المساعد الشخصي الرقمي

مشاهدة النسخة كاملة : خيمة بدون عامود 4+4 دار الفراسه للبيع


طرقشون
08/02/2009, 03:18 PM
السلام عليكم


عندي خيمة مفصلها في دار الفراسه (مخرج 15 خط الـميه ) من زمان
بس يشهد الله ما طقيتها الا يمكن 3 مرات عن الشكه خلوها اربع مع ان الي اذكره هي 3 مرات بس


الخيمه قماش تنزاني ابيض ومبطنه باحمر وفيها دريشه وعلى الجوانب بابين
جنب فيه باب سحاب والجنب الثاني فيه باب مقصوص
اما العرض فـ عرض فيه الدريشه والثاني مخليه مظله اذا بغيت تفتحها وطبعا تقدر تسكرها بكل سهوله


الموهم اتركم مع الصور ولو اني ضلمتها بـ التصوير خبركم شغل العجله ما يصلح : (
الصور قبل اسبوعين في الصمان خذتها معي قلت اطقها عشان ابيعها :D
ويمكن واحد يسالني وش يسبب البيع
بقوله لانها ما تجي في موتري فيها مواصير طولها متر ونص ولا تركب في الفورشنر بالعرض
ولا الخيمه تكانه ودافيه في البرد وصلبه ضد الرياح :p
طقتها تخليها متماسكه ومقاومه للهبايب :good:


الخيمه سليمه ولكم مني الشرط وعليكم السوم والماريه الشوفه
http://www.dohaup.com/up/2009-02-08/dohaup_757462444.jpg


http://www.dohaup.com/up/2009-02-08/dohaup_1845516913.jpg


http://www.dohaup.com/up/2009-02-08/dohaup_495023528.jpg


معنا لـ الربيع منظر آخر حيث المظله الشرحه <--برا انت وذا التسويق :D


http://www.dohaup.com/up/2009-02-08/dohaup_14368853.jpg



http://www.dohaup.com/up/2009-02-08/dohaup_350067633.jpg


طبعا زي ما انتم شايفين الخيمه مواصير وبدون عامود
وكل مواصير لها لون ابيض واسود واخضر والزوايا فيها مسمار مثبت وفي الخيمه محطوط له حلقه !
والبطانه من داخل حمراء ونقشتها حلوة نقشت الخيام القديمه
الخيمه شغل دار الفراسه والي يعرف ابو صالح بيعرف شغله
واهم شي ان الوصلات مضروبه بصاروخ عشان ما تقرقع ولما تركب المواصير تشوفها متماسكه ومهيب تتحرك


تركيبها سهل جدا ويقدرون يركبونها اثنين يركبون المواصير زي الي في الصوره ثم تحط البطانه وترفع كل زاويه وتركب ماصورتها وقضينا حتى يمكن يقدر يركبها وحد ما جربت صراحه بس ما اتوقع فيه مقرود بيطلهع بالحاله ومعه خيمه 4+4 نم في موترك اريح :p


الي ما يقدر يرد وشراي يرسل لي رساله بس على ذا الرقم 0500001412
tamimy
08/02/2009, 05:01 PM
كم مكلفه جديده
د.الإقتناص
08/02/2009, 05:24 PM
ودي أسألكـ كم تكلفتها جديدهـ؟!

والشي الثاني قوتها ومتانتها

الشي الثالث تحملها في المطر يعني يدخلها مويه ولا لا


سلملم
مدورالصمان
08/02/2009, 05:31 PM
أخي الكريم

ياليت تعطينا حدك في البيع ........................
لاتكب البيالة
08/02/2009, 06:40 PM
السلام عليكم

انا عندي زي هالخيمة بس اصغر وصراحة ممتازة واللي ياخذه كسبان
لكن عندي سؤال وهو الحديد كم طوله وهل هو يركب ببعض

لاني اشف بهالصورة كنه وصلتين

http://www.dohaup.com/up/2009-02-08/dohaup_350067633.jpg

اذا كنان وصلتين هل يتثبتن الوصل ببعض

ثاني شي كيف تثبته بالارض اذا جاء هواء قوي يعني اطناب واوتد ولا كيف
طرقشون
08/02/2009, 08:18 PM
السلام عليكم


بالنسبة لسعرها جديده بـ 1350

من ناحية المطر فـ ما صدف اني طقيتها وفيه مطر
لكن قبل اشتريها وصاحبها ضامنها لي واهو مصدر ثقه بالنسبه لي
وقماشها تنزاني وانتم ابخص بالتنزني وبطانته :good: وبطانتها ثقيله والخيمه تنشد صح اذا طقيتها زين

بلنسبه للحديد فـ فيه حدايد طولها 90 سم واطول حدايد هي حقت الجوانب وطولها متر ونص
اما الصقف فـ مشبوكه في بعض بوصلتين و حديدتين وتركيبها سهل مره ومتماسك لانها زي ما قلت لكم مضروبه بصاروخ ومهيب تهتز او تصرصر مع الهواء

