قاهرني ذا الطير..........شاهين جبلي [الأرشيف]

القارمان

14/02/2009, 12:17 PM

السلام عليكم ورحمه الله وبركاته
انا ياجماعه الخير شفتلي قبل يمكن شهر كذا شاهين جبلي على ماضنيت في المزرعه
وشفته يوم من الايام بالصدفه ودربلت واشوا ان الدربيل كان معي وحصلته شاهين جبلي.
وشفته الصبح الساعه يمكن كذا6 دخل على الحمام ولعب فيه ولقط وحده وراح يمكن مسافه كيلو
واليوم اليوم الثاني شبكتله وحطيتله حمامه ولونها ابيض كامل وحطيتها في وقت الفجر وخليتها من الفجر الى الساعه 1 الظهر ولا جاني وحطيت وحده ثانيه في نفس اليوم الساعه 3ونص يمكن العصر وخليتها الى بعد ما غربت الشمس وشلتها ولا جا بعدها

وسرت كل اسبوع كذا اشبكله حمامه ولا الحين ما صدته وأشوفه نادر كذا قت الصبح وآخر مره شفته في مسيان وقت صلاه المغرب وكان معه حمامه صايدها وقاعد ياكل فيها (ابو طوق)

وش الحل يا جماعه الخير تراه قاهرني شكلي بطلع الناريه واذبحه :mad: هههههههه لانه لعب في الحمام في المزرعه

ارجــــــــــــــــو للي عنده علم يقلي ومشكوووووووووووور.....,

ألحر العراقي

14/02/2009, 12:24 PM

استخدم الدرك وان شاء الله تمسكه
وافضل ان يكون معك شباك وطير مصكر
لما تشبك عندك هد عليها الطير
والله يرزقك

القارمان

14/02/2009, 12:28 PM

مشكووووووور يا خوي وما قصرت ابحاول واشوف ويمكن اجرب الشبوط واشبك على رجلينه الشبكه وريش حمام
,,,,,,,,,,,,,,,,,,,,,,,,,,,,,,,,,,

333

14/02/2009, 12:47 PM

بدال الحمامه جبله سمانه ولا جربوع ونشا الله بتشبكه

صقار الخبر

14/02/2009, 12:53 PM

ان كان تبي تبعده وبس و ماتبي تمسكه لك خذ اشوزن و ثور فيه او اتركك من الحمام اذا بغيت تمكه اول ما يدخل عشت الحمام سكر عليه بشبك كبيرشوي و اول ما يطلع صك الشبك عليه وبس بس شبك حرير او خيوط مو شبك حديد

محمد الشامان

14/02/2009, 01:23 PM

جرب شبكة الجربوع

ابرق آلريش

14/02/2009, 01:57 PM

حاول انك تشبكها بس لا تذبحها فيها ولا تفكر مرررررررررره ولا علمنا وين المزرعه
ويجي واحد من الصقارين يشبكها

falcon 1

14/02/2009, 02:14 PM

جرب اخوي الفرية او الجربوع لان جميع الطيور تهد عليها وانشاءالله بتطرح الطير موفق اخوي...وعلى فكرة انا مرة نفس الشي واحط حمام وفري وقطا وجرابيع ولا يقرب الطير الظاهر اذا الطير تعلم انه في اكل في المنطقة ما راح يقرب عند حمامتك ..لاكن شوف اذا شفته انشاءالله مرة ثانية ارمله فرية بس بدون شبكة واذا انزلت على الفرية ...انطر عليها لما تذبح الفري وتذوق الدم فقط بعدين تعالها بالسيارة وطيرها ..لا لا لا تخليها تاكل بس خلها تذوق الدم واذا ذاقت الدم خلاص مفروض وانشاءالله كل الي براسه بطيح وراح تلاحظ الشيهانة ما راح تبعد من الفرية ..عاد بعدين شيل الفرية الميتة واشبك فرية ثانيه مع شبكة ووزن وارمها لها وانشاءالله تجيك وموفق اخوي
تحياتي فالكون 1

عقل وكري

14/02/2009, 08:18 PM

جرب اخوي الفرية او الجربوع لان جميع الطيور تهد عليها وانشاءالله بتطرح الطير موفق اخوي...وعلى فكرة انا مرة نفس الشي واحط حمام وفري وقطا وجرابيع ولا يقرب الطير الظاهر اذا الطير تعلم انه في اكل في المنطقة ما راح يقرب عند حمامتك ..لاكن شوف اذا شفته انشاءالله مرة ثانية ارمله فرية بس بدون شبكة واذا انزلت على الفرية ...انطر عليها لما تذبح الفري وتذوق الدم فقط بعدين تعالها بالسيارة وطيرها ..لا لا لا تخليها تاكل بس خلها تذوق الدم واذا ذاقت الدم خلاص مفروض وانشاءالله كل الي براسه بطيح وراح تلاحظ الشيهانة ما راح تبعد من الفرية ..عاد بعدين شيل الفرية الميتة واشبك فرية ثانيه مع شبكة ووزن وارمها لها وانشاءالله تجيك وموفق اخوي
تحياتي فالكون 1

بس كذا ياخوي بتشيل الفري ويروح اخونا قال شلت حمامه فمابالك بالفري لازم يحط ثقاله او اي شي بس يمنع الطير يشيلها معاه

aljubail

14/02/2009, 09:27 PM

اخوي متاكدة انها شيهانه ؟
يمكن انها واشة هي الي تدور عند المزارع

فهي من بعيد كنها شيهانه تاكد اذا سيقانها طوال ثور عليها

واذا هي شيهانه اربطلك فريه بخيط بحر خفيف بدون شبكه وارمها اذا جت عند الفريه رحلها الفريه مربوطه واشبك الفريه وان شاء الله تشبكها

العسيري07

15/02/2009, 12:31 AM

ممكن سؤال بس بدون تعليق وشو الفريه؟

SE.3500

15/02/2009, 10:03 AM

هي طير السمان يا العسيري.

العمراني

15/02/2009, 03:31 PM

حراام تطخ الطير والحين بشهر التزاوياليت تريحها شووي وانت كل يووم مصبح بووجه هه امزح عليك من ترك شي لله عاضه الله بخير

القارمان

16/02/2009, 09:16 AM

حياكم الله (الجميع)
ومشكووووورين وماقصرتم
وترا انا متأكد انه شــــــــــــاهين جبلي ولاهيب شيهانه
وبجرب طريقه اخوي فالكون (جابها والله) ومشكوووور على الطريقه وان شاء الله ان صته بعطيكياه هديه مني هههههه فداك والله

ولا تحسبونه شبوط ولا شريااااص ههههههههه

ومشكووووووووورين,,,,,,,