تسجيل الدخول

مشاهدة النسخة كاملة : يا شباااااااب انتبهوا من العليان (يوجد صور)


thinker
18/02/2009, 06:05 PM
السلام عليكم ورحمة الله وبركاته

يا شباااااااب انتبهوا من العليان

يوم من الأيام تحمست ورحت للعليان لأدوات الرحلات اللي في خريص..
كالعادة أشتري من عندهم..
ولما وصلت له سألتهم عن الدوافير اللي عندهم وشفت دافور أعجبني سألت عن قيمته قالوا بـ 99 ريال..

http://www.herosh.com/up/73952/18604339.jpg

المهم شريته وشريت معه تلبيسته للخلفية ( اللي يوضع فوقها الأغراض في خلفية الجيب) وكان قيمتها بـ 199 ريال..
المهم ومدحت هذا الدافور للشباب في العمل وقالوا نبي نشوف زيه..
رحنا لبرق الحيا اللي بطريق المية مخرج 15
وكانت الطامة الكبرى يوم لقيت الدافور اللي شريته من العليان بـ 99 قيمته عند برق الحيا بـ 55 ريال..

http://www.herosh.com/up/73952/454541722.jpg

ولقيت تلبيسة الخلفية اللي عند العليان بـ 199 عند برق الحيا بـ 170 ريال..
حينها حسيت أنهم لعبوا علي..
رحت للعليان وكلمت خدمة العملاء اللي عندهم وكان رده أقبح من المشكلة السابقة ..
قال لي السعودي الموجود هناك (العملاء عندنا يعرفون أن أسعارنا أغلى من غيرنا والخطأ منك المفروض أنك تسأل عن البضاعة قبل ما تشريها وهذا يدل على غباء العميل!!

واااااااااااااو تحطمت مررررررررة ورده القبيح قهرني أكثر!!!!)
وش شوركم يا رجااااااال في هالمشكلة؟!!



:confused: :confused: :confused:
:confused: :confused:
:confused:
لاتكب البيالة
18/02/2009, 06:32 PM
والله يالحبيب كلنا مأكولين من العليان وغيره

العليان اول ما فتح كان رخيييييص والظاهر انه يوم كسب زباينه رفع الاسعار
نجي للسنيدي اذكر يوم محله بسوق الجرده ببريدة كان ارخص من المحلات
الحين رفعوا الاسعار بعد ما طاحو الناس عليهم

نجي للخيام الخيمة اللي نشريه ب 1500 تكلف المحل 700 بالكثير
وعلى هذا قس

الفراش اللي تشريه ب 250 بالكثير 150 ريال وخياطته ما تاخذ من الخياط الماهر الا ربع ساعة او اقل
يعني ربع ساعة به 100 ريال والساعة به 400 <<<< ولا وزير

طبعا انا ما احسد احد ولا ما ابيه يكسب لكن يكسب بالمعقول

وانا اقترح ان مكشات يسوون قائمة بالادوات المهمة للكشتات وسعر المحلات المشهورة عشان نعرف منين نشري ونقاطع الغالي والقامة تجدد كل اسبوع <<< كذا والله ان يتسابق المحلات لخفض الاسعار
شاص1988
18/02/2009, 06:35 PM
:mad: ورا مفقعة وجهة بكف يومنة رد هذا الرد
thinker
18/02/2009, 06:40 PM
وانا اقترح ان مكشات يسوون قائمة بالادوات المهمة للكشتات وسعر المحلات المشهورة عشان نعرف منين نشري ونقاطع الغالي والقامة تجدد كل اسبوع <<< كذا والله ان يتسابق المحلات لخفض الاسعار


والله فكره جميلة جدا ياااااليت يطبقها مشرفي الموقع..
أشكر لك مرورك وتعليقك يالغالي..
مفتاح الفرج
18/02/2009, 06:47 PM
مثل هذي المقالب تعلم الانسان التدقيق في السلعة و السعر

حتى لو كثرة الدعاية للمنتج او المحل ...




حتى محل ( برق الحيا ) اسعاره الآن تختلف عن اول افتتاحه قبل سنتين تقريباً

لما شاهد الاقبال ... رفع السعر خصوصا انه مسنود جداً من خلال الدعاية المنسقه له

مع بعض الأعضاء .... ( شاهد اهل التقارير ... وخصوصاً اهل الدوافير ) !!

