ماطور هايبر بنده %%%

[ربع 91]

السلام عليكم

كيفكم شباب

ومبارك عليكم الامطار

عندي سؤال انا شريت ماطور الي في هايبر بنده الي يجي معه بصاط وكشاف اصغير


ودي واحد يعلمني كيف استعمله تكفون شريته ولا اعرف له تكفووووووووون بسرعه علموني



وجزالكم الله خير

[رحال جده]

يكون الي ب 270 ريال وحتى انا شريت واحد مثله
هذا سلمك الله ياخذ 4 لتر بنزين اوكتين 95 الاحمر
ومع كل لتر بنزير مقدار واحد من الزيت اي زيت من عند البنشرجي قله عطني زيت موبيل شفت الغطايه الزرقاء اللي جت مع الماطور حقت المحقن حق البنزين اذا عبيت بنزين 4 لتر عب الغطايه الزرقاء زيت وحطه مع البنزين وشغل وتوكل على الله وانم شاء الله انزل صور له في القريب العاجل





واي خدمه انا حاضر

[ربع 91]

اول شي جزاك الله خير واذا في اي معلومه لا تبخل علي


طيب في فيه فيش زي قضابات البطاريه وش الفايده منه

ارجو التفاعل

[MNH]

حط صور وشرط يزيد التفاعل

[سطام vip]

ليتك حطيت صور لتعم الفائده

والله يبارك لك في الي شريته ويستر عليك

دمت بحفظ المولى

[Magellan]

اول شي جزاك الله خير واذا في اي معلومه لا تبخل علي


طيب في فيه فيش زي قضابات البطاريه وش الفايده منه

ارجو التفاعل


هذا طال عمرك إستخدام شهر وتنطله طبعا إستخدام متواصل وسعره ب،299 أو 399 ماني متذكر بالضبط
نصيحتي لك بما إنك تورطت فيه
لابد إنك ماتزيد الحمل عليه ، يعني كم نجفة وتلفزيون ورسيفر فقط ...
وتراه يحتر بسرعه لأن زيته يختلط مع بنزينه فيولد حرارة ودينموه مايتحمل
أنصحك ماتشغله لأكثر من 3 ساعات متواصلة وإلا يبي يخبط بسرعه
إسألني عنه عندي 2 منهم ناطلهم بعد إستخدام 21 يوم فقط
وطريقته إذا فتحت التانكي فيه علبه أسحبها وحط فيها زيت سيارات وكبها فيه، ثم عب بنزين
والقضابات هذي لشحن بطارية مثل بطارية السيارة ، بس هالماطور يالله يسنع عمره فماله ومال شحن البطاريات

[الوانيت1]

هذا طال عمرك إستخدام شهر وتنطله طبعا إستخدام متواصل وسعره ب،299 أو 399 ماني متذكر بالضبط
نصيحتي لك بما إنك تورطت فيه
لابد إنك ماتزيد الحمل عليه ، يعني كم نجفة وتلفزيون ورسيفر فقط ...
وتراه يحتر بسرعه لأن زيته يختلط مع بنزينه فيولد حرارة ودينموه مايتحمل
أنصحك ماتشغله لأكثر من 3 ساعات متواصلة وإلا يبي يخبط بسرعه
إسألني عنه عندي 2 منهم ناطلهم بعد إستخدام 21 يوم فقط
وطريقته إذا فتحت التانكي فيه علبه أسحبها وحط فيها زيت سيارات وكبها فيه، ثم عب بنزين
والقضابات هذي لشحن بطارية مثل بطارية السيارة ، بس هالماطور يالله يسنع عمره فماله ومال شحن البطاريات



جريمة
أكيد بيخبط .......ألااااااااااااا بيخبط ونص .
يااااا أخى هذا له زيت خاص خفيف ويخلط مع البانزين بنسبة 1لتر زيت الى 50 لتر بانزين فى جركل خارجى وليس داخل تانكى الماطور لان الزيت أثقل من البانزين ويترسب فى قاع التانكى ولاااا يتم الخلط بالطريقة الصحيصه.
ونوع هذا الزيت هو المستخدم للبقيات أو مكائن الطراريد البحرية وشكرا......////.

