المساعد الشخصي الرقمي

مشاهدة النسخة كاملة : تجهيزات للباثفاندر


قناص999
09/02/2009, 01:00 AM
السلام عليكم ورحمة الله وبركاته

حي الله شباب مكشات اخباركم ان شاءلله تمام


شباب ابشركم شريت باثفاندر 2004 فل والون لؤلؤي

شباب الموتر وكاله

(((((((((((وانا ودي اعدل وغير فيه واجهزه تجهيز كامل للبر))))))))))))))

ودي تنصحوني وش اركب ووش اعدل فيه وان كان فيه صور يكون افضل الله لايهينكم

وان كان فيه مواضيع للباث فاندر من صور وغيره ياليت تعطوني رابطها





والله يعطيكم العافيه
سحابه
09/02/2009, 02:06 AM
الله يبارك لك فيه
mhm-191
09/02/2009, 02:13 AM
مبروك مبروك
الله يعطيك خيره ويكفيك شره
قناص999
09/02/2009, 06:08 PM
الله يبارك فيكم ويجزاكم خير


لاكن ماش ماعلمتوني عن الي ابي

وعندي سؤال اضافي
هل ياترى اقدر اضيف على الباث بطاريه أضافيه
إعصار
09/02/2009, 07:07 PM
الله يبارك فيكم ويجزاكم خير


لاكن ماش ماعلمتوني عن الي ابي

وعندي سؤال اضافي
هل ياترى اقدر اضيف على الباث بطاريه أضافيه

ياليت تحدد وش تبي مثلا ..

يعني ممتاز البطارية حددت شي ..

نعم يمديك ..

وفيه عندك كم ورشة .. في الرياض فيه سوافي .. الدفع الرباعي .. ابوسليمان ..

بريدة فيها العثيم يمدحونه شغله ,,

المشكلة مدري وين مكانك ..


وأول شي لازم في الباثفندر ..

اليايات الاسترالية .. لأن يايات البلد ضعيفه مرة ..

يعني يركب معك ناس ورى .. خلاص الموتر يطيح ..


بخصوص الاشياء الاخرى ..

.. تانكي ألمنيوم .. خلف المرتبة مباشرة

.. دعامه بعدتها ..
.. سلة ..

وكل شخص ورغباته .. هذا اشياء عامة ..
قناص999
09/02/2009, 07:28 PM
هلابك إعصار

‘عصار انا مكاني بالرياض

وانا رجالاً ودي اركب عدة اشياء:::
اولًا\\ ابغا اركب بطاريه الأضافيه <<يعني وش احتاج ووش يركبون ووش يسون<<تحقيق
ودي اركب لمبات في الكبوت والشنطه وودي اركب محول كهرب ومدري وين احسن موقع له ومع تمديد افياش له
وتمديد اسلاك للكنود ((ووين اركب مثل ها الأضافات وكم سعرها))
2\\ ودي اركب يايات استراليه <<بس مدري وش انواعها ووش احسن نوع
وهل قدام يركب يايات استراليه ام لا
ودي اكب مساعدات قدام وورا وش اركب ووش افضل الأنواع ((وين تباع ووين افضل محل يركبها وكم سعرها))

3\\ ودي اركب تانكي ماء وش افضل نوع ((ووين افضل ورش تركبه وكم سعره))

4\\ودي افصل شراع لشنطه ولتانكي وافصل طبق ((ووين المحلات الي تسويها وكم التكلفه))

5\\ودي اغير الكفرات مدري كم مقاس الوكاله او ايش احسن مقاس للجنط الــ17 ابغاه يكون رزه ونصب ووش احسن الكفرات ((وكم سعرها))


