زيت القير للفتك ؟؟؟؟؟

[راع الجيب2002]

السلام عليكم ورحمة الله وبركاته


اخواني اعضاء هذا المنتدى الطيب قرات رد لاحد الاخوة في مشاركة يقول زيت القير للباترول مايغير الا بزيت الوكالة اللي عدد سبعة لتراته 700 ريال سعودي وانه مايغير بالزيت الامريكي اي سي ديلكو وان هذا الزيت ياثر على القير ....(((( ان لا اكذبه لكن جميع الورش اللي يعمل بها سعوديون قالوا مالك الا الزيت الامريكي وانا بصراحة خفت من كلام اخونا لن موتري مغير زيت انا امريكي .. فامل من لديه معلومات افادتنا واشكر لك حسن انصاتكم )))

[حمد808]

كم مديل موترك

[بن صقران]

خذ العلم مني :
زيت القير الأتوماتيك او مايسمى التيبترونيك لا يغير ولا يزاد الا في الوكالة ، وسعر اللتر منه 80 الى 90 ريال. وفي الغالب ان زيت قير الفتك الاتوماتيك لايغير بالكامل الا في حالة توضيب او وجود مشكلة ، عدا ذلك القير يزاد فقط ، ويستحسن التشيك عليه كل 35000 كيلو . وانا مشيك على زيت موتري الفتك 2002 بالوكالة قبل شهرين وزايده حول لترين . بس القير العادي يمكن يغير بزيت عادي الامريكي الاحمر ، والله اعلم ...

[راع الجيب2002]

اشكر مروركم الكريم

موتري 2002 سوبر قيرين اتوماتيك وعادي وغيرت زيته امريكي لكن اخوي الوكالة زادوه وش زيت الوكالة ولا امريكي ..

[VTC]

الزيت لقير الباترول التربوتنك زيت خاص سوبر لونة بين الصفار والخضار وكلام الوكالة انه مايغير فقط يعاير ويزاد واذا كان محترق يغير وممكن تمر الوكالة وتسأل بنفسك

[راع الجيب2002]

يااخوان ماوصلت الفكرة يعني انا الحين طريقتي سليمة والا اروح اغير الزيت وكالة لان كل اللي اعرف معهم فتك مغيرين الى زيت امريكي

[البحر2005]

وعليكم السلام
على علمي المتواضع أن زيت القير حق الباترول الفتك يصلحله زيت القير حق جيب الكزز وهو ارخص من زيت الباترول حق الوكاله وكذالك أفضل من الزيت الامريكي
وشكرا

[بن صقران]

أخوي الطريقة الصحيحة زي ما ذكرت لك بالمشاركة السابقة . بالنسبة لقير سيارتك هو قير تيبترونيك الاليكتروني ، لازم تراجع الوكالة بأسرع وقت لان الزيت اللي ركبته لايصلح على هذا النوع من القيور ، أنت راجع الوكالة أو على الأقل اتصل عليهم وخلهم يعلمونك السوات بالزيت اللي حطيت .

[بن صقران]

السلام عليكم.. اخواني احب ان اشاركم معلومة جديدة عرفتها اليوم بخصوص زيت قير الفتك الاتوماتيك "التبترونيك" وهي:
عند مروري للوكالة لصيانة موتري كالعادة ولتشييك زيت القير ، ابلغني المهندس بوجوب تغيير زيت القير، وهو ما اثار دهشتي خصوصا ان نفس المهندس كان يصر علي دائما بزيادة الزيت دون تغييره في ما مضى، ولكن عنده سؤالي له عن تغيير رأيه ، قال والله كانت لدينا معلومات مغلوطة والصحيح ان الزيت يجب تغييره كل 80000 كيلو، هذا للاحاطة لكم ياخواني والله من وراء كل قصد...

