المساعد الشخصي الرقمي

مشاهدة النسخة كاملة : مطلوب وصف لاقرب روضة للرياض تدخلها المواتر الصغيرة


صقار قادم
19/02/2009, 01:17 AM
السلام عليكم
اخواني الله لايهينكم اريد وصف لاي روضة قريبه من الرياض وتكون غير مشبكة وتدخلها السيارات الصغيرة بسهوله للتخييم فيها يومين جزاكم الله خير
الطرشي
19/02/2009, 02:44 AM
فيه روضة قريبة من الرياض أذكرها بعيد الاضحى ربيع وهالحين مادري عنها عموما هذا الوصف تعدى ضرماء بأتجاه مرات وقبل مرات بــ 20 كلم تقريبا وليس أكيد يجيك محطة على يدك اليمين أسمها (محطة أبو سليم) تجيك الروضة عاليسار مقابل المحطة تبعد عن الرياض حول 140 كلم اذا مانيب بواهم ,, وفيه روضة بعد يمدحونها لي شباب بالوصف وانا ماجيتها اسمها ام الشقوق امسك طريق حريملاء ووتعدها ويجيك رغبة وتعدها بمسافة قصيرة لين يجيك اول محطة على يدك اليسار لف بعدها غرب وتمشي حول الــ 3كلم وتجيك الروضة وبالمارية فيه جبل مقطوع عندها قاطعينه حقين الكسارات والرمل .
هذا اللي أقدر أفيدك فيه ونتمى لك رحلة سعيدة وياليت أحد من الشباب الخبرة يفيدونك أكثر وأكثر
البيهس
19/02/2009, 04:34 AM
تفضل يــابعدي هذي صوره أو كروكي .. لجميع الريــاض والشعبان القريبة من منطقة الرياض ..

اختر منهــا مــا تريد ( أنصحكـ بروضة الخفس بسبب قربها )

http://www.mekshat.com/pix/upload/images49/mk33400_zaizoom_map1.gif


موفق لكل خير ان شاء الله ..
أبو عزوووز
19/02/2009, 06:45 AM
عندك يالغالي روضة الخفس حلوة بس تراها مشبكه لكن الاماكن اللي حولها جميله وصفها بالكروكي الرائع اللي حاطه اخونا البيهس .
صقار قادم
19/02/2009, 01:20 PM
الله يجزاكم خييييييييييييييييييييير ويفرجها عليكم بالنسبة لام الشقوق هل تدخلها المواتر الصغيرة وبالنسبة للاماكن اللي حول شبك الخفس هل هي زينه وهل تمشيبها المواتر الصغيرة