في الخليج و السعودية -رابطة مواطير - هوندا - رون- سوزوكي - ينمار - [الأرشيف]

معشي الذيبّ

04/02/2009, 06:15 PM

بكرا تطلع رابطة تربيط السيارات ورابطة كمبروسر المكيف ورابطة اسلاك الأيكوم ورابطة تنفس الهواء ورابطة ريموت الريسيفر ورابطة ملاك شراب العائله ورابطة اسواق ابو ريالين!!!
ليتنا من حجنا سالمين

هههههههههههههههههههااي
وش جاك على الرجال ..!!
أخوي برق وسحاب لاحظت انك دائما سلبي ونظرتك متشائمة وضد كل شيء وتنتقد بعنف واغلب مشاركاتك كذا.
الناس تدخل مكشات توسع صدرها وتتعلم وتستانس
وانت مضيق صدرك مدري ليه ..؟؟

انا ما ادافع عن موضوع او فكرة "إلياس المطلق" لكن اذا الموضوع مالقى استحسان ولا فيه مهتمين بينزل الموضوع للصفحة الثانيه والثالثه وبيختفي.
وبالعكس اذا لقا ناس يهمهم الموضوع ومتحمسين أكيد نقاشهم عن هالمنتجات بيفيدنا وراح نتعلم منهم

بس حلوة رابطة "شراب العائلة"
وسع صدرك وخل الناس توسع صدرها

الصمان 2

04/02/2009, 06:52 PM

موضوع ممتاز

وهذه يعض المشاركات السابقة من اخوانا في المنتدى :

صورة لماطور هوندا :

http://www.hondapowerequipment.com/Images/Models/EU2000i_250x250.jpg

:

مشاركة 1:

السلام عليكم ورحمة الله وبركاته
من أفضل المواطير على الإطلاق هوندا
عند الوالد كان واحد 1200 من وعيت على الدنيا وهو ماشاء الله يطحن ولا ضره شي
وبعدها جاب 4500 يعمل على سلف لكم مشكلته ثقيل
وعن تجربة أخذتلي ماطور روبن 650 وبعد ما كرفته 14 سنة انسرق وهو بأحسن حال
لكن لا تحمل الماطور كل طاقته
إذا بغيت 1600 وات أو بهاحدود اشتر 2000 وات وانت تكون مريح الماطور وانت مرتاح .

:

مشاركة 2 :

ماطور هوندا تجميع صيني

خطين 127 / 220

الوكيل عبدالله هاشم

2500 W واط

السعر

1830 ريال

وتجميع هندي سلف خط واحد فقط 3200 W واط

2100ريال .

:

مشاركة 3 :

انا عندي 3000 واط مثل اللي على اليمين مشتريه عام 2000 وكان سعره ب6000 يشتغل بسلف وهندل وهذا هوندا الاصلي ياباني الصنع مهو تجميع الهند.... الهندي لونه اصفر ولايجي كاتم صوت اذا الله كتب وشريته لاتعبيه الا بنزين 95 انــــــــــــــــــــتبه.

تحياتي.

:

مشاركة 4 :

السلام عليكم0
بالنسبة للماطور فأنا اشتريته ياخوان هوندا مغلف بلاستيك اخضر كاتم صوت واشتريته 2150 ريال المشكله بدون ضمان بس صراحه ممتاز جداً ماتسمع له صوت الا شي خفيف مره وصوته اقرب شي له هو الصفير الخفيف وعدد الشمعات مكتوب عليه 2000 شمعه بس لما رحت يمواحد مختص بالكهرباء وفحص عليه قال يعطيك 1900 شمعه صافي وسألته عن التحمل قال اذا كنت تبغاه استعمال حشمه وتبغاه يكد معك لاتضغط عليه اكثر من 1200 شمعه عشان يكون مرتاح اما اذا كان اكثر فيكون ذلك ضغط عليه 00 وسلامتكم

:

ماطور روبن :

صورة :

http://www.shunshingmachine.com.hk/product/rgx3510.JPG

:

مشاركة 1 :

السلام عليكم ...

أفضل ماطور في نظري وعن تجربة شخصية خذ روبن الأصفر موديل RGX 4800 وفيه RGX 2410 وهذا أفضل موديل صدر من الشركة وأغلب زملائي عندهم مثله . ووكيله مؤسسة القديمي للتجارة الرياض 014037986 - 014037895 - فرع جدة 026818280 فرع الدمام 038174717 شارع الملك سعود . وأخونا سند 123 في المنتدى قام بشراء واحد مثل اللي عندي RGX 4800 وماشي مية بالمية والله يوفقك لما يحبه ويرضاه .

:

مشاركة 2 :

اتصلت بهم و علمت بالتالي:

RGX 4800 4000w
2800 ريال

RGX 2410 2000w
1750 ريال

:

مشاركة 3 :

السلام عليكم
كل عام وانتم بخير
شوف اخوي شاهين احذر من الماطور الروبين الأصفركل شوي يطفىء معك سبق كان عندي واحد صار شغلتنا في الطلعة فيه الكلبليتر دمار لكن لا تاخذ الا هوندا الاصلي وليس التجميع ممكن قيمة الـ2000 وات بـ 2200 ريال والا السوزوكي بعد الهوندا كلاهما يوجد لهم وكالة معروفه في كل مدينه.مجرد نصيحة مجرب الروبين.

.

Magellan

05/02/2009, 12:43 AM

حياك الله يا إلياس ويبدولي كنت تبغى من يدلك على الزين ،
أول شيء أذكروا الله ياجماعه
ثانيا: ياطويل العمر عندي ماطور ومكينة
1- الماطور نوع ميتسوبيشي 5800 شمعه (واط) صناعه ياباني 100%
http://www.electricgeneratorsdirect.com/images/MGE5800Z-ROA_500.jpg

بصراحه كديته كد يومي لمدة سنة و3 أشهر إستخدام يومي ولله الحمد مايطلب إلأ زيت وبنزين ويشغل المخيم بكل مافيه ...

2- شريت مكينة يانمار 5 كيلو مستعمله إستعمال حشمه بحدود 5000 ريال
صناعه ياباني 100%

http://www.mekshat.com/pix/upload02/images99/mk11979_20090205330.jpg

وسبب الإختيار لينمار هو لأنه ديزل وأقل إستهلاك للوقود بالإضافة لعملانية الديزل ، وتوفر قطع الغيار حيث التوضيب الكامل لا يٌكلف عن 1300 ريال قطع أصليه

بالنسبة لمحلات بيع المواطير فالجديدة بالوكالات بالإضافة لشارع الريل ،أما المستعمله ففي الحراج
وبالنسبة للمصلحين فموجودين بالصناعيه القديمة وفي طريق الجنادرية عند صنادق السوريين

وأنصح أي مكشاتي سواء عضو أو زائر إياني وإياك تقرب من الصيني حتى ولو جذبك سعره أو شكله
فهو مخيس ولايدوم إلا عدد أصابع اليد من التشغيل

khalaa2u

05/02/2009, 09:03 AM

السلام عليكم ورحمة الله وبركاته
صبحكم / مساكم الله بالخير
انا من بعد معاناة مع كثير من التجارب في المواطير
استقريت على مكينة يانمار 35000kva يعني 28000kw صافي ولله الحمد ممتازه طبعا الينمار 100% ياباني وطبعا انا خذيته بعد نصيحه من خالي اللي يملك محركات ينمار ديزل بحريه واخبرني انه يملك منها محركات لها اكثر من 15 سنه وهي صامله بدون خربات خطيره مجرد اشياء استهلاكيه فسمعت الشور وشريت اليانمار تصدقون انه يقول لي ان حتى المحركات والمولدات الكبيره ماركة كاتربلر الامريكيه معاد هي زي اول بالنسبه للمقارنه مع اليانمار
عموما خالي اللي نصحني هو ويا الميكانيكي الفليبيني اللي يشتغل عنده رتبو لي ترتيب الانواع المظبوطه بس طبعا اتكلم من فوق ال 13 كيلو
1/ يانمار الياباني
2/ ليستر الانقليزي
3/ كيمنز الانقليزي
4/ ميستوبيشي الياباني
5/دوتز الالماني
6/ كاتربلر لامريكي
وبالنسبه للي اقل من 13000 من وجهة نظري الشخصيه
اذا كان ديزل
فاحسن شي اليانمار
اذا بنزين فاحسن شي
1/ الروبن
2/ الهوندا
3/ الماكس

