ياهل الصقور بالله افتونا جزاكم الله خير

[برق القصيم]

السلام عليكم ورحمة الله ومساكم الله بالخير جميعا




عندي استفسار ابوجهه لاخواني الصقارين واللي عندهم خبره بهالموضوع

حصلت قضيه يا اخوان والان وصلت للمحكمه والقصه باختصار ان احد الاشخاص صاد له طير عن طريق الشبكه يعني حبل له ووبعدين عرضه للبيع ومع تناقل الخبر واوصاف الطير جاه رجال وقال هذا طيري

ضاع مني باحد مقانيصي واستطاع ان يثبت ذلك بعلامه معينه وكذلك احضر شهود

الرجال اللي صاد الطير قال كلامك صحيح بس الطير الحين ماهو لك لانه هرب منك اوضاع وتحول الى وحش !!! مع العلم ان المده من ضياع الطير الى صيدته حوالي 10 اشهر

ارجو من لديه خبره فقط يعلمنا بالشئ المتعارف عليه عند الصقاقير بمثل هالحاله؟؟؟ والله لايهينكم

[صقار الأسياح]

المتعارف عليه ان الطير يرجع لصاحبه اذا اثبت ذلك مثله مثل أي شي يضيع وشكرا

[برق القصيم]

جزاك الله خير اخوي صقار الاسياح على تفاعلك
بس الرجال اللي صاده يقول انه صار بحكم الوحش مثله مثل اي طير مهاجر
والناس اللي شافوه قالو انه مهو باين انه طير موالف او مدرب!!!
عشان اكون اكثر وضوحاً :
سؤالي هل هناك مدة معينه بعد هروب الطير او ضياعه بعدها يكون بحكم الطير الوحش؟

[راس عيطا]

السلام عليكم .....
اللي نعرفه ان الطير اذا قرنس "بدل ريشه" وهو ضايع"بالخلا" فانه يصير بحكم الوحش

تقبل مروري
دمت بحفظ الله

[برق القصيم]

بيض الله وجهك اخوي راس عيطا
افهم من كلامك انه اذا قرنس الطير وهو ضايع مايحق لراعيه الاول المطالبه فيه!!

[صقرالحروب]

الطير اذا مر عليه سنه يعني اذا قرنس في الخلاء فانه يصبح وحش وليس ملك الأحد وهذا هو المتعارف به في الغربيه والكثير من المناطق وكثيراً ماطرحت طيور بسبوقها وبيعت بمبالغ ضخمه

[حريب الياس]

اغلب الصقااره وضعو القرنسه الفاصل بين صاحب الطير و بين من طرحه


..

[شيخ الصقاقير]

اخوي اللي له الحق اللي شابكه
وعلى كلام راعي الطير انه غدا منه قبل 10 شهور ماله حق مدامه تعدا3 شهور
والموقف هذا صار مع ولد عمي

وشكرآ ....

[ابو فهيد.]

الاصول اذا جاء القيض (وقت القرنسه ) وقرنست الطيور خلاص يكون ليس من حقه وليس له الحق بمطالبة طير مهو طيره هذا والله اعلم

[برق القصيم]

يعطيكم العافيه اخواني صقر الحروب وحريب الياس وشيخ الصقاقير على مروركم وتفاعلكم
بس اللي حصل انه صار فيه اختلاف حتى بين اهل الخبره ناس قالو راعيه الاصلي يدعيه باسمه ويبان !!!
وحتى بردودكم المباركه بعضكم قال اذا قرنس والبعض يقول 3 شهور بعدها ماهو ملك لاحد
انا الصراحه اعرف راعي الطير الاصلي ويقول انه مغبون لان اللي صاده قال صحيح كان طيرك الحين ماهو لك وتعرفون غلا الطير عند راعيه,,,
وحسب معلوماتي المتواضعه في الاسلام مذكور احكام السائبه والضائعه من الابل والغنم بس مثل الصقور يمكن تكون كلمة الفصل عند اهل الخبره بهالمجال
ومثل ماقلت لكم الموضوع الان وصل للمحكمه للاسف برغم توسط هل الخير لحل الموضوع

