المساعد الشخصي الرقمي

مشاهدة النسخة كاملة : أختلاف مع الاخ جبريت ... عطونا رايكم


راشد بن علي
10/02/2009, 10:45 AM
السلام عليكم اخواني الاعضاء انا علقت على قرناس مطروح في منغوليا قلت الطير انشالله مبروك ولاكان حجمه كبير واجد وماعتقد انه ايجي سبقه فارط نادر الي في الحجم هذا سبقه فارط اعترظني الاخ جبريت وقال هذا لاجاك هوا قوي يقص الهوا ليش الهوى قرطاس والحجام صغيره يقول ماتنفع في الهوا انا اقول السبق الفارط في الحجام الصغيره ال16 ونص وال17 هي الي سبقها فارط والطير اذا عضدوه قويه وعديد ماعليه من الهوا لوانه صغير لاكان اذا كان كبير وعضوده مهيب قويه ماشلته ولو السبق باالحجم كان ماجاتك فروخ الشواهين سبق والشواهين اغلبها صغار واكبرها 16 ونادر واغلب الطيور الي سبقها فارط 16 ونص وال17 وثاني شي يااخ جبريت اذا انت صقار دقق في صورت الطير كبرها قرناس هوا رشيته مهيب مشموسه تلمع لاتقول بلاده بارده فروخ بلادها بارده اجيك مشموسه الطير مشكوك فيه انه جير فيه جيره تفريخ تفك في منغوليا وانت اخبر ويمدح السوق من ربح فيه مب معناه انك تطرح في منغوليا تمجد طيورها للنها كبار تقول سبقها فارط الي في حجم الطير الي عليه الكلام واسئل الصقاقير اكثر اطيور اهل المنتدى الي سبقها فارط ماتعدى 17 ونص الحجم مهوب كلشي اكبر دليل شوف طيور اخونا المزروعي طيوره احجامها ماتعدى 17 ونص وسبقها فارط ماشالله الطير الي عليه الكلام صدقني مهوب طير قانص طير مجلس مب اكثر
أبو رداد
10/02/2009, 11:57 AM
وعليكم السلام ورحمة الله وبركاته

(السرعه سهم خفي)
لاكبر الحجم ولاصغر الحجم في الصقور يحددها
لكن المتعارف عليه عند الصقاقير العرب كبر الحجم في الصقور من علامات الطيب
والسلام
محمد الفهيد
10/02/2009, 12:58 PM
وعليكم السلام ورحمة الله وبركاته

(السرعه سهم خفي)
لاكبر الحجم ولاصغر الحجم في الصقور يحددها
لكن المتعارف عليه عند الصقاقير العرب كبر الحجم في الصقور من علامات الطيب
والسلام

نفس الكلام من علامات الطيب كبر الحجم لأن مافيه طير قياسه 16.5 تعدى سعره 100 الف الا نادر وهذا ايدل على ان الحجم من الميزات الي مطلوبه

ويوم يقصد ايشق الهوى ( قرطاس ) هههههههه ان وزن الطير ايساعده اذا ناحر الهوى يرفعه
والطير الهزيل يتعب