تعرف انه لا يوجد شيء يأتي اعتباطاً و دون قصد ...

لأن هذه هي الطريقة الجديدة للدعاية بدلاً من تعليق ( البنر ) على اعلى الصفحة



...
بواسامه
18/02/2009, 06:49 PM
اتركوه
خلو بضاعته تصدي بمحله وتغبر

الزبون اهم عنصر في تجارته فيلزم احترامه
ولوني محلك كان قلت ابي ارجع اللي خذته منك وتعاله بالمسايس عساك تقهره اذا حصلت على مرادك بنفس الوزنيه
عموما كل صفعه بتعلومه وهذا درس لك ولنا
وجزاك الله خير على التنبيه ياالغالي
رامي النحم
18/02/2009, 07:08 PM
لوني منك اشتكيت عليه عند الادارة لان هذا مهوب رد هذا اسمه تطفيش زباين والزبون على حق في كل الاحوال ارجع للأدارة واشتك على الاسلوب والا السعر هو حر فيه مالك حجه عليه
العتل
18/02/2009, 07:15 PM
:mad: ورا مفقعة وجهة بكف يومنة رد هذا الرد


هد اعصابك يالطيب الرجال ماقال إلا الحقيقة
aooa
18/02/2009, 07:26 PM
العليــان !!!!!

بعد ما اشتريت منهم اغراض كهربائيه وكانت مضروبه وجيت ارجعها .... قالوااااااا
لا تحلم انها ترجع .... طيب انا شاريها منكم وكانت مظروبه .... قالوا راجعنا بعد فتره ويوم جيتهم مره ثانيه قالوا انس انا نرجعلك قيمتها .... بعد كذا ما طبيت محلهم مره ثانيه ....
وفيه محلات كثير في الرياض تهتم بتجيهزات الرحلات واسعارهم ممتازه وتعاملهم طيب ...
thinker
18/02/2009, 08:01 PM
خصوصا انه مسنود جداً من خلال الدعاية المنسقه له

مع بعض الأعضاء .... ( شاهد اهل التقارير ... وخصوصاً اهل الدوافير ) !!


عفوا عزيزي مفتاح الفرج لم أفهم هذه النقطة !!

ارجوا توضيحها..
thinker
18/02/2009, 08:02 PM
وجزاك الله خير على التنبيه ياالغالي

الله يرضى عليك يابو أسامة
thinker
18/02/2009, 08:05 PM
لوني منك اشتكيت عليه عند الادارة لان هذا مهوب رد هذا اسمه تطفيش زباين والزبون على حق في كل الاحوال ارجع للأدارة واشتك على الاسلوب والا السعر هو حر فيه مالك حجه عليه


يابن الحلال قلت له وين رقم الإدارة قال شفه قدامك مطبوع على الباب ولما اتصلت رد علي واحد مو سعودي وقال راح نتفاهم معه لكن شكواك اكتبها وإذا وجدنا بها شي راح نتصل عليك!!
thinker
18/02/2009, 08:09 PM
العليــان !!!!!

بعد ما اشتريت منهم اغراض كهربائيه وكانت مضروبه وجيت ارجعها .... قالوااااااا
لا تحلم انها ترجع .... طيب انا شاريها منكم وكانت مظروبه .... قالوا راجعنا بعد فتره ويوم جيتهم مره ثانيه قالوا انس انا نرجعلك قيمتها .... بعد كذا ما طبيت محلهم مره ثانيه ....
وفيه محلات كثير في الرياض تهتم بتجيهزات الرحلات واسعارهم ممتازه وتعاملهم طيب ...

الدعوة شكلها من زمان وهي خرباااااانه

أنا بعد هالموقف بإذن الله ماراح أطب عليهم ..

أشكر لك يالغالي مرورك..
kal440
18/02/2009, 08:43 PM
والبضاعه الى عنده كلها من السنيدى وبرق الحياء والبريه يوزعون عليه ويقوم برفع الاسعار لكن هو مختص باالزينه للسيارات فقط_ اللى مايعرف محلات الرحلات ووجود موقعه والديكور تغرى الزبائن ولكن كما قلت هوا اختصاصه زينة السيارات فقط وادوات الرحلات لايفقه فيها شئ
أخوالعيال
18/02/2009, 08:50 PM
رح لوزاره التجاره وقدم شكوى عليه

وان شاء الله بتلقى الحل عنهم

اهم شى لا تخلي حقك يروح عليك لو تروح للمحل وتسوى لك مشكله

علشان الزباين يعرفون انه نصاب وغشاش ,,
ريضان السهل
18/02/2009, 09:53 PM
تصدقون .. ان الخسران في هالموضوع هو العليان

شلون ..؟!!

