المساعد الشخصي الرقمي

مشاهدة النسخة كاملة : موقع عالمي عن التشوكات ومقاييسها لجميع انوع البنادق


ابو صاالح
17/02/2009, 06:58 PM
بسم الله الرحمن الرحيم
حبيت اني أفيد اخواني بالمنتدى عن موقع فيه جميع انواع التشوكات وأرقامها ومعلومات عنها وأسعارها وإمكانية الطلب .
http://www.choketube.com (http://www.choketube.com/)

طبعا تختار الشركه اللي تبي تعرض تشوكاتها من يسار الصفحه جميع الشركات موجوده ...... لكن عندي استفسار يالربع ارجو التوضيح من اصحاب الخبره .
ما الفرق بين الجمل التاليه التي تخص التشوكات وهي :
12GA TRU-CHOKE
-----
12GA ONLY - EXTENDED TURKEY
-----
12GA - SPORTING CLAYS
-----
12GA SMALL DIAMETER TRU-CHOKE
-----
12GA SMALL DIAMETER SPORTING CLAYS
---------------------
ارجو منكم التوضيح ،،، ورجاء اللي عنده علم لا يبخل علينا
ابو سفيان
17/02/2009, 07:53 PM
انا والله في التشكات راسب لكن انا ترجمتها لك وبخلي الباقي للاخوان الاعضاء يشرحون لك اش معناها
ترو وخنق 12ga -
12ga فقط -- تمديد تركيا
12ga -- للنوادي الرياضية
12ga قطر صغير ترو وخنق -
12ga قطر صغير للنوادي الرياضية
ابو صاالح
17/02/2009, 08:22 PM
هههه ابو سفيان عافاك الله ،، سويت اللي عليك ،، بس ما تبين شيء للحين
ابو سفيان
18/02/2009, 01:42 PM
والله يخوي شف انا راسب راسب لا محاله هههههههههههههههههه والدليل على ذلك لو ببدل من التشكات ما اقراها لا اركبها وارمي هي الي ابيها ولا افكها وغير الثانيه وارمي وشوف الرش ها اعجبني ولا فكيت وغيرت وارمي هههههههههههههههههههههههه وعلى هذا الحال الين القي التشك المناسب
وفي ناس خبره فيها لكن ذلحين ربيع والناس برى وماهم فاضين زيي يقعدون على النت والموسم قرب واستعدادات لكن لابد في واحد مار على مكشات ويجاوبك وتقبل مروري
MSA-KSA
18/02/2009, 04:25 PM
الاخ العزيز ..ابو صالح تحيه طيبه

12ga تعني 12 قيج وهي عيارات الشوازن المستخدمة عندنا بالمنطقة
tru-chock هذي ماركة احد الشركات المصنعة للتشكات لمختلف الماركات الشهيرة من البنادق
extended turkey " الديك الرومي البعيد" وهو أحد فئات التشكات مخصص لصيد الرومي "الحبش" ويرمز له احيانا TKY
sporting clay نوع من رياضات الرماية مثل التراب والسكيت وهي الاقرب لرياضة الصيد ويتم الرماية على اهداف فخارية او طينية بارتفاعات ومسافات وسرعات مختلفه ووتتطلب دقة في التصويب
small diameter قطر صغير والمقصود ان التشوك من هالنوع يكون قطرة صغير ومخصص فقط للفشق الرصاص "lead" ويركب عادة للسبطانات اللي قطرها الخارجي من 805. الى 825. انش

نجي هالحين للجمل اللي طلبت معانيها
12GA TRU-CHOKE
تشك عادي من نوع تروتشوك لشوزن عيار 12قيج " اذا مكتوب flush mount فمعناة ان التشوك يكون له بروز خشن لشد وفك التشوك باليد.

12GA ONLY - EXTENDED TURKEY
تشوك "الديك الرومي البعيد" لعيار شوزن 12 قيج ويكون التضويق في هذا النوع عالي جدا والرمي فيه يسوق ويبرز هذا النوع من البندقيه بطول بوصة واحدة.