[عبد السلام ضيف الله الشلاش]

بسم الله الرحمن الرحيم
تحية للجميع
هذه نصيحة من مهندس

ياجماعة الخير بالنسبة للمواطير التي يخلط فيها مع البنزين قليل من الزيت , هناك نسبة محددة تجدها مكتوبة على غطاء البنزين او بالكتالوج .
في اكثر المواطير سواء مولدات او غيرها , غالباً ما تكون النسبة 1 ألى 40 , مثلا كاسة زيت على 40 كاسة بنزين ونخلطهما ونعبىء الماطور من هذا الخليط .
اذا زادت نسبة الزيت يدخن الماطور وتضعف قوته .
اذا زادت نسبة البنزين يضر البستم ويخرب الماطور .
يعني الدعوى ماهي خبط لزق .

عكرش الثالث

[jgjc]

ليتك حطيت صور لتعم الفائده


دمت بحفظ المولى

[تناهيت]

انا خذت واحد مثلة قبل 3 شهور >> واستخدمتة فوق 6 مرات واللة اني اخلية فوق 5 ساعات ما يطفي >> ومكتوب ان حمله 900 شمعة اعتقد ولاكن تراه ما يحملها كلها >>وانصحك لاتزيد عليه أكثر من 500 شمعة لن الياباني عادة ينقص من حمله لازم عشان يعطي جهد كهربائي مناسب فما بالك الصيني >>واكثر شي حملتة علية 6 لمبات 12 واط وكنة زعل شوي :mad: وتغير صوتة بعدها سلك وزدت الحمل الى 7 لمبات ومشى >> واحد من الشباب سوى ذيب وراح زاد بنزين وهو شغال يخاف يطفي ولا حط زيت معه :mad: >> لاحظت تغير صوته ودخنتة زادت >>>شافني ادور عنده >>قال لا تشيل هم تراي زدت بنزين تعال نتــقهوى (وش يـــحس به ):no: >> قلت له اجل خبط يا الذهين :eek:((وبنوضبة من القطة>> المهم قمت وكبيت بنزينه >> ووزنتة من جديد ورجع صوته طبيعي >> والزيت حط له اي زيت ما يضره ولا يهمك الكلام (الصيني بطبيعته يعتمد على التوافيق )>> انا مره موبيل ومرة شل وعلى حسب الموجود >>وعلى ما قال مافيه خسارة خلة لموسم وذبة >> عيبة صوته قوي على حجمة >> ثقيل ما عليه >> غير الفيش اللي معه تراه ما يصلح لأنه بلاستك بينكسر بسرعه تلقا له فيش عند حقين الكهرب نفس مخارجة بالضبط ويتحمل بــ 5ريال >سبب الشراء >> فاضي ذاك اليوم واتقضى لطلعة عامل حسابي اني اشغل اللمبات على محول الموتر وبطاريته مهيب ذاك الزود ولا عندي اضافية >>شفت سعرة اغراني >>ماطور وفي هايبر بندة >>دلع >> خذتة وارتحت نفسياً في الطلعة لني ما استخدمت الموتر للأضاءة >> ومتى ما بغيت اشغل واطورد ولا اشيل هم الشباب ما عندهم نور>ملاحظة البساط اهديتة لواحد مغرز سدحة تحت كفر موترة وطلع >>خخخخ شفت الفايدة من الماطور والكشاف ضاع >تحياتي

[Magellan]

خلاص ياجماعه مانيب صاحي أنا ..
أعلمكم أقول هالماطور ماينفع ويوم من الأيام تبي تشغله ومايشتغل وتقولون ماصار
كل اللي ذكروا فوقي تجاربهم ماشغلوه أكثر من 3 مرات ،
لكن أنا أجزم ومانيب ماجلان شغله 5 أيام 12 ساعه يوميا متواصله ،إن ماخبط عليك وجيت تدور من يصلحه مالقيت ..
ثم أنا ما أحب المواطير اللي تخلط زيت مع بنزين ، المفروض الزيت له صرة بالحال، قد شفتوا سيارة قبل ماتشغلها تحط في التانكي الزيت ...
إذن وش الفائدة من الزيت ، سوى تنظيف غرف الإحتراق من بقايا الكربون ،،
وبحالت الماطور الصيني ماتتم وينحرق زيته مع بنزينه

وإذا ولابد تاخذ ماطور يخلط فخذ ياماها ياباني سعره بحدود 750 ريال في شارع الريل
وبس

[ابوفهيدان]

انا مع كلام عكرش الثالث <<<<<<<<< انت مهندس يافندم
وهذا موضوع لي عنها وعن اهم خراباتها وطرق تصليحها
www.mekshat.com/vb/showthread.php?t=122394 (http://www.mekshat.com/vb/showthread.php?t=122394)