والطيور هذي اتكون جنحانه صغار مثل مايقولون الصقاقير ( جناح قطا ) ويدل على ان اكثرها فيها سبق لأكن على المدى الطويل والطرد الطويل ايبين جناحها
راعي صعيب111
10/02/2009, 01:15 PM
الطير لاجاك رزو يطير (لاجاك ثقيل يطير )
صقار الأسياح
10/02/2009, 01:22 PM
الطيور تختلف وانا اخوك والحجم مايبين 100%
مطامر
10/02/2009, 01:40 PM
اخوي العزيز
اذا اجتمع بالطير هاذي المواصفات او اغلبها فهو في نظرة الصقاقير المتابغين لموضوع السبق
ان شاء الله يلحق بغض النظر كبر الطير في المقاس او صغره والسبب في قولك هاذا ان الطيور الصغيره
في المقاس اسبق هو كثرتها ووفرتها مع الصقاقير الغالبيه ويقدرون يشترونها لان اسعارها في متناول الجميع
والشيوخ وصقاقيرهم مايخفاهم هاذي النقطه ويدورون السبق لكن يحبون التميز والطير السبوق واللي حجمه كبير ويرغبون لونه يكون طيب واسعار هاذي الطيور مرتفع جدااااااااااااا
المقصود من كلامي اخوي لا تربط السبق في القاسات وموضوع الهواء لا تفكر به لأنه على الطيرين نفس الوضع وانا ما اشتري طير علشان يلحق بس بالهواء فقط لان اغلب الهدد الهواء فيه طبيعي.................
المواصفات الغالبه في الطير اللي يلحق في نظري هي :
_ اصل الطير وماكره والمده اللي قطعها في الهجره والصيد يعني ماهو اول ما طار طرحوه
_ في المقاس العرض اكثر من الطول لو نصف انش
_ تناسب طول الجنحان مع الذيل يعني مافيه فرق بطولهن
_ قل الريش وصخفه ونعومته شي مطلوب
_ بروز اثندوه وثقل الوزن وعلى حسب حجمه
_ شراسة وجه الطير وحجاجه ولايخلو منالنزاره غالبا
_ كفوف الطير وخشونتها ونوعية الصيد في مناطق عبوره
هاذي المواصفات لها دور كبيير اذا اجتمعت وهاذا نادر او اجتمع اغلبها في الطير نقول ان الطير راح يكون
ان شاء الله سبوق وافيدك بنقطه اخيره ان الطيور تخلف الهقوات شفنا طيور فيها مواصفات مافيها سبق والعكس
بالعكس ايضا شفنا واسمح لي على الاطاله وشكرا لموضوعك المميز
نايف الخالدي
10/02/2009, 01:43 PM
السبق ماله شغل بالحجم
بس ااذا انت تقصد انه مايجي بهالحجم طير فارط فانا راي انه غلط لان الطيور الكبارتجي فيها سبق وخيالي بعد
شف الطيور السيبيريه هي اكبر احجام ومن اسبق الطيور وافرطها
ربع خالي
10/02/2009, 02:32 PM
السلام عليكم ورحمة الله وبركاته ...
اولا :: الطير السبوق سبوق سواء كان صغير والا كبير ,,,
واغلب الصقاقير عندهم النظره اللي يعرفون فيها الطير السبوق والباقي على الله ..
اما كلامك يا اخوي راشد بن علي ,, وهو مقارنت الشاهين بالحر ,فأنا مع احترامي لك وتقديرك , اعارضك الرأي والسبب هو يا اخوي بأن الشاهين اعصابه في الصدر والظهر , واما الحر فأعصابه فقط في الظهر ,,,
والطير المثار حوله الموضوع , فأنا بعد شاكك بأنه جير , وريشة الطير ريشة جير , وسبق وقلت لصاحب موضوع الطير بأنه اذا ماكان جير , فأنا اعتبره دانة الحرار ,, وهذا والعلم عن الله ,,,
تحياتي للجميع
حزام سبيع
10/02/2009, 06:46 PM
طيو منغوليا الي يجيبها الجيعان ماعليها كلام
يعطيكم العافيه
أبو فيصل
10/02/2009, 06:51 PM
معلومات وافيه و مشكورين على الموضوع جميع ...و ياقل ما أشوف صقاقير متفقين على رأي واحد (الرأي و الرأي الآخر ... وأحيانآ يصير الأتجاه المعاكس!!!)

ولكن الأخلاق مهمه وكل صقار يقول أنه هو الصح حتى الشيبان ههههههه .... أنت ولّعها بينهم و تفرّج


مطامر[/color];2441755]اخوي العزيز
اذا اجتمع بالطير هاذي المواصفات او اغلبها فهو في نظرة الصقاقير المتابغين لموضوع السبق
ان شاء الله يلحق بغض النظر كبر الطير في المقاس او صغره والسبب في قولك هاذا ان الطيور الصغيره
في المقاس اسبق هو كثرتها ووفرتها مع الصقاقير الغالبيه ويقدرون يشترونها لان اسعارها في متناول الجميع
والشيوخ وصقاقيرهم مايخفاهم هاذي النقطه ويدورون السبق لكن يحبون التميز والطير السبوق واللي حجمه كبير ويرغبون لونه يكون طيب واسعار هاذي الطيور مرتفع جدااااااااااااا
المقصود من كلامي اخوي لا تربط السبق في القاسات وموضوع الهواء لا تفكر به لأنه على الطيرين نفس الوضع وانا ما اشتري طير علشان يلحق بس بالهواء فقط لان اغلب الهدد الهواء فيه طبيعي.................
المواصفات الغالبه في الطير اللي يلحق في نظري هي :
_ اصل الطير وماكره والمده اللي قطعها في الهجره والصيد يعني ماهو اول ما طار طرحوه
_ في المقاس العرض اكثر من الطول لو نصف انش
_ تناسب طول الجنحان مع الذيل يعني مافيه فرق بطولهن
_ قل الريش وصخفه ونعومته شي مطلوب
_ بروز اثندوه وثقل الوزن وعلى حسب حجمه
_ شراسة وجه الطير وحجاجه ولايخلو منالنزاره غالبا
_ كفوف الطير وخشونتها ونوعية الصيد في مناطق عبوره
هاذي المواصفات لها دور كبيير اذا اجتمعت وهاذا نادر او اجتمع اغلبها في الطير نقول ان الطير راح يكون
ان شاء الله سبوق وافيدك بنقطه اخيره ان الطيور تخلف الهقوات شفنا طيور فيها مواصفات مافيها سبق والعكس
بالعكس ايضا شفنا واسمح لي على الاطاله وشكرا لموضوعك المميز
خلوي
10/02/2009, 06:56 PM
راشد انا أتفق معك, غالبية الطيور الي من منغوليا اتكون متوسطة السرعة, وهذا الكلام من باب تجارب كثيره مع طيور منغوليا.....
ســـــــنافي
10/02/2009, 06:56 PM
جبريت على حق لان الطيور الكبيره تقطع
شلوان999
10/02/2009, 09:23 PM
مساء الخير للجميع السبوق سبوق ودك كبير ولا صغير دمتم
صكار دليم
10/02/2009, 11:34 PM
والله يا اخوان انا ماشوف ان السرعة تتناسب طرديا او عكسيا مع حجم الطير يعني فيه طير حجمه 17 اسرع من طير حجمه 16,5 والعكس صحيح الطير يختلف بالطباع من جنس لثاني والسرعة من ضمنها لكن الحجم يفيد بشغله وهي الانقضاض يعني الطير كلما زاد حجمه يكون انقضاضه عالفرائس بالارض اقوى يساعده بهذا وزنه والله اعلم لذلك انا ما اؤيد كلامك بانه دامه كبير بيكون بطئ لكل مقام مقال وانا اخوك عموما قد اكون خاطئ ولكن هذا هو اعتقادي والله اعلم
تقبل مروري
مشتاق11
11/02/2009, 12:00 AM
الحجم وماهودليل لسبق والدليل شف الجيره اكبر حجم من الحر والشاهين واسبق منهم كلهم
طـير شلوه
11/02/2009, 12:30 AM
كلام جبريت عين الصواب
طلآل
11/02/2009, 06:28 AM
السلام عليكم ,,