في النهايه اسف اني كثرة الأسأله والله يعين الي يبي يجاوب عليها
ترتر
09/02/2009, 07:47 PM
اول شي مبروك الموتر الله يكفيك شره ويطعمك خيره
ثانيا التجهيزات المهمه
رح لابو براهيم وخله يفك لك مسامير الثلاجه ويركب لك زر لباب الشنطه وهو عنده يايات استراليه ويركبهن لك شغله زين وانسان صادق ماعنده لف ودوران
الشي الثالث مر برق الحيا او البريه تلاقي عندهم سدو للشنطه اعتقد انه ب200 ريال وعليك بالتنزاني اللي ضد المويه وخذ لك خرج للي عند القير تراه ممتاز اما المحول واللمبات فانا معي متنقله باعتقادي افضل

واي شي ثاني حنا مستعدين يالحبيب


اخوك .... ترتر
إعصار
09/02/2009, 08:07 PM
البطارية والكهرب بشكل عام ... ورشة سوافي .. 0568992163 وعندهم كل التفاصيل بخصوص المحول وحجمه ومكانه .. انا مركب تحت المرتبه محول وافياش قدام القير طبعآ الموتر هايلكس .. ولمبتين كبوت .. ولمبة عند البزبوز حق التانكي ..


اليايات .. عندك الاسترالية قدام ورى .. بس ورى ارفع من قدام عشان التحميل وغيره ..

وخذ النصيحة .. حمل عفسك حطب فرشات تانكي ماء مليان .. ولاجراكل .. ورح للورشة الرماية وشف وش المقاس الي تبي . الي يناسب تحميلك فيه كم مقاس والعامل يركب لك الي تبي ..

وصفها على شارع التخصصي تقاطع الملك عبدالله وانت متجه شمال قبل الدائري في محطة نفط ..

وعندهم كذلك مساعدات .. بس غالية المساعدات .. المورنو ممتاز تحصله عند الصناعية القديمة ,, أسال هناك عن الوكيل ..

التانكي .. ألمنيوم .. من عند البرية ولا برق الحيا .. وكذلك التلبيسة ..

الكفرات يوكاهاما .. ولادنلوب نفس مقاس البرادو ..
سحابه
09/02/2009, 08:34 PM
ياجماعة ودي اسأل عن الصاجة لحماية أسفل السيارة الامامي وين أحصلها
المحترف800
09/02/2009, 10:10 PM
مبرووووووووووووك الله يعطيك خيره ويكفيك شره
بالنسبه للتانكي أنا مفصل تانكي ألمنيوم وممتاز وسويت له بزبوز من برا السياره أدخل على موضوعي من هالرابط....
http://www.mekshat.com/vb/showthread.php?t=143040
المحترف800
09/02/2009, 10:17 PM
شف الرابط هذا وهوموضوع لي عن مكان تثبيت الأيكم إذا رغبت بتثبيته بالسياره ,,، أتمنى أنه يعجبك ...
http://www.mekshat.com/vb/showthread.php?t=135949
وإذا رغبت بالطبق عندي طبق جلد مو قماش نظيف نفس لون الموتر من داخل من فتره ماأستعملته ...
المحترف800
09/02/2009, 10:21 PM
ياجماعة ودي اسأل عن الصاجة لحماية أسفل السيارة الامامي وين أحصلها

تلقاها عند المميز ،،، وإذا بغيت الرقم عطني رساله على الخاص ...
ربع 91
09/02/2009, 11:58 PM
يعطيك خيره ويكفيك شره
قناص999
10/02/2009, 11:08 AM
جزاكم الله خير الله يعطيكم العافيه وماقصرتو وبيض الله وجيكم يالنشاما

ترتر


رح لابو براهيم وخله يفك لك مسامير الثلاجه ويركب لك زر لباب الشنطه وهو عنده يايات استراليه ويركبهن لك شغله زين وانسان صادق ماعنده لف ودوران

يالغالي وين ورشته وكم رقمه؟؟

اصار:
بيض الله وجهك وماقصرت

المحترف
الله يعطيك العافيه


وودي اعرف رقم ورشة المميز الي يصلح الصاجات
magoode
11/02/2009, 12:19 PM
ياريت ياشباب تعطونا رقم ورشه المميز انا ركبت صاجه من سوافي بس ماتنفع حديد وتصدي على طول واخاف تلعب بالموتر