[عاشق z71]

خلاص ياجماعه مانيب صاحي أنا ..
أعلمكم أقول هالماطور ماينفع ويوم من الأيام تبي تشغله ومايشتغل وتقولون ماصار
كل اللي ذكروا فوقي تجاربهم ماشغلوه أكثر من 3 مرات ،
لكن أنا أجزم ومانيب ماجلان شغله 5 أيام 12 ساعه يوميا متواصله ،إن ماخبط عليك وجيت تدور من يصلحه مالقيت ..
ثم أنا ما أحب المواطير اللي تخلط زيت مع بنزين ، المفروض الزيت له صرة بالحال، قد شفتوا سيارة قبل ماتشغلها تحط في التانكي الزيت ...
إذن وش الفائدة من الزيت ، سوى تنظيف غرف الإحتراق من بقايا الكربون ،،
وبحالت الماطور الصيني ماتتم وينحرق زيته مع بنزينه

وإذا ولابد تاخذ ماطور يخلط فخذ ياماها ياباني سعره بحدود 750 ريال في شارع الريل
وبس


اخوي ماجلان كيف حالك يالغالي
بس حبيت اسالك بكم هذا الياباني الي بالريل او كم واط وكيفه معك هل يستاهل السعر وهل له قطع غيار

اسف ياراعي الموظوع على مداخلتي

[Magellan]

اخوي ماجلان كيف حالك يالغالي
بس حبيت اسالك بكم هذا الياباني الي بالريل او كم واط وكيفه معك هل يستاهل السعر وهل له قطع غيار

اسف ياراعي الموظوع على مداخلتي

هلا بالغالي عاشق Z71
وأبشرك بأتم صحه وعافيه
تبي اللي يجمد على الشارب ويدسمه
عليك بالهوندا الصناعه والتجميع الياباني
وخذه من وكيله في شارع الريل تقاطع شارع الفرزدق
وعليك باللي يجي صرة الزيت بلحاله ، لاتخوبر بمواطير قص ولزق هاللي تخلط الزيت مع البنزين حتى ولو هوندا
خذ هوندا 1500 شمعه ممتاز وجيد
ولازم تعرف إن مهما كان قوة الشمعات لازم تعطي الماطور مدى عشان يرتاح
بمعنى لو كان عندك حمل كهربائي مٌقدّر بـ1000 شمعه فخذ ماطور 1500 شمعه عشان يرتاح الماطور
ثانيا: مع الوقت تضعف قوة الماطور مهما كانت صناعته وأقصد اللي يستخدمونه يومي فبالتالي ماتضطر لتغييره بواحد أكبر

[تناهيت]

خلاص ياجماعه مانيب صاحي أنا ..
أعلمكم أقول هالماطور ماينفع ويوم من الأيام تبي تشغله ومايشتغل وتقولون ماصار
كل اللي ذكروا فوقي تجاربهم ماشغلوه أكثر من 3 مرات ،
لكن أنا أجزم ومانيب ماجلان شغله 5 أيام 12 ساعه يوميا متواصله ،إن ماخبط عليك وجيت تدور من يصلحه مالقيت ..
ثم أنا ما أحب المواطير اللي تخلط زيت مع بنزين ، المفروض الزيت له صرة بالحال، قد شفتوا سيارة قبل ماتشغلها تحط في التانكي الزيت ...
إذن وش الفائدة من الزيت ، سوى تنظيف غرف الإحتراق من بقايا الكربون ،،
وبحالت الماطور الصيني ماتتم وينحرق زيته مع بنزينه

وإذا ولابد تاخذ ماطور يخلط فخذ ياماها ياباني سعره بحدود 750 ريال في شارع الريل
وبس

