تسجيل الدخول

مشاهدة النسخة كاملة : الصمااااااااان !!!


عاشق المحرق
05/02/2009, 11:28 AM
السلام عليكم ورحمه الله وبركاته

اولا اشكركم جميعا على المنتدى الاكثر من رائع وانا اعتدت اني اكون مجرد زائر للمنتدى ولكن اليوم سجلت وهذي اول مشاركه لي.....

ما اطول عليكم يا جماعة الخير عندي استفسار عن منطقة الصمان

انا من البحرين و السنة الي طافت كشت مع الشباب في النعيرية والسفانية وكانت رحلة اكثر من رائعه...
و من خلال منتدى مكشات قريت و شفت صور عن منطقه الصمان ,

حبيت استفسر عن المنطقه مثلا وين تكون تقريبا و كيف ترتيب المخيمات اذا كانت موجوده هناك لاني ناوي اروح بعد سبوعين... وللعلم احنا نفضل يكون مخيم اجار لانه بسبب صعوبه اخذ الخيام من البحرين وثاني شي احنا نكشت يومين بس في اجازه الاسبوع....

ولكم جزيل الشكر
دغيم1
05/02/2009, 12:26 PM
السلام عليكم ورحمة الله وبركاته
حياك الله أخوي
وياهلا فيك بين أهلك وأحبابك
بالنسبة للصمان لايوجد به مخيمات للإيجار ولكن يتعين عليك البحث عن محل للرحلات وهو يقوم بعمل المخيم
وعادة تكون هذه المحلات في المناطق الكبيرة
مثل مدينة الرياض ، أو النعيرية وغيرها
مع العلم أن الوضع لايحتاج إلى خيمة كبيرة وعفش كثير والأخوة في دولة الكويت ودولة الإمارات وودولة قطر يأتون إلى الصمان مع كامل أدوات الرحلة
تمنياتي لك بالتوفيق
عاشق المحرق
05/02/2009, 12:39 PM
الله يحييك اخوي دغيم وجزاك الله خير

كلامك صح اخوي بس الشباب مكلفيني بالمهمه و يفضلون مخيم جاهز.....

فاذاممكن تعطوني نصايح من خبراتكم من حيث الافضل بين النعيريه والسفانيه و عن اسعار المخيمات و الاجواء


والله يجزيكم خير
طحنون
05/02/2009, 12:43 PM
اذا كانت عائليه لا انصح بها والسبب بعد المنطقه وثقل تحرك العائله اما اذاكانت عزاب تكونون خفيفين وسهوله التحرك وسرعته لا يحتمل خيمه ثابته كبيره تكفي الخيام الخفيفه فقط للنوم والباقي الاستمتاع للربيع واجوائه والتنقل بين الفياض للمتع وانشراح الخاطر
والله الموفق
بندر خلف
05/02/2009, 01:12 PM
حياك الله بين اخوانك وربعك وانشالله تفدي وتستفيد منا

الخيام اذا انتم تبون مخيم تطلع من البحرين وتمسك طريق ابو حدريه لين يجيك الكبري الى تنزل من تحته يوديك المطار وتلف معاه يمين يوديك الدمام تنزل مع الكبري اتجاه الدمام وتجيك اول ايشاره تاخذ معاه يو تير وعقب تمسك محلي بيجيك محل القناص هذا عنده كل ادوات الرحلات اتعدا القناص يجيك محل حق ادوات رحلات بس مدري والله وش اسمه على ماعتقد المقناص بعدهن فيه محــل يااجر خيام وافضل محل الاول الى يبيع يااجر فيه هندي ياجر برخيض خيمه عمودين ثلاث ايام بـ 300 ريال

وخيمه عمود 3 ايام بـ 180 اتوقع سعرها رخيص التامين يانك تحط اثباتك او انك تعطيه 800 ريال


خريطة الصمــان وانشالله الشباب يفيدونك بمحل الربيع الاقرب لكم من ضمن الخريط ه لك الخريطه

http://www.up2up.com/uploads/images/up2up-b6d99a92a3.jpg

خريطة الصمان الى بالون الازرق
روح البداوه
05/02/2009, 01:15 PM
انا اوديك يا عاشق المحرق للصمان لاني ساكن بالخبر وابشر بعزك بس قلي انتوا كم شخص وكم سياره وهل سيارتكم دفع رباعي وبنسبه للخيام الله يخلي الخيام السريعه الصغيره مر على سوبرماركت جيان وخذلك 10 خيام وزعها على الشباب واذا ودك نرتب موضوع الطلعه ارسلك رقمي على الخاص وشكرا لك
أبو عيسى 770
05/02/2009, 01:18 PM
السلام عليكم
حياك الله معنا بالنسبه للصمان اذا كنت أنت و العائله بتكشتون وتبي مخيم فيه محلات بالسعوديه تستاجر منها خيام و مواطير كهرب و حمامات
عاشق المحرق
05/02/2009, 02:04 PM
بيض الله وجيهكم كلكم طحنون و رن ن043 و روح البداوه و أبوعيسى770

الله يشهد انكم اخوان و اكثر بعد جزاكم الله خير

والله احنا كلنا شباب و يالربع نفضل انها تكون خيام منصوبه لانه مثل ماقلت لكم كلنا نشتغل و رايحين كشته في عطله الاسبوع يعني نروح الجمعه الفجر و نرجع السبت المغرب... اهي الفكره افضل انك تاخذ معاك كل شي و تتنقل بس بالنسبه لنا ماعندنا وقت ندور خيام وناخذ معانا و نختار مكان....

