الدبل الثقيل
20/02/2009, 11:22 AM
السلام عليكم ورحمة الله وبركاته... هذي قصيدة عن الشاص أعجبتني ... ولكن أتحفظ على الشطر الأول .. هل فيه محظور شرعي ؟ .... واللي يعرف القصيدة لمن ؟
الله يلعن الفقر والحظ الفقير ::: يمنع الرجال عن شف باله بالحياه
راكب الي لا مشا جا لشكمانه صفير ::: كل مازود له النار سواقه عطاه
لانهمته فز كنه عن القاع بيطير ::: حين يونس دعست الرجل جاب الي وراه
من وكالة جيب وخصآ الشاص الاخير ::: لعنبو الي صممه كيف سوا هالسواه
وامرآ بطنه رفيعآ عن الخط الغزير ::: ومقدم الكرتير مادق في راس الحصاه
زودو فيه التوانك وفي حوضه اسبير ::: لااعترض لاكن في مقدم الصندوق شاه
والغماره وسعوها وماطوره كبير ::: هازعآ قدام كنه بيسجد للصلاه
مفرعه مفرع هنوفآ على جال الغدير ::: شالت البرقع وقامت تذوق طعم ماه
وان عطاله خبتآ بين عرقينآ عصير::: ماتحقق موخره من غباره ليا اقتفاه
وان وقف بين المواتر لياهو مثل الامير ::: والبقيه كلبوهم عياله واخوياه
ان قدرت اشريه حظي على الدنيا كبير ::: وان عجزت اشريه والله ماينقص غلاه
مايجيبه كود رجالآ معه مالآ كثير ::: والفقير الي سواتي يبطي ماشراه
وجزاكم الله خير .
الله يلعن الفقر والحظ الفقير ::: يمنع الرجال عن شف باله بالحياه
راكب الي لا مشا جا لشكمانه صفير ::: كل مازود له النار سواقه عطاه
لانهمته فز كنه عن القاع بيطير ::: حين يونس دعست الرجل جاب الي وراه
من وكالة جيب وخصآ الشاص الاخير ::: لعنبو الي صممه كيف سوا هالسواه
وامرآ بطنه رفيعآ عن الخط الغزير ::: ومقدم الكرتير مادق في راس الحصاه
زودو فيه التوانك وفي حوضه اسبير ::: لااعترض لاكن في مقدم الصندوق شاه
والغماره وسعوها وماطوره كبير ::: هازعآ قدام كنه بيسجد للصلاه
مفرعه مفرع هنوفآ على جال الغدير ::: شالت البرقع وقامت تذوق طعم ماه
وان عطاله خبتآ بين عرقينآ عصير::: ماتحقق موخره من غباره ليا اقتفاه
وان وقف بين المواتر لياهو مثل الامير ::: والبقيه كلبوهم عياله واخوياه
ان قدرت اشريه حظي على الدنيا كبير ::: وان عجزت اشريه والله ماينقص غلاه
مايجيبه كود رجالآ معه مالآ كثير ::: والفقير الي سواتي يبطي ماشراه
وجزاكم الله خير .