الإنسان كلحمه .


اتمنى اني ماكون شطحت حيل واذا اني شاطح
بستفسر عن الصويحب هو ابليس والا لا
حيلك الله أبو بروق من المغيب حتى الشروق!
خلك حول السطر الاول
أما ابليس اعاذنا الله منه ليس الصويحب ولكن يستفيد ابليس من الداء ويدف صاحبنا بالحيل؟؟
أما بالنسبة لبقية النص مجرد نصح وكان العرب يحرصون على أخذ بنت الرجاجيل بمعنى الكلمة واما الآن فالوضع أصبح غير 180درجة؟؟
الجمس
07/02/2009, 07:43 AM
اخوي مسير
وش رايك بالكذب اوالنفاق
مسيرs
07/02/2009, 10:07 PM
اخوي مسير
وش رايك بالكذب اوالنفاق
حياك الله" أخي الفاضل "

قربت وإن سرت على هذا الطريق سوف تقتل الهدف إن شاء الله"
ابو اسامه 2
07/02/2009, 10:41 PM
وش رايك في النميمه

او الكِبر
مسيرs
08/02/2009, 01:44 AM
وش رايك في النميمه




او الكِبر

هلابك"
باقيلك درجة وتطيح بالقليب؟؟ وراك دونك؟؟
ذيب هرشا
08/02/2009, 06:49 AM
اذاً مارايك بالغدر

او الشك والظن

وكل واحد منها له علم وفن
مسيرs
08/02/2009, 02:48 PM
اذاً مارايك بالغدر

او الشك والظن

وكل واحد منها له علم وفن
القير حن ونّ "
قريب ياذيب ؟؟
ابو برررق
11/02/2009, 02:06 AM
الذل والعار
مسيرs
11/02/2009, 05:01 PM
الذل والعار

هو ماهو ذل بالمعنى المتعارف عليه واظن فيه مذله لصاحبه!!
عار ماهو عار بالمعنى الذي نعرفه ولكن كلنا يعيب من يتصف به""