[hawwamT]

العرف عند الصقاقير (( لا يحق لأي انسان الطير الضايع الا في حالة واحدة فقط ...وهي أن يمضي على ضياع الطير سنة كاملة يعني اذا قرنس الطير في الخلا ))

[صقار الأسياح]

والله حسب ماسمعت ان المستشفى اللي بالرياض سبق ان اكتشف طيور ضايعه من اهلها بالشريحه اللي تركب بصدر الطير بعد ثلاث مواسم ورجعها لاهلها هذا ماسمعت ولااجزم به

[قنآآص]

العرف عند الصقاقير (( لا يحق لأي انسان الطير الضايع الا في حالة واحدة فقط ...وهي أن يمضي على ضياع الطير سنة كاملة يعني اذا قرنس الطير في الخلا ))
اذكان كذاا طيب يمكن يجي احد من ضعاف النفوس ويلقاله طير ضايع ويخبيه للمده المتعارف عليهااا ويطلعه ويقول انه صار ملكي
(انا اقول انو اذ الي ماسك الطير شود على الطير بمعنى سئل عن راعي الطير وخبر اهل الطيور بشهادة ناس معروفين ان فلان لقا الطير ودور على راعيه وما لقاه ومضى على الطير موسم قرنسه يصبح ملكه والله اعلم)

[عاشق البسيتين]

الاخوان ماقصر بس لازم الرجال يسال عن راعي الطير واذا تم سنه ومالقاه ذيك الساعه يكون له

[الحميضي]

السلام عليكم :

القضية ليست قضية عرف الصقاقير القضية شرعية , الرجل ضيع الطير وجاب فيه

صفه وثبت صدق كلامه , لذلك الطير يرجع لصاحبه اللي دافع فيه مبلغ وقدره أو حتى

لو لم يدفع فيه ولا ريال وجايه هدو أو طارحه طرح , يالربع :

النبي صلى الله عليه وسلم يقول : ( كل المسلم على المسلم حرام دمه وماله وعرضه )

وهذا من المال , لذلك اتركوا عنكم التحاكم للعرف والشرع واضح بين .

والطير لو ماعرف راعيه فراعيه يعرفه .

[طربق طربق]

السلام عليكم ورحمة الله وبركاته

اخوي برق القصيم انت تقول ان اخويك صاد طير وشبك له

ويوم شبك الطير وصاااد شاف فيه اسبوق اذا نعم
لازم يشهر في الطير يعني يقول حق اهل المرابط او الناس اهل الخبررره
لانه طير ربيب ويوم مافي احد جاء بقصوص الطير وماجاء راعي الاوصاف مايقدر يبيع الطيرر الى اذا تعدى من الذكرى سنه يعني قرنس الطير عنده ومن الناحيه هذي لو جاااء راعي الطير بنفسه يقول الطير لى قول يا مرحبا فيك وانا ذكرت الطير من سنه ولا جاني احد فيه يعني انا قرنست الطير ومن حقي ابيع الطير او تعطيني تكاليف الطير لمدت سنه وهذا الشي يرجع على الرجال الى صايد الطيررر يبي يعطي الرجال الطير وهذا يحسب التكلفه براحته الرجال او ان الرجال بكيفه يبيعه بسعر الى يبه .