12GA - SPORTING CLAYS
تشك لرياضة "sproting clays" لعيار شوزن 12قيج . يكون التشك اطول ب 25% من التشك العادي لزيادة ثبات الرميه وهو مصنوع من الستنستيل ويرمي جميع انواع الفشق

12GA SMALL DIAMETER TRU-CHOKE
تشك " قطر صغير" لعيار شوزن 12 قيج واذا كان مكتوب علية "flush mounted" يكون له بروز خشن للشد والفك باليد ويرمى فيه بالفشق الرصاص فقط "Lead".

12GA SMALL DIAMETER SPORTING CLAYS
تشك لرياضة "sporting clay" قطر صغير واذا كان مكتوب علية "flush mounted" يكون له بروز خشن للشد والفك باليد ويرمى فيه بالفشق الرصاص فقط "Lead".

ولك الشكر
ابو صاالح
18/02/2009, 09:16 PM
ابو سفيان .. هههههههههه ضحتكنا جعلك تضحك بالدينا والاخره ،، ما قصرت عطيتنا اللي عنك ابرك من غيرك وشكرا لك .
------------------------

MSA-KSA (http://www.mekshat.com/vb/member.php?u=26574)


ألف ألف شكر لك ،،، عز الله انك جبت علم ما لقيته عن أحد ما شاء الله عليك ،، كفو والله ،، اتضحت الصوره وما قصرت ،، جعلك للجنه ووالديك ان شاء الله والمسلمين
MSA-KSA
20/02/2009, 06:57 AM
الله يجزاك بالخير يابو صالح على هالدعاء الطيب
وصلتني رسالتك لكن ما قدرت ارد عليك لأن عدد مشاركاتي ما يسمح لي بارسال رسائل خاصه
وعلى أي حال انا بدأت البحث .. ويمكن اجرب اطلب من الموقع اللي تفضلت بموضوعك هذا
لكن احتاج وقت ... والى ذاك الوقت تكون مشاركاتي زادت وبأعطيك خبر ان شاء الله
ولك تقديري
ابو صاالح
20/02/2009, 10:39 AM
الله يجزاك بالخير يابو صالح على هالدعاء الطيب
وصلتني رسالتك لكن ما قدرت ارد عليك لأن عدد مشاركاتي ما يسمح لي بارسال رسائل خاصه
وعلى أي حال انا بدأت البحث .. ويمكن اجرب اطلب من الموقع اللي تفضلت بموضوعك هذا
لكن احتاج وقت ... والى ذاك الوقت تكون مشاركاتي زادت وبأعطيك خبر ان شاء الله
ولك تقديري
------------------------
معذور معذور اخوي MSA_KSA ،، بارك الله فيك انت تستاهل وبكل صراحه بالمنتدى مشرف ، لتعاونك مع اغلب المواضيع اللي يبحثون اصحابها عن حلول او معلومات ،، وإيجاد الحل المناسب لهم ،، اي والله ان كفو ،، وبالنسبه للتشوك المناسب انا ابحث مثلك ، رغم أني لقيت حل مؤقت أفاادني به احد الأصدقاء وهو خبير بالتشوكات ،، وهو خرط ال 660 وتوسيعه ليصل إلا المقاس المناسب . ولكن ابحث عن (( تشوك شد بلد )) وان شاء الله النتيجه قريبه ان شاء الله ،، الف شكر لك على ردك وتعاونك بارك الله فيك
MSA-KSA
21/02/2009, 03:30 AM
تـــصـــــحـــــيــــــــح
في ردي السابق وتحديدا في معاني الجمل الواردة للتشوكات
كتبت ان "" اذا مكتوب flush mount فمعناة ان التشوك يكون له بروز خشن لشد وفك التشوك باليد"

وهذا خطأ والصحيح هو
Flush mounted معناها ان التشوك يكون بكامله داخل السبطانه ويركب ويفك بالمفتاح الخاص
knurled هي المقصودة بالبروز الخشن للتركيب والفك باليد او المفتاح الخاص

أعتذر للجميع
ابو صاالح
21/02/2009, 09:19 AM
Msa_ksa
الف شكر على إعادت التوضيح ،، ولو أن هالشيء ما يضر الموضوع ،، لأن الشيء المهم هنا هو المقاسات . بارك الله فيك وكثر الله امثالك ننتظر جديدك .
خواتم
22/02/2009, 07:20 PM
شــــــــــــــــــــــكــــــــــــــــرا
ابو صاالح
23/02/2009, 12:08 AM
عــــــــــــــفـــــــــــــــوا