المساعد الشخصي الرقمي

مشاهدة النسخة كاملة : احداثيات مواقع الارانب


الصارم1
09/02/2009, 06:56 PM
السلام عليكم ورحمة الله وبركاته


بصراحه الاربعاء بمشي الصمان وبروح اشوف الربيع هناك

بس ابي اعرف اماكن تواجد الارانب بالصمان


علمونا والا عطونا الحداثيات


لاهنتوا
ابو شميمري
09/02/2009, 07:04 PM
وعليكم السلام ...

ماذكر فيه ارانب بالصمان ...

على كلام الشيبان كان موجود بس الحين مااعتقد فيه شئ ..

وتقبل مروري
ابو محمد 3
09/02/2009, 09:25 PM
يا رجل مافيه مره مره مره
الناس مخلوووو شي حتى الرمله تبي تنقرض
تقبل مروري
الصارم1
09/02/2009, 09:50 PM
يعني ياشباب الجرابيع زينه


يعني ما اتعب نفسي
نفاج
10/02/2009, 12:22 AM
صحيح كلامك لا تعب نفسك منت بلاقي شي
ابو تمام
10/02/2009, 01:14 AM
اذا لقيت جرابيع زين يارجل من اللي يحصل جرابيع اليومين هذي ؟؟ الجرابيع في النهار أفضل تدريب للسلوقي وخاصه الجرا

دمت بود
GX_V8
10/02/2009, 10:47 AM
السلام عليكم
والله وانا اخوك مافيه ارانب با الصمان
يمكن تلقى جرابيع باتقسيط الممل
لان العالم خلصوها
بس الله يجيب الخير
ابوسعودالسهلي
10/02/2009, 12:19 PM
السلام عليكم ورحمه الله وبركاته اخوي الصارم لاتعب نفسك في الصمان والله ماتلقى شي ولا تسئل عن الارانب يمكن زمان اول يمكن لاكن الحين لا تعب نفسك واالاخوان مايقصرون معك ؟
الصارم1
10/02/2009, 06:37 PM
وش تبوني اسوي بالسلق يعني
عشق الولع
10/02/2009, 09:03 PM
فك لهن فيران هههه امزح معك

اسمع سو زيي جب لك كم جربوع وحطهن بصندووق ولا بحوش عندك وخلهن يتكاثرن مشروع انتاج جرابيع وانت بمكانك لادوخ نفسك فك فك للسلق الي عندك جرابيع وانت بمحلك والقناص الصحيح مايعطي محل صيده وانا اخوك فاهمني زين واذا افلست من هذي وهذي تطيب لك مع رجال ولا واحدن تعززه واهدهن عليه لاتحطهن بذمتك << راي سديد

طـــن طـــرن
راعي شاحوف
10/02/2009, 09:12 PM
ياولد قزرها على الثعاله تراه واجد في الصمان وصدقني احلى شخل للسلووقي ... والله ان يجيب العدي اللي في بطنه كله وزين اذا طرحه ... وهذا احسن حل ...
عاشق خطاف
12/02/2009, 04:33 AM
الصمان والله مدري بس اضن تلقى ارنب 1 او2 بس
رفيع
13/02/2009, 04:07 AM
الخير وآجد والرب يآجد ..

والله يا الأرانب انها متواجدة وكثيرة ..وما صدق من قال انها انقرضت .. الأرانب تتوالد بشكل عجيب وسريع جدا ..بس أماكنها وعرة..
.. ويبيلها زحوول ما يهمهم التعب .. ..

محاكيك قعدت أدوج في أراضي كثيرة ..

وأمرحت في أراضي واجد ..

كلها أراضي متوقع ان فيها أرانب ..

وبحمد الله .. توفقت لي في موقع قريب ما يتعدى 200 كيلو عن مدينه الرياض والأرانب فيه ماهي قليلة ..

من جد وجد ..
صفاره
13/02/2009, 01:31 PM
<?xml version="1.0" encoding="windows-1256"?>
<message><![CDATA[فعلا ماسمعت أرانب بالصمان]]></message>
]]>
طلو الشمري
13/02/2009, 02:08 PM
يفيدونك الاخوان
المارد1
14/02/2009, 07:42 AM
مر على سوق الحمام بجنوب الرياض وخذ لك جوز ارانب واتوجه للصمان وبعدين اطلقهن
بدحل ثم قص اثرهن وهد عليهن ولاتنسى الكاميرا ننتظر منك الصور هههههههههههه
الصارم1
14/02/2009, 09:17 AM
وين المكان هذا

خلنا نجرب
الساهر1
16/02/2009, 03:40 PM
انسى الارانب في الصمان
هوى الغربي111
18/02/2009, 09:26 AM
مثل ماقال اخوي هدهن على الحصاني ................ومن هو الخبل اللي يبي يدلك على مكان الأرانب الناس اذا سمعت ارنب في المكان الفلاني طارو لمه ...... لاكن انصحك رح للصمان وهدهن على حصاتي والمرة الثاتية رح لم الرملة وإلا السودان وهدهن على ارانب وللمعلومية الحصني يطلع مابطبلونهن والطرد ممتع بهن ......... وتقبل مروري
عبرود النيمس
18/02/2009, 03:20 PM
موجودة في منطقة (فلح) وبكثرة
GARMIN QAT
19/02/2009, 08:03 AM
والله انا ماخبر به ارانب بالصمان
تقبل مروري