والشي الثاني اذا صاحبك صاد الطير مافي اي اسبوق او حجل يدل على صاحب الطير يعتبر الطير وحش
ومن الناحيه هذي يحق للصايد انه يبيع الطير لان مافي اي مجال انه يقول الطير بيتي والسبب الاول مافيه سبوق او حجل

[مطامر]

السلام عليكم
ياخوان الاعراف والتقاليد المتفق عليها يأخذ الرأي الشرعي بها وخاصه اذا كانت تصب في صالح المسلمين
ولذلك تجد صلح شيوخ القبايل يعتمد عليه الشرع في امور كثيره وكذلك نفس الشئ بالنسبه للعمده في الاحياء
وشيخ المعارض في السيارات وكبار الدلالين في اسواق الحلال ...................الخ
الرأي المتعارف عليه واللي نسمعه من الشيبان اللي سبقونا من صقاقير لهم باع وخبره هو كالتالي :
1] اذا الطير المطروح لم يدور عليه الحول فهو لصاحبه الاول وعليه دفع قيمة اعلاف الطير مع قضابة او طراحة الطير للي طرحه وهي عرفيه وتتراوح بين 500 الى 2000 ريال حسب الاتفاق بينهم وشيمة الرجال ابرك وابقى
2] اذا الطير دار عليه الحول وهو مقرنسه عنده اومن حسابه غند احد فهو ايضا لصاحبه الاول وعليه دفع قيمة قرناسه مع طراحة الطير وشيمة الرجال ابرك وابقى
3] اذا الطير دار عليه الحول وقرنس في ماكره في الجبال وانطرح وقت عودة الطيور وهجرتها لو باقي فيه حجل او بقايا سبوق فهو لطارحه الجديد وهاذي جرت كثير
ولكن اخواني الله لايجعل الدنيا اكبر همنا والمسلم يجب ان يبرأ ذمته عندما يطرح طير والمنتدى الطيب والرجال شرواكم يعلونون عن طيور مطروحه ويدورون اهلهن والاسواق تقدر تعلن فيها كلها ودائماا حط نفسك مكان صاحب الطير الله
لا يجعلها تمر بكم وخاصه اذا طيره متولع فيه وش شعورك؟؟؟؟؟؟؟؟؟؟؟؟؟؟؟؟؟
هاذا ماعرفته واعذروني من القصور والله اعلم

[صقار قديم]

السلام عليكم :

القضية ليست قضية عرف الصقاقير القضية شرعية , الرجل ضيع الطير وجاب فيه

صفه وثبت صدق كلامه , لذلك الطير يرجع لصاحبه اللي دافع فيه مبلغ وقدره أو حتى

لو لم يدفع فيه ولا ريال وجايه هدو أو طارحه طرح , يالربع :

النبي صلى الله عليه وسلم يقول : ( كل المسلم على المسلم حرام دمه وماله وعرضه )

وهذا من المال , لذلك اتركوا عنكم التحاكم للعرف والشرع واضح بين .

والطير لو ماعرف راعيه فراعيه يعرفه .

السلام عليكم

هذا الرد هو عين الصواب ، أسعار الطيور تصل الى ارقام عالية فهي اذا ملك ما فرقها عن باقي الأملاك كالجمال مثلا فقد تضل ناقة أو تسلب وترد بعد التعرف عليها و إثبات ملكية صاحبها لها و لو بعد سنين، كذلك الصقر يجب ان يعامل بالمثل . في نظري يجب على صاحب الطير مكافأة من صاده مكافأه مجزيه تصل الى نسبه من قيمة الطير حسب سعرة السوقي و حسب قيمة الطير . المشكلة الكبرى هي عندما يكون الطير قد بيع لأكثر من شخص ووصل من مجهول لشخص لايرغب ببيعة فكيف يكون الحل ؟
وما هو حكم الشرع في هذا الأمر ؟

تحياتي

[اوه]

السلام عليكم اخواني قد تم من قبل 30 عام او اكثر زي هل موضوع وقال القاضي حمود الحسين( يرحمه الله) من قضات حائل ان الشخص ما يملك الا الريش بس واذا بدل ريشه فهوى لغيرك وانته رح دور ريشك الي رماه في البر(يا اخواني في الساحل مسكو طيور وقت الهجره فيهن حجول ودقو علي اصحابهن وحضرو المزاد عليهن زيهم زي غيرهم)

[الشير]

