المساعد الشخصي الرقمي

مشاهدة النسخة كاملة : مكشاتي يبي فزعتكم


hope_floats
04/02/2009, 04:49 PM
سلام عليكم ورحمة الله


مسالخير جميعا ... احتاج لفزعتكم يااخواني الكبار بحكم
اني زغنون ...
ابي اكشت للصمان وصراحه نيتي اروح لـــوحده من هالفياض

فيضة بربك غيم


فيضة ام الهيمان



فيضة خبزه



حسب رايكم انا سيارتي فورد ايدج وعندي قارمن (واحد مبسوط) ابي



فزعتكم باسهل طريق لوحده من هالفياض وتكون حللللللللوه زيكم



وهل الطريق فيه رمل وهل سيارتي تنفع



ولا اقعد بالثمامه أزين؟؟




انتظر ردكم..وجزاكم الله خير
هايبر
04/02/2009, 05:01 PM
تصدق اني لاقي فورد كراون فيكتوريا في وحده من الفياض اللي ذكرتها .
القصد سيارتك طيبه والطريق سهل إمش بدون سرعه ودور الجاده المنبسطه و بتوصل الى اي مكان تبيه .أفضل طريق تجي من طريق التنهات و بتل لين تصير دغيم على يمينك سيده في الجهاز بعدها دور لك جاده و بتل و بتلاقي فياض طيبه في طريقك تمش و استانس أهم شي عب بنزين فل و اذا معك خوي أفضل .و اذا احتجت الجوال ارقى اقرب مكان مرتفع و بتلاقي بث.
و تروح وترجع بلسلامه
hope_floats
04/02/2009, 05:23 PM
يلوموني فيكم يارجال ياعل ربي يسعد عيونك وعيون غالينك
بس ابي صبرك علي بسؤال ..
الحين لما اجي للدوار حق محطة العتش اللي يقرق يمين للرفيعه ويسار شوي للتنهاة
انت تقصد امسك طريق التنهاة وابتل معه على طول اليما ينقطع الخط
واضل ماشي.... ولا خط الرفيعه؟؟

شكرا لسرعة تجاوبك وصبرك ..
دغيم1
04/02/2009, 06:54 PM
السلام عليكم ورحمة الله وبركاته
حياك الله أخوي
الأمور متيسره ولله الحمد
ماعليك سوى التوكل على الله ومن ثم توجيه القارمن إلى روضة بربك دغيم
أو خبراء خبزة
مع أخذ كل ماتحتاجة من مواد تموينية وماء
ولاتنسى المرور على بعض الفياض القريبة
مثل أم سنينه وأم قرين والقراين
تمنياتي لك برحلة سعيدة وآمنه
تقبل تحياتي
الطرفاوي@
04/02/2009, 07:22 PM
والله انك حزنتني مامعك موتر وتبي تروح للصمان والله لاني قريب عند والله انك باب يمين محفول مكفول اربعاء وخميس وجمعه بس الشكوى الله انت بعيد عني وانا والله ياخوك ماوادي الرياض بعيشه الله من كثرة الزحمة
هايبر
04/02/2009, 11:35 PM
اسمع ونا اخوك تراني غلطت يوم قلت لحد ماتجي دغيم على يمينك أقصد على يسارك والمعذره .
بالنسبه للطريق تمسك طريق الرفيعه و سيده لين تعدي النفود تقريبا 90 كيلو في اخر النفود بعد عرق ساقان تجيك بقاله على يسارك وترى عندهم بنزين 91 يبيعونه في جراكل بعدها تمشي مسافه لد ما تجيك دغيم على يسارك سيده في الجهاز بعدها ورلك جاده وتوكل على الله ترى الطريق ذا ما فيه نفود كله جلد .
عاشق الأطلال
04/02/2009, 11:42 PM
يا اخوان الرفيعة ما يطلع له من طريق شوية ؟؟؟؟؟
هايبر
04/02/2009, 11:44 PM
ممكن عن طريق شويه بس طريق التنهات أقرب
Y A S S E R
05/02/2009, 12:29 AM
من جهة محطه البطيحانية الى اقرب فيضه كم كيلو بالضبط ..

انا سألت واحد عنها ., لكن اريد اكثر وضوحآ ..

ومتخوف من الطريق من ذيك الجهة ..

هل الطريق ردميه ممتازة وسهل اي لايوجد حتايف بالطريق تسبب ازمة للسياره /


الفياض ابروح لها هي حسنا السبق - العودة- ام صحن - الردايف ....

هل يكفي يوم واحد للمرور عليها كلها ؟؟.

المقصد هل المسافه بين الفياض طويلة ؟

آمل أن أجد اجابة شافيه من هذا الصرح العالمي :)

اهم تساؤلات واتمنى ان اجد الاجابه المفصلة :j
hope_floats
06/02/2009, 10:00 PM
سلام عليكم ورحمة الله

الله يعطيكم العافيه جميعا وماقصرتوا الوصف وصل اخوي هايبر ودغيم صراحه
خربت السالفه بس طلعنا طلعة دلع لخريم والحمدلله انبسطنا بس الاسبوع الجاي
طالع انشالله ..
تسلم طرفاوي وماتقصر .. بس ابوي يقولي لا تركب مع شيبان :d ... امزح باقلبي
بعدين صراحه كنت مستهين بالفورد ايدج بس والله ماعليه صح انه مدلع بس
اليوم نفضته بالثمامه وماقصر ..

تحياتي لكم جميعا..
سبعاوي2009
06/02/2009, 10:25 PM
اخ ياسر من محطة البطيحانية للرفيعة طريق مزفلت جديد والله يوفقك
جول قميري
06/02/2009, 10:46 PM
هلا اخوي hope flaot

افضل طريقة لبربك دغيم على الاحداثة هذي

N 26 44 999
E046 49 769

هذي احداثة المفرق طريق من اروووع ما يكون واذا كان معك قارمن فيه خرايط

راح تشوف الفياض اللي على يمينك ويسارك.

تروح وترجع بالسلامة
hope_floats
08/02/2009, 11:23 PM
السلام عليكم ومسالخير

وصل الاحداثي وسجلته الله يسعد عيونك واذا الله قسم يوم الخميس او الاربعا

تحياتي لكم جميعا