عموما هذي وجهات نظر شخصيه قابله للصواب والخطأ
واتمنى لكم دوام الصحه والعافيه

إلياس المطلق

05/02/2009, 12:42 PM

الغزال الشارد

05/02/2009, 05:45 PM

اتمنى لكم التوفيق الله يعطيكم العافية

أنجشة

05/02/2009, 05:56 PM

بكرا تطلع رابطة تربيط السيارات ورابطة كمبروسر المكيف ورابطة اسلاك الأيكوم ورابطة تنفس الهواء ورابطة ريموت الريسيفر ورابطة ملاك شراب العائله ورابطة اسواق ابو ريالين!!!
ليتنا من حجنا سالمين

ههههههههههههههههههههههههههههههه
والله انك صامل ولاجبت الا الصامل صراحه غثونا رابطة ملاك كذا رابطة ملاك كذا لاوبكره بيطلع لك رابطة ملاك الملاعق والسكاكين ههههههههههههههه

كايد

05/02/2009, 07:14 PM

الله يبيض وجهـــــــــــــــــــــــــــــــــــــــــــــــ ــــــــــــــــــــــــــــــك ويرحم والديك والقاري

موضوع في قمة الاهمية ونادر ما يتطرقون له الشباب

شكرا لك

كاشخ 24 ساعه

06/02/2009, 10:03 AM

الياس

الحين هذي صورتك
http://www.mekshat.com/pix/upload/sign/images/mk40987.gif

سهم قيادي

06/02/2009, 10:39 AM

موضوع جميل ورابطة تنفع كثير من سيالون عن المواطير
وهذا موضوع عن ماطور كهرباء روبين ياباني يمكن يفيد
http://www.mekshat.com/vb/showthread.php?t=31843 (http://www.mekshat.com/vb/showthread.php?t=31843)

وهذا نقاش عن مواطير صينيه

http://www.mekshat.com/vb/showthread.php?t=28492 (http://www.mekshat.com/vb/showthread.php?t=28492)

إلياس المطلق

06/02/2009, 10:45 AM

علشان ما يزعلون الأخوة العرب سوف يكون العنوان
نقول
لكل العرب - رابطة مواطير - هوندا - رون- سوزوكي - ينمار -

rfhhmad0029

06/02/2009, 11:11 AM

عليكم بالهوندا لاني مجربه منذ اكثر من خمس سنوات ومن بعده الروبن

فل اوبشن

06/02/2009, 01:35 PM

الله يجزاك خير اخي الكريم فعلاً موضوع مهم وأن شاء الله يكون مرجع

لكل من رااد شراء ماتور كهرب ونا بصراحه فادني الموضوع لاني بأشتري هاليومين

ماتور وانتظر بقية الاعضاءه الخبره بهالمجال شكراً لك ..

إلياس المطلق

06/02/2009, 02:02 PM

عندي إقتراح بسيط
أتمنى أن يقوم أحد المصانع العربية و يصنع قطع غيار للمواطير و بسعر مناسب ,,
خاصة المواطير القديمة التي تجد إقبال من الناس
- صدقوني سوف يكسب هذا المصنع مكاسب كبيرة ,,

إلياس المطلق

07/02/2009, 11:10 AM

نريد عناوين مصانع العربية التي تصنع قطع غيار للمولدات ,,

عيسى المناعي

07/02/2009, 04:27 PM

السلام عليكم ياإخواني الكرام---
بعد التحية -- الرجاء إفادتي بوكيل اليانمار أو من يبيع قطع غيارها الاصلية في الاحساء أو ماجاورها
ومواصفاتها yanmar 10kv (ديزل 160tf )
ولكم جزيل إمتناني
أخوكم عيسى المناعي/قطر

إلياس المطلق

07/02/2009, 06:05 PM

إقتباس
وبالنسبة للمصلحين في طريق الجنادرية عند صنادق السوريين ,,

عزيزي
من أجل الأخوة أتمنى الوصف كاملآ ,,
وشكرا لك

ابومحيميد

07/02/2009, 09:35 PM

أماكن الصيانة والبيع في مدينة الرياض

حراج ابن قاسم في جنوب الرياض (صيانة وبيع مستعمل)

الوكلاء في شارع الريل في البطحاء (بيع جديد)

سوق البعارين بالجنادرية في المحلات على نفس الشارع (صيانة)

هذا اللي اعرفه :)

وشاكر لك اخوي إلياس على افتتاح الرابطة

وان شاء الله يستفيد الجميع منها ...

Magellan

08/02/2009, 01:06 AM

إقتباس
وبالنسبة للمصلحين في طريق الجنادرية عند صنادق السوريين ,,

عزيزي
من أجل الأخوة أتمنى الوصف كاملآ ,,
وشكرا لك

الوصف:
وأنت جاي من طريق الدمام وإتجهت للثمامة تمشي مع الطريق حق الجنادرية حدود 4 كيلو يجي يوتيرن تاحذه وترجع ويصير وجهك جنوب ، تعدى أول محطة على اليمين ثم بمسافة تجي أسواق سعد البقمي وبعدها كم محل يجونك على اليمين
وهذا رقم مصلح إسمه منير حسين باكستاني:2610380
جوال:0507033628

ابو وافي 444

08/02/2009, 04:37 PM

الياس

الحين هذي صورتك
http://www.mekshat.com/pix/upload/sign/images/mk40987.gif

:) من زمان وانا بخاطري هالسؤال هههههههههههههههههههه

إلياس المطلق

08/02/2009, 10:25 PM

الياس

الحين هذي صورتك
http://www.mekshat.com/pix/upload/sign/images/mk40987.gif
نـــــعــــم ,,
تراني صورتها وأنــا مستعجل ,,
شكرا لك ,,

إلياس المطلق

09/02/2009, 12:31 PM

في الدول العربية
هل يوجد أحد يقدر يرهــم المواطير(( المولدات )) ,,

همس الشمال

10/02/2009, 09:08 AM

زحلطن

10/02/2009, 09:10 AM

الهوندا ما يعلى عليه من واقع تجربه,,,,,,,,

Magellan

10/02/2009, 09:18 AM

الحقيقة موضوع مهم لاني لي اسبوع وانا ادور لى على واحد يعملي صيانه للماطور من نوع هوندا بنزين المشكله انه يصرف زيت كثير ارجو منكم ارشادي عن اماكن اصلاح المواطير بالمنطقة الشرقيه شاكر لكم تعاونكم

يحتاج توضيب= قميص +سلندر+سبايك+شنبر
يعني ممكن يكلف إلى حدود 1000 ريال ، إذا كان من الحجم المتوسط
4000 شمعه فمافوق ،،

إلياس المطلق

10/02/2009, 10:37 AM

يحتاج توضيب= قميص +سلندر+سبايك+شنبر
يعني ممكن يكلف إلى حدود 1000 ريال ، إذا كان من الحجم المتوسط
4000 شمعه فمافوق ،،
هــل يوجد قطع غيار تجارية - من الصين ماليزيا - فلبين - الهند - باكستان -
و ماهو الموزع وعنوانه بالتفصيل ,,

إلياس المطلق

10/02/2009, 10:39 AM

في الدول العربية
هل يوجد أحد يقدر يرهــم المواطير(( المولدات )) ,,
هــــل من جــــواب ,,