ماقصرتوا كلكم و جزاكم الله الف خير .... بس لو تفيدوني اكثر بخصوص المخيمات الي منصوبه و جاهزه للاجار.....

والسموحه على القصور
عاشق المحرق
05/02/2009, 02:08 PM
روح البداوه ::: بيض الله وجهك و ان شاء الله اكلمك اول مانعزم
عاشق المحرق
05/02/2009, 04:25 PM
ممكن تفيدوني اكثر بخصوص المخيمات الي منصوبه و جاهزه للاجار في النعيريه والسفانيه والصمان(ان وجدت) من ناحيه الترتيب والاسعار.....
روح البداوه
05/02/2009, 09:40 PM
والله الاهل رايحين قبل اسبوع في النعيريه ماخذين مخيم ب 350ريال 3 خيام ام عامودين والله يكرمك حمام وسخان ماء واسعارهم ما يتعدون ال 500 بس الحق قبل الاجازه بتصير الاسعار دبل وشكرا لك
طفاحي
05/02/2009, 10:43 PM
اخوي عاشق المحرق

السلام عليكم ورحمه الله وبركاته

من وجه نظري المتواضعة انكم تروحون النعيرية لأسباب:-
-النعيرية فيها مطلبك(مخيمات جاهزة متكاملة) حتى الماء الساخن موجود..اضف الى ذلك محافظة النعيرية كبيرة وفيها كل شئ.
-قريبة من البحرين 280-300كم تقريبا يعني بتوفر وقت لانك من كلامك بتقعد جمعة و سبت.

نرجع للصمان
الصمان .....وما ادراك ما الصمان..
ان كان لم يسبق لك الكشتة في الصمان ما انصحكم تروحون الى و معكم شخص يعرف المنطقة(ماهو قصور فيك ولا في ربعك) لأن الصمان كبير مثل منت شايف في الخريطة اللي ارفقها صاحبنا ..واغلب الاماكن اللي عليها الكلام تكون بينها وبين اقرب ازفلت مسافة تصل في بعض المناطق الى20-70 كم ولا يوجد هناك مخيمات للأيجار اطلاااقأً... حتى محلات تأجير الخيام يجدون صعوبه في توصيل مخيمات بعض المؤجرين من الدمام او الرياض الى تلك المناطق(الصمان يصلح للكشاته الرحل و الخفيفين)كل يوم تنام في مكان واغلب النهار تتمشى وتشوف خيرات الرحمن ..حتى اغراض الكشتة تكون قليلة وخفيفة بما فيها الخيمة

بأمكانك انك تدخل مواضيع الخيام بالمنتدى تشوف الشباب شلون يدورون الخيام سريعة الفك والتركيب وذلك لكثر الترحال و كذلك باقي الاغراض تكون خفيفة و (وذفه)صغيره الحجم

لكن اذا كان معكم احد من ربعكم يعرف المنطفة يوديكم الى افضل الفياض والريضان و يوفر عليكم جهد و وقت
و لا تنسون الـ Gps وبعض الخرايط اللي فيها احداثيات (الفياص-ريضان-دحول-شعبان...الخ) تلاقيها في اغلب محطات البنزين او محلات الرحلات البرية وانت رايح للبر (خرائط الصمان)

والله يوفقكم..وحياكم الله في بلدكم الثاني
طفاحي
05/02/2009, 10:46 PM
ممكن تفيدوني اكثر بخصوص المخيمات الي منصوبه و جاهزه للاجار في النعيريه والسفانيه والصمان(ان وجدت) من ناحيه الترتيب والاسعار.....


انشاء الله شباب النعيرية ما يقصرون معك لاني بصراحة ما قد اجرت مخيم جاهز
EFI.4500
05/02/2009, 10:58 PM
الشباب ماقصروا وانا اشهد ان روح البداوه اسم على مسمى
عاشق المحرق
08/02/2009, 11:12 AM
السلام عليكم


روح البداوه ::: جزاك الله خير و ماقصرت و الاسعار وايد حلوة مقارنة باسعارنا في البحرين

طفاحي::: رحم الله والديك و بيض الله وجهك وكلامك صح

efi.4500 ::: شكرا على المرور و انا اشهد انهم ماقصروا


والشكر لكم جميعا على تعاونكم و جزاكم الله الف خير