من يدلني على حرفي يسوي برميل مندي بالاستراحه

[وشلووون مغليك]

السلام عليكم

مرحبا بالجميع

ناوي ان شالله احط لي برميل مندي بالاستراحه
اولا ابي عمق الحفره المناسب والعرض بشكل تقريبي

وياليت من يعرف له يمني ولا اي عامل يسوي حفره موقعي بالرياض
ياليت رقمه

وله دعوه طيبه :)

[((ابوملاك))]

ياخوي سهله هي تراها بس المشكله بالحفر يتعبك جب لك برميل وحطه وحط بالجنب ملح ( خشن احسن ) وخياش وادفنه وبس

والله يوفقك على العموم

[تناهيت]

هلا بك اخوي الموضوع ما يبيلة استاذ سهل جداً وتوي مسوي واحد بنفسي في مخيم جب لك باكستاني اول شي يحفر لك بــ100 ريال ،، جب لك برميل يكون نظيف واحفر لة بحيث يكون 20 سنتمتر من فوق بارز فوق سطح الأرض وحط برميلك >> جب لك حصا صغير وحطه حولية بعدين طين فوقة (( لبنة انت وافضل جب لك تربة خشنة فيها بحص صغير جداً )) بحيث يسكر الفراغات ما بين الحصا >>بعدين تكون انت شاري غطا مثل حق البيارت ((تكرم والقارئ معنا ))+ الحلق الخاص به ( سو لك خلطة نص كيس سمنت وكثر الرمل معه الأبيض اقوى له ثم حط السمنت فوق الطين واذا بغيت حط مل خشن قبل السمنت داير ما دار بعد السمنت حط الحلق واوزنة على فوه البرميل صح بحيث يطبق علية وليس حولية >> فيه فضاوة لازم تكون من جوى بين الحلق والبرميل حط طين وسكرها لأنه أقوى من السمنت في تحملة للنار ويسكرة صح >> لا تنسى تودي البرميل قبل لحداد يلحم لك فيه شنكار يمين ومثلة يسار قبل نهاية البرميل بــ10 سنتمتر عشان تعلق اللحلم او الدجاج علية بواسطة سيخ يركب على القواعد اللي لحمتها >> بعد كذا خلة يومين لا تلمسة >> بعدين شب فيه تجربة عشان تروح الريحة اللي في البرميل وخله مفتوح بعدها >> توكل على الله وشب شبة طبخ والله الله بالتتبيلة ولا تفشلنا عاد واعزمنا نجرب منديك تراي خبرة يعني لازم تضبط امورك ولا بنقد عليك ،،تحياتي وفي الخدمة >> تناهيت

[تناهيت]

امس ونا على خط القصيم بعد الصحافة لقيت في محطة برميل للمندي جاهز بغطاه بس ما عجبني لأن سماكة الحديد كانت خفيفية مرة موب مثل حقت الزيت المعروفه >> يمكن يسهل عليك البحث ويفي بالغرض ..وان كانك مستمر بلأستراحة ابنه بناء واللة افضل بكثير من البرميل مسوية انا برضو في مزرعتنا بشكل مربع 50* 50 سنتمتر بعمق متر تقريباً >> بالطوب الأحمر الحراري واللة يانك بتاكل مندي وبتدعي لي ,وبتقول وشلون ما غليك يا تناهيت ،،وغير مكلف بلك +سمنت + بنا باكستاني = 250 يا بلاااااش والعزيمة لا تنساها هماه تحياتي

[وشلووون مغليك]

مجهول كل ماقلت احد قال سهله والظاهر اني بجر بنفسي

تناهيت وشلون مغليك ياتناهيت :)

يطولي عمرك يالغلا وفيت وكفيت وابشر بالعزيمه بجرب هالحفره اما تجملنا ولا خبصناها

[تناهيت]

مجهول كل ماقلت احد قال سهله والظاهر اني بجر بنفسي

تناهيت وشلون مغليك ياتناهيت :)

يطولي عمرك يالغلا وفيت وكفيت وابشر بالعزيمه بجرب هالحفره اما تجملنا ولا خبصناها

هلا بك >> ما يبيلها مهندس الأمر سهل خذ بللك احمر وغطا بيارة تكرم واطبقة علية ورشة بموية الين يشد لمدة 3 ايام وارضيتة ان بغيت حطها بلك منسدح افضل لك ونت تبنيه حط قبل البلك الأخيرة من فوق شيالات لسيخ التعليق يمن ويسا >> فهمت والا امرك اعلمك >> مهتم له خخخخخخالص التحايااااااااااااااا من تناهيت