بغض النظر عن كلامك صواب او كلام جبريت صواب ,, انت ياخوك تراك نزلت موضوعك وتضمن ثلاث نقاط ,,

1 : الموضوع الاساسي وهو الاختلاف بحجم الطير ,, واجابتي الطير السبوق مثل ماتفضلوا الاخوان ماله علاقه بحجمه فالسبق توافيق ومهو كل طير كبير حجمه تلقاه ماهو سبوق ,,

2 : استهزاءك بكلام جبريت بانه يقص الهوى هاذي لهجات تختلف وماكان لها داعي وانا اخوك ,,

3 : اتهامك بان جبريت لازم يمدح الطيور المنغوليه لايجوز بالذات اني ماشفت جبريت كل يوم منزل موضوع يبيع طير علشان تتهمه هالاتهام لو قايل انت تعشق الطيور المنغوليه اهون من انك تتهمه انه يسوق لنفسه وبالعكس اغلب مواضيعه يذكر ان الطيور يصقرها ويشدد بانه ليس هناك شي للبيع ,, فأحسن الظن بأخيك المسلم ,,

اتمنى يكون كلامي خفيف وتتقبله بصدر رحب ,,
ب.الشعيبة
11/02/2009, 07:39 AM
الطيييييييير لا كآن جنآحه عريض ومنآكبه طآلعه واذا كفخته اجنحته تصفق في بعض من فووق هاذا طيررر سبووووق ولآ عليه اختلاف لو كآن حجمه 14*14 الكبر والصغر مآ لها دخل في الموضوع ابد
عاشق1
11/02/2009, 08:40 AM
السبق فى الطير سهم خفي ولو عرفنا السبوق من الطيور وهي وحوش كان مابقى الا الهمل
صكار دليم
11/02/2009, 01:00 PM
والله ياخوي انا رديت لكن بارد مرة ثانية وباقول لك ان طول الجناح بالنسبة لعرض الطير له علاقة بالسرعة اما مسألة الحجم الكبير له علاقة بالسرعة مستحيل والسرعة سبحان الله ميزة غير مفهومة تحسها كانها جينة بالطيرة مالها علاقه بمظهره الخارجي فيك انك تقول ان لحاق الطير يقل بزيادة الحجم لكن مسألة كون الطير يقل سبقه بزيادة حجمه مالها علاقة ممكن تكون يخوك خلطت بين السبق واللحق
وهذي صورة لطير كبير الحجم عجبني وقلت اشوفه لكم تقبلوا مروري
http://up1.m5zn.com/photo/2009/2/10/06/xcv4wpetd.jpg/jpg
راشد بن علي
11/02/2009, 06:55 PM
مساء الخير جميع اخواني اشكر تفاعلكم معى الموظوع بس توضيح بسيط الطير يااريع الي عليه الكلام جير جير جير مافيه كلام كلامي يمكن يئثير زعل بعض الاخون بس كلام الحق مايزعل عمر قرناس الهوا مااجيك ريشته كذا تلمع الفرخ وهو فرخ ريشته محروقه شلون القرناس ودمت سالمين واسمحولي اذا جى مني شي