إلياس المطلق

10/02/2009, 11:31 AM

أين يوجد قطع الغيار في الخبر و الدمام والأحساء

إلياس المطلق

10/02/2009, 11:34 AM

على كلام أحد الأخــوة -
يوجد محلات بيع و صيانة المواطير (( المولدات )) في نهاية مخرج رقم - 15 - و أنت متجه جهة الشرق - بعد مقبرة النسيم ,,

حمود15

11/02/2009, 01:44 AM

يـــنمــــــــــــــــــــــــــــار وبس للي يبي يشتري راحته له سنتين والله ماقال ودني ورشة حبيب سمح
اللـــــــــــــه يذكـــــره بالخير انسرق وقصوا السلاسة
لويجي اكبر حرامي مايفكر بسرقه وصبة اسمنت وجسر ايييييييه..وثقيل يعني اربعة شايلينة..
ينمار 5كيلو اهله باليابان وهم اهل كرم وكرمهم مايسحبونك للورش...
بالله من شافه يسلمني عليه والوعد السنة الجاية انشــــــــاء الله..والسلام

إلياس المطلق

11/02/2009, 02:32 PM

هل ممكن ترهيم بكرة الماطور ؟؟
وين أهل الترهيم ,,

Magellan

11/02/2009, 03:41 PM

هــل يوجد قطع غيار تجارية - من الصين ماليزيا - فلبين - الهند - باكستان -
و ماهو الموزع وعنوانه بالتفصيل ,,
نعم يوجد صيني وهندي
والموزع شركة باقادر للتجارة والتوزيع..

سؤال: إلياس لماذا لاتضع تجمع خاص برابطة المواطير وليكن في الرياض ونسوي استعراض وتشغيلها؟:p

إلياس المطلق

13/02/2009, 10:47 AM

هل تعلمون أن هناك تجارة أحسن من الأسهم و العقار و تدخل مبالغ خيالية ؟؟
نعم تجارة قطع غيار المواطير والدرجات النارية ,,

sameer_1798

16/02/2009, 01:17 AM

Jbrny_al_Waqt

16/02/2009, 01:40 AM

الصراحة الموضوع يستاهل التثبيت

Magellan

16/02/2009, 02:35 AM

السلام عليكم ورحمة الله وبركاتة
ياخوان فيه أحد جرب المواطير اللي يبيعها سالكو عنده مواطير 6كيلو بنزين وديزل طبعاً كلها صيني ..... سعرها حوالي 3000ريال ...

أحتاج ماطور لايقل عن 5كيلو بنزين ديزل غير مهم ... الميزانيه حوالي 3000ريال ... يفضل جديد أو مستعمل نظيف ..

خذ ينمار ياباني مستعمل من السوق
إن كان لك جيه للرياض فإذهب لحراج بن قاسم جنوب الرياض وموجودات هناك
وإبتعد عن الصيني فهو يخرب بسرررررعه

sameer_1798

16/02/2009, 11:19 PM

الله يجزاك خير أخوي ماجلان والله يانفس عافت الصيني أخذت جولة على الورش عندنا لقيت أثنين جديده وعطلانه عندهم .. وياليت تتحملني بالأسئله هذه لأن ماعندي خلفيه عن المواطير ومعزم أشري واحد ...

1/عطني خبر عن المستيوبيشي بكم سعر الجديد والمستعمل النظيف (5 كيلو ) ؟
2/كيف أعرف النظيف من المواطير هل من العداد مثلاً ؟
3/ أعطيني وصف حراج بن قاسم يفضل الاحداثيات لأني مادل بالرياض ماغير بالجارمن
4/ هل السوق له وقت محدد أو جميع أيام الاسبوع موجودة المواطير ؟
لأني أبطلع مخصوص الرياض عشان المواطير فإذا تعرف أحد حولك عنده ينمار أو مستوبيشي نظيف علمني تراني ممكن أرخي الجيب شوي للي يستاهل .

Magellan

17/02/2009, 12:11 AM

الله يجزاك خير أخوي ماجلان والله يانفس عافت الصيني أخذت جولة على الورش عندنا لقيت أثنين جديده وعطلانه عندهم .. وياليت تتحملني بالأسئله هذه لأن ماعندي خلفيه عن المواطير ومعزم أشري واحد ...
حياك الله أخوي سمير ونخدمك بعيوننا
1/عطني خبر عن المستيوبيشي بكم سعر الجديد والمستعمل النظيف (5 كيلو ) ؟
الميتسوبيشي نادر وجوده وقطعه قليلة ولذلك ماراح تلقاه في الحراج والجديد بحدود 5000 ريال،ولو تاخذ هوندا فيقوم مقام الميتسوبيشي لمواطير البنزين
2/كيف أعرف النظيف من المواطير هل من العداد مثلاً ؟
لايوجد فيها عداد ولكن من الصعوبة معرفة النظيف إلا بحالتين:
1- فحص قوة الدينمو بحيث يقيسونه بجهاز يطلع قوته من عند المصلحين وهم متواجدين بالحراج
2-إذا كان يستهلك الزيت فمعناه يحتاج توضيب وهذا تكشف عليه بتشغيله يوم كامل فإذا نقص فماينفع،والأفضل إذا شريته تشترط عليه الفحص أو تاخذ ضمان على الأقل يومين،والتوضيب في المواطير رخيص مايتجاوز 1000 ريال ويدوم سنتين من دون صيانة
3/ أعطيني وصف حراج بن قاسم يفضل الاحداثيات لأني مادل بالرياض ماغير بالجارمن
للأسف لايوجد لدي إحداثيات ولكن لدي وصف إن شاء الله سهل
وهو عند دخولك الرياض من المدينة إتجه إلى الدائري الشرقي جنوبا حتى مخرج 17 ثم إتجه يمين ووجهك غرب وهذا يسمى الدائري الجنوبي وتعدي كوبري مخرج معن بن زائده ثم البطحاء وإذا جاء مخرج الفريان أدخل معه ولف يمين من عند المحطة وأسأل عن اللي يبيعون المواطير
وهذي صورة توضيحية:
http://www.mstaml.com/files/185095-1234818083.jpg
4/ هل السوق له وقت محدد أو جميع أيام الاسبوع موجودة المواطير ؟
لا السوق موجود في جميع الأيام واللي يبيعون بنقالية لازم تكاسرهم وتفاصلهم بالسعر،ويتواجدون من بعد العصر وحتى 9 مساء
بس ما أنصح تجيهم بالليل عشان ممكن ماتشوف زين بضايعهم
لأني أبطلع مخصوص الرياض عشان المواطير فإذا تعرف أحد حولك عنده ينمار أو مستوبيشي نظيف علمني تراني ممكن أرخي الجيب شوي للي يستاهل .
والله ودي بس ماحولي شيء لأن عندي ماطورين واحد اساسي والثاني احتياط لأن عندي مخيم شغال طول السنه فمن الصعوبه أفرط فيهن
وأخيرا ترى المستعمل تذكر يحتاج دائم للصيانة بعد الشراء كفلاتر وتغيير الزيت
وللمعلومية شفت عنهم كم واحد جديد ينمار بس اسعارهن غالية
وأنا والله ماودي تعنا للرياض عشان هالشيء إلا إن كان عندك زيارة فتصير حج وقضاء حاجة
وللمعلومية فترى بالرياض شارع الريل يبيعون العدد والأدوات والمواطير الجديدة

طبعا ردي بالأحمر بين الإقتباسات

sameer_1798

17/02/2009, 12:38 AM

اخوي ماجلان الله يجزاك خير ويرحم والديك الوصف واضح ومعلومات تامة ماشاء الله اتعبناك معانا ..