ماجلان >> الله يرجك خخخ ما قلنا منتب صاحي وكلامك ما فيه غلط ابد >> بس دقق في سؤال الرجال >> هو ما قال ابشتري الماطور ووش رايـــــــــــــكم >---لا يا ماجلان >>هو شراة وقضى ويسأل عن طريقة استخدامة >>وانا علمتة تجربتي معه >> ولو انه سال وقال ودي اشترية >>قلت له لا لا لالالالا >>زدها 250 وخذ ياباني مستعمل احسن >> والماطور بالنسبة لي قضى واجب وما قصر معي في كذا طلعة >> تدري وش المشكلة يا ماجلان >>> هي ان الكثير منا يشتري مواطير وهو مو في حاجتها يعني حقت يوم ويذبة وهذا غلط لأن ابو طلعه يوم ما يحتاج ماطور ابد وشو له الغثى والأزعاج وتدور بكشافك علية كل ساعه >> والمشكلة الأهم هو ان البعض لا يعرف كيف يتعامل مع الماطور >> يحسبة فيش في بيتهم >>يشبك اللي يبي وخلاص >> ولا يفهم في اساسيات بدائية وبديهيه الميكانيكا >> يعني لو يتغير صوت الماطور >> قال ما يضرة وهذا غلط المفروض اننا نعرف نتعامل مع الماطور اي كان نوعه ((صيني هندي ياباني ))> واللي صنعوة ما قالو شغل وامش >>ونت تقول شغلوة 12 ساعه لمده 5 ايام لا ياعزيزي المكينة الكبيرة الينمار ام 10 كيلو ما تتحمل لازم تريحها فما بالك بذالقفش تبي تشغله 12 ساعه >>وانا قريت موضوع ابو فهيدان عنه >> بصراحة ما قصر وفيه معلومات استفدت منها وتساعد على طول عمر الماطور رجعل عمرك طويل >>>>يقول ابو فهيدان شارية خربان وعاش معه سنتين لأنه عرف كيف يتعامل معه >> وابو طلعتين في الشتا خله يشتريه أحسن من انه ياخذ غالي ولا يعرف له ويذبة >>فهمت يا ماجلان >>>>وانا شريت بجربه مع ان عندي غيرة هوندا له 5 سنوات بس حجمه كبير وما يصلح الا لطلعات اسبوع وعليها >> اتعبتك الأسهم اللي في الرد عارف >> تحياتي وتر اك فعلا منتب صاحي لأنك تنصح من قلب >> تحياتي
رابط موضوع ابو فهيدان http://www.mekshat.com/vb/showthread.php?t=122394

[عاشق z71]

هلا بالغالي عاشق Z71
وأبشرك بأتم صحه وعافيه
تبي اللي يجمد على الشارب ويدسمه
عليك بالهوندا الصناعه والتجميع الياباني
وخذه من وكيله في شارع الريل تقاطع شارع الفرزدق
وعليك باللي يجي صرة الزيت بلحاله ، لاتخوبر بمواطير قص ولزق هاللي تخلط الزيت مع البنزين حتى ولو هوندا
خذ هوندا 1500 شمعه ممتاز وجيد
ولازم تعرف إن مهما كان قوة الشمعات لازم تعطي الماطور مدى عشان يرتاح
بمعنى لو كان عندك حمل كهربائي مٌقدّر بـ1000 شمعه فخذ ماطور 1500 شمعه عشان يرتاح الماطور
ثانيا: مع الوقت تضعف قوة الماطور مهما كانت صناعته وأقصد اللي يستخدمونه يومي فبالتالي ماتضطر لتغييره بواحد أكبر

الف شكر لك يالغالي على افادتك الرائعه والله يجزاك خير ويخليك وينور دربك
بس انا سالت لانه لفت نظري السعر 750 ريال ياباني ممكن اخذه بذا السعر

فهمت علي

دمت بود يالغالي

[ربع 91]

مشكورين على مروركم الجميل

[ربع 91]

طيب عندي سؤال كيف اركب اللمبات

وانا ماشريته عشان اشغل عليه ارزيفر او التلفزيون


وكم لمبه اركب عليه

[تناهيت]

طيب عندي سؤال كيف اركب اللمبات

وانا ماشريته عشان اشغل عليه ارزيفر او التلفزيون


وكم لمبه اركب عليه

توصيلة واشبك عليها اللي تبي مايبيلها ترى الموضوع سهل >> بس اهم شي غير الفيش البلاستك اللي يجي معه واشتر واحد مثل مخارجة بالضبط والأفضل لك تودية معك لمحلات الكهرب ويعطونك مثله بــ5 ريال وركب السلك علية بحيث يكون طويل متفرع منه اكواع للمبات وفي أخرة اشبك قسام افضل >>واللمبات 4 كافيه اذا كان بتشغل معه رسيفر وتلفزيون مع انه ماله داعي بر وتلفزيون >>ونت بكيفك >> والبساط عطنياه خخخخخخخخخخ لن اللي عندي عطيتة واحد مغرز >> تحياتي

[sudyer]

لا تتهاوشون يا جماعة كلها ما طور ب 290

[ربع 91]

للللللللللللللللللللرفع