اخوي اذا الطير مشبوك بعد القرنسه اي الربطه وضاع من صاحبه قبل الربطه ماله حق صاحبه الاول فيه وانا سمعت فيه نفس القضيه وصلت الشرع وقال لهم الشيخ عندكم عرف في ذلك قالو نعم قال العرف هو الفاصل بينكم واعادهم الي العرف والعرف يقول ماله حق صاحبه الاول

[عاشق1]

يرجع الطير ويعطى قضابه الطير واذا كان مقيض الطير يعطى قيمة المقيض اما اذا كان الطير هاجر ورجع وطرح بعد سنه فالمتعارف عليه عند اهل الساحل انه يحرج عليه واذا وقف السوم يبدى راعي الطير الاصلي لكن هذه (اعراف ) اما الجواب الشافي عند اهل العلم والله اعلم

[برق القصيم]

الله يبيض وجيهكم ولا عدمناكم اخواني على تفاعلكم


والموضوع يظل فيه اختلاف وتباين حسب الردود ويتضح لي من اغلب الردود ان االطير اذا قرنس وهو مفلوت يصير نصيب اللي يطرحه او اذا صاده احد ولقا عليه دلائل مثل سبوق او حجول وقرنس عنده وسئل عن راعيه ولاجاه احد يصير حلاله.
على العموم الشخصين اللي بينهم الموضوع مازالوا مصرين كل واحد يقول الطير لي!!
وهم ينتظرون موعد جلستهم مع الشيخ . واتوقع من القاضي يسأل اهل الخبره بهالشئ قبل مايحكم. والله اعلم
وان شاء الله اوافيكم باللي يصير.
مره ثانيه اشكر الجميع اللي افادونا بهالموضوع بواقع خبرتهم او حالات مشابهه حدثت معهم.
وبامان الله

[شلوان999]

مساءالخير للجميع وبيض الله وجهك انت والحاظرين بس بدون زعل حط نفسك في موقف الرجال ودمتم

[رويلي وافتخر]

هذه سلمك مالها تشريع عن الصقاقير وانا من وجهة نظري ان شيمة الصقار تفرض عليه انه يعطي الطير راعيه بما انه اثبت ان الطير طيره وانا على يقين ان الله بيعوضه خيراً منه

[رويلي وافتخر]

هذه سلمك مالها تشريع عند الصقاقير وانا من وجهة نظري ان شيمة الصقار تفرض عليه انه يعطي الطير راعيه بما انه اثبت ان الطير طيره وانا على يقين ان الله بيعوضه خيراً منه

[عاشق راكان]

الطير اذا كان فيه سبوقه فهو معروف انه مملوك الطير

وهاذي على حسب ذمت

اللي شبك الطير

فعليه أن يعلن عن الطير ويخليه عنده سنه من الاعلان واذا مجاه

احد له يبيعه

ولا أحد يختلف في هاذا لكن يقوله كان لك من قبل من وين جايب

الكلام هاذا

[برق القصيم]

يعطيكم العافيه
للمعلوميه يالربع انا اعرف راعي الطير الاصلي يعني قبل مايضيع والرجال اللي طرحه ما اعرفه
وانا ماني بصف احد منهم لاني ما اعرف بالطيور ولا ابخصهن,,, ويعلم الله اني قلت للرجال يعوضك الله
ولا ودي يصير بذمة احد منهم شي.
بس حنا نتكلم بشكل عام عن الموضوع والاغلبيه قالو بعد القرنسه او مرور سنه ولا بان راعيه يصير حلال للي صاده مع العلم انه اخد الاخوان اللي ردوا على الموضوع قال انها تباع طيور مشبوكه وهي فيها سبوق اصحابها الاولين!!والبعض يقول يستحسن انه يرده لصاحبه اذا عرفه بغض النظر عن المده حتى لو هي عقب سنين.
صراحه اعجبني كلمة اخوي مطامر(شيمة الرجال ابرك وابقى) بدلا من الوصول للمحاكم والمطالبات

