تسجيل الدخول

مشاهدة النسخة كاملة : الله يرضى عليكم عندي مخيم من يركبه لي


اسمى المعاني
06/02/2009, 08:19 AM
السلام عليكم ورحمة الله وبركاته
مالكم بالطويله عندي مخيم حاطينه بالسطح ولا عندي احد ينصبه لي
دلوني على احد يركب المخيم وباقل الاسعار
واللي وده منكم يركبه لي ويستعمله حق التركيب برضه مابه مانع
اخاف المطر يدق الخيام وهي محطوطه بالسطح
المخيم عباره عن اربع خيام حمامين خزان وعدة الحمام وعدة الكهرباء
ومشكورين مقدما
وياليت يؤخذ الموضوع بجديه يالنشامى
ابوسفان
06/02/2009, 02:21 PM
اخوي اسمى المعاني رح لشارع الاربعين اللي بالنسيم فيه صعايدة وباكستانين متخصيين بنصب الخيام انا كل اجازة امر عليهم ينصبون الخيام لي بلا تعب مشرف عليهم.
اسمى المعاني
06/02/2009, 07:02 PM
اخوي اسمى المعاني رح لشارع الاربعين اللي بالنسيم فيه صعايدة وباكستانين متخصيين بنصب الخيام انا كل اجازة امر عليهم ينصبون الخيام لي بلا تعب مشرف عليهم.
الله يجزاك خير
ابسالك عن اسعارهم وشغلهم زين؟
تناهيت
06/02/2009, 08:44 PM
المعاني >> مر على ام الحمام وخذلك 3 نفر باكستانية أو من حي الملك فهد واتفق معهم بالخيمة انا قبل 3 شهور سويتها وطقو لي 4 خيام حجم كبير ولازم توقف معهم وتشرف عليهم حتى لو كانو متخصصين فانت لك رأيك في الأول والأخير من ناحية مواقع الخيام ووزنية الأعمدة من تحت وشد الرواق والأسقف وتباعد الوتد عن الخيمة >> خذو علي 300 ريال وفرشوها لي بعد وشريت لهم بــ10 ريال فول وتميس = 310 ريال التكلفة الأجمالية علماً بانهم شالو الخيام من الأستراحة على موتري ونزلوها في الموقع >>ولو فيه معي وقت كان خليتهم يردمون الأروقة بالرمل لاكن اهم شي هنا انك تتفق اولاً معهم عشان ما يزيدون سعرهم عليك لأنهم مهره جداً في مثل هذه الأمور + خلك حسن التعامل معهم عشان يشتغلون بنفس حلوة>> تحياتي وفي الخدمة
سطام vip
06/02/2009, 11:37 PM
مثل ما قالوا الاخوان مالك الا العمال وخصوصا الباكستانين لانهم يعرفون للخيام

واذا مستخسرالفلوس فيهم ياخوي انت واثنين من ربعك لو كل يوم تنصبون وحده

بتخلصونه بسهوله

والله يسهر امرك اخوي ويوفقك
nhaash
07/02/2009, 01:52 AM
الله يعطيك العافيه