[ftc]

السلام عليكم
انا عن نفسي غيرت الزيت عند الوكاله في صناعية الدائري ماشي عليه 100 الف عقب الوكاله
رحت الوكاله قالو نغيره حدود 540 ريال وغيرت الزيت عندهم
بس والله القير فرق معي يوم غيرت الزيت
وعلى سوالك انا رحت كذا واحد الي يقولي حط امريكي وغير.......
المهم اني ماقتنعت من كلامهم علطول رحت الوكاله قلت خلني اسئل عنه لقيته ارفع بسعر قليل عن
الي برى . فنصيحه رح الوكاله الي في صناعية الدائري اخف زحمه ماعندهم احد
وشـــــكـــــــراً

[Noz]

اخي الكريم زي ما ذكر اخوي ftc غيره في الوكالة
انا مغيره في الوكالة 540 ريال
وقالى الفني كل 100 الف يتغير

[أبو عمار الخالدي]

يالربع انا ركبت امريكي.. علي خوف ولا اتمنى الرد .. لانه المكانيكي يقول عادي

[بروووق]

موضوعك جاي في الوقت المناسب

اليوم انا رحت وكالة العيسى اللي بمخرج 18 ناوي اغير زيت القير
تفاجئت من كلام الموظف لما قال لي نغيره بس مانضمنه

قلت له شلون ماتضمنه قال موترك تعدى الضمان
قلت ميخالف ماقلت انه في الضمان بس انت يعني ماتضمن
السياره والا القير قال القير
قلت يعني ماتضمن شغلك
قال اللي جاك
قلت اجل وش فرقك
عن ورشة ابو يمن وابو نسافه ههههههه

المراد اني مامسكت علم ومشيت


من منكم يدلني وش الدبره وين يغير طيب

[يالبى الهلا]

تبديل الزيت الأتوماتيكية في كل الوكلات على مسئولية صاحب السيارة وتوقع في مستند
لأنة كثير المشاكل التي تواجه الوكلات
فالأفضل أخذ الزيت جديد من الوكالة وتبديلة خارج الوكالة
أما عن نفسي ابدل زيت أمريكي أصلي العلبة 25 ريال والفلاتر من الوكالة وماشئ بدون مشاكل
والزيت الأمريكية أفضل تتحمل الحرارة والجهد وتكد اطوووول من الزيوت الأخرى وكلن ومزا
زيوت السيارات الجديدة من الوكالة أفضل اما السيارات القديمة لاينفع معها زيت الوكالة
الأفضل الزيوت الأمريكية

[المميـز]

:

الموضوع قديم لكن للفائده

افضل محل لتغيير زيت القير للفتك محلات ون ستوب المعتمده من الحمراني
عندهم الزيت المخصص وسعر اللتر ١٠٠ ريال وشغل يد ٢٠٠ ريال
مع تنظيف الفلتر بدون تغييره لانه مايغير حق الفتك
والزيت المخصص يمشي ٨٠ الف
والزيت الامريكي يمشي ٤٠ - ٦٠ الف

:

[نديم الخيال]

الي يقول مايغير يسمح لي ماعنده علم
كل 80 الف لازم تغير بزيت الوكاله من نيسان
فيه ورشة الثنيان بصناعية مخرج 18 بالرياض ممتازه جدآ وعندهم زيت الوكاله من نيسان وسعره مناسب جدآ
انا لي 3 سنوات اغير عنده وماشاء الله كل الامور تمام
موتري فتك 2009

[التعـ King ـديل]

اللي يبي زيت الوكاله انا اوفره له سطل 20 لتر بسعر 1000 حق الفتك الوكاله

يطلع عليك اللتر ب 50 ريال

الشي الثاني زيت القير يغير بحد اقصى كل 80 الف والافضل كل 50 الف

ولكن اذا مشى الموتر اكثر يعني مثلا 150 او اكثر مايغير الزيت دفعه وحده يغير بالتدريج يعني تسحب لتر وتضيف لتر ثم تمشي عليه 500 كيلو وترجع تسحب لتر وتضيف لتر ونفس الممشى لحد مايصير كله جديد