[صكار دليم]

والله يخوي على حد علمي ان التسميه هنا انتفت يعني اختلف الطير جرنس واصبح وحش حاله حال اي طير طليق لذلك انتفى نسبه لصاحبه وانا حسب رايي والله اعلم ان الطير للي شبكه ولكن لصاحبه القديم الشفاعة في شرائه اذا كان قد بيع والله اعلم

[راعي عساف11]

اخوي ولاتهون ولايهونون اربع الي معك معروف الطير يرجع لراعيه وانا قد صارت معي نفس القضيه ضيعت طيري
ورا جول الكرك وبعد 8ايام رحت ادوج باحد محلات الطيور ولا ضا طيري بعينه وناديت الرجال ورويته ماريه في الطير وصور له عندي وقنع الرجال وعطاني طيري لا كن الحين (الصقاره ابتلت)

[صكار دليم]

اخوي عساف11 ثمان ايام غير عن عشر شهور

[مطامر]

السلام عليكم
اخوي برق القصيم ماتشوف ان الرأي اللي يقول ان الطير اذا قرنسه اللي طرحه يصبح
من نصيبه حتى لو خبر او شود فيه عليها ملاحظات هي :
_ ثعطي فرصه لضعاف النفوس واللي ذمته وسيعه انه يخبر واحد ولا ثنين مثله ولا في ديره اوقريه ماهي مركز لاهل الطيور ويعتبر نفسه ماخلا شئ من الواجب والسنع والله العظيم اني
شفت هذا الموقف اكثر من مره
_ ثانيا ياخوي بعض الطيور تصل قيمته 30000 او50000 او10000 ويمكن اكثر
ماتشوف ان فيها للمسلم غبن ان طيره ياخذه اللي قرنسه لمجرد انه قرنسه
ارجو منك ان تبلغنا بكمالة السالفه والحكم الشرعي فيها مع معرفتي ان الشيخ يجب ان
يعرف اويعرفونه بسلم الصقاقير في مثل هاذي الحالات ودمت بود وعافيه والله يرزقنا وجميع
من يقرأ كلامي ويغنينا بحلاله ويبعدنا وياكم عن الحرام

[عديم]

الطير لراعية الاول والي طرحه ماله الا ما خسر عليه سوى قرنس الطير سنه ولى يوم
وسعر القرنسه معروف ويوم الطير 10 ريال في غير القرنسه ومن غيرها ما يظهر من خاطرك بشارة

[اوه]

السلام عليكم
اخوي برق القصيم ماتشوف ان الرأي اللي يقول ان الطير اذا قرنسه اللي طرحه يصبح
من نصيبه حتى لو خبر او شود فيه عليها ملاحظات هي :
_ ثعطي فرصه لضعاف النفوس واللي ذمته وسيعه انه يخبر واحد ولا ثنين مثله ولا في ديره اوقريه ماهي مركز لاهل الطيور ويعتبر نفسه ماخلا شئ من الواجب والسنع والله العظيم اني
شفت هذا الموقف اكثر من مره
_ ثانيا ياخوي بعض الطيور تصل قيمته 30000 او50000 او10000 ويمكن اكثر
ماتشوف ان فيها للمسلم غبن ان طيره ياخذه اللي قرنسه لمجرد انه قرنسه
ارجو منك ان تبلغنا بكمالة السالفه والحكم الشرعي فيها مع معرفتي ان الشيخ يجب ان
يعرف اويعرفونه بسلم الصقاقير في مثل هاذي الحالات ودمت بود وعافيه والله يرزقنا وجميع
من يقرأ كلامي ويغنينا بحلاله ويبعدنا وياكم عن الحرام
اخوي فيه قرناس بيتي ما يسوا 3000ريال ولوهومقرنس هوا يعني وحش كان في 30000او 40000 الف وشكرن

[قرية مهجورة]

