المساعد الشخصي الرقمي

مشاهدة النسخة كاملة : الكروان قرب ,,,, والطير مملوع,,, وش الحل..؟؟


راس عيطا
07/02/2009, 08:39 PM
السلام عليكم ورحمة الله وبركاته
.........
...
.
ياجماعة الخير الطير جايه ملع
وريحته 4 ايام دون دعو ولا نقل
وقبل أمس دعيت الطير دعو خفيف ولا كرك وجناحه راهي

لاكن امس على الملواح الطير يكرك, وهو يعلف على يدي يكرك, وعلى تكية الموتر كرك. حتى لاكفخ من وكره كرك

علما اني مريح الطير 4 ايام ومروشه بماء دافي لاكن برضو مافي فايده

اللي عنده حل ولا علاج مجرب لايبخل علينا ياجماعه
دمتم بحفظ الله
الرجل الطموح
07/02/2009, 08:54 PM
هلا اخوي علاج الملع شبه او موميان تعطي الطير كبر حبه الشعير
حطها في قلب الحمامه واعطها الطير
وريح الطير لمده 5 ايام
والله يشفيه
اوه
07/02/2009, 09:02 PM
السلام عليكم اخوي سو للطير اشعه في المستشفى الاميرفهد الكركه يمكن تصير رصاصه مكلها وان شاء الله انه ما تصير وان كانت رصاصه تحول الى تسمم اذا ما مكنته
صالح707
07/02/2009, 10:51 PM
الله يشفي الطير إن شاء الله
يفيدونك اعضاء الخبره بهالموقع جزاهم الله خير..
والله يسهل لك دربك
حرامي دجاج
08/02/2009, 01:26 AM
رغم قلة خبرتي لاكن ارجو اني افيدك
1)الطير لازم يرتاح من خمس الى عشر ايام حسب حالة الطير
2)روش الطير بماء دافي كل يوم
3)عط الطير موميان اول يوم ورابع يوم بحجم حبة الشعير مثل ما قالو الاخوان.
4)عليك بالشب الابيض وحذاري من الشب الاسود
5)صفار بيض كل صبح.
ارجو اني افدتك.والشافي ربك. تقبل تحياتي
صقرالشعلان
08/02/2009, 01:52 AM
اعطي الطير شب اسود انا مجرب الشب الاسود او اذا كنت في الرياض رح المستشفى في عصار للعضلات وفتامين في نفس الوقت تقبل مروري
قرناس حائل
08/02/2009, 12:46 PM
مساكم الله بالخير

ما فيه احد اشتكى من الملوع مثلي ,,,,,,,

ابي اعطيك العلم الوكاد اللي يجمد على شنباتك

شب اسود بين اصابعك مع شوي حلب مطحونات كلهن بقلب حمامة قبل العلف بساعة

وريح الطير ثلاث ايام ( لازم يكون ماء عند الطير لأن الشبة حارة )

وحـــــــــــــــــــــــــذاري ياخوان من الموميان لأنه يرخي الطير بالحيل ويصر ما يقدر يرتفع

اسأل مجرب

تقبل تحياتي
راعي مطروح
08/02/2009, 01:19 PM
يالربع كلكم فيكم بركه لكن الطير مهما جاه من ملوع مايكرك في كل وقت ونادر الطير اللي يكرك علشان ملوع اخوي تذكر هل كنت ترمي صيد وتعطيه منه اذا انك تعطيه منه تاكد انه صكم واذا تبي تاكد هد الطير على حمامه اذا شفته ارتفاعه تعبان وتعب بسرعه ترى فيه صكم وانا اقولها لك من واقع تجربه صارت علي العام وتقبل مروري
قناص - QTR
08/02/2009, 03:41 PM
كلامي من كلام اخوي الرجل الطموح لان صارتلي نفس الحاله وسيت نفس كلام اخوي والحمدلله تعافى الطير.......
راس عيطا
08/02/2009, 04:56 PM
السلام عليكم
شاكر لجميع الاخوان مرورهم والافاده بيض الله وجيهكم
مع اني احترت اكثر من قبل :j

بس اشوف الاخوان متفقين اني اريح الطير اكثر من 5ايام
لاكن الشبه السوداء تعطى للطير باول يوم فقط؟؟؟؟
وكيف علف الطير اقصر عليه ولا اكرمه؟؟؟؟؟

اما اخوي اللي يسال عن الرصاص انا متاكد ان شاء الله انه مو رصاص
حطاب 123
08/02/2009, 09:06 PM
:d السلام عليكم
اعطه حلبه لمدة ثلاثة ايام مقدارحبة القهوه مع راحة الطير .والله يعينك على ريحته :d
المسافر888
09/02/2009, 03:27 AM
أرررررحب ياراس غليص معلى طيرك باس.
وش حالكم جميع قبل لا اعطيكم ماعندي ويش معنى يكرك عندكم .
والسلام ختام