Magellan

17/02/2009, 12:48 AM

اخوي ماجلان الله يجزاك خير ويرحم والديك الوصف واضح ومعلومات تامة ماشاء الله اتعبناك معانا ..
حياك أخوي سمير وللمعلومية فيه تعقيب بسيط ذكرت مخرج 17 بالدائري الشرقي وتلف يمين
والصحيح:
مخرج 18 بالدائري الشرقي ثم تلف يمين
وشكرررا

إلياس المطلق

22/02/2009, 10:12 PM

افضل طريقه لانتاج كهربا ثابته: بديلاً عن المولدات الديزل
اليوم لدينا فكره جديده في انتاج الطاقه الكهربائيه وقد يطول الشرح فيها ولكن ناخذ الموضوع على مراحل كي نستوعب الفكره
الطريقه هي اولاً ايجاد خزان ماء ذات تصميم خاص اي ان يكون الخزان على شكل ارتازي وتكون فيه نقطه معينه يكون فيها تركيز ضقط الماء من اجل ايجاد قوه دافعه من الماء بثقل وزن الماء الذي بالخزان
ثانياً يجب ان يكون الخزان ذات سعه كبيره نوعن ما وان لايقل الوزن الارتازي من ضقط الماء على 2طن
ثالثاً ايجاد تربينه او عنفوانه تدار من خلال مرور الما فيها
رابعاً ايجاد محبس تحكم بسرعة خروج الماء
خامساً احضار دينمو مولد كهربائي من3كيلوالى 5كيلو وات
سادساً احضار تربينة مضخه تكفي لرفع الماء الخارمن الخزان واعادتة الى الخزان بقدر متكافئه مع الخارج من الخزان

= منقول =

ابو مرزوق

23/02/2009, 12:20 AM

السلام عليكم ورحمة الله وبركاته
انا ابحث عن الهوندا eu 2000 I الياباني الاصلي وين احصله ورقم تليفون المحل اذا امكن اقصد الوكيل او الموزع وياليت يكون في اي مكان قريب من الكويت ( الحفر - الخفجي - الدمام - المجمعة يعني في شمال او شرق الرياض لاباس

إلياس المطلق

24/02/2009, 10:34 AM

هل ممكن نحصل قطع غيار للمواطير من الصين ,,
علشان أرخص من الوكيل ,, أين ؟
و هل ممكن أي واحد ذاهب للصين أو ماليزيا ان يجيب معه قطع غيار بي كميات كبيرة ,,

إلياس المطلق

27/02/2009, 05:54 PM

إلياس المطلق

28/02/2009, 12:20 PM

اخي العزيز
صناعة المولدات ابسط من ما تتصور
ولكن اذا وجدت العزيمه الكافيه
ولكن المشكله هي التسويق
لان اي مشروع يقوم يعتمد على المردود المادي من اي انتاج صناعي
فتقنية المولدات بسيطه
وان زخمت تكاليفها
وانما هيا سياسة اتعجيز
او عدم اتفكير بانشاء اي مصنع
وطبعآ اي مشروع تكلف مبالغ إنشاءه الكثير
فكل ماتحتاجه لاانشاء مصنع هي
مكاين خراطة
وايادي ماهره في العمل
وفرن صهر المعادن وتشكيلها
ومكاين لف الاسلاك

=== منقول =

إلياس المطلق

23/03/2009, 12:05 PM

monsixnet

27/03/2009, 12:27 AM

بكرا تطلع رابطة تربيط السيارات ورابطة كمبروسر المكيف ورابطة اسلاك الأيكوم ورابطة تنفس الهواء ورابطة ريموت الريسيفر ورابطة ملاك شراب العائله ورابطة اسواق ابو ريالين!!!
ليتنا من حجنا سالمين

الله انى ضحكت اللين طحت على ظهرى...............:D :D :D :D :D

كلامك فى الصميم وانا اضم صوتى الى صوتك. موضوع الروابط اصبح زايد الى حدا ما

faisal_900

27/03/2009, 10:36 PM

للي يقول إن الروبن الاصفر الروبن فيه ميزة وهي لو كان الزيت مستعمل كثير يطفي أو ناقص زيته يطفي حتى ما يتأثر ويبدأ بصرف الزيت للمعلومية وجب التنويه هههههههه

MNH

28/03/2009, 10:52 AM

رابطه ممتازه

هل توظيب الماطور سهل حيث انه سرندل واحد بس

لاتكب البيالة

28/03/2009, 11:03 AM

السلام عليكم ورحمه الله وبركاته
احتاج إلى مساعدتكم , لدي فكره في عمل مولد للطاقة الكهربائيه ولو لقدره بسيطة مثل( 5kva)
من محرك ديزل يدور المولده ومن بعد ما احصل على الطاقة الكهربائيه أغذي بها محرك كهربائي
بدل محرك الديزل وبعد ذالك يتوقف محرك الديزل ويبقى محرك الكهربائي يدور المولده ...
السؤال هنا هو ؟
1- ما هو نوع المحرك الكهربائي
2-ما هو نوع محرك الديزل
3-ماهي نوع المولده الكهربائيه.
4-هل تستمر المولده في توليد الطاقة الكهربائيه من المحرك الكهربائي بدل من المحرك الأول .ويمكن الاستفادة منها
كيف تكون طريقه الربط والتوافق بين المحرك الأول والثاني ؟ مع المولده الكهربائيه
هل الفكره صحيحة وهل تصلنا إلى توليد طاقه بدون حاجه إلى الوقود.؟
ومن لديه أي فكره مماثله أرجو منكم مساعدتنا في تحقيق ذالك.......... ومن الله التوفيق

= منــــقــول =
اخوي الياس المطلق صبحك الله بالخير
فكرتك هذ اللي طرحت اي واحد يدرس الكهرباء حتما ستمر برأسه هذه الفكرة وانا منهم حيث فكرت به اثناء دراستي بالثناوية الصناعية
طبعا الفكرة لن تعمل او بالاحرى لن تستمر
لنفرض ان القدرة الخارجة من المولد 200 واط طبعا سيحتاج على الاقل 200 قدرة حركية لادارته
لكن المحرك لن يوفر هذه القدرة الحركية لانه يحتاج 200 واط على الاقل قدرة كهربية
ولذا لن تستمر العملية عند عدم التحميل باي حمل خارجي لانه هناك مفاقيد حرارية وميكانيكية وكهربية
طبع سيعمل النظام بالبداية اذا لم يحمل بالحمل (لمبات او اي شي) وبعد وقت ليس طويل سيتوقف
والفكرة الناجحة القريبة لهذا الكلام ان شاء الله اعلمك به فيما بعد لاني مشغول شوي وهي يبيله شرح
تقبل تحياتي

ذيب صعافيق

28/03/2009, 11:42 AM

يا أخوان مادام المناقشه في موضوع الكهرباء لو ناقشنا الاستفاده من الرياح في توليد الكهرباء ارجوالتفاعل

لاتكب البيالة

28/03/2009, 11:51 AM

يا أخوان مادام المناقشه في موضوع الكهرباء لو ناقشنا الاستفاده من الرياح في توليد الكهرباء ارجوالتفاعل
اخوي صبحك الله بالخير
توليد الكهرباء عن طريق الرياح ناجح جدا خاصة بالممزارع
كمية الطاقة اللي ممكن نستفيد منها من تربينات الرياح تعتمد على:
1- سرعة الرياح وكلما زادت سرعت الريح زادت الطاقة الميكانيكية للتربينة وبالتالي زادة القدرة الكهربائية للمولد باعتبار المولد مولد تيار مستمر(دنمو سيارة)
2- طول قطر التربينة
3- زاوية الريشة بالنسبة الهواء
4 - وزن التربينة
وهناك امور لكن هذي الاهم

طبعا التوليد من الرياح سهل وغير مكلف وكثير من الدول تستفيد منه
وسبب عدم استفادتنا منه هنا رخص الكهرب
واذا انت تبي تولد من الياح للاضائة فقط فانت تحتاج مروحة ليست كبيرة مع مولد سيارة (دنمو) مع ماصورة لرفع المروحة وكل ما ارتفعت عن سطح الارض زادت سرعة الرياح
هذا شرح مبسط واذا عندك استفسار لا يردك الا الكيبورد :D