خدمة العملاء السعودي بكلامة اللي قاله لأخونا يدل على انه ما يفهم ولا شي في التسويق وفي السياسة المفترض ان يتم انتهاجها مع الزبون

فهو بذلك يسيء لسمعة العليان على المدى البعيد , وصاحب هذه السياسة سوف يفقد عملائة بعد فتره

فهذا يدل غبائه الكبير
ابوفهد2001
18/02/2009, 10:45 PM
والله قهر
كيد شريت شطاف الوضوء من السنيدي بـ(22 ريال) يوم جيت لرياض مريت على العليان يوم شفت سعره نزيت (39ريال) والله ياهي نطله

الحمد لله كل بين فتره وفتره امر عليهم بس ماعمري فكرت اني اشري منهم (ما يشتري منهم إلا الكشخات اللي هاجتنبهم وبالين الكشتات)
عبدالعزيز53
18/02/2009, 11:05 PM
مثل هذي المقالب تعلم الانسان التدقيق في السلعة و السعر

حتى لو كثرة الدعاية للمنتج او المحل ...




حتى محل ( برق الحيا ) اسعاره الآن تختلف عن اول افتتاحه قبل سنتين تقريباً

لما شاهد الاقبال ... رفع السعر خصوصا انه مسنود جداً من خلال الدعاية المنسقه له

مع بعض الأعضاء .... ( شاهد اهل التقارير ... وخصوصاً اهل الدوافير ) !!

تعرف انه لا يوجد شيء يأتي اعتباطاً و دون قصد ...

لأن هذه هي الطريقة الجديدة للدعاية بدلاً من تعليق ( البنر ) على اعلى الصفحة



...



اخوي:
احسن الظن باخوانك.
فهم يتعبون يعانون من اجل ايضاح للشخص ما هو الجيد وليس من اجل تسويق كما ذكرت.
عافاك ربي.
قناص خلاوي
18/02/2009, 11:31 PM
الله يكون بعونك
وهذا حال المستهلك عند ربعنا ( مأكول مذموم)
لكن لو كنت مكانك
اتخير لي وقت يكون المحل مليان زباين وادخل عليهم ومعي أغراضهم وآخذهم بالصوت العالي ياللي فيكم ما يخطيكم هذا شريته منكم بكذا وحصلته بالمحل الفلاني ارخص بكذا ومن هالحكي
صدقني هالحركة تبي تهبل بهم ويمكن يرجعون الاغراض ويعطونك حقك أو على الأقل تنبه الزباين اللي بالمحل عشان ما ينلعب عليهم وأكيد راح ينقلون الصورة والوضع اللي شافوه لربعهم .
يحب البر
18/02/2009, 11:50 PM
معليش ترى كلام السعودي حق العليان صحيح المفروض (القانون لايحمي ............)
انك تسأل قبل ما تشتري وليس لك الحق باعادة البضاعة لان البيعان بالخيار مالم يتفرقا وتقبل مروري ولو كان مرا
شمالات نجد
19/02/2009, 04:36 AM
وسع صدرك فيه ناس أنلعب عليهم في ألوف

احتسب الأجر واسأل أكثر من محل مستقبلاً ويا ليت أنك سألت في المنتدى والله الأخوان مايقصرون

سلام
الــفــيــصــــل
19/02/2009, 04:42 AM
راح لهم معك كميراء تصوير والله بيخفون انك راح تفضحهم
المريعي
19/02/2009, 04:50 AM
الله يعينك هم زباينهم على الجاهل بالمحلات لو انك تدل برق الحياء ماصار كذا ودك تاخذ الشغلة بعد معرفة المنتج وفرقه مع المحلات الاخرى بالسعر
برق و سحاب
19/02/2009, 05:04 AM
مثل هذي المقالب تعلم الانسان التدقيق في السلعة و السعر

حتى لو كثرة الدعاية للمنتج او المحل ...




حتى محل ( برق الحيا ) اسعاره الآن تختلف عن اول افتتاحه قبل سنتين تقريباً

لما شاهد الاقبال ... رفع السعر خصوصا انه مسنود جداً من خلال الدعاية المنسقه له

مع بعض الأعضاء .... ( شاهد اهل التقارير ... وخصوصاً اهل الدوافير ) !!

تعرف انه لا يوجد شيء يأتي اعتباطاً و دون قصد ...

لأن هذه هي الطريقة الجديدة للدعاية بدلاً من تعليق ( البنر ) على اعلى الصفحة



...



عز الله انك جبتها وعز الله انك من اللي يفهمها وهي طايره لي فتره وانا اقول هالحكي ولا حولك احد كل ماطق عود قالوا تقرير وفي المحل الفلاني ويقولون مانسوي دعايات :confused:
الحمد لله ماعندي شي ناقص من كل اغراضي وكل عدتي شاريها من يجي خمسطعش سنه يوم اني صغنطوط:D
وكل شي اصلي يعني لا صيني ولا كوري ولا بريمس اللي اشغلونا فيه ولا رواق ولا خيمه تجميع محلاتهم النصابه:no2:
والحمد لله الدعوى الحين كرفانات وخل خيامهم تخيس على وزن ( خلوها تصدي ):D
خيمة العدد والأدوات صارت اردا من قنواتنا في رمضان وقت برنامجهم الفاشل طاش كلها دعايات في دعايات
اتوقع في رمضان الجاي حقين التقارير بيسوون دعايات طبخ ( شوربة كويكر ) على قز بريمس واشرب توت ( فيمتو ) من ثلاجة كولمون.;)
تحياتي لك وللجميع
عصومي المدينة
19/02/2009, 05:34 AM
ياشباب انا عن نفسي محلات الكشتات آخر شي افكر اروحله بصراحه والله اني اجمع العزبه من راسي واذا رحت للمحلات الكبار زي السنيدي والعليان زالمقناص وقناص الجزيرة اول شي اطلع من البوك حقي 100ريال فقط والباقي اخليه في الموتر المهم انا اشري من هالمحلات الا اذا انزنقت يعني اضطريت فقط ولا الباقي الله يخلي الأفكار الى تخترعها انت وخوياك
والله هذه نصيحتي لأني شفت من هذه المحلات استغلال كبير لهواة الرحلات وخاصه الجدد وعيال النعمه وانا بصراحه احب اكون عزبتي بنفسي سواء كانت من دوافير وعزبة طبخ وعزبة شاهي وعزبة مبيت

وأنا لست فضوليا ولكن حبيت اشارك برأي والله يوفق الجميع
الحجاج2
19/02/2009, 02:37 PM
تعيش وتاكل غيره
العليان هذا عليه بضايع من اضعف الانواع من اول المحل لين اخره كم مرة ادخله ناوي اشري شئ لادخلت وشفت بضايعه قمت وطلعت
هو لقاها فكرة جديدة وحلوة يكبس بسعر غالي وبضاعة ردية
دانكن
19/02/2009, 06:37 PM
العليان سيء ..

ويستغل الناس بموقعه وديكورة ..



.
راعي العشــه
20/02/2009, 01:12 AM
ههههههههههههههههههههه
هههههههههههههههههههه
هههههههههههههههه
هههههههه
صحيح ان السعودي مشكلته مشكله مع الاسعار
خذها درس هالمره
والمفروض ان الواحد يسأل عن الحاجه اكثر من محل لاتقول اتكيسل اروح للمحل الثاني
لابد من نشاطك اذا ماتبي يلعب عليك
وعن طريقة كسب الزبائن ورفع الاسعار ؟؟
فيه مطعم موجود عندنا في حفرالباطن سأله واحد عن رفع اسعاره للوجبات بغير المعقول
رده كان : يقول انا كل ماارفع الاسعار زادو زبايني:)
فلابد من تكرار السؤال عن اي سلعه تريدها ....
تحياتي والله يعوضك
ذئب اليل
20/02/2009, 02:16 AM
لو كان هذ الموضف في بلاد أخر كان فصل من عمله وعوضو الزبون وترجوه ميشتكيهم
ذكرني بك
20/02/2009, 01:38 PM
حسبي الله ونعم الوكيل فيهم الظلم حرام
ابومحــ م ـــد
20/02/2009, 09:26 PM
والله الغبن ولو انك مسحة فيه البلاط قالو غلاطان علشان مبلغ قليل ياخي انا انقهرت وانا ماعمري دخلت محله ولا جيته وبعدين انت دايم تشتري بدون ماتنشد عن الاسعار ياخي دايم مرلك محلين ثلاثه وبعدين اشتر المشكله ليست في السعر فقط بعض الاوقات بالجوده ونوع الصناعه واتقانه 0
الربذي
20/02/2009, 09:32 PM
والله يالحبيب كلنا مأكولين من العليان وغيره

العليان اول ما فتح كان رخيييييص والظاهر انه يوم كسب زباينه رفع الاسعار
نجي للسنيدي اذكر يوم محله بسوق الجرده ببريدة كان ارخص من المحلات
الحين رفعوا الاسعار بعد ما طاحو الناس عليهم

نجي للخيام الخيمة اللي نشريه ب 1500 تكلف المحل 700 بالكثير
وعلى هذا قس

الفراش اللي تشريه ب 250 بالكثير 150 ريال وخياطته ما تاخذ من الخياط الماهر الا ربع ساعة او اقل
يعني ربع ساعة به 100 ريال والساعة به 400 <<<< ولا وزير

طبعا انا ما احسد احد ولا ما ابيه يكسب لكن يكسب بالمعقول

وانا اقترح ان مكشات يسوون قائمة بالادوات المهمة للكشتات وسعر المحلات المشهورة عشان نعرف منين نشري ونقاطع الغالي والقامة تجدد كل اسبوع <<< كذا والله ان يتسابق المحلات لخفض الاسعار
طيب عندي اقتراااااااااااااح
ادري مايوافق البعض ولكن هو ان كل واحد يدفع 150 ريال لمدة ثلاث اشهر ونفتح محل نسميه مكشات
واذا فيه ارباح بعد سنه وا سنتين...منى انا مااريد ارباح خسرنا عشرات الالاف موعاد 450ريال
وطبعا العدد ماشاء الله فوق مائة الف عضو نقول الي ماتهمهم واطي على الفلوس يعني قصدي البعض يقدس الفلوس ولو يضيع منه خمسه ريال يمكن ماينام ذيك الليله
نقول 40الف واحسب كم يطلع نغطي على السنيدي
الربذي
20/02/2009, 09:41 PM
ههههههههههههههههههههه
هههههههههههههههههههه
هههههههههههههههه
هههههههه
صحيح ان السعودي مشكلته مشكله مع الاسعار
خذها درس هالمره
والمفروض ان الواحد يسأل عن الحاجه اكثر من محل لاتقول اتكيسل اروح للمحل الثاني
لابد من نشاطك اذا ماتبي يلعب عليك
وعن طريقة كسب الزبائن ورفع الاسعار ؟؟
فيه مطعم موجود عندنا في حفرالباطن سأله واحد عن رفع اسعاره للوجبات بغير المعقول
رده كان : يقول انا كل ماارفع الاسعار زادو زبايني:)
فلابد من تكرار السؤال عن اي سلعه تريدها ....
تحياتي والله يعوضك
ياكم مره وفرت من الفرفرة
عندك اذكر مره لقيت تلفزيون سياره واعجبني مره زماان 4500ورحت لمحل ثاني واخذته منه ب3000الاف

وايضا جهاز لاسلكي كنت ابي اخذه بخمسة الاف لقيته ب3700ريال
تصليح سياره شغل يد من 140الى 60ريال
210ريال بحاجه اختها من مكان اخر ب185ريال
سراج صغير تراثي اشتريت كم واحد ب35ريال بعد المكاسره
لقيتها عند السنيدي فقط ب23ريااااااااااااااااااااااااااااااااااااااااااااا اااااااااااااااااااااااااااال

زل تراثي اثنين الواحد ب750 مبيوع على اخر بلحراج احسن منه اثنينهن ب240ريال كل واحد ب120ريال ؟؟؟؟؟؟؟؟؟؟؟؟
وغيرها وغيرها وغيرها وطبقه على كل مايباااع

فرفر توفر
فرفر توفر
فرفر توفر
الجاعد2005
20/02/2009, 11:04 PM
الا اكسر وجهه علشان يرد عليك وعلى غيرك مضبوط
abu morya
20/02/2009, 11:13 PM
العليان قمة النصب والاستغفال نصيحة لا احد ياخذ منه من واقع تجربة اسوى بضاعة واسوى تعامل واضف الى ذلك كلهاسوى اسعار
الفني999
20/02/2009, 11:21 PM
خذ ايمل الشركه ورسل اتقرير على المقر الريسي ونا متكد انك تحصل تجواب منهم
سحاب1111
22/02/2009, 10:42 AM
الاخوه الكرام

السلام عليكم

بنسبه لهذه القصه ما استغرب لاننا في بلد الجشع والطمع والحسد .

لكن اقتراحي عليك انك تكلم صاحب الشركه مباشرة ويكون عنده خبر .
مع اني ما اتوقع اي تغيير لاني جربت زيك . لكن على الاقل يكون عنده خبر وعلم ليش العملاء يقلون عنه يوم عن يوم .

تحياتي .
البكور
22/02/2009, 11:20 AM
مثل هذي المقالب تعلم الانسان التدقيق في السلعة و السعر

حتى لو كثرة الدعاية للمنتج او المحل ...




حتى محل ( برق الحيا ) اسعاره الآن تختلف عن اول افتتاحه قبل سنتين تقريباً

لما شاهد الاقبال ... رفع السعر خصوصا انه مسنود جداً من خلال الدعاية المنسقه له

مع بعض الأعضاء .... ( شاهد اهل التقارير ... وخصوصاً اهل الدوافير ) !!

تعرف انه لا يوجد شيء يأتي اعتباطاً و دون قصد ...

لأن هذه هي الطريقة الجديدة للدعاية بدلاً من تعليق ( البنر ) على اعلى الصفحة



...



السلام عليكم ورحمة الله وبركاته
اخوي اهل الدوافير اللي تقول عليهم سوو تقارير عن دوافير غير موجوده عند برق الحيا هذولا ناس يحبون الخير للغير يتكلفون ويشترون ويرهمون ويطرحون افكارهم يرجون الدعاء من الناس واحسان الظن بهم
فلماذا نقدم سوء النيه على حسن النيه طالما انه لم يظهر لنا عكس ذلك وبدل من تحطيمهم والتشكيك بصلاح نياتهم
لماذا لا نعمل مثل عملهم وننفع اخواننا وانفسنا ام انها مكلفه وتأخذ الكثير من الجهد والوقت والمال لكن نقدهم والتشكيك في نوايهم لا يكلفنا الكثير
ختاماً والله اني لا اعرفهم لكن استفدت من تقاريرهم وعند اي استفسار اجد منهم اجابه سريعه فمن يريدون ان يخدمون العضو ام المحل
جهام القصيم
22/02/2009, 11:33 AM
خل أغراض العليان اتصدي, او تلفت قبل تشتري المحلات واجد0
وليد1
22/02/2009, 11:36 AM
لاتحزن ...
صار اللي صار ... والله يوفقك ...
سيف الظفير
22/02/2009, 11:48 AM
كلهم نصابين يا اخووووي
النفوذالكبير
22/02/2009, 12:30 PM
السلام عليكم اخواني

عفوا اخواني لاتأخذوني في مثل يقول ( البخيل يخسر مرتين) كنت اخذا اغراضي للبر من المحلات الي في الغرابي وطلعة ولا ثنتين ارجع اشتري نفس الغرض مرة ثانية .. ومرات اشتري من المحلات الي ذكرتوها لكن الان لي سنتين متعامل مع محلات الرماية جودة عالمية ومضمونة واذا شئ تالف يستبدلوه وادارة صارمة مع الموظفين وترضي العميل والاهم من هذا اسعارهم اسعار السوق وثابتة
واتمنى اخ thinker انت وباقي الشباب تشوفوا تعاملهم ..
أبوالحسن
22/02/2009, 02:15 PM
والله انا اقول انك غلطان
المفروض انك تسال اول وتشاور ثم تقدم على الشي
القانون لايحمي المغفلين
وانا طبعا ماني ابشجع العليان بس المفروض ان حنا نسأل قبل كل شي حنلف كذا محل حتى نتاكد من تقارب الاسعار ثم نشتري
وبعدين وش معجلك على الشرا بهالسرعة ليش ماتريث شوي
قنااص
22/02/2009, 08:50 PM
صدقت يالغالي

غاليين بالمره

حصلت اللمبه على شاحن السياره عندهم 25

وعند برق الحياء خذيتها ب13ريال مع اللمبه
قناص خليفة
23/02/2009, 02:06 AM
الصبر ياخوي والحياة تجارب وعبر