المساعد الشخصي الرقمي

مشاهدة النسخة كاملة : ياجماعة سؤال


بن ضاري
08/02/2009, 07:42 PM
السلام عليكم ورحمة الله وبركاته

يا أخوان أنا عندي شاهين جبلي تبع عمره 4 سنوات السؤال هو إنه بوقت التلواح بسرعة يتعب بعد أول خمس تهويشات ( ابعاد الملواح إذا هجم الصقر ) بحيث إنه يحط على الأرض ما هو سبب ذالك
تركي 750
08/02/2009, 07:48 PM
وعليكم السلام

اكيد فيه ملوع واترك التشخيص للي اعرف منى بالطيور .. تحياتي
بن ضاري
08/02/2009, 07:54 PM
جزاك الله خير
عبدالله22
08/02/2009, 08:01 PM
عاد الطير مافيه لا ملوع ولا شي مافيه الا العافيه

يا بن ضاري الطير اذا ما طار له مده اكيد بيصير ماعنده لياقه حتى ان بعض الطير تنسى وشلون تطير

يعني عادي أول مره لوح له 3 مرات بعدين زد تدريجي ولا تحمل الطير ما لا يطيق

الا اذا كان الطير لياقته كامله بعدين جدته الحاله هذي هنا يمكن نقول ملع او ان الطير مريض

الامر الاخر مافيه طير عمره 4 سنوات

المفروض تقول قرناس رابع

عاد كلن ولهجته بس هذي لهجة كثير من أهل الخليج

وشكرا
عقاب مجروح
08/02/2009, 08:11 PM
حبيبي شوف الطير خوفك انت ما تطيرة تخليه عندك ولا تعودة يطير ولا لك مكان يطير فيه لازم تخليه يطير عشان ما تروح لياقتة مثل انت لما مثلاً ما تلعب اثقال سنة و تروح تلعب كرة اكيد لياقتك بالاثقال راح تقل لأن انت بتركز على ريلك بالكرة و بعد الكرة تروح سنة اثقال بتروح اللياقة مالت الكرة فعشان جذي اول تطيرة كل يوم على الاقل ربع ساعة حتى لا تروح لياقتة
و اتمنى اني افدتك
و اخلي الباقي للمحترفين في الصقور
بن ضاري
08/02/2009, 08:18 PM
مشكور أخوي عبدالله22 كفيت ووفيت أنا أدري أني لازم أقول قرناس رابع بس أنا استخدمت هذي الكلمة لتفاعل جميع الجنسيات
بن ضاري
08/02/2009, 08:20 PM
مشكور أخوي عقاب مجروح على الإفادة
عبدالله22
08/02/2009, 11:34 PM
حياك الله يا بن ضاري وأي سؤال حنا جاهزين
صقار الأسياح
08/02/2009, 11:41 PM
كما قالوا الأخوان اذا كان الطير مجرود (يعني مدرب قبل كذا ) وبعدين جته الحاله هذي فهو مريض الله يشفيه ولا يختلف قرناس رابع أو عمره أربع سنين المهم تأصل المعلومه وشكرا
ربع خالي
08/02/2009, 11:51 PM
ماعندي شي ازيده على كلام اخواني الصقاقير الا عسى الله يبعد عن طيرك كل عله ...
وتتنومسبه في وقت الرجوع اللي مابقى عليه شي ..
تقبل مروري
تحياتي لك