إلياس المطلق

31/03/2009, 11:38 AM

رابطه ممتازه

هل توظيب الماطور سهل حيث انه سرندل واحد بس
نريد من الأخوة الجواب ,,

zedan2001

31/03/2009, 12:27 PM

موضوع رائع بالفعل وبالتوفيق للجميع

لاتكب البيالة

31/03/2009, 05:01 PM

نريد من الأخوة الجواب ,,
اخوي الياس الماطور مكوناته سهلة ولا فيه تعقيد

فكك الاجزاء وغسله ببنزين واللي تالف من القطع خذ غيره من الوكيل او غيره

يعني الدعوه ما تحتاج زود خبرة بس كل ما فكيت مسمار اعرف وين يركب

وانا اذكر نوضب المولد من تغيير الرمان والتنضيف وغيره بنصف ساعة ومثل كذا عطه لمحرك الوقود اما التوصيلات فهي اللي ممكن تحتاج بعض الخبرة وفيها بعض الخطورة التماس وغيره خاصة اذا كان المولد كبير وفيه حساسات ووقراشيع لكن هذي قليل تخرب

MNH

01/04/2009, 08:54 PM

اخوي الياس الماطور مكوناته سهلة ولا فيه تعقيد

فكك الاجزاء وغسله ببنزين واللي تالف من القطع خذ غيره من الوكيل او غيره

يعني الدعوه ما تحتاج زود خبرة بس كل ما فكيت مسمار اعرف وين يركب

وانا اذكر نوضب المولد من تغيير الرمان والتنضيف وغيره بنصف ساعة ومثل كذا عطه لمحرك الوقود اما التوصيلات فهي اللي ممكن تحتاج بعض الخبرة وفيها بعض الخطورة التماس وغيره خاصة اذا كان المولد كبير وفيه حساسات ووقراشيع لكن هذي قليل تخرب

اشكر اخوي لاتكب البياله ولاهي بنكبه انشاء الله على ردك

ولكن لدي استفسار تقول التوضيب فقط تغيير الاشياء التالفه ولكني سمعت انة لابد ن الذهاب للمخرطه خصوصا اذا كان الماطور يصرف زيت فوش رايك

وهذا رد احد الاخوان في هذا الموضوع يقول عند التوضيب تغير الاشياء التاليه او لا تخرج عنها حسب مافهمت
توضيب= قميص +سلندر+سبايك+شنبر
القميص ذا وشهو تعرفونه

لاتكب البيالة

01/04/2009, 10:00 PM

اشكر اخوي لاتكب البياله ولاهي بنكبه انشاء الله على ردك

ولكن لدي استفسار تقول التوضيب فقط تغيير الاشياء التالفه ولكني سمعت انة لابد ن الذهاب للمخرطه خصوصا اذا كان الماطور يصرف زيت فوش رايك

وهذا رد احد الاخوان في هذا الموضوع يقول عند التوضيب تغير الاشياء التاليه او لا تخرج عنها حسب مافهمت
توضيب= قميص +سلندر+سبايك+شنبر
القميص ذا وشهو تعرفونه
اخوي الغالي مسيك بالخير
صراحة التوضيب كثير ما يطلق على التجديد
وهذا اللي قصدته انه يعني انت بتجدده وطبعا اذا كان هناك ما يحتاج خرط وغيره تاخذه لاقرب مخرطة
لكن انصحك انك تشوف القطعة اللي بتخرطة لانه احياننا تكون تغييرها بجديدة احسن من الخرط
مثلا مره وضبنا دباب ووجدنا بعض القطع تحتاج خرط منها بعض الصواميل البايزة تعرف الدباب من نشيط الى نشيط والصامولة تقدر تركب مكانه اي شي اوفر من الخرط واحسن
وانا اللي بغيت اصل له ان المولد خاصة الصغير مكوناته سهله وممكن تحدد مكان العطل بسهولة
وسؤالك عن القميص والله ما ادري وشو يمكن له اسم ثاني لاني تراني ما اعرف الاسماء كل الدعوه الخربان خذه معك وجب غيره او صلحه بدون ما تعرف اسمه:D

MNH

02/04/2009, 12:20 AM

اخوي الغالي مسيك بالخير
صراحة التوضيب كثير ما يطلق على التجديد
وهذا اللي قصدته انه يعني انت بتجدده وطبعا اذا كان هناك ما يحتاج خرط وغيره تاخذه لاقرب مخرطة
لكن انصحك انك تشوف القطعة اللي بتخرطة لانه احياننا تكون تغييرها بجديدة احسن من الخرط
مثلا مره وضبنا دباب ووجدنا بعض القطع تحتاج خرط منها بعض الصواميل البايزة تعرف الدباب من نشيط الى نشيط والصامولة تقدر تركب مكانه اي شي اوفر من الخرط واحسن
وانا اللي بغيت اصل له ان المولد خاصة الصغير مكوناته سهله وممكن تحدد مكان العطل بسهولة
وسؤالك عن القميص والله ما ادري وشو يمكن له اسم ثاني لاني تراني ما اعرف الاسماء كل الدعوه الخربان خذه معك وجب غيره او صلحه بدون ما تعرف اسمه:D

هههههههههههه خربان وبس اي والله صدقت خربان غيره وشهوله نعرف اسمه

بيض الله وجهك وراح افلط الماطور التضحيه وانشاء الله بصوره وان نجحت العمليه بنزل موضوع فيه واهايط وان فشلت فلا تعلم احد شاهد ماشافش حااااجه

لاهنت واذا عندي سؤال في التجربه برسلك اذا سمحت لي

ابوليالي

16/04/2009, 05:10 PM

ياخوان الله يجزاكم خير..
كيف يعرف الواحدفي نظافة المواطير المستعمله..؟؟
ومارئيكم في مواطيركابوته..؟؟

ابومحيميد

17/04/2009, 06:29 PM

لاتكب البيالة

17/04/2009, 06:59 PM

زورنا بهالموضوع يبي يعجبكم له علاقة بموضوعنا ذا:d

http://www.mekshat.com/vb/showthread.php?t=200297

Magellan

18/04/2009, 09:21 AM

ياخوان الله يجزاكم خير..
كيف يعرف الواحدفي نظافة المواطير المستعمله..؟؟
ومارئيكم في مواطيركابوته..؟؟

الماطور الزين هو اللي مايصرف زيت
يعني تشغله 6 ساعات وتعاير زيته إذا مانقص فهو ممتاز
والكابوتا ممتاز وهو بديل للينمار بل أخوه يٌعاب عليه إن قالمطعه أغلى شوي بس في كثير من موديلاته تركب عليه قطع ينمار

طبعا اهم شيء تبعد عن الصيني واللي يخلط بنزينه مع زيته مثل حقات ساسكو
واللي يخدم بالبنزين هوندا وميتسوبيشي وروبن
والديزل كبوتا وينمار
واهم شيء عشان يعيش الماطور إنك تغير زيته كل 3 اسابيع وتعايره يوميا

ابوليالي

18/04/2009, 10:46 PM

جزاكم الله خير اخوي/Magellan (http://www.mekshat.com/vb/member.php?u=11979)

monsixnet

18/04/2009, 10:52 PM

موضوع في قمة الاهمية

إلياس المطلق

23/04/2009, 12:53 PM

مساء الخير

للبيع ماطور هوندا ياباني أًصلي

يعمل سلف أوهندل

6500 شمعة

بنزين

نظيف جداً

اشتغل في مخيم 6 شهور واشتغل يوم في مجمع فقط

http://www.rofof.com/img2/4xvsfk17.jpg (http://www.rofof.com]/)

طبعاً انا مقلب سعر السووق

على السوم ومالي حد

طبعا الموضوع على الرابط

هنا (http://www.mekshat.com/vb/showthread.php?p=2644641#post2644641)