والله اني ما ادري لاكن انشالله الصقارين والي يعرفون انشالله بيفيدونك

وتقبل مروووري

[عاشق المقناص3]

تبـ ـ ـ ـ ـ ـ ي ألي يريح النفس خلة يطيرة ويتخلص منة وبري ذمـ ـ ـ ـ تــة

[مطامر]

اخوي فيه قرناس بيتي ما يسوا 3000ريال ولوهومقرنس هوا يعني وحش كان في 30000او 40000 الف وشكرن
ياخوي اوه
كلامك سليم فيه طيور ماتسوى وكلامي سليم فيه بيتيات يسوا شي كثير لو ياخوي عند راعيه
المسأله في قصدي في كلامي بالمشاركه السابقه ان اخذت الطير لمجرد انه قرنسه فيها غبن
لاخوك المسلم سواءا الطير غالي ولا رخيص ارحو اني وصلت الفكره ودمت بخير وعافيه

[مكمخ الرياجيل]

سلم الصقاقير اذا قرنس الطير ولا له صاحب يصير من حق اللي طرحه بشرط انه بلغ عنه اما اذا قرنس خلا فراعيه احق بمشتراه

[راعي الجير]

الللللللللللللللللللللللللللللللللل

[راعي الجير]

يالربع حنا نحكم بحكم الاسلام والطير من عرض البهايم وتنطبق عليه احكام السائبه والعرف هذا اشوفه خطا واذكر قبل سنتين طرحت قرناسه في الشعيبه وعليها رقم قطري واتصلوا على راعيها وجلسوا يساومونه وفي الاخير زعل وخلاها

السائبه يعلن عنها اللي لاقها وبعد سنه اذا ماجاه راعيها يتصرف فيها ولكن لو لقا صاحبها يلزم بارجاعها حتى لو بعد عشر سنين هذا حكم الشرع

[راعي الجير]

ياليت احد الاخوان يسأل احد المشايخ ويجيب العلم الاكيد

[رامى السيد]

يفيدونك الاخوان والله موضوع شيق
واعتقد انه من واجب كل مسلم اذا وجد شئ ان يردة الى صاحبه متى عرف صاحبه

[خالدالشمال]

المتعارف عليه ان الطير يرجع لصاحبه اذا اثبت ذلك

[دلوع الهوى]

واللللللة الكلام ياطويل العمر من وجهت نضرى كان الطير غالى عند راعية يشترية من الرجال لانة الطير معروف لة ثلاث شهور كان محد بينة الطير لرجال لي ماسكة خلاص الطير لة كم واللة صارت عندنا واسال العضو بن ختروش

[NAWAFQ8]

السلام عليكم :


القضية ليست قضية عرف الصقاقير القضية شرعية , الرجل ضيع الطير وجاب فيه


صفه وثبت صدق كلامه , لذلك الطير يرجع لصاحبه اللي دافع فيه مبلغ وقدره أو حتى


لو لم يدفع فيه ولا ريال وجايه هدو أو طارحه طرح , يالربع :


النبي صلى الله عليه وسلم يقول : ( كل المسلم على المسلم حرام دمه وماله وعرضه )


وهذا من المال , لذلك اتركوا عنكم التحاكم للعرف والشرع واضح بين .



والطير لو ماعرف راعيه فراعيه يعرفه .

:good2: :good2: :good2: :good2:

[مهاجر الوجدان]

يااخوان والله الحق بين مايختلف عليه اثنين الرجال جاب وصف الطير وعلامته
فبأي حق يستحل الإنسان مال اخيه المسلم؟
ياخوي يالي شبكت الطير رده لراعيه وابشر بالعوض من الله؟ ماهو من البشر

[عارف الشمري]

بعيد عن القرنسه وبعيد عن الطير وحش او لا


عن نفسي لو انا الي صايده وطلع الطير لك وفيه شهود

والله لا رجعه لك

[قرناس ارامكو]