واهي مجرد انك تحط القماش على الحدايد بتحصله ثابت ومتماسك
وبرضو لها حبال في الزوايا تثبتها زود وزياده على كذا فيه مماسك لـ مناسيب صغار في الارضيه تطقها لو ما بغيت تدفن مثلا زي يومني طقها في الفيضه الطول فيه مكان لـ 3 مناسيب صغار مع الزوايايعني 5 والعرض فيه مكان لمناسبين مع الزوايا يعني 4

فيه شخص ارسل لي يسألني عن تصفيطها وكيف شكلها

اذا تصفطت تصير زي فراش الدريويش تقريبا بس انها اسخف منه سماكه واطول منه
بس عشان الدقع يمديك تصفطها صفطه زياده وتصير زي فراش الدرويش بالضبط
ولها جراب عقب ما تصفطها تحطها فيه والحدايد لها كيسين تنزاني وكيف لـ الفاصلات حقتها وكيس اطناب ومطرقه

بالنسبه للحد مالي حد الخيمه جديده وعلمتكم سعر تكلفتها ان جابت قيمه زينه وتعوضني بعت
أبو عبدالرحمن 1
08/02/2009, 08:23 PM
موقعك أخوي ؟؟
وهل يجي منها مقاسات ؟؟
طرقشون
08/02/2009, 08:33 PM
موقعي الرياض

وما عندي الا هذي شاريها وابي ابيعها

اذا تبي تفصل جديده فـ الظاهر دار الفراسه للحين يفصلها وفيه 3+3 و4+4
هواوي نت
08/02/2009, 08:57 PM
هلا اخوي ابدء السوم ب500 ريال والله الرازق
عاشق النداوي
08/02/2009, 09:57 PM
السلام عليكم اخوي انا اسومه منك 800 وذا اعجبك السعر ارسلي على الخاص
طرقشون
09/02/2009, 12:03 AM
سومه طيبه خوي عاشق
لكن السوم وصل اليوم لـ 900 ريال

انا مكلفتني قبل تغلى الاسعار 1350 اتوقع الحين سعرها بيكون ارفع شوي
والخيمه جديده وعلى الشرط ما طقيتها لا ثلاث مرات وكلها ما تعدت يومين
طرقشون
09/02/2009, 03:44 PM
up

الخيمه اليوم بوديها لـ محل مآرب الصحراء في شارع خالد بن الوليد جنب البنك الاهلي
بعرضها هيناك الي يبي يشوفها بكره بيحصلها عندهم

السوم وصل 900 وقريب منيب بعيد
طرقشون
09/02/2009, 08:28 PM
اخوي عاشق النداوي ما عليش ما قدرت رد عليك بالخاص عدد مشاركاتي ما يسمح !!

الخيمه بكره ان شاء لله تحصلها بـ محل مأرب الصحراء
بطريق خالد بن الوليد عند البنك الاهلي حي غرناطه

من هينا لين بكره اذا ما جابت سعر ازود
واذا انت صامل بالسومه الي قلت لي بالخاص فـ تراي بعتك
وتقدر تروح هيناك تشوفها تحت نظرك واذا جازت لك نصيبك
opr0310
09/02/2009, 08:39 PM
ياخوي حدها وريحنا ...............
طرقشون
09/02/2009, 08:51 PM
منيب حاد

عاشق يسومها بـ 1000

ومن هينا لين بكره ما جابت ازود فـ اهي نصيبه
طرقشون
10/02/2009, 11:22 PM
الخيمه حاليا موجوجه في محل مآرب الصحراء

شارع خالد بن الوليد
مخرج 9 وجهك شرق اشارة السيف خذ يسار وسيده لين يجيك البنك الاهلي على يسارك المحل بعده على يسارك

وما ادري عنك اخوي عاشق النداوي عقب سومتك معاد رديت لي
مع اني قلت لك بتحصلها بالمحل !!!!!!

عموما الي يبيها بيحصلها هيناك وتحت نظره يشوفها وصورها قدامكم


سلام
طرقشون
12/02/2009, 05:51 AM
اخوي عاشق

ما عليه مقدر ارد عليك بالخاص مشركاتي ما تسمح

لخيمه زي ما قلت لك بالمحل وتبيها رح شفها وتسانها جازت لك بسومتك خذها

اما بخصوص سؤلك لثاني
فـ تفضل ومدري اذا يصلح لك

http://www.mekshat.com/vb/showthread.php?t=188832
طرقشون
13/02/2009, 11:54 AM
تم بيع الخيمه ولله يرزق الجميع
(ابو عبدالله)
13/02/2009, 08:37 PM
شراي ب500 ريال والله الرازق
jgjc
16/02/2009, 09:10 AM
الله يرزقك البيعة الطيبه