لا أعتقد أنه 6500 شمعة ,,
راجع الي مكتوب على قوة الماطور (( قوة التيار القصوى و قوة التيار الصغرى )) وربما تجده حوالي ما بين - 4500 - 5000 شمعة ,,
وشكرا لك

ابوليالي

24/04/2009, 03:07 AM

ياخوان الله يجزاكم عناالف خير
ألأمبيرالواحدكم يعطي واط اوشمعه..؟؟

لاتكب البيالة

24/04/2009, 10:35 AM

ياخوان الله يجزاكم عناالف خير
ألأمبيرالواحدكم يعطي واط اوشمعه..؟؟
الواط يا طويل العمل يساوي الامبير * الفولت

يعني لو امبير واحد من 220 فولت يعطي 220 واط

ولو انه امبير من 12 فولت يعطيك 12 واط
:D

كاريزما2

24/04/2009, 10:37 AM

صراحه انا جربت الروبن افشل ماطور اذا مافي رقم عشره يعتبر صيني صادو السالفه وكتبوا رقم عشره 3810 وهو تقليد مو ياباني احسن وافضل شيء الهوندا والمتسوبيشي كد ومد اما الروبن مثل التويوتا بالسيارات بطاريه هندي راديتر تايلندي بدي استرالي واذا تعطل ادفع معاشك وفوقها الفيزا ويقولون مايتعطل من افشل السيارات وادري الموضوع ماله شغل بالسيارات لكن مثال وربعنا ينقص عليهم بسرعه

ابوليالي

25/04/2009, 05:23 AM

الواط يا طويل العمل يساوي الامبير * الفولت

يعني لو امبير واحد من 220 فولت يعطي 220 واط

ولو انه امبير من 12 فولت يعطيك 12 واط
:D

السلام عليكم ورحمةالله وبركاته..

الي فهمته من كلامك/ ياغالي..
انه إذاعندي 22امبير*12واط يعطيني=264واط
هل حسابي صح وإذالم يكن صح ارجوالتوضيح ..؟؟
طيب اناعندي 22إمبيركم فيه واط..بظبط..؟؟
الله يجزاكم عناالف خير..

اخوكم/ابوريان.;)

لاتكب البيالة

25/04/2009, 12:04 PM

السلام عليكم ورحمةالله وبركاته..

الي فهمته من كلامك/ ياغالي..
انه إذاعندي 22امبير*12واط يعطيني=264واط
هل حسابي صح وإذالم يكن صح ارجوالتوضيح ..؟؟
طيب اناعندي 22إمبيركم فيه واط..بظبط..؟؟
الله يجزاكم عناالف خير..

اخوكم/ابوريان.;)
كلامك صحيح اخوي الكريم 264 واط بالضبط

إلياس المطلق

25/04/2009, 01:13 PM

عاجل
أتـــمــنى من الجميع مشاهدة هذا الرابط ,,

http://www.mekshat.com/vb/showthread.php?t=201756

ابوليالي

26/04/2009, 02:11 AM

كلامك صحيح اخوي الكريم 264 واط بالضبط

طيب/ يغالي..
اناعندي ماطوركابوته 5كيلو..؟؟
فيه 220فولت يعطي22إمبير..؟؟
وفيه110فولت يعطي40إمبير..؟؟
السؤال: إذكان يعطي مثل ماتفضلت بشرحك لي انه إذاعندي 22امبير*12واط يعطيني=264واط..!!
فكيف يقولون بأن الخمسة كيلويعطي=5000واط..؟؟
يعني ..كل كيلو..فيه=1000واط..؟؟
ممكن توضح لي هذه المسئله..؟؟

والله يجزاكم عناالف خير..

اخوك/ابوليالي.;)

لاتكب البيالة

27/04/2009, 10:14 PM

طيب/ يغالي..
اناعندي ماطوركابوته 5كيلو..؟؟
فيه 220فولت يعطي22إمبير..؟؟
وفيه110فولت يعطي40إمبير..؟؟
السؤال: إذكان يعطي مثل ماتفضلت بشرحك لي انه إذاعندي 22امبير*12واط يعطيني=264واط..!!
فكيف يقولون بأن الخمسة كيلويعطي=5000واط..؟؟
يعني ..كل كيلو..فيه=1000واط..؟؟
ممكن توضح لي هذه المسئله..؟؟

والله يجزاكم عناالف خير..

اخوك/ابوليالي.;)
حياك الله اخوي واعذرن على تأخر الرد لسفري اليومين الماضية
اولا فيه خطا من كلامك هنا

انه إذاعندي 22امبير*12واط يعطيني=264واط
وانا وافقتك والحقيقة انه 22 امبير * 12 فولت وليس واط تعطينا 264 واط

شف بما ان ماطورك يعطي 22 امبير عند جهد 220 فولت
220*22 هذا يساوي 4840 واطا وهي قريبة لل 5000 واط
وبنفس الوقت يعطي 40 امبير عند جهد 110 (وهي الحقيقة 127 فلت ومنتشر لدينا انها 110 والعلاقة بين 220 و 127 هي جذر 3)
اذا 40 *127 يساوي 5080 وهي قريبة لل 5000 واط

طبعا المولدات ما تقدر تقدر تحدد لك الامبير بالضبط لان هذا يعتمد على نوع احمالك لكن الافضل ما تحمل المولد اقصى طاقته

طبعا 5000 = 5كيلو واط كل كيلو به الف

واي استفسار نرحب بوه

ابوليالي

29/04/2009, 05:02 AM

حياك الله اخوي واعذرن على تأخر الرد لسفري اليومين الماضية
اولا فيه خطا من كلامك هنا

وانا وافقتك والحقيقة انه 22 امبير * 12 فولت وليس واط تعطينا 264 واط

شف بما ان ماطورك يعطي 22 امبير عند جهد 220 فولت
220*22 هذا يساوي 4840 واطا وهي قريبة لل 5000 واط
وبنفس الوقت يعطي 40 امبير عند جهد 110 (وهي الحقيقة 127 فلت ومنتشر لدينا انها 110 والعلاقة بين 220 و 127 هي جذر 3)
اذا 40 *127 يساوي 5080 وهي قريبة لل 5000 واط

طبعا المولدات ما تقدر تقدر تحدد لك الامبير بالضبط لان هذا يعتمد على نوع احمالك لكن الافضل ما تحمل المولد اقصى طاقته

طبعا 5000 = 5كيلو واط كل كيلو به الف

واي استفسار نرحب بوه

إي كيذاوصلت المعلومه..صح..؟؟

لك كل الشكروالتقديرعلى توضيحك..وتعقيبك..ومجهودك الطيب..؟؟

والله يجزااك عناالف خير..

اخوك/بوليالي.;)

sameer_1798

29/04/2009, 01:51 PM

السلام عليكم ورحمة الله
ياخوان هل توجد طريقة لتوصيل ماطورين كهرب 5 كيلو مع بعض ... بحيث تكون الكهرب الخارجه 10 كيلو ؟

لاتكب البيالة

29/04/2009, 02:29 PM

السلام عليكم ورحمة الله
ياخوان هل توجد طريقة لتوصيل ماطورين كهرب 5 كيلو مع بعض ... بحيث تكون الكهرب الخارجه 10 كيلو ؟
السلام عليكم
مسيك بالخير اخوي سمير

تقدر توصل ما طورين مع بعض لكن الطريقة معقدة شوي وخطرة للي ما عنده خبرة لانه يجب ان يتوافق كل فاز مع اخوه بالمولد الاخر والا سيحدث التماس طبعا طريقة انك توفق كل فاز مع المماثل له سهلة وفيه جهاز به 6 لمبات توصل بطريقة معينة واذا طفت كل اللمبات توصلهم مع بعض طبعا الطريقة لابد ان يسويه واحد متخصص لانك اذا اخطيت بيحصل التماس
ثم فرضا اذا نجحت ووصلت المولدين مع بعض بيكون عندك مشكلة اخرى هي انه عند توصيل احمال وفصله ويترتب عليه تذبذب بالسرعة ممكن تختلف الفازات ويحدث التماس

لذا توصيل مولدين مع بعض لا ينصح بها في المولدات الصغيرة:)

البرًي

08/06/2009, 07:46 PM

عشت يالغالي تحياتي

إلياس المطلق

22/08/2009, 09:20 AM

الكنز ,,
تعال إشتغل وصنع قطع غيار للجميع المعدات ,,
و صدقني سوف تكسب ذهب ,,
شغل مخك و يدك,, ترى الأمر سهل ,
كيف ????,
سوف أفتح موضوع رهيب وحلو ,, بعد عدة أيام ,,
تابعونا وسوف تجدون ما يسركم ,,

نعم قلت ذالك ,,
ولكم هذا الموضوع الرائع

القوالب و نهاية إحتكار الوكلاء لقطع الغيار ,,,

http://www.mekshat.com/vb/showthread.php?t=222026

سديراوي تميمي

22/08/2009, 05:29 PM

يالربع لاهنتوا بغيت محل متخصص وفاهم في صيانة المواطير ؟....