بيض الله وجهك اخوي راس عيطا
افهم من كلامك انه اذا قرنس الطير وهو ضايع مايحق لراعيه الاول المطالبه فيه!!
:good2: :good2: :good2:

[النمر الأشهب]

يا جماعة الخير من وجهة نظري أن الطير يرجع لصاحبه الأول وجميع التكاليف التي دفعها من قضب الطير يدفعها صاحب الطير الأول إذا أصر من قضب الطير والأفضل ترك التكاليف لوجه الله لإنها تزرع الأخوة بين المسلمين (شوف كيف تدخل السرور على الصقار عندما تبشره بطيرة وترده له يمكن يدعيلك دعوة تدخل بها الجنة ) لذا من وجهة نظري بأن الطير يرد لصاحبه ولو بعد 10 سنوات من القرنسة في الهوى
ولله الحمد والمنة قضبت طيور ضايعة كثيرة وقيمتها غالية جداً ولها وقت طويل في الخلا ورديتها لإصحابها ولم أخذ منهم شيء والبعض منهم أهدى لي طيور ولكن رفضت لإنني أريد الأجر من الله مالك الملك ولله الحمد والمنة رزقنى الله وعوضني خيراً مما في أيدي الناس

[الحزم الأسود]

السلام عليكم :

القضية ليست قضية عرف الصقاقير القضية شرعية , الرجل ضيع الطير وجاب فيه

صفه وثبت صدق كلامه , لذلك الطير يرجع لصاحبه اللي دافع فيه مبلغ وقدره أو حتى

لو لم يدفع فيه ولا ريال وجايه هدو أو طارحه طرح , يالربع :

النبي صلى الله عليه وسلم يقول : ( كل المسلم على المسلم حرام دمه وماله وعرضه )

وهذا من المال , لذلك اتركوا عنكم التحاكم للعرف والشرع واضح بين .

والطير لو ماعرف راعيه فراعيه يعرفه .




( أوافقك الرأي )

[مسلط العتيبي]

ياجماعة الخير أحنا نتكلم بصفـة ( تقاليد وعادات الصقاقير وهذا هو كلامنا ..
لكن الموضوع وصل الي الشرع وبهذه ينهيها الشرع بـ حكم الشيـخ ..

،
وانا أقول

( ان الطير اذا قرنس بالخلاء فهو ليس ملك لاحد ...

[راعي الجير]

ياالربع الدعوى مهي عرف الدعوى شرعيه الطير مثل الحيوانات الاخرى الابل والغنم ويدخل في حكم السائبه لو بعد عشر سنين يرجع لصاحبه الاول وبعدين الي عنده ذمه راح يرجع الطير اما اذا طاح في يد واحد مايخاف الله فهناك طرق كثيره لتصريفه دون علم صاحبه

[مسلط العتيبي]

ياالربع الدعوى مهي عرف الدعوى شرعيه الطير مثل الحيوانات الاخرى الابل والغنم ويدخل في حكم السائبه لو بعد عشر سنين يرجع لصاحبه الاول وبعدين الي عنده ذمه راح يرجع الطير اما اذا
الشرع بعد سنه اذا لم يحصل صاحبها الاول فهي تصبح ملك الشخص الذي يقتنيها .. والله اعلم ..

[@قرناص@]

وعليكم السلام ورحمة الله وبركاته ,,

الربع مآقصرو وكلن ادلآ بدلوه والحقيقه الموضوع مهم جدآ

وانا رآئيي ..

اخآلف الي يقول الطير اذا قرنس في الخلآ فهو ملك لصآحبه

المفترض اذا قضب طير فيه سبوق وحجل يبحث عن صآحبه حتى يعثر عليه ولآ يبقيه عنده والمده ماهي مهمه وفي هالزمن العثور على صاحب الطير في زمن قصير جدا

وجود المنتديات المتخصصه بالطيور وايضا السوق والصقآقير في الديآر الاخرى

والله يوفق الجميع ويعقل طيور الجميع :good: