اسنفسار يااهل البر عن . . . . [الأرشيف]

باترول99

04/02/2009, 09:09 PM

السلام عليكم ورحمة الله وبركاته احبتي في مكشات ,,
اود ان اسألكم عن المستوي وين بالضبط اطلع له ,,مابي احداثيات ابي وصف من العبدليه او المساعديه على طريق الغاط ,,
الفيضه الي هناك ومصورة هنا بمكشات بكذا تقرير حولها جبال وطعوس ..
ولكم مني التحية ,,,

ضفنان

04/02/2009, 10:17 PM

اخي الكريم الوصف كما يلي من العبدليه اتجه الى ام حزم اذا وصلت مفرق شقراء قبل ام حزم خذ يسار كأنك رايح لشقراء استمر تقريبا 10 كيلو تشوف على يسارك عقم مزرعه الامير بندر شف لك على اليمين اي درب قوي انزل معه (يكون اتجاهك غرب) استمر في نفس الاتجاه بتشوف قدامك ابراج الكهرب اتجه اليها حتى تصل الردميه الخاصه بهالابراج طبعا هناك تقل الدروب لأن الارض تكثر فيها الحجاره لكن فيه درب عند البرج رقم 180 (الابراج مرقمه )اتجه مع الدرب اللي عنده الى الغرب هذا الدرب يستمر حتى ينزل بك من الضلع الى النفود وانت نازل من الضلع تشوف امامك شعيب فيه اشجار طلح استمر مع الدروب اللي في الشعيب توديك لروضه قريبه جدا ممتازه واذا بغيت تروح للروضات الباقيه فيه شمال عن الروضه اللي ذكرت لك وفيه جنوب عنها لكن الجنوبيات افضل واذا بغيت تروح لهن اتجه جنوب (يكون الضلع على يسارك والنفود على يمينك) استمر على الدروب في نفس الاتجاه وتلقا روضات كثيره واذا رغبت الاستمرار مع هالدروب فهي تستمر حتى ينتهي الضلع في النفود وفيه دروب في النهايه ممتازه وواضحه ترجع بك لطريق الازفلت اللي نزلت منه في البدايه (طريق المستوي ).
اتمنى لك رحله سعيده .