ابو ثآمر

06/07/2011, 02:56 PM

عندي مولد ينماار للبيع

اللي يبي يستفسر عنه

يرااسلني خــآص

قوته 5 كيلو ينمار

faisal1111

06/12/2011, 10:56 AM

هل ممكن نحصل قطع غيار للمواطير من الصين ,,
علشان أرخص من الوكيل ,, أين ؟
و هل ممكن أي واحد ذاهب للصين أو ماليزيا ان يجيب معه قطع غيار بي كميات كبيرة ,,

نعم فيه محل اسمه على مااعتقد مؤسسة الخرخير في شارع الريل قبل وبجانب محطة البترول وانت متجه شرق بصراحة عندهم قطع غيار الكثير من المواطير واسعارهم صراحة جيدة

شاهين0

06/12/2011, 02:13 PM

جزاك الله خير عالفائده اخوي
لك كم تتوقع قطر المروحه ومقاسات واطوال الريش واقلقدر من الرياح لتوفير كهرباء مثل احتياج السياره

مشعل 884

19/12/2011, 10:56 AM

السلام عليكم

اخوي بخصوص مكينة يانمار

مشعل 884

19/12/2011, 10:57 AM

ارجو ان تراسلني على الخاص لان مشاركاتي قليلة

ولايوجد لديك اي وسيلة اتصال اخرى

ضروري لو سمحت

مشعل 884

19/12/2011, 11:03 AM

او الاتصال على هالرقم اذا سمحتو لي

0561607775

إلياس المطلق

22/12/2011, 01:49 PM

نعم فيه محل اسمه على مااعتقد مؤسسة الخرخير في شارع الريل قبل وبجانب محطة البترول وانت متجه شرق بصراحة عندهم قطع غيار الكثير من المواطير واسعارهم صراحة جيدة

شكرآ لك ,,

بربنجي

22/12/2011, 04:34 PM

صراحة يا كاتب الموضوع انت رهيب
فعلاً ما طرت على بال شخص انه يعمل رابطه للمواطير وخاصة ا

شرف القبيلة

14/01/2012, 09:11 PM

عندي مولد ينماار للبيع

اللي يبي يستفسر عنه

يرااسلني خــآص

قوته 5 كيلو ينمار

انا من اليمن اتمنى ان احصل على ماطور ينمار ديزل 5 كيلوا بس يكون حديث ولا باس ان يكون مستخدم بشرط ان يكون نظيف ...
في اليمن لا يوجد وكيل وحتى الوكيل الذي كان يوردهم الان ماعاد يورد ينمار ...
المهم اريد اعرف سعر الماطور وكيف يمكن توصيله الى اليمن ؟

HAS5SAN

19/03/2012, 11:02 PM

بارك الله في صاحب الفكرة
ابحث عن مولد كهربائي
اقوى من 5 كيلو
وياليت يكون ديزل
ومن شركة عريقة
مثل ها النوع
http://im30.gulfup.com/2012-03-19/1332187343611.jpg

HAS5SAN

19/03/2012, 11:17 PM

وانا أفر في النت استوقفني ها الموضوع =
السلام عليكم ورحمة الله وبركاتة

يسر مؤسسة رالي الصحراء ان تقدم لكم مولد كهربائي يعمل بثلاثة أنواع من الوقود

الغاز المنزلي LPG ولغاز الطبيعي NG ولبنزين

أولا : المولدات التي تعمل بالغاز المنزلي و الغاز الطبيعي و البنزين

صورة من المولد الكهربائي
http://img153.imageshack.us/img153/958/clipimage002aw.jpg

المواصفات

1. القوة من 2500 إلي 7200 وات ( 2.5 كيلو وات الى 7.2 كيلو وات )
2. الجهد من 110 و 220 فولت 60 هرتز
3. مخرج DC 12 VOLT/8.3 A
4. موفر بالوقود وصحي عند استخدام الغاز
5. تشغيل كهربائي (مفتاح) ويدوي
6. مداخل الافياش أوربية مؤرضة وقوية مناسبة للسعودية مع غطاء حمية
7. حماية عن زيادة الحمل
8. لا يعمل عند نقص الزيت في المحرك
9. قوة المحرك 5.5 الي 15 حصان
10. كفرات كبيرة وكرسي حماية مع يدين لحماية المحرك وسهولة تنقله
11. خفيف الوزن
12. هادي 65 db إلي 73 db عند 7 متر
13. لمبة تحذيرية عند العطل
14. ألواح حماية للموالد وخزان الوقود
15. مزود بجهاز تثبيت الجهد AVR
16. سعة الخزان 12 إلي 22 لتر
17. مصنع حسب شهادات الجودة الأمريكية والأوربية ((EPA,CE,ISO9001

دبة الغاز من الحجم الضغير ( 25 رطل )في الصورة تمكنك من تشغيل المولد لمدة 15 الى 24 ساعة متواصلة

اسعار المولدات التي تعمل على الغاز المنزلي و الغاز الطبيعي و البنزين

المولد الكهربائي 2500 وات ( 2.5 كيلو وات ) بــ 1650 ريال
المولد الكهربائي 3000 وات ( 3 كيلو وات ) بــ 1750 ريال
المولد الكهربائي 4500 وات ( 4.5 كيلو وات ) بــ 1900 ريال
المولد الكهربائي 7200 وات ( 7.2 كيلو وات ) بــ 2000 ريال

ثانيا : مولد كهربائي كاتم صوت يعمل بالديزل

صورة من المولد الكهربائي
http://img52.imageshack.us/img52/8793/clipimage0021c.jpg

المواصفات

1. كاتم صوت
2. لقوة 6500 وات
3. الجهد من 110 و 220 فولت 60 هرتز
4. مخرج DC 12 VOLT/8.3 A
5. ديزل
6. تشغيل كهربائي (مفتاح) مع بطارية كبيرة وتشغيل يدوي
7. مداخل الافياش أوربية مؤرضة وقوية مناسبة للسعودية مع غطاء حماية
8. حماية عن زيادة الحمل
9. لا يعمل عند نقص الزيت في المحرك
10. قوة المحرك 11حصان
11. كفرات حديد مع يدين لسهولة تنقله
12. خفيف الوزن
13. هادي 69 db عند 7 متر
14. لمبة تحذيرية عند العطل
15. لوحة العدادات(الجهد والانبير والتردد و الوات ) ديجتل ( الكتروني)
16. مزود بجهاز تثبيت الجهد AVR
17. سعة الخزان 22 لتر
18. مصنع حسب شهادات الجودة الأمريكية والأوربية ((EPA,CE,ISO9001

سعر المولد الكهربائي ( ديزل ) 6500 وات ( 6.5 كيلو وات ) بــ 2200 ريال

لا يوجد ضمان على المولدات لاكن نضمن ان تكون خاليه من العيوب المصنعية و نضمن

توفير قطع الغيار مع امكانية شحنها اليك عن طريق الزاجل لجميع مناطق المملكة

راعي العمانيه

20/03/2012, 02:19 PM

يالربع استفسار لاهنتو وكيل ينمار في المنطقه الشرقيه ووصف محله وكم سعر 10 كيلو واط ينمار وهل هو يقوم مكيفين

لاهنتو ارجو الافاده

HAS5SAN

20/03/2012, 11:19 PM

عندي ماطور yanmar diesel b 8012
وهو روعه بما تعنيه الكلمة وله فوق الـ15سنة
وضبته قبل شهر ولكن ركبت العمود صيني سعره 400 ريال
والآن وضبته ثاني مرة وشريت العمود الاصلي بـ1400 ريال
وشوف الفرق لكن الانسان يتعلم أخطائة
بحث عن جديد فلم اجد وحصلت مستخدم نضيف وغالي حيل سعره ياصل 15 الف
عشان ذا وضبته مرتين خلال شهرين
مالك في ذا بس قلت الاخوان يستفيدوا من تجربتي
نرجع لموضوعك ............
العشرة كيلو قوي واتوقع يتحمل 2 مكيفات حسب قوتها
لكن ما انصحك تضغط عليه لأن مريت بهذه التجربة

HAS5SAN

20/03/2012, 11:21 PM

الاخطاء فوق بسبب لوحة المفاتيح جديدة
حسبي الله على الصين

وطن6001

21/03/2012, 04:58 AM

موضوع مفيد جدا اشكر كل من شارك فيه والله يجزي من طرح الفكره كل خير

راعي العمانيه

21/03/2012, 09:28 AM

يالربع وكيل ينمار في المنطقه الشرقه لا هنتو ^^

ss2002

15/06/2012, 01:40 AM

السلام عليكم
موضوعكم جدا مهم ويفيد لكن انا عندي سؤال ياليت من اهل الخبرة يفيدوني :)
ناوي اشتري ماطور لي وللزمان وماعندي خلفية ابدا وبنفس الوقت متردد
طبعا انا مقيم في دبي ونزلت للاسواق لقيت اشكال وانواع كثير صابني الاحباط:mad:
اهم شي في الماطور انة يشتغل يالمفتاح ستارتر
من المواطير اللي منترسة بالاسواق الهوندا صناعه هندية ابو كيلواوسعرة 1450درهم
وكيلوين1750درهم في وكالة الفطيم وللاسف كلهن هاندل
كمان لقيت نوع صيني يمدحة كثير راعي المحل اسمة نفي قيشن ب900درهم بدون ضمان وفية ستارتر :D وكمان نحاس 100% دخلت ادور علية بالنت مالقيت لة شي موقع ولكن لقيت اشكال نشبه بالضبط لشركات امريكية كمان شو قصة النحاس بالماطور والالمنيوم والمخلوط ناحس والمنيوم ؟؟؟؟؟
اريد اشغل على هالماطور شقة خلينا نقول ( تلفزيون ري سيفر ومراوح سقف 3او4 مع اللمبات )+ اما
بدون ثلاجة ومكيف كم كيلوا؟
وبثلاجة فقط كم كيلوا؟
وبثلاجة ومكيف طن واحد كم كيلوا؟
ويشتغل 4 الى 7ساعات وممكن اكثر على حسب لاتنسون انة وقت النوم تقل الاحمال علية يعني اغلب ايام السنة مانشغل المكيف فقط نادرا يكون ثلاجة ومرواح سقف فقط
اي نوع اشتري واتوكل علية باذن الله ؟وانا شخص احافظ على الشي من استعملة وما احب الاهمال
وايهم صرفيتة قليلة في البنزين
اهم شي زي ماذكرت يكون علية ستارتر تشغيل ولو مافي امري لله اي نوع هاندل
انتظر ردكم وجزاكم الله كل خير على المجهود الطيب

ابن الخليج

17/10/2013, 05:49 AM

وانا أفر في النت استوقفني ها الموضوع =

السلام عليكم ورحمة الله وبركاتة

يسر مؤسسة رالي الصحراء ان تقدم لكم مولد كهربائي يعمل بثلاثة أنواع من الوقود

الغاز المنزلي LPG ولغاز الطبيعي NG ولبنزين

أولا : المولدات التي تعمل بالغاز المنزلي و الغاز الطبيعي و البنزين

صورة من المولد الكهربائي
http://img153.imageshack.us/img153/958/clipimage002aw.jpg

المواصفات

1. القوة من 2500 إلي 7200 وات ( 2.5 كيلو وات الى 7.2 كيلو وات )
2. الجهد من 110 و 220 فولت 60 هرتز
3. مخرج DC 12 VOLT/8.3 A
4. موفر بالوقود وصحي عند استخدام الغاز
5. تشغيل كهربائي (مفتاح) ويدوي
6. مداخل الافياش أوربية مؤرضة وقوية مناسبة للسعودية مع غطاء حمية
7. حماية عن زيادة الحمل
8. لا يعمل عند نقص الزيت في المحرك
9. قوة المحرك 5.5 الي 15 حصان
10. كفرات كبيرة وكرسي حماية مع يدين لحماية المحرك وسهولة تنقله
11. خفيف الوزن
12. هادي 65 db إلي 73 db عند 7 متر
13. لمبة تحذيرية عند العطل
14. ألواح حماية للموالد وخزان الوقود
15. مزود بجهاز تثبيت الجهد AVR
16. سعة الخزان 12 إلي 22 لتر
17. مصنع حسب شهادات الجودة الأمريكية والأوربية ((EPA,CE,ISO9001

دبة الغاز من الحجم الضغير ( 25 رطل )في الصورة تمكنك من تشغيل المولد لمدة 15 الى 24 ساعة متواصلة

اسعار المولدات التي تعمل على الغاز المنزلي و الغاز الطبيعي و البنزين

المولد الكهربائي 2500 وات ( 2.5 كيلو وات ) بــ 1650 ريال
المولد الكهربائي 3000 وات ( 3 كيلو وات ) بــ 1750 ريال
المولد الكهربائي 4500 وات ( 4.5 كيلو وات ) بــ 1900 ريال
المولد الكهربائي 7200 وات ( 7.2 كيلو وات ) بــ 2000 ريال

ثانيا : مولد كهربائي كاتم صوت يعمل بالديزل

صورة من المولد الكهربائي
http://img52.imageshack.us/img52/8793/clipimage0021c.jpg

المواصفات

1. كاتم صوت
2. لقوة 6500 وات
3. الجهد من 110 و 220 فولت 60 هرتز
4. مخرج DC 12 VOLT/8.3 A
5. ديزل
6. تشغيل كهربائي (مفتاح) مع بطارية كبيرة وتشغيل يدوي
7. مداخل الافياش أوربية مؤرضة وقوية مناسبة للسعودية مع غطاء حماية
8. حماية عن زيادة الحمل
9. لا يعمل عند نقص الزيت في المحرك
10. قوة المحرك 11حصان
11. كفرات حديد مع يدين لسهولة تنقله
12. خفيف الوزن
13. هادي 69 db عند 7 متر
14. لمبة تحذيرية عند العطل
15. لوحة العدادات(الجهد والانبير والتردد و الوات ) ديجتل ( الكتروني)
16. مزود بجهاز تثبيت الجهد AVR
17. سعة الخزان 22 لتر
18. مصنع حسب شهادات الجودة الأمريكية والأوربية ((EPA,CE,ISO9001

سعر المولد الكهربائي ( ديزل ) 6500 وات ( 6.5 كيلو وات ) بــ 2200 ريال

لا يوجد ضمان على المولدات لاكن نضمن ان تكون خاليه من العيوب المصنعية و نضمن

توفير قطع الغيار مع امكانية شحنها اليك عن طريق الزاجل لجميع مناطق المملكة

اين اجد